PDA

View Full Version : Uyghur dawasining harmas pidakari süzüki akira xanim allaning rehmitige érishti



Oqurmen
17-07-13, 18:33
Uyghur dawasining harmas pidakari süzüki akira xanim allaning rehmitige érishti

Ixtiyariy muxbirimiz haji qutluq qadiri

2013-07-17

Yaponiye uyghur jemiyitining bildürüshiche, uyghur dawasining harmas pidakar ezasi yaponiyelik musulman ayal merhume süzüki akira xanim 6-Ayning 28-Küni malayshiyaning paytexti kualalumpurdiki öyide wapat bolghan.

Ziyaritimizni qobul qilghan merhumening yoldishi rudiy suwardi ependi, repiqisining wapati heqqide toxtilip mundaq dédi:
-Xanimim süzüki akira kéchide uxlawétip, tuyuqsiz qizitmisi örlep kétip, wapat boldi. Süzüki akiraning ölümi gumanliq we tuyuqsiz bolghanliqi sewebidin jesiti doxturxanida tekshürülüp, kéyin bizge qayturulup bérildi. Emma, rudiy suwardi ependining bizge bildürüshiche, süzüki akira xanimning ölüm sewebining tekshürüsh netijisi ta hazirghiche ailisige ashkarilanmighan. Merhume süzüki akira xanimning jinaza namizi islam dinining qaide-Yosunliri boyiche kualalumpurdiki meschitte oqulup, méyiti shu yerdiki musulmanlar qebristanliqigha depne qilinghan.

Süzüki akira xanim 1977-Yili yaponiyede tughulghan, aliy mektepni yaponiyede tamamlighan. Kéyin awstraliyediki tasmaniye uniwérsitétida oqup kandidat doktor bolghan. U,yaponiye uyghur jemiyitining pidakar ezaliridin biri bolup, 2012-Yili tokyoda échilghan dunya uyghur qurultiyining 4-Nöwetlik qurultiyida yapon tilidiki barliq matériyallarni ingliz tiligha terjime qilish we shundaqla yapon tilida yazma matériyallarni teyyarlash xizmitige mesul bolghan. Qurultay échilishtin bashlap ta axirighiche hardim-Taldim démestin kéchini kündüzge ulap xalisane xizmet qilghan.

Süzüki akira xanim tokyodiki xitay elchixanisining aldida ötküzülgen xitaygha qarshi türlük namayishlargha köp qétim aktip ishtirak qilghan.

Süzüki akira xanim 2004-Yili malayshiyagha sayahetke bérip, shu yerde rudiy isimlik malayshiyaliq bir musulman yigit bilen tonushqan. 2011-Yili 5-Ayning 4-Küni kualalumpurda rudiy ependi bilen toy murasimi ötküzgen. Toy küni islam dinini qobul qilip,iman éytqan.

Süzüki akira xanim kualalumpurdiki chaghliridimu shu yerdiki islam uniwérsitétida ilim-Tehsil qiliwatqan uyghur oqughuchilargha qolidin kélishiche yardemde bolghan. U,malayshiyadiki uyghurlargha ait bezi mesililer üstide dunya uyghur qurultiyining bash katipi nurmuhemmet musabayuf bilen tor arqiliq pikirleshken.

Ziyaritimizni qobul qilghan dunya uyghur qurultiyining bash katipi nurmuhemmet musabayof bu heqte toxtilip ötti.

Merhumening waqitsiz wapati yaponiye uyghur jemiyitidiki uning sepdashlirini, yaponiyediki uyghur mesilisini qollighuchilarni qattiq qayghugha saldi.

Süzüki akiraning ish-Izliri toghrisida toxtalghan dunya uyghur qurultiyining muawin reisi ilham mexmut merhumening wapatigha özining tolimu qayghurghanliqini bildürüp ötti.

Yaponiyediki uyghur dawasi özining harmas pidakar ezaliridin biri bolghan süzüki akira xanimdin menggüge ayrildi.

Awaz ulinishidin tepsilatini anglang.

Unregistered
17-07-13, 22:01
Malaysiya ibaret bu hain dolat yekinki yillarda kopligan uygurlarni hitay dolitige otkuzup bargen idi mana amdi yaponiyilik hanimge zaherlik kolini uzutuptu...lanet bolsun sanga hey hitay maliyi Malaysia......

Unregistered
18-07-13, 05:15
Merhumening yatqan yeri jennet bolghay!