PDA

View Full Version : Qunduz yüsüp tokyodiki xitay elchixanisigha yötkeldi



Talip
12-07-13, 03:30
Ixtiyariy muxbirimiz haji qutluq qadiri
2013-07-11

Qunduz yüsüp tokyodiki xitay elchixanisigha yötkeldi

Xitayning yaponiyidiki muawin konsuli qunduz yüsüp.


Mushu ayning 9-Küni tokyodiki melum bir yighilishta yaponiyelik bir erbab 6-Ayning 30-Künidin bashlap, osakadiki xitay konsulxanisining muawin konsuli qunduz yüsüpning tokyodiki xitay elchixanisigha xizmetke chüshkenlikini delillidi.

Emma xitayning tokyodiki elchixanisi we osakadiki konsulxanisi bu heqte ta hazirghiche yaponiye jemiyitige ochuq-Ashkara uchur élan qilmidi.

Yaponiyelik hemmidin xewerdar bu erbabning qunduz yüsüp toghrisida bergen doklatida 2010-Yilidin bashlap xitayning osakadiki konsulxanisigha muawin konsulluqqa teyinlengen qunduzning yaponiye we xitayda élip barghan bir qisim mexpiy heriketliri toghrisida melumat bérildi.

Doklatta qunduz yüsüpning aile kélip chiqishi saqchi ailisi ikenliki, esli aptonom rayonluq tashqi ishlar ishxanisi shyanggang-Awmén ishxanisining muawin bölüm bashliqliq wezipisini ötigenliki, kéyin aptonom rayonluq muhajirlar birleshmisining muawin reislikige teyinlengenlikimu qeyt qilindi.

Doklatta yene, qunduz yüsüpning kompartiye ezasi, aptonom rayonluq siyasiy kéngeshning daimiy heyet ezasi ikenlikimu tilgha élindi.

Doklatta, qunduz yüsüp osakada üch yilliq xizmet qilish jeryanida xitaygha üch qétim qaytqan. 2013-Yili 1-Ayda ürümchide échilghan aptonom rayonluq siyasiy kéngeshning yighinida yaponiyening her qaysi saheliride xizmet qiliwatqan uyghurlarni qandaq usul bilen wetenge qayturup kétish layihisi toghrisida teklip sunghan déyildi.

Hemmidin xewerdar bu erbab doklatida, qunduz yüsüpning osakadiki xitay konsulxanisida xizmet qilish jeryanida kansay rayonidiki üch mingdin oshuq uyghurning birlikini buzuwetkenlikini, uyghurlarni daim xitay konsulxanisigha yighip, shekilde köngül échish paaliyiti élip barghandek körünsimu, emeliyette xitayning siyasitini teshwiq qilish arqiliq yaponiyediki uyghurlarni qorqutush, xitayning uyghurlargha qaratqan basturush siyasetlirini heywe qilishtin ibaret xizmetlerni ishligenlikini bildürüldi.

Doklatta, qunduz yüsüp osaka rayondiki aliy mekteplerde xitayning uyghur élide yürgüzüwatqan türlük siyasetlirini teshwiq qilip, yaponiye tupraqlirida janliniwatqan uyghur dawasini peqetla bir qisim uyghurlarning élip bériwatqanliqini,emma köp sandiki uyghurlarning yenila xitay hakimiyitini söyidighanliqini janliq teshwiq qildi,-Dep tekitlendi.

Uyghur mesilisige köngül bölüwatqan we shundaqla qunduz yüsüpning yaponiyediki barliq ish-Heriketlirini yéqindin közitiwatqan bu erbab doklatida, qunduz yüsüpning yaponiyediki herikiti peqetla uyghur dawasini diplomatik usullar arqiliq tosush we weyran qilish dédi.

U,sözide: qunduz yüsüp yaponiye tewesidiki xitayning milletchi ziyaliyliri bilen birliship, uyghur tarixigha, medeniyitige, uyghurlarning siyasiy hayatigha baghlinishliq bolghan maqalilerni, kitablarni neshr qildurup, yaponiye jemiyitide uyghur tarixini astin-Üstün qiliwetmekchi boluwatidu,‏- Dédi.

Doklatta qunduzning, 6-Ayning 18-Künidin 7-Ayning 1-Künigiche bolghan ariliqta uyghurlarning sürgündiki rehbiri rabiye qadir xanim bashchiliqidiki dunya uyghur qurultiyining wekillirining yaponiyening besh chong shehiride élip barghan paaliyitige tosqunluq qilish üchün, bu besh chong sheherge özi biwasite qatnap bérip, shu yerdiki uyghurlarni, xitay-Yapon dostluq jemiyitining ezalirini rabiye qadir xanimning doklat bérish paaliyitige qatnashmasliqini dewet qilghanliqi otturigha qoyuldi.

Doklatta qunduz yüsüpning, osaka tewesidiki yaponiye wetendashliqidiki uyghurlar we oquwatqan uyghur oqughuchilarning ehwalini toluq igilesh üchün bu yerdiki uyghurlardin yéqin dost tutup, shular arqiliq uchur toplighanliqi bildürüldi.

Doklatta bu erbab, qunduz yüsüpning osakadiki, tokyodiki we bashqa sheherlerdiki uninggha hemkarlishiwatqan bir qisim uyghurlarning isim-Familisi, xizmet orni toghrisida toxtilish bilen birge, ularning bir qisim süretlirini körsetti shundaqla qunduz yüsüpning tosattinla osakadiki xitay konsulxanisidin tokyodiki xitay elchixanisigha yötkilishi tolimu gumanliq ikenlikini bildürdi. U sözide, xitayning diplomatiye siyasitide her qandaq diplomat bir dölette üch yil xizmet qilghandin kéyin u tebiiy halda öz dölitige qaytidighanliqini tekitlidi. Bu erbab yene: «qunduz yüsüpning tokyogha yötkilishi,belkim xitay hökümitining yaponiyede kündin-Künge qollashqa érishiwatqan uyghur dawasigha bolghan ensirishidin bolsa kérek» dédi.

Hemmidin xewerdar bu erbab sözide: «qunduz yüsüpning tokyodiki xitay elchixanisigha kélishi,bu yaxshiliqtin dérek bermeydu. Qunduz tokyodiki özining yaponiye puqraliqidiki qérindashliri we ularning dostliri arqiliq tokyoda uyghur dawasi toghrisidiki birinchi qolluq melumatlargha érishishni oylawatsa kérek» dédi.

Doklat axirida bu erbab sözini axirlashturup:«qunduz yüsüpning, tokyodiki xitay elchixanisining ichide turup, elchixanining aldida 5-Iyul ürümchi qirghinchiliqining töt yilliqi munasiwiti bilen ötküzülgen namayishta özining ana wetini sherqiy türkistanning ay yultuzluq bayriqini körüp, elchixanining aldida yangrighan sherqiy türkistan dölet marshini anglap, öz wijdanining sadasidin özini tingshap, musulmanlarning ulugh ramzan éyida xuda könglige insap bérip, xitaygha xiyanet qilidighan, wetini söyidighan uyghurgha özgirishini xudadin tileymen» dédi.

Biz yighin axirida bu erbabni ziyaret qilmaqchi bolghan bolsaqmu, u, özining bixeterlikini közde tutup ziyaritimizni ret qildi. Emma uning yardemchiliridin biri bolghan öz nam sheripini ashkarilashni xalimaydighan bir ependi söz qilip mundaq dédi:
-Bügünki doklatta déyiliwatqan mesililer qunduz yüsüpning yaponiyediki bir qisim uyghurlar bilen hemkarliship élip bériwatqan sirliq heriketlirining peqetla bir qismi.

Awaz ulinishidin tepsilatini anglang.

Unregistered
12-07-13, 07:04
bundaq weten, millitini setip jan beqiwatqan ,ochuq-we yoshurun munapiqlar her yerde ,bar. bulargha uyghurlarning küchi yetmise, Ulugh ALLA ning küchi yetidu. we yaki özliri turushluq döwletlerning hökümet organliri beribir mushundaq ashkarlap yoq qiliwetidu.
bundaq munapiqlarni esli Dengizgha tashliwetip yoq qiliwetish kerek.

Unregistered
12-07-13, 12:15
Haji qutluq qadiri yaponiyening tokyodiki xitay elchixanisigha koruldimu?

Unregistered
13-07-13, 08:49
weten ,millet xainliri künde tughuwatamdu nime bu xainlar hejep eskiliship ketishwatidu

Unregistered
15-07-13, 05:42
Yaponiyediki wijdanliq weten ,milletni soyidighan, tomurida uyghurning qeni eqiwatqan ghororluq uyghurlar , etrapinglardiki weten xainlirini , yetim qaldurup, ulardin uzaq turunglar.
bundaq weten xainliri , hamini bir kun jazasini yeydu!

Dadixan
16-07-13, 01:15
Qunduzning tokyoda elip beriwatqan ish herketlridin yengi uchurlar bolsa yene anglatqaysizler.Bizdek oqughuchialrgha paydiliq.Her bir sihta diqqet qilishimizgha.

Unregistered
16-07-13, 23:34
TOWA bizning bezi uyghurlirimiz da nimishke vijdan yoqtur?
Xittaylar bizni közimizge körsitip ,depsende qilip, pütün yer bayliqlirimizni tartiwalsa, yashlirimizni öltürwatsa...................shunche ishlarni öz közimiz bilen, körüp turupmu yene nime üchün ,azghine pulllllllllllll we menpeetni dep uyghur öz millitimizni , shu mangqa xittaylargha setip , jan baqidighandimiz.
uyghurlar rasla bu kapirlarning qulimu?
yaki öz-millitimizni , özimiz setip.............qul qliwatamduq?
VIJDANI bar uyghurlar din sual?

Almuxan
17-07-13, 03:27
Qunduz tokyogha keldi.Emdi osakada oynalghan chay oynash emdi tokyoda oynilidu.Her-halda Allah konglinglerge insap bersun.Qunduzning keyinige kerip ketmenglar.Ishlarning soriqi bar.