PDA

View Full Version : Rabiye qadir xanim tokyoda «5 - Iyul weqesi»ning töt yilliqi munasiwiti bilen axbarat



Xewer
21-06-13, 18:02
Rabiye qadir xanim tokyoda «5 - Iyul weqesi»ning töt yilliqi munasiwiti bilen axbarat élan qildi
Ixtiyariy muxbirimiz qutluq
2013-06-20

Rabiye qadir xanim «5 - Iyul weqesi»ning töt yilliqi munasiwiti bilen tokyoda

RFA/Qutluq 6 - Ayning 20 - Küni tokyodiki chetellik muxbirlar kulubida uyghur milliy herikitining rehbiri rabiye qadir xanim 5 - Iyul weqesining töt yilliqi munasiwiti bilen yaponiye we chetel axbarat sahesidiki elliktin oshuq gézit - Zhurnal, radio - Téléwiziye istansisi qatarliq axbarat orunlirining yaponiyide turushluq muxbirlirigha axbarat élan qildi.

Rabiye qadir xanim sözide xitayning hökümitining ta hazirghiche 5 - Iyul weqesidiki ghayip bolghan, weqede öltürülgen we türmige solanghan uyghurlar toghrisida xelqara jemiyetke héchqandaq éniq melumat bermigenlikini eskertip ötti. Rabiye qadir xanim xelqara jemiyettin, insanperwer teshkilatlardin, adaletperwer insanlardin xitay hökümitige bésim qilip,5 - Iyul weqesi toghrisida xitay hökümitining xelqara jemiyetke bu heqte jawab bérishke ündishini, türmidiki gunahsiz mehbuslargha adalet telep qilishini ötündi.

Rabiye qadir xanim shi jinping bashchiliqidiki xitay yéngi hakimiyitining uyghurlargha qaratqan assimilyatsiye siyasitining téximu kücheygenliki toghrisida toxtaldi.

Rabiye qadir xanim axbarat élan qilish yighinida yéqindin buyan uyghur élide yüz bergen«maralbéshi weqesi» qatarliq weqeler üstide toxtaldi.

Axbarat élan qilish yighinigha xitayning «shinxua agéntliqi»,«| xelq géziti» , «yajou jouken» qatarliq metbuat orunliri undin bashqa shyanggangdiki «sumurugh téléwiziye istansisi» qatnashti. Cheteldiki xitay tilidiki axbarat sahesidin «amérika awazi»,«erkin asiya radiosi» qatarliq radio istansilirining muxbirliri qatnashti. Ereb yérim arilidiki «aljezire téléwiziye istansisi» rabiye qadir xanimni mexsus ziyaret qildi. Axbarat élan qilish yighinida hemmidin köprek «nyuyork taymés» gézitining muxbirliri soal soridi.

Bu qétimqi rabiye qadir xanimning axbarat élan qilish yighinigha dunya uyghur qurultiyining muawin reisliridin séyit tümtürk, ilham mexmut dunya uyghur qurultiyi tetqiqat merkizining muawin reisi doktor turmuhemmet qatarliqlar qatnashti.

Axbarat élan qilish yighini saet on ikkidin ikki yérimgha yéqin dawamlashti.

Ziyaritimizni qobul qilghan rabiye qadir xanim bu heqte toxtilip ötti.

Dunya uyghur qurultiyining muawin reisi séyit tümtürk ependi bügünki axbarat élan qilish yighini toghrisida özining qarashlirini bildürüp ötti.

Awaz ulinishidin tepsilatini anglang.