PDA

View Full Version : Rabiye xanim Yaponiyening 5 shehride doklat berish paaliyitini bashlidi



Unregistered
20-06-13, 04:25
http://www.rfa.org/uyghur/xewerler/siyaset/rabiye-tokyo-06182013152621.html

Unregistered
20-06-13, 10:54
Njnkdjdddcccfrrdoopwqscgnmkkouffdxcbdsalldkchjjhgf fvbnjjb bb

Unregistered
20-06-13, 17:16
http://www.rfa.org/uyghur/xewerler/siyaset/rabiye-tokyo-06182013152621.html


http://www.rfa.org/uyghur/xewerler/siyaset/rabiye-tokyo-06182013152621.html

- Bizningmu shunchilik meshhur kishimiz boldi. helimu yaxshi shu xudayim beshimizni silap, mushu xanimni yetküzüp qoyuptiken. bolmighan bolsa, qaysi xitaylarning arqisidin yilinip yalwirip yürettuqki.
Bizning Germaniyege kelse tasla qalimiz " musht ketti" qiliwetkili...... towa deymen. awu bir yili kelgende Bawariye ölkisining bashliqi Horst Seehofer ependi Opposition Partiyening bashliqliridin biri bolghan Margeritta Bause xanim arqiliq özining salamini yeküzushni ötüngen iken:
" Insan heqliri qehrimani, Tenchliq Nobel mukapatining küchlük kandidati, shundaqla Uyghur xelqining lideri Rabiye qadir xanim yurtimizgha qedem teshrip qilghanliqidin sherep hes qilmaqtimiz. epsus, bügün shehrimizde chaqiriliwatqan Nato döletlirining xelqaraliq bexeterlik yighinigha sahipxanliq qilish mejburiyitim seweplik bu shereplik xanimni qarshi alalmidim. lekin shuningdin intayin memnunmenki, bügünkidek Dunya bexeterliki üchün xelqaraliq yighin chaqiriliwatqan muhim peytte Tenchliq elchisi bolghan Rabiye xanimning yurtimizgha kelishi bek ehmiyetlik, biz üchün sherepliktur. Rabiye qadir xanim her yili mushu künde yurtimizgha qedem teshrip qilishini, tenchliqni emelge ashurush üchün yurtimizda chaqirilidighan yilliq yighinimizgha meniwi jehettin qimmet beghishlishini ümüt qilimen: Bawariye Minister- Prezidenti Horst Seehofer"
yoqurqi salamni Mikrofon arqiliq köpchilikke oqup anglitiwatqan Margeritta Bause xanim gerche özi hökümetke muxalipetchi Partiyedin bolsimu lekin, hayajandin özini tutalmay Rabiye xanimni mehkem quchaqlap köz yeshini meydandiki xelq ammisidin yoshurdi. bu namayish meydani idi. ötken - kechken Germanlar yoqurqi nutuqni anglighandin keyin Rabiye xanim bilen bes beste xatire söretke chüshken idi.
towa. bizningmu shunchilik qedirdan kishimiz bolidiken he! ashu xanim bolmisa qandaqmu qilattuq. burun bizning dangliq kishimiz yoq chaghda xitay bolsimu, qalmaq bolsimu sel dangqi bar kishiler kelse tasla qalattuq ayiqigha söyüp qoyghili.
eslide qaide shundaq bolsa kerek. Obama Germaniyege kelishning aldi keynide bir heptidin artuq dawringi boldi. Amerika ishliri tetqiqatchiliri, Amerika Demokratlar partiyesi tetqiqatchiliri aldin ala ajayip tehlillerni yürgüzgen idi: (Berlindiki) "Brandenburger tor" meydanida Obamaning tunja sözi-( Ich bin auch ein Berliner) Menmu bir Berlinliq- dep bashlinidu. chünki Kennedy, Clintonlarmu Dölet ziyariti bilen Germaniyege kelgenliride tunja sözini- Menmu bir Berlinliq-dep bashlighan.Obama Kennedyning yolidin mangghan iz basar.... umu ashu jümlidin bashlaydu.... degendek gepler bilen aghizlirini tatliq qiliship ketishken. biraq Obama bir eghizmu Germanche sözlimey, adettikidek yomurmu sözlimey, meslehetchiliri teyyarlap bergen nutuqni sözlep ishni püttürgen boldi. chünki Obamaning Germaniyedin kütidighini del Germaniyening qolidin kelmeydighan nerse idi.
aldinqi hepte Obama süriyediki isyanchilarni qoral bilen teminlesh, isyanchilargha toluq yardem qilish tekliwini otturgha qoyghanda, putin sekrep meydangha chiqip: eger Amerika Süriyediki Isyanchilargha urush esliheliri yardem qilsa, Rusiye Asad hökümitini qoral bilen teminleydu -dep tehdit salghan. Germaniyemu otturda turiwelip, isyanchilargha peqet yimek,ichmek, dora-dermek we kepenlik bilen yardem qilimiz-dedi. Eger Germaniye Oabamaning tekliwige qoshulsa, bu ochuqtin ochuq Rusiyeni chetke qaqti degenlik. Bu halda Putin qapaqni türidighanla bolsa, shu künning etisidin bashlap Germaniyediki par qazanliri ishtin toxtaydu. Öylerde qazan qaynimaydu. Bir hepte ichidila Germaniyemu isyanchilarning uwisigha aylinip qalidu. Eslide Obama süriye mesiliside Germaniyeni Rusiyege elchi bolushqa köndürüshni köngülge pükkendur. Lekin ochuq meydanda bu heqte tinmidi. Bu temida Belki ayrim sözlisher. Lekin Germaniyening qolidin bu qetimqi arichiliq kelmeydighanliqigha obama jezim qilalaydu. Bügünki Facebook, Twitter dewride xelqning gheziwini qozghap qoyushtin ihtiyat qilish kerek.
Qandaqla bolmisun Obamaning Germaniyelik ittipaqdashliridin kütidighan chong bir nerse yoq. shunga „ Menmu bir Berlinliq“-dep Germanlarni xosh qilishning artuqche ehmiyiti yoq.
Emma Obama German tehlilchilirining kütken yeridin chiqmighan bolsimu, Germanlarni xosh qilidighan birer yomur sözlimigen bolsimu, yenila : Obama bizning yüzimizni yorutti, u Farijgha, Brüsselge, Londongha Ziyaretke barmay, etey Berlingha kelgenlikining özila bizning sheripimizni yoquri kötergenlik, u Germaniyege kelip 28 saet ziyarette boldi. Bashqa döletlerge barsa, 70 minut, 3.5 saet turupla ketetti, hemde barliq aile ezaliri bilen köchüpla keldi....- deyiship, beshi kökke taqashqandek bolushti. Buning heyran qalghidek yeri yoq. Töwenderek ketiwatqanlar sel yoquridiki kishilerge shundaq tamchip qaraydu. Bu insani adet bolsa kerek. Bundaq ishlar bizning beshimizdin köp ötetti.
Rabiye xanimdin burunqi chaghlirimizda Derneklirimizge samsaq yep, sesiq osurup yürgen xitaylardin birersi kelip qalidighan bolsa“ way, bizni nezerge elip dernikimizge demokratik zat keldi“ deydighan, kelip ketkenliride aylap arqisidin teriplep hozurlinidighan adet bizdimu bar idi. Xitayghu beri bir-degen gepler birlirining aghizidin chiqip ketse, dernekchilirimizning huyi tutup qelishatti. Yalghanmu ya!
Demokratik zat wei ependi dernikimizge qedem teshrip qilsa, siz xapa boldingizma? Yaki sizde kommunizimning tesiri texi yoqalmidima?-dep, tene qilishatti. Biz deyttuq: bular chong xitaychiliq üchün gheripke qachuriwetilgen gheyri resmi diplumatik xadimlardur, qara xitay, qizil xitay hemmisi bir xitay-dep zukumliship. Yalghanmuya?
Eytqanlirim texi sel yumshaqraq. Toluqraq degili tursam aran normallashqan bu bazar yene haqaretke tolup tashidu.
Amerika Prezidentliri Germaniyege kelse, Germanlarning : xosh keldingiz Prezident! Siz bizni shereplendürdingiz-deyishi, pexirlinishi, hörmetlep kökke kötürüshliri tamamen heqliq we hem mejburiyettur. Chünki Amerika Germaniyeni qutquzup qalghan. Yene qoghdap keliwatidu. Hazirghiche Germaniyeni hem qoghdap, hem beshidin besip turiwatqan Amerikining besh chong herbi bazisi derhal hujumgha ötüsh halitide Germaniyede turmaqta. Shunga bular Amerkiliq Prezidentlargha shundaq hörmet bildüridu. Emma bizning dernekchilirimiz shu chaghlarda xitaylargha nemishke u qeder munghuyup ketishken bolghiyti? Yaki ularning qelbige orunlashturiwetken herbi bazilar bolghimiti? Chünki deymen: ashular birer xitay demukratchilirigha aliyip qarap baqmidi. Birer xitay demukratchilirining arqisidin gheywet qilip beqishmidi. Emma Aq saraygha sherep keltüriwatqan, Brüsselge qedem teshrip qiliwatqan, Bawariye prezidentining yüksek hörmetlishige sazawer bolghan, yaponiyede her bir yaponluqning qelbide qehrimanliq obrazini tikligen ashu ayalgha demigini qalmidi.
U 1948- yili 7-ayning 15- küni tughuluptiken. Hazir qaq 65 yashta. „ yashanghan ayal, qeri momay, bek qerip ketkenkin, newrisini beqip öyide oltursa neme bolatti...“ mish.

Obamaning Berlin ziyaritidin anche chong bir netije chiqmaydighanliqini aldin perez qilip, German jornalistlirigha köz qarashlirini bayan qilghan Israiliyening dölet pirezidenti Shimon peres – yene 6 heptidin keyin 2 –Aughust 90 yashqa kirimen- degen idi gep arilap, german jornalistliri ihtiyatsizliqtin külüshti. – shundaq, tench bir ottur sherq üchün men yene bir mezgil bolishim, mening küchlük hökümranliqim bolishi kerek-dep izahatlidi. Israiliyede uningdin bashqisi yoqmiti? – chünki u Israiliyening düshmenliri bolghan qoshnilirining astigha kömülgen bombilarning pilikini yaxshi biletti. Shunga 90 yashqa kiriwatqan bolsimu uni eqilliq yehudilar chetke qaqmidi. Ular moda qoghlashmidi. Chünki ularni özliridin bashqa hechqandaq bir küch, hech qandaq bir kimler yitilep ketmeydu. Ular yitilekke mangmaydu. Shimonning Facebook, Twitter toghurluq sözligenlirige heyran qalmisingiz bolmaydu. U yehudilargha düshmensiz bir ottur sherqni wede qilghan iken.
Oylinip qalimen bezide: Mustemlikide qalghan xelq öz rehberlirige qarighanda özini besiwalghan mustemlikichilerning rehberlirini bek chong, hörmetlik bilse kerek. Germaniyemu 1992-yilghiche yerimi rusiyening , yerimi Amerikining mustemlikiside idi. Keyinki 20 yilgha yeqin waqittin beri Amerikiningla yerim mustemlikisi astida turiwatidu. Mundaqche eytqanda biz xitayning toluq mustemlikisige chüshüp qelishtin 5 yil awal Germanlar amerikining mustemlikisige chüshüp qalghan idi. Mustemlikchilik Milletning rohini bulghaydighan, hetta rohni öltüridighan epyun bolsa kerek. Germanlarmu özining yaramliq rehberlirini toxtimay kolap yiqitidu. Lekin özlirini mustemlikining boyunturuqidin chiqarmay tutup keliwatqan Amerkia rehberlirini körse ajayip nazlinip ketidu. Bu qiliqliri bizning ademlirimizning mijezige oxshap ketidiken. Heyyy, bumu bir xorluq........