PDA

View Full Version : Jenwediki Xelqaraliq yighin heqqide omomi uchur ( 5 )



Qurultay uchuri
15-03-13, 09:59
Jenwediki Xelqaraliq yighin heqqide omomi uchur ( 5 )

DUQ, Wakaletsiz milletler teshkilati, Amerika demokratiyeni ilgiri sürüsh fonda jemiyiti we Dunya xeter astidiki milletlerni qoghdash teshkilati teripidin birlikte uyushturulghan < Xitayning yengi rehberliki, Sherqiy türkistan, Tibet we Jenobi monggholiyede kishilik hoqoq, demokrasiye we erkinlikke qaritiliwatqan xirislar > digen temidiki xelqaraliq ilmiy muhakime yighini bügün ( 3 – ayning 13 – küni ) chüshtin keyin özining barliq küntertiplirini toluq orundap muwapiqiyetlik ayaqlashti.

Yighingha 21 döwlettin jemi 100 wekil qatnashti we 41 parche yazma doklat oqup ötüldi.

Yighinning yepilish muramigha, Dunya xeter astidiki milleterni qoghdash teshkilati asiya bölümining mudiri Ulrich Delius ependim riyasetchilik qildi.

Bu qetimqi yighinning echilish murasimimu milliy rehbirmiz Rabiye xanimning nutqi bilen bashlanghan idi, yepilish nutqinimu yene Rabiye xanim berdi.

Rabiye xanim yepilish nutqida qisqiche mundaq dep körsetti :

< 3 kündin buyan teqdirimiz bir – birimizningkige oxshap keidighan milletler ortaq meqset we ghaye üchün buyerge toplunup, Kommunist Xitayning zulmi astida eziliwatqan Xelqlirimizning azabini yenggillitish üchün chare – tedbir izdiduq we özara hemkarliqni kücheytish jehettimu ortaq piker hasil qilduq, ortaq nuxtimizning nahayiti köp ikenlikinimu hes qilduq. Hemmimizning küresh nishani oxshash, Xelqlirimiz Xitayning zulmi astida hayat – mamatliq xewipige duch keliwatidu, biz 3 künlük zara söhbet arqiliq, Xitay hakimiyitining peqetla bizningla düshminimiz emes, belki pütün erkin dunyaning ortaq düshmini ikenlikini hes qilduq, shunga biz 4 terep bir – birimizge semim bolup, emiliy we ünümlük chare – tedbirlerni tüzüp chiqip, Xelqimizning ümitlendüridighan emiliy qedemlerni besishimiz lazim.

Biz bu 4 terepning hemkarrliqini üzlüksiz dawamlashtrushimiz we zoraytishimiz lazim. Bizning herikitimiz, Dunya tenichliqi üchünla emes, belki Xitaynng tezirek demokratielishishi üchünmu paydiliq.

Rabiye xanim yene, Dunyaning herqaysi jayliridin atayiten waqtini chiqirip kelgen we yighinda qimmetlik teklip – pikirlirini Bergen chetellik dostlargha, Xitay demokratlirigha, Tibetlik we mongghol dostargha, shundaq yene yighinning muwapiqiyetlik chairilishigha mohim hesse qoshqan Shiwitsariye Uyghur jemiyitidiki Endil we Tursun bashchiliqidiki qerinashlirimizgha alahide minnetdarliqini bildürdi.

Rabiye xanimdin keyin, Wakaletsiz milletler teshkilatining reyisi Ngawang Cheophel ependi söz qilip, hazirghaqeder Uyghur, Tibet we Mongghul xelqlirining hemkarliqining Wakaletsiz milletler teshkilati name astida elip beriliwatqanliqini, Uyghur we Tibetliklerning bolsa bu teshkilatning asasliq qurghuchiliri ikenlikini, shunung üchünmu Wakaletsiz milletler teshkilatining bügünge qeder barliq paaliyetliride Uyghur we Tibet mesilisini asasi küntertip qilip kelgenlikini, emma, bügün 4 terepning mexsus hemkarliq sestimisi qurush meqsidide buyerge jem bolghanliqining, bundin keyin 4 terepning dawasini yenimu küchlendürüsh rolini oynaydighanliqini bildürdi.

Arqidin yighin teyyarliq komutetining mudiri Dolqun Eysa ependim söz qilip, bu qetimqi yighinning muwapiqiyetlik chaqirilishigha küch chiqarghan barliq dostlargha minnetdarliqini bildürdi.

Axirida milliy rehbirimiz Rabiye xanim teripidin bu qetimqi yighinning muwapiqiyetlik chaqirilishigha hesse qoshqan xadimlar we dostlargha ayrim – ayrim halda DUQ namidin xatire buyumi tarqitip berdi.

Yighinning eng axirida, 4 terep wekilliri teripidin ortaq hazirlanghan dekliratsiye elan qilindi.

Dekliratsiyede, 4 terep xelqlirining dunya jamaetchilikidin kütidighan, erkin dunya elliridin kütidighan ümit we telepliri, shundaqla bundin keyin 4 terep hemkarliqini yolgha qoyushning qisqiche yol xeritisi, 4 terep hemkarliq komutitining meqsidi … qatarliq mezmonlar orun alghan.

DUQ xewer merkizi

Unregistered
16-03-13, 04:11
http://www.uyghurcongress.org/uy/?uls=ul