PDA

View Full Version : Mixayél: «béyjingda uyghur wekiller körpide, tijaretchi, erzdar uyghurlar türmide»



belen
05-03-13, 23:47
Mixayél: «béyjingda uyghur wekiller körpide, tijaretchi, erzdar uyghurlar türmide»
Ixtiyariy muxbirimiz haji qutluq qadiri
2013-03-05

Xitayning siyasiy kéngesh memliketlik 12-Nöwetlik yighinidiki emeldarlar. Soldin xu jintaw, shi jinping, wen jyabaw, li kechang(ikkinchi rette). 2013-Yili 5-Mart, béyjing.
EyePress «Béyjingda uyghur wekiller körpide, tijaretchi, erzdar uyghurlar türmide» mawzuluq maqalisi béyjingdiki chetellik muxbirlar arisida xitayning diniy siyasitidiki aldamchiliqi üstide bes-Beste munazire qozghighan we mezkur torbéti shu küni derhal xitayning hujumgha uchrighan.

Mixayél isimlik bir muxbir özining yéqinda xitayning siyasiy kéngesh memliketlik 12-Nöwetlik komitétining axbarat élan qilish yighinida xitay bayanatchisi lyu shinxuaning siyasiy kéngeshning musulman wekillerge élip bérilghan orunlashturushi heqqidiki bayanatini anglighandin kéyin «béyjingda uyghur wekiller körpide, tijaretchi, erzdar uyghurlar türmide» mawzuluq maqalisini yawropadiki «chöllükler kulubi» tor bétide élan qilghandin kéyin béyjingdiki chetellik muxbirlar ichide xitayning diniy siyasitidiki aldamchiliqi üstide bes-Beste munazire qozghighan we mezkur torbéti shu küni derhal xitayning hujumgha uchrighan.

Mixayél maqaliside, siyasiy kéngesh memliketlik 12-Nöwetlik komitéti 1-Yighinining axbarat élan qilish yighini 3-Ayning 2-Küni chüshtin kéyin béyjingdiki xelq sariyida axbarat élan qilish yighini ötküzgenlikini, yighin bayanatchisi lyu shinxua yighinning kün tertipi we siyasiy kéngeshning xizmitige alaqidar mesililer üstide chetellik we xitay muxbirlirining soaligha jawab bergenlikini bayan qilghan. U yene, yighingha özining bir tutash tarqitip bergen muxbirliq kinishkisi bilen xelq sariyining sherqiy ishikidin köpligen xitay muxbirlirining arisidin aranla qisilip kirgenliki, xéli aldinqi qatardiki yaman emes orunda olturghanliqi toghrisida toxtilip, özining bu qétimqi ikki yighinda hemmidin bekrek köngül bölidighini shinjang, tibet wekiller ömikining pikir telepliri bilen merkezning bu qétimqi shinjang, tibet xizmitidiki doklati, buningdin kéyin merkezning shinjang bilen tibetke yürgüzidighan siyasiti qatarliq mesililer ikenlikini qeyt qilghan.

Mixayél maqaliside yighin meydanidiki bayanatchining sözini mundaq bayan qilghan:
‏- Axbarat élan qilish bashlandi. Yighin bayanatchisi lyu shinxua soal sorash waqtining köprekini xitay muxbirlargha, azraqla qismini chetellik muxbirlargha berdi. Nazuk mesililerge jawab bérishtin özini qachurush, söz oyuni qilishtek eneniwi xitay kompartiyisige xas uslubta axbarat élan qilish yighini ötküzdi. Axbarat élan qilish yighinida musulman wekillerning diniy étiqadi hörmet qilinghan asasta, ularning yataq, tamaq mesililirining etrapliq orunlashturulghanliqini bayan qildi.

Bayanatchi lyu shinxua yighingha qatnishidighan musulman wekillerning béyjing dostluq méhmanxanisigha orunlashturulghanliqini, barliq musulman wekillerning yataqlirigha «béyjing rayonidiki musulmanlarning 3-Ayliq namaz waqti jedwili» we musulmanlarning muqeddes kitabi quran kerim qoyup qoyulghanliqini bildürdi. Bayanatchi lyu shinxua sözide mundaq dédi:
‏- Siyasiy meslihet kéngishi 12-Nöwetlik memliketlik komitéti 1-Omumiy yighini 3-Mart bashlinidu, musulman siyasiy kéngesh ezaliri her küni yighindin sirtqi waqitlarda besh waq namizini toluq oquydu. Namazdin burun musulmanlar diniy qaidisi boyiche pakiz yuyunup,taharet élip, namaz kiyimi kiyidu, qiblige yüzlinip, teid-Erkan bilen namazgha turidu hem quran oquydu. Méhmanxanining musulmanche réstoranida musulmanlarning aditi hörmet qilinghan asasta nan, kawap qatarliq musulmanche yémeklikler teyyarlandi.

Aptor maqalisini mundaq dawamlashturidu:
‏- Men bayanatchining sözini anglawétip, tasla qaldim külüp salghili, bundaq wez- Nesihetni xitay kompartiyisi alahide terbiyilep yétishtürgen xuyzu molla - Ölimalarmu qilalmaydu. Bu manga xuddi talibanlarning bayanatchisi molla ömerning eyni yillardiki afghanistanda élan qilghan bayanatlirini esletti.

Uzun yillar béyjingda yashighan yaponiyidiki uyghur ziyaliysi doktor turmuhemmet béyjingdiki xitaylarning uyghurlargha bolghan qarashliri we xitay hökümitining uyghur wekillerge bolghan pozitsiyisi heqqide öz qarashlirini otturigha qoydi.

Mixayél maqalisini mundaq axirlashturidu:
‏- Xitay kompartiyisi heqiqeten hiyle-Mikirge tolup ketken bir hakimiyet, xitay dölitining hazir sherqiy türkistandiki uyghur musulmanlargha yürgüzüwatqan siyasiti dunya tarixida körülüp baqmighan basturush siyasitidur. Sherqiy türkistanda uyghurlarning özliri salghan meschitlerge kirip erkin halda ibadet qilishi, roza tutushi, diniy paaliyetlerni élip bérishi we hetta quran oqushimu cheklinip, barliq islami heriketler térror hésabliniwatqan, uyghur musulmanliri üsti ochuq türmide yashawatqan sharaitta, xitay kompartiyisining uyghur musulman wekillerge bundaq muamile qilishi xelqara jemiyetning közini ochuq ‏- Ashkara boyashtin bashqa nerse bolmisa kérek. Bu yerde teshwiq qiliwatqan uyghur musulmanlar alahide orunlashturghan béyjing dostluq méhmanxanisi emeliyette éshek göshi kawipi bilen xitay rehbiri maw zédung yaxshi köridighan choshqa göshi kawipi yeni maw choshqa göshi kawipi bilen xitay ichide dangliq méhmanxanidur. Béyjinning xeyden rayonigha jaylashqan bu méhmanxanida memliketlik siyasiy kéngeshning yighinigha kelgen 37 neper shinjangliq shahlarche kütülgen bilen, yighin échilishtin burun béyjingda tijaret qiliwatqan uyghurlar alliqachan qullarche muamilige uchrap béyjingdin heydelgen we bir qisim erzdar uyghurlar, tijaretchiler buninggha naraziliq bildürüp, qarshiliq körsetkenliki üchün türmige qamalghan. Eger yighingha qatnishiwatqan bu xitay kompartiyisining éke musulman uyghur wekilliri yighindin kéyin béyjingda birer méhmanxanida qonmaqchi bolidiken, béyjingdiki méhmanxanilar uyghurlarni qondurush emes, méhmanxanining bosughisidin kirgüzmeydu. Xitayning xuyzu musulmanliri bilen uyghur musulmanlirigha tutqan diniy siyasiti mutleq perqliq, ular xuyzu musulmanlirini özliridin dep hésablaydu, emma uyghur musulmanlirini düshmen qatarida köridu.

Awaz ulinishidin tepsilatini anglighaysiz.

Unregistered
06-03-13, 02:37
hormetlik Haji Qutluq Qadiri ependi yuqurqi xewerning yan bayan qismida sozligende <musulman> digen ibarini <musurman> dep atighandek qilidu. Ilgirimu bu ehwal tekrarlanghan idi .Mushundaq atash toghrimu yaki birlikke kelgen en'ene boyiche <musulman> dep atash kirekmu?