PDA

View Full Version : Omer ependi:<<xitay elchixanisi uyghur yashisundep uusl oynighanalrni ziyapetke .....



Anglighuchi
02-03-13, 00:05
Ömer ependi :«xitay elchixanisi uyghur yashisun dep usul oynighanlarni ziyapetke chaqirmidi»
Ixtiyariy muxbirimiz haji qutluq qadiri
2013-03-01

Pakistan prézidénti bashchiliqidiki bir türküm hökümet emeldarliri xitay elchixanisida bahar bayrimini kütüwalmaqta
Photo: RFA Pakistandiki ömer uyghur wexpining uchurigha qarighanda, islamabadtiki xitay elchixansi bu yil elchixane tarixida misli körülmigen derijide köp méhman chaqirip bahar bayrimini kütüwélish ziyapiti ötküzgen. Pakistandiki bir qisim uyghurlarmu bu paaliyetke qatnashqan.

Pakistandiki xitay elchixanisining tor bétide bildürüshiche, bu qétimqi bahar bayrimini kütüwélish ziyapitige pakistan prézidénti bashchiliqidiki bir türküm hökümet emeldarliri qatnashqan. Undin bashqa uyghur muhajirlardin rizaxan bashchiliqida rawalpindi, islamabad, gilgit qatarliq sheherlerdin kelgen bir qisim uyghurlar ziyapetke ishtirak qilghan. Xitay elchixanisi teripidin uyghur élidiki naxsha - Usul ömikidiki uyghur naxshichi ghalipjan ghopur, usulchi qizlar, uyghur élidiki sérik ömikidin gheyret isimlik sérik mahiri teklip qilinip, bu ziyapette numur körsetken. Bash elchi xitay rizaxan bashchiliqidiki uyghur muhajirlarni alahide tilgha énip, ularning uyghur élining muqimliq weziyitige emiliy herikiti arqiliq köngül bölüwatqanliqigha medhiye oqughan we xitay kompartiyisining ularning wetenperwerlik idiyisini, rohini menggü jari qildurushigha tolup tashqan ishench bilen qaraydighanliqini bildürgen. Xitay elchixanisi rizaxan bashchiliqidiki uyghur muhajirlar birleshmisige yüz ming som xitay puli béridighanliqi toghrisida wede bergen.

Xitay elchixansining bahar bayrimini tebriklesh paaliyitige qatnishidighan uyghurlar «pakistan uyghur muhajirlar jemiyiti» teripidin siyasiy salahiyet jehettin qattiq tekshürülgen, bundaq bolushidiki seweb, bundin üch yil ilgiriki ötküzülgen bahar bayrimini kütüwélish ziyapitide bir qisim uyghurlar elchixane ichide usulgha chüshüp,«uyghurlar yashisun! rabiye qadir yashisun!» dégendek shuarlarni towlap usul oynighanliqi üchün, pakistandiki xitay elchixansi uyghur muhajirlar xizmitige mesu l qilghan rizaxan buningdin qattiq achchiqlanghan, shundin itibaren xitay elchixansining ziyapitige qatnishidighan uyghurlarni siyasiy jehettin qattiq tekshüreydighan bolghan. Pakistan rawalpindidiki ömer uyghur wexpining qurghuchisi ömer ependi bu heqte qisqiche toxtilip ötti.

Ilgiri xitay elchixansidiki ziyapetke qatnashqan, isimni ashkarilashni xalimighan bir uyghur qérindishimiz, özining eyni waqitta elchixane ichide milliy mesile heqqide sözligenliki we rabiye qadir xanimning paringini qilghanliqi üchün pakistandiki muhajirlar jemiyiti uni «bizning chishimizgha tegding» dep, shundin itibaren bundaq ziyapetke teklip qilmighan. Bu heqte bu qérindishimiz öz kechürmishini qisqiche bayan qildi.

Pakistandiki xitay elchixanisi teripidin qurulghan bashlanghuch mekteptin toluq otturighiche bolghan on yilliq maarip tüzümdiki mektepte ikki yüzge yéqin uyghur perzentlirining oquydighanliqini, mektep qurulushtin awwal uyghur tilidinmu ders ötülidighanliqi belgilengen bolsimu, emma mektepte peqetla orduche, énglizche tillarda ders ötülüp, bu yildin bashlap xitay tilida ders ötülülidighanliqi toghrisida xewerlerning barliqini, mektepke bérilgen kompyutér qatarliq oqutush buyumlirining hemmisi, mektepke bérilmestin rizaxanning mülkige aylanghanliqini inkas qilghan yuqiriqi ismini ashkarilashni xalimighan qérindishimiz özining anglighanlirini sözlep ötti.

Undin bashqa 2 - Ayning 26 - Küni rizaxanning teshkillishide ottuz neper uyghur islamabadtiki xitay elchixanisgha yéngidin teyinlengen bash elchini kütüwélish ziyapitigimu ishtrak qilghan. Bu heqte ömer uyghur wexpining mesuli ömer ependi qisiqiche uchur bérip ötti.