PDA

View Full Version : Ili Yoli



Turdi Ghoja
24-02-13, 20:49
Bu qisqa hikayini merhum Reshide apayning hatirsige beghishlaymen. Bu hikaye merhumning hayatidiki weqeler ilhamida yezilghan bolsimu dramalashturulghini uchun isimlirini tigishturdum. Rehmetlik heli yashanghan wahtida, yeni 47 yeshida 5 balisi bilen Amerikigha kelgen bolsimu uzining eqil-parasiti we tirishchanlighi bilen ballirining hemmini yaramliq, qabiliyetlik adem qilip yitishturup qatargha qatti, Amerika chushini emelge ashurdi. Eng muhimi, gerche ular kelgende Amerikida bashqa Uyghurlar yoq diyerlik bolsimu ballirining hemmisige Uyghurche orp-adet, mediniyet we tilni pishshiq ugitip ularning hemmisining chong bolghanda qiyin shara'itlardimu Uyghurlarni izdep tepip toy qilip behitlik Uyghur ayililerni qurishigha sewep bolghan. Reshide apay we Mehmutkam Amerika we bashqa dowletlerdiki Uyghur ata-anilargha ulge bolalaydu.
Rehmetlikning yatqan yeri jennet bolghay. Amin!

Turdi
xxxxxxx

Mamutkam besh kundin beri sekratta yatqan ayalining beshidin ayrilip baqmidi. Bugun Tunihan hedining tiniqi tesleshkenligi uchun hemme balliri kilip putun kun beshida olturghan idi. Kechke yeqin Mamutkam charchighan ballirini tamaqqa yolgha seliwitip dohturhanida yana uzi qaldi. Dohturlar Tunihan hedini bir hepte ilgiri nerwilliri putunley olep boptu, hech nimini sizmaydu dep yekun chiqarghan idi.

Ular Ghuljidin Amerikining New York shehrige kochup kelginige 30 yil bolghan idi. Ular Ghuljini yoqlashni kop istigen bolsimu purset bolmidi. Yengi kelgen waqitlirida pinsiyege chiqqanda qaytip kiteyli, oligimiz bu yat ziminda qalmisun diyishti, likin, balliri Amerikida oy-ochaqliq, balliliq bolup yiltiz tartip qaldi. Ular pinsiyege chiqip emdi yurtni yoqlap kileyli dep turghanda Tunihan hede kiselchan bolup qaldi. Besh yil ilgiri u kiselliri ustige untulghaqliq kisili qoshulghan idi. Shudin biri Mamutkam uningdin bir qedemmu ayrilmay halidin hewer elip keliwatatti. Tunihan hedining kisili barghansiri eghirliship u hetta ballirini we Mamutkamnimu toniyalmas halitige kilip qalghan idi. Uzining Amerikida ikenligini we buyerde otkuzgen hayatini putunley untup qalghan idi, emma Ghuljida otken yashliq hayatini unutmighan idi. Helimu uzini Ghuljida yashawatimen dep qarayti. Burunqi hoshnillirini, dostlirini sorap turatti.

Mamutkam ahirqi minutlarning yiraq emesligini his qilatti. U 55 yilliq hemrayining bir tire bir songuk bolup qalghan ipadisiz chirayigha qarap uning bilen razilishish imkaniyitidin mehrum bolghunigha okindi. U uning bilen yengi tonushqan waqitlardiki guzel chirayini, Ili deryasi boylirida muhabetleshken guzel eslimillirini yad itip kozlirige yash aldi.

“Soyumlugum, belki bu jansiz bedenning bir yerliride barsen, belki mini angliyalaydighansen. Mendin razi bol, hemmimizdin razi bol. Bizmu sendin razi, hemmimiz razi.” Didi u jurisining jansiz oruq qollirini ikki qoli bilen siqip turup. U orunduqtin turup Tunihan hedining muzlighan pishanisige soyup qoydi andin uning qollirini qoyiwetmey yuzige qarap olturup bosh awazda nahsha oqushqa bashlidi:

“Ili Yoli egri-toqay,egri-toqay, toqayliqta sayraydu bir jup torghay......"

Mamutkamning hiyalliri nahsha bilen Ghuljigha perwaz qildi. Koz aldida tonush meliler, chiraylar, baghlar, tagh-deryallar janlandi. U Tunihan hedining qoli midirlighandek his qilip nahshisidin tohtidi we yash bilen ghuwilashqan kozlirini yengi bilen surtiwetip Tunihan hedining chirayigha yeqindin zeng selip qaridi, tomurini tutup baqti. Uning tiniqi tohtighan idi. Dohturlar uni besh kun aldida kop bolsa 24 saet wahti qaptu digen bolsimu u huddi bir nersige tartishiwatqandek jan uzmey kelgen idi. Belki Mamutkamning nahshisi uni u tartishiwatqan nersige ulashturdi bolghay, belki uni ahirqi minutlirida ana tuprighigha bashlap bardi bolghay. Uning chirayida bir hil memnunluq ipadisi qetip qalghandek korinetti.

Unregistered
28-02-13, 21:10
soygi bar yerde judaliq, hayat bar yerde olum, Uyghur bar yerde musapirliq bar. wetendikilermu uzining yurtlirida musapirgha aylandi bugun. hayat dersini ugitishte olumdin chong oqutquchi bolmisa kirek. yatqan yeri jennet bolsun, amin.