PDA

View Full Version : Uyghur Milliy herikiti Musteqilliqqa teyyar turishi kerek



Unregistered
12-11-12, 12:46
"Uyghur Milliy herikiti Musteqilliqqa teyyar turishi kerek"

shu namliq maqale UAA tor betidin eliwetildimu, yaki keyinki betlerge ötüp kettimu, izdep tapalmidim.

Unregistered
14-11-12, 12:54
"Uyghur Milliy herikiti Musteqilliqqa teyyar turishi kerek"

shu namliq maqale UAA tor betidin eliwetildimu, yaki keyinki betlerge ötüp kettimu, izdep tapalmidim.

ikki kün boluptu bu yazmigha. hechkimdin sada chiqmay, keyinki betlerge ötüp ketiptu.

bir yildin artuq waqit bash bette turiwatqan köp qisimliq bu shu maqale neme seweptin eliwetildi? yaki arqa betlerge ötüp qaldimu? yaki u maqalining qimmiti qalmidimu? UAA adminliri jawap beremdu yaki bu heqte bilidighanlar barmu?

Unregistered
16-11-12, 15:13
Uyghur Milli herikiti Musteqilliqqaq teyyar turush üchün emes, belki ewlatmu ewlat jan baqtilarning shexsi mülki bolushqa teyyar turishi kerek. shunga bu tema eliwetildi. bu munazire meydani ishit- müshüktek bir birini chishlep, ghajilap, öch-adawet uriqi chechish üchünla echilghanmidi? nemishke shunchilik ilmi qimmetke ige, emeli tejirbige asasen yezilghan bir qemmetlik eser öchüriwetildi? mezkur temini Rabiye qadir xanim animiz alduriwettimu? yaki UAA adminliri eliwettimu? yaki birlirining ishigha taza kelmey qaldimu? kim jawap bereleydu?

Unregistered
16-11-12, 15:23
Milliy herikitimizge xas musteqil iqtisadi gewde qurushnung jiddiliki ( 1 )

Aptorning izahati :
Eziz tordashlar, maqalenmning bu qismi biraz uzurap ketkini üchün, qimmetlik waqtingizlarni közde tutup, birqanche bölekke bölüp élan qilishqa mejbur boldum, toghra chüshengeysizler _________________
Bu yazmamni aldi bilen milliy rehbirimiz rabiye xanimning biwaste bashlamchiliqi we seperwerliki netijiside, dunyaning siyasi, iqtisadi we herbiy merkizi hésaplanghan amérikining paytexti washinggton etrapida berpa qilinidighan « uyghur sariyi » üchün mexsus zimin sétiwelinghanliqini tebriklesh bilen bashlimaqchimen !
Shu arqiliq, milliy herikitimizning biwaste kontrolliqida musteqil iqtisadi gewde qurushning eng zor asasi we uli berpa qilinghan boldi. 60 Nechche yildin buyan milliy herikitimizde dawam qilip kelgen qol – ilkimizde barni yep tügütüsh, buzup – chéchip tügitish, bölüshüp tügitish, xelqimiz teripidin intayin zor pidakarliqlar bilen bérilgen yardemlerning hésabini bermeslik dewrige xatime bérildi . 60 Nechche yildin buyan muhajirettiki pidakar xelqimiz tunji qétim özlirining milliy herikitimizge bergen iqtisadi yardimining miwisini körüshke bashlidi . Harduqi chiqti. Bügünki mewjut lideri söyümlük rabiye xanimdin iptixarlinishqa, ghururlinishqa, pexirlinishke bashlidi. Ejnebilerning ghalchisigha aylanghan, milliy herikitimizning tézginining özimizning ilkide bolushni xalimaydighan, xelqimizning qan – terini shorash we ejnebilerning millitimiz hésabigha bergen yardimini buzup – chéchip sorush bedilige özlirining meniwiy jehettiki nepsini qandurushni adetke aylanduriwalghan az sandiki mite qurutlarni hésapqa almighanda, weten – ichi we sirtidiki pütkül xelqimiz rabiye xanimning bu jesurane herikitidin shatlinip bayram ten – tenisige chömdi . Milliy herikitimizning kelgüsi istiqbaligha bolghan ishenchisi ashti, küresh iradisi téximu kücheydi !
Elwettiki, rabiye xanimning bu tarixiy töhpisi milliy küresh tariximizning shanliq betliride altun heripler bilen yézip qaldurulghusi !
Yene shundaqla , amérikida berpa qilinidighan « uyghur sariyi » ning ulining turghuzulushigha mas halda, türkiyede pa'aliyet élip bériwatqan « sherqiy türkistan ma'arip we hemkarliq jemiyiti » gérmaniyediki « yawropa sherqiy türkistan birliki » … qatarliq teshkilatlirimizmu özlirige biwaste tewe bolghan yer – mölük sétiwélish we iqtisadi gewde berpa qilish jehetlerde nahayiti zor ijabi qedemlerni tashlidi . Ularni tebriklesh we qutluqlashmu elwette pütkül xelqimizning wijdani mejburiyitidin ibaret !
Bolupmu istanbulda uyghurlar zich olturaqlashqan zeytinburnu rayonida « sherqiy türkistan ma'arip we hemkarliq jemiyiti » ning 4 qewetlik bina sétiwélip mexsus shöbe achqanliqimu, milliy herikitimiz tarixidiki parlaq we shanliq bir sehipidin ibaret . Bu munasiwet bilen pütün millitimni yürektin tebrikleymen !
Amérika, türkiye we gérmaniyelerde bésilghan bu tarixiy qedemlerning murekkep we musheqqetlik jeryanidin omomi xelqimiz chongqur sawaq élishi, eyni chaghda erebistandiki pidakar, qedirshunas, teqwadar, diyanetlik, saxawetlik, ixlasmen, wetenperwer we milletsöyer qerindashlirimiz teripidin istanbulda milliy herikitimizning pa'aliyet merkizi qilishi üchün élip bérilgen we muhajirettiki milliy herikitimizge biwaste tewe birdin – bir mölük hésaplanghan 3 – 4 éghizliq ishxane öyinimu shexsi miras süpitide bir – birining üstidin sotqa eriz qilip, sétip bölüshüwalghan insanlirimizning yüzi qizarsun !
Hazir pütün dunya miqyasida intayin ünümlük we aktip pa'aliyet élip bériwatqan dunya uyghur qurultiyi bashchiliqidiki pütün teshkilatlirimizgha bir tiyin turmaq, hetta bir waraq qeghez, bir tal qelemmu qaldurmay ketken atalmish « rehber » lirimiz pütün xelqimizge ibret we achchiq sawaq bolsun !
Xuddi rabiye xanimning bayan qilghinidek, insha allah yéqin kelgüside muhajirette omomi sani 500 neperdin ashidighan pütün ellerde mexsus özimizge tewe bolghan « uyghur öyi » berpa qilinghusi !
Hemmige melum bolghinidek, bügün biz basqan bu qedemni tibetlikler bundin 40 nechche yil burunla hindistanning darim isala rayonida bésip bolghan . Tibetlkikler 40 nechche yildin buyan pütün iqtisadi küchini darim salagha merkezleshtürüp, ghayet zor iqtidasi gewdilerni berpa qilip , bu rayonni muhajirettiki kichik bir « tibet döwliti » ge aylandurghan . Bu rayonni özlirining siyasi, diniy, iqtisadi, ijtimayi, medi'iyet, ma'arip … jehetlerdiki pa'aliyet merkizige aylandurghan idi.
Nawada biz muhajirettiki uyghurlarmu pütün iqtisadi küchimizni merkezleshtürüp, rabiye xanim teripidin amérikida « uyghur sariyi » berpa qilish üchün sétiwélinghan yer – ziminning ichini toldurushqa seperwer bolsaq, yéqin kelgüside bizningmu amérikidiki « uyghur sariyi » ni merkez qilghan muhajirettiki kichik bir « uyghur döwliti » ni otturigha chiqirishimiz tamamen mumkin !
Xuddi maqalemning aldinqi qisimlirida köp qétim tekitlep ötkinimdek, iqtisadi jehette tamamen tashqi küchlerge we ejnebilerge béqinip qalghan bir milliy heriketning saghlam tereqqi qilishi we bu heriketning öz xelqining erkin iradisige we ghaye – meqsetlirige toluq wekillik qilishidin söz échish esla mumkin emes ! Buning achchiq sawaqlirini 44 – yilidiki ikkinchi jumhuriyet inqilawimiz jeryanida biwaste béshimizdin ötküzduq. Uyghur musteqilliq herikiti nahayiti büyük muqeddes bir dawadin ibaret ! Bu muqeddes kürishimiz üchün künige milyon dollar serip qilsaqmu köplük qilmaydu.
Uyghur milliy herikitimu xuddi tibet milliy herikitidek iqtisadi jehette özining küchige tayinishni asas, ejnebilerning yardimini qoshumche qilidighan, pilan – programma we xamchotlirimizni awal ejnebilerge emes, belki özimizning xelqighe we xelqimiz teripidin qobul qilinghan milliy rehbirimizge béridighan normal bir weziyetni shekillendürüshimiz lazim.
Bundaq déyishimdiki sewep, hazir uyghur milliy herikitimizdiki 4 teshkilatimiz amérika démokratiyeni ilgiri sürüsh fondi ( n é d ) tin yiligha texminen toplam bir milyon dollargha yéqin iqtisadi yardem éliwatidu . Elwette buning üchün uyghur xelqi amérika xelqighe cheksiz minnetdarliqini bildüridu !Emma, hazir qaraydighan bolsaq, d u q nimu öz ichige alghan bu 4 teshkilatimiz her bir pesilde bir qétim özining pa'aliyet doklatini, qilmaqchi bolghan pilan – programmilirini, barliq kirim – chiqim xamchotini uyghur milliy herikitige we uning liderige emes, belki biwaste n é d gha béridu . Awam xelqimizning bolsa amérikidin bériliwatqan bu yardemlerning némige ishlitiliwatqanliqidin xewirimu yoq, chünki bu yardemlerni manapol qiliwalghan siyasi pa'aliyetchilirimizning kallisida, « pulni kimdin alsam hésapni shuninggha bérimen, amérikiliqtin bashqisigha hésap bérish mejburiyitim yoq » deydighan qarash hakim . Hetta yardem éliwatqan bu 4 teshkilatning ichide nahayiti yochun bir teshkilat barki, bu teshkilat weten – millet üchün küresh qilishni emes, belki milliy rehbirimizge qarshi turushni özining tüp wezipisi qiliwalghan . Ishenmisingiz bu teshkilatning tor bétige bir qarap béqing . Pütünley rabiye xanimgha qarshi töhmet we pitne – pasatlar bilen tolup ketken! Amérikiliqlar bu na'ehlilerge yardemni buning üchünmu bergen idi ?!
Köpchilikning xewiri bolsa kérek, hazir amérika démokratiyeni ilgiri sürüsh fondi ( n é d ) ning asiya ishlirigha mesul xadimi teywenlik chang pemililik bir xitaydin ibaret . Mundaqche éytqanda yoqurqi 4 teshkilatimiz yardemni bu xitay ependimning qolidin alidu . Pütün doklat we hésap – kitapni yene bu xitay ependige béridu …
Ötkende chang pemililik bu ependi d u q ning xizmetlirini tekshürgili d u q ning gérmaniyediki merkizige kéliwidi , merkezdiki hemmöylen qol qoshturup turup, élip barghan xizmetliri, hetta hajet xanida ishletken qeghezning hésawighiche bu xitay ependimge doklat berdi. Bu xitay ependimmu putini almap kérilip olturup, hetta duq ning teshkili ishlirighimu chat kérip, rabiye xanimning duq gha ikki qétimdin artuq re'is bolsa démokratiye pirinsiplirigha xilap ikenliki heqqide pendi – nesihet qilip , bir – ikki kün yep – ichip méhman bolup kétip qaldi . Chishigha tégip qoysaq amérika yardemni késip qoyamdikin _ dégen teshwish bilen « xosh – xosh » dep méhman qilip uzutup qoyushqa mejbur boldi …
Elwettiki chang pemililik bu xitaymu bir amérikiliq, uninggha nisbeten héch bir öchmenlikim, we gumanim yoq. Epsuski uning milliti xitay bolghini üchün, bu weqe tebiy halda hemmimizning nérwisigha éghir derijide tesir qildi . Ixtiyarsiz halda xorluq hés qilduq . Yardemni amérikidin emes, bir xitaydin éliwatqandek normalsiz bir tuyghugha kelduq . Özara qodungshiduq – yu, emma ichki tuyghulirimizni ashkare otturigha qoyushqa ajizliq qilduq . Bu jehette bizmu heqsiz emes, chünki pütün dunyadiki yehudiler isra'il döwlitining menpe'eti üchün, pütün ermeniler ermenistanning menpe,eti üchün, pütün türkler türkiyening menpe'eti üchün xizmet qiliwatidu, halqiliq peytke kelgende öz millitining qéni hemmini bésip chüshidu …
Bu hadise hemmimizning qattiq ghururigha tegdi, emma amalimiz qanche ? Almaqning bermiki bar, alghandin kéyin elwette hésabini béridighan gep !
Epsuski, méni qattiq échinduridighini, bir xitaygha hésap bérishni hezim qilalighan bezi erbaplirimiz, milliy herikitimizge, xelqimizge we xelqimiz teripidin qobul qilinghan liderimizge hésap bérishni ichige singdürelmeydu !
Démek, milliy herikitimizde iqtisadi jehette özimizge tayinishni asas, ejnebilerge tayinishni qoshumche qilidighan weziyetni shekillendürmey turup yoqurqidek tiragdiyedin mustesna bolalmaymiz. Kelgüsidimu xuddi stalin manasta tur_ dése turup qalidighan, xitay kommunistlirining shertini qobul qil _ dése qobul qilidighan, nawada qobul qilmisaq exmetjan qasimidek aqiwetke uchraydighan ehwalgha qalimiz !
Nawada milliy rehbirimiz rabiye xanim bu xeterni chongqur hés qilip yetmigen bolsa idi we milliy herikitimizge nisbeten yüksek derijide mesuliyetchanliq tuyghusigha ige bolmighan bolsa idi, umu ilgiriki rehberlirimizdek, « yéshim bir yerge bérip qaldi, héchkimni renjitmey axirqi ömrümni téch – aman ötküzey » dep jim yatqan bolsa yétiweretti. Chünki amérikidiki « uyghur sariyi » ni rabiye xanim özi üchün emes, belki kelgüsi iz basarliri üchün hazirlawatidu . Rabiye xanim hergizmu « uyghur sariyi » ni dümbisige artip u dunyagha élip ketmeydu . Yaki bashqilardek bala – chaqisigha miras qaldurmaydu . Amérikidiki « uyghur sariyi » bolsa xelqimizning ortaq mirasi, uninggha pütün millet süpitide ige chiqishimiz lazim !
Xosh, emdi öz gépimizge kelsek, biz muhajirette yashawatqan uyghurlarningmu xuddi tibetliklerningkidek chongqur iqtisadi asasimiz bar idi . Emma, uzun yillardin buyan bu asasni seperwerlikke keltüridighan siyasi we teshkili küchimiz ajiz bolup keldi . Milliy herikitimizning biwaste kontrolliqida küchlük iqtisadi gewdilerni qurup chiqishni 50 – 60 yildin buyan peqet éghizimizdila tekitlep kelduq- yu, epsuski hazirgha qeder soda shirketliri, zawut – karxanilarni asas qilghan iqtisadi gewde qurush, bu iqtisadi gewdilerning kirimi bilen yer – zimin sétiwélish uyaqta tursun, hetta jigde – qaq satidighan birer baqqal dukini we birer saman kepimu sétiwalalmiduq.
Merhum liderimiz eysa ependim 1995 – yili wapat bolghanda, pütün muhajirette milliy herikitimizge biwaste tewe bolghan birdin – bir mülük peqetla erebistandiki elsöyer qérindashlirimiz teripidin eysa ependimning ishxane qilip ishlitishi üchün istanbulning merkizi aqsaray rayonidin sétiwelinghan 3 – 4 éghizliq we omomi qimmiti 100 ming dollar etrapidiki bir yürüsh bina öy idi . Liderimiz eysa ependim wapat bolushi bilenla, uning miraschiliri bu öyni taliship bir – birini sotqa bériship qilmighan reswachiliqliri qalmidi . Axirqi hésapta bu mülkimizmu qoldin ketti . Bételey rabiye xanim hijret qilip chiqqan 2005 – yili muhajirettiki köpünche teshkilatlirimizning ishxanisimu yoq, qalghanliri bolsa kiraliq ishxanilarda idi . Mundaqche éytqanda rabiye xanim eyni chaghda quruq östengge mirap bolghan idi . Qisqighine 5 – 6 yil jeryanida tirniqi bilen tagh yérip, bu quruq östengge su bashlashqa tirishti. Biz bolsaq rabiye xanimgha he – hu déyiship bérish uyaqta tursun, eksiche taghning töpide pit baqqach tamasha körüp olturduq we rabiye xanim üstidin toqumighan bednam we töhmetlirimiz qalmidi . 50 – 60 Milyon dollarliq mal – mülkidin we méhriban perzentliridin kéchip, öz xelqining erkinliki yolida küresh qilish ghayisi bilen chiqqan bir pidakar ana, amérikida mana bügün berpa qilinishqa bashlighan « uyghur öyi » üchün aziraq iqtisadi yardem topliwidi, namini « xiyanetchi » ge chiqiriwétishke tasla qalduq !
Démek, xudayimmu bizni bikargha hazirghiche mustemlike astida azap chékishke tashlap qoymighan iken, bezimizning wujudigha insanliq bilen sheytanliq chirmiship kétiptu, qanchanki ichimizdiki rezil sheytandin xalas bolalisaq, andin shepqetlik allahning iltipatigha sazawer bolalaydighan oxshaymiz !
Xuddi peylasoflarning qeyit qilghinidek, tarixni qehrimanlar yaritidu, janabi allah millitimizge rabiye xanimdek yéngiliq yaratquchi, igilik tikligüchi we tarix yaratquchi qehriman bir anini sowgha qilghan iken . Biz bu ésil sowghining qedrige yétishimiz we uni asrishimiz lazim idi.
Hélimu ésimde, eyni chaghda rabiye xanim ürümchide « rabiye sariyi > ni sélish üchün, aptonom rayonluq xelq hökümitining birinchi mu'awin re'isi xu'ang baw janggha iltimas sunghan, xung ba'o jang bolsa, rabiye xanimning tégi – tektini sürüshtürüp béqip, « küp – kündüzde quruq chüsh körmey, bérip umuchingni ich ! » Dep ishxanisidin heydep chiqarghan . Bu heqtiki riwayet pütün ürümchige taralghan idi . Emma rabiye xanim awal allahning mediti, xelqining du'asi we ene shu xitayning « berikiti » de ichip chong bolghan umachning küchi bilen axirqi hésapta ürümchining kindikide « rabiye qadir soda sariyi » ni tikligen idi.
Epsuski, muhajirettimu rabiye xanim yene oxshash tiragidiyeni béshidin kechürdi. Chünki bundin birqanche yil awal rabiye xanim, « amérikida milliy herikitimizning pa'aliyet merkizige aylinidighan uyghur oyini berpa qilimen » dep seperwerlik élip bériwidi, yene milliy herikitimizning ichki qismigha yoshurunghan xu'ang baw janglar qayta sehnige chiqip, sheytanningmu eqlige kelmeydighan hile – mikir, quwluq – shumluq, suyqest we pitne – pasatlar bilen rabiye animizning daghdam we shereplik yolini tosushqa urundi . Yene rabiye xanimni jim yétip umichini ichishke dalalet qildi . Allahning qudriti bilen yer – zimin sétiwélindi . Emma néjis munapiqlar xuddi boghuzlunup jan talishiwatqan choshqilardek yene xirildashni toxtatmidi . Insha allah, millitimiz bu qansiz murdilardin yéqin kelgüside üzül – késil qutulghusi !!!!!
Eziz qérindashlar, yoqurqilarni men hergizmu sobiktip héssiyatimgha, yaki quruq xiyalimgha tayinipla tesewwur bilen qelemge éliwatqinim yoq . Muhajirettiki 20 yilliq küresh hayatimda béshimdin ötküzgen we közüm bilen körgen riyalliqlar asasida eqli xulase chiqirishqa tirishiwatimen.
Men héch bir zaman özemni bir idilog, fizilof we noqul siyasetchi qatarida körmidim. Özem addi bir jornalistmen . Her zaman mesililerge jornalistliq neziri bilen riyal, adil, tengpung baha bérishke tiriship keldim . Shuning üchünmu bügün milliy rehbirimiz rabiye xanimnimu öz ichige alghan siyasi pa'aliyetchilirimizning héch birige yaxshi körünelmidim . Ulargha yaxshi körünüp medhiyege érishish arzuyummu yoq . Chünki muhajirettiki hayatimda héch bir waqit hoquq – mensep, shan – shöhret, abroy, mertibe, pul – malning koyida bolmudum . D u q nimu öz ichige alghan héch bir teshkilatta wezipemmu yoq. Wezipige tamayimmu yoq . Yéshim bir yerge bardi . Salametlikimmu unchiwala obdan emes . Peqetla heqni sözlep, xelqim bilen widalashsam we rexmetlik küresh küsendek xelqimning séghinishi we söygüsige érishsem shuning özi manga kupaye !!!!!Chünki, heqiqet aldida süküt qilip jim turiwélishning özi tilsiz sheytanliqtur ! Sheytanning axirette yéri yoqtur !
Yene öz gépimizge kelsek, men yoqurida, milliy herikitimiz üchün iqtisadi gewde qurushning neqeder mohimliqi we zörürliki heqqide qisqiche toxtulup öttüm . Nawada iqtisadi asas we iqtisadi gewde jehette özimizni biz bilen teqdirdash bolghan tibet qérindashlirimiz bilen shundaqla bir sélishturup körsek, bu jehette uyghur milliy herikitining neqeder bichare we échinishliq weziyette ikenlikini körüwalalaymiz !Eng addisi, ötkende men öyümge muwapiq gélem izdep, men turghan sheherdiki nahayiti chong bir gélem dukinigha barghan idim . Qarisam ayrim bir munberge ésilghan yoghan we heshemetlik gélemlerning üstige « tibet gélimi » dégen xet yéziliptu . Chüshendürüshini oqup körsem, eslide bu dukandiki tibet gélemliri tibet aptonom rayonida emes, belki hindistanning darmisala rayonidiki tibet sürgünde hökümitining terkiwidiki gélem zawutliri teripidin toqulup yawropagha ékisport qilinghan gélemler iken. Men yashawatqan dölet bolsa dunyadiki eng tereqqi tapqan, mehsulatlirini yaratmaydighan, ishlepchiqarghan mehsulatlirining 80 – 90 pirsentini bashqa döletlerge satidighan bir dölet. Démek, tibet milliy herikitining igidarchiliqidiki bir gélem zawutining mehsulatliri taki mushu yergiche keptu !
Hergizmu irqichiliq qiliwatqinim yoq . Eslide tarixiy en – enilirimizni sürüshtürüp kelsek, uyghurlar peqet gélemchiliktila emes, soda – sétiq we hünerwenchilik jehettimu tibetliklerdin nechche hesse üstün turidu. Bügün qaraydighan bolsaq, quyash bilen aydin bashqa hemme jayda uyghur sodigerlirini uchrutalaymiz. Epsuski, bu alahidilikimizni uzun yillardin buyan milliy herikitimizde jari qilduralmiduq !Bu jehette tibetliklerning gépi chiqsila bezilirimiz « dalay lama 1959 – yili hindistangha hijret qilip chiqqanda, tibet hökümitining ghézinisidiki pütün altun – kümush we göher – yaqutlarni 10 nechche qotazgha yüklep qéchip chiqqan . Ular shuni desmaye qilip hazirqidek küchlük iqtisadi gewdilerni berpa qildi . Bizning chonglirimiz eyni chaghda ikki qolini burnigha tiqip jénini qutquzup aran qéchip chiqqan » dep izahlashqa tirishidu. Undaq bolsa muhemmet imin bughraning 1933 – yili 7 – 8 xéchirgha yüklep chiqqan xotenning ghezinisidiki altun yambu nege ketti ? Mehmut muhidining 1937 – yili turpan we qeshqerlerning ghezinisidin 5 – 6 atqa yüklep chiqqan altun – yambulirichu ?
Tunji jumhuriyitimiz meghlup bolghan 1933 – yilidin, taki ikkinchi jumhuriyitimiz meghlup bolghan 1949 – yilighiche bolghan mezgilde hijret qilip chiqqan uyghurlarning hemmisi wetinimizning eng zerdar beg – ghojam we töriliri idi . Ularning élip chiqqan wej – dunyalirichu ?
Eng addisi, peqetla muhajirettiki, bolupmu erebistandiki qérindashlirimiz teripidin 1933 – yilidin hazirgha qeder milliy herikitimiz üchün qilghan xalis yardemlirining omomi miqdari eng kam bolghandimu 100 milyon dollardin ashidu . Bu pullar nege ketti ?
Néme üchün biz taki rabiye xanim hijret qilip chiqqan 2005 – yiligha qeder xuddi tibetliklerdek musteqil bir iqtisadi gewde qurup chiqishni xiyalimizgha keltürmiduq ?
(Dawami bar )