PDA

View Full Version : Barin inqilawining 16 yilliqini xatirileymiz



medikar
04-04-06, 05:26
Barin inqilawining 16 yilliqini xatirileymiz



"5 - April Barin inqilawi" Xitay hakimiyitining Wetinimiz Sherqi Türkistandiki fashist hokmiranlighigha qarshi, Sherqi Türkistan xelqining erkinliki, heq-hoquqi we azatlighi üchün 1990-yili otturigha chiqqan shanliq bir weqe. Barin Inqilawi Sherqi Turkistan milli herikitining Ilham menbesige aylandi. Uyghur Xelqining Erkinlik iradisining menggü sunmaydighanliqini Dunyagha jakalidi.



Bu munasiwet bilen Dunya Uyghur Qurultiyi 2005 - yili chaqirilghan ikkinchi nöwetlik ijraiye komiteti yighinida 4 -ayning 5 - künini "Sherqi Turkistan Shehidlar küni" dep qarar qilip, pütün Teshkilat we Wetenperwerlirimizni bu kuni xatirleshke chaqirdi.



Biz her yili bu Tarixi zor weqeni iptixar bilen xatiriligen waqtimizda, Milletning iradisi we arzu - Armani yolida eziz janlirini qurban qilghan shehidlirimizni hörmet bilen esleymiz! Zeydin Yüsüp bashchiliqidiki qehriman oghlanlirimizgha ihtiram bildürimiz. shuning bilen birge, 5 - April küni Xitay mustebitliri Barin yezisida elip barghan dehshetlik qetliamda qurban bolghan minglighan Ata – Anilar, Ayallar we nariside Balilargha Janabi Allahtin rehmet tileymiz. Xitay zindanlirida helimu eziyet chekiwatqan minglighan pidakar ezimetlerge Erk tileymiz.



Biz her yili bu Tarixi zor weqeni iptixar bilen xatiriligen waqtimizda, Weten ichi we sirtida Wetini, Milliti üchün tinimsiz heriket qilwatqan yene minglighan Zeydin Yüsüplerge hörmitimizni bildürmey, Miliy mujadilimizni Maddiy we Meniwiy yardemliri bilen qollawatqan xelqimizge Rehmet eyitmay turalmaymiz! Shuning bilen birge herqaysi Ellerdiki Sherqi Turkistan Teshkilatliri terkiwide xalis Ejri bilen mujadelimizni hayatiy küchke ige qiliwatqan pidakar oghul-qizlirimizgha hörmetlirimizni büldürimiz!



Men Dunya Uyghur Qurultiyigha wekaliten üütün Dunyadiki qerindashlirimni Sherqi Türkistan Xelqining Milliy iradisige mutleq sadiq bolushqa chaqirimen. Shehidlirimizning Armanliri, Ewladlirimizning bexti üchün her bir Sherqi Turkistanliqni öz mejburiyetlirini angliq tonup, imkani yar bergen dairide, milli mujadelimizge bir ülüsh hesse qoshushini yene bir qetim tewsiye qilimen.



Hörmet bilen:



Erkin Aliptekin
Dunya Uyghur Qurultiyi reisi



2006-yili 4-ayning 4-küni