PDA

View Full Version : 2006-yili 3-ayda elip berilghan DUQ ait paaliyet xewerliri



medikar
04-04-06, 05:23
2006-yili 3-ayda elip berilghan DUQ ait paaliyet xewerliri (2006.04.02) - April 3, 2006


2006-yili 3-ayda elip berilghan DUQ ait paaliyet xewerliri





2006-yili 3-ayda elip berilghan DUQ ge ait paaliyet xewerlirining qisqartilmisini



DUQ reisi Erkin Alptekin 2006-yili 3-ayning 1-küni Atinada Otkuzilgen „Dünyada Zorawanliq Hareketlerining Ulghiyishi“ digen temidiki yighingha qatnashti. Erkin Alptekin yighindiki dokilatida, Sherqi Turkistan weziyiti heqide melumat berip otush bilen birge Birleshken Milletler Teshkilatidinmu ümit kesken bezi „az sanliq milletlerning“, dünya jemaatchilikini özining dawasigha jelb qilish meqsetide zorawanliq yollarigha murajet qilish mejburiyetide qalghanlighini, eger dünya jemaetchiligi bu az sanliq millet Müslümanlarning mesililirige jiddi rewishte köngül bölmeydighan bolsa hazirqi zorawanliq waqelirining teximu ulghiyip ketishidin endishe qilghanliqini oturgha qoyup otti. Atinadaki Venizelos Vakfi teripidin uyushturulghan yighingha bu yighingha Dunyaning herqaysi jayliridin kelgen siyasetchiler, xelqara teshkilatlarning mesuliri we mutixesisler bulup 250 din artuq kishi qatnashti.

DUQ reisi Erkin Alptekin Atina’diki yighini axirlashturup, 3-ayning 4-kuni Malta’gha yitip keldi we bu yerde ötküzülgen „Atom Sinaklarining Zererliri“ digen temadiki xelqaraliq yighingha ishtirak qildi. Malta Üniversite uyushturulghan bu yighingha, dunyaning herqaysi jayliridin kelgen muhit mutixesisleri, Yadro Urushigha qarshi Ittipaq (IPPNW), The World Uranium Hearing qatarliq teshkilatlirining mesuliri, tebi’et dostliri bulup 150 din artuq kishi qatnashti. Yighinda Erkin Alptekin soz qilip, Xitay hokumitining 1964 bilen 1995. yilliri arasida, Sherqi Türkistan xelqining qattiq naraziliqlirigha qarimay, Lop Nor’da 46 qetim atom bombas siniqi elip barghanliqini, buning netinjiside, etrafaqa yeyilghan radyoaktif maddelerning onminglerche insanning ölümüge sewep bulupla qalmay, Sherqi Türkistandaki su menbeleri, ashliq menbeleri we milyonlarche charwilarningmu zeherligenligini ipade qilip ötti. Erkin Alptekin sözining axirida, her pürsette Uyghurlarni dünya jamaetchiligige „terorist“ dep tonushturushqa tirishiwatqan Xitay hükümetining, 46 atom sinaqi bilen Sherqi Türkistan xelkige qarshi eng chong teroristik hareket elip barghanliqini eyiplidi. http://www.uyghurcongress.org/Uy/news.asp?ItemID=1141815306

DUQ 2005-yili 3-aydin bashlap Uyghurche we Engilizche Internet sehipisini ilan qilghan buyan, bu sehipide Sherqi Turkistan, Xitay we Dunya weziyitige ait yengi uchurlar bilen teminleshke tirishish bilen birge muhimi DUQ ge ait xewer, bayanatlar ilan qilinip, Dunyaning, jümlidin wetendashlirimizning DUQ ning paaliyetliri heqide waxtida xewerdar bulup turushigha kapaletlik qilinip kelgen idi. Ijtiyaj tupeyli DUQ ning internet sehipisining Xitayche beti, 2005-yili 12-ayda yolgha qoyulghan idi, 2006-yili 3-ayning 1-künidin itibaren Germaniche betimu resmi yolgha qoyuldi. http://www.uyghurcongress.org/De/home.asp?mid=105872559

DUQ ning qurulushida muhim rol oynighan we DUQ ni teshkil qilghan asasliq teshkilatlardin biri bolghan Yawrupa Sherqi Turkistan Birligi, 2006-yili 03-ayning 5-küni, 15 – qètimliq saylimini Germaniyining Münxèn shehride elip bardi. Germaniyidiki Yüzligen Uyghur jamaitining ishtirakida ötküzülgen bu saylamda, toluq Dèmokratik pirinsiplargha asaslanghan halda 11 kishlik idare heyitini saylap chiqildi. DUQ bash katiwi Dolqun Eysa ependi Yawrupa Sherqiy Türkistan birlikining reislikige, DUQ Irahiye komititi muawin reisi Ablimit Tursun ependi muawin reislikke saylandi. 1990 – yili Erkin Aliptèkin ependi yitekchilikide qurulghan bu teshkilat, yillardin bèri Yawrupa miqyasida Sherqiy Türkistan dewasini yürgüzüp kelmekte. http://www.uyghurcongress.org/Uy/news.asp?ItemID=1141593662

8-mart Ayallar Bayrimi munasiweti bilen, Ankaradiki Xitay elchixanisi aldida namayish bolup otti. Sherqiy Türkistan Medeniyet-Hemkarliq Jemiyiti Ankara shöbisi teripidin uyushturulghan bu namayishqa Türk Dunyasi Hemkarliq Teshkilati qatarliq ammiwi teshkilatlarning wekilliri we Uyghurlar qatnashti. Sherqiy Türkistan Medeniyet-Hemkarliq Jemiyiti Ankara shöbisining bashliqi Xeyrulla Ependigül bayanat élan qilip, Xanim-Qizlar shadliqqa chömüshi kérek bolghan bu künde, dunyaning nurghun jaylirida, jümlidin Sherqi Türkistanda Uyghur ayallirining bu künni köz yashliri bilen kütiwalidighanliqini, Xitaylar Sherqiy Türkistanni igiliwalghan 1949-Yildin bashlap Uyghur Ayallirining hoquqining depsende bolup kéliwatqanliqini, Sherqiy Türkistanda élip bériliwatqan pilanliq tughut siyasitining Uyghur Ayallirining eng addi hoquqini depsende qiliwatqanliqini depsende qiliwatqanliqini oturgha qoyup ötti. http://www.uyghurcongress.org/Uy/news.asp?ItemID=1142028373

DUQ reisi Erkin Alptekin, Xelqara Ayallar Küni munasibiti bilen 3-ayning 8-küni Germaniyening Würzburg Üniversiteside uyushturulghan mehsus bir yighinda Sherqi Türkistandaki Uyghur ayallari toghrusuda dokilat teqdim qildi. Sherqi Türkistanning Komunist Xitay terepidin istila qilinishidin kiyin Uyghur ayallarining erlerge oxshash ayni oqubetlerni bashtin köchürüwatqanliqini, Uyghurlarning eng tebii heq hoquqini qoghdashqa tirshwatqan xanim-qizlarning, erlerge oxsash tutqun qilinwatqanlighini we hette ölüm jezalarigha duchar qiliniwatqanlighini ipade qilip, bunung eng janliq misalining Sherqi Türkistan xelqining menevi anisi bolghan Rabiya Qadir bolghanliqini bildürdi. Alti yildin artuq Xitay turmilarida qiyin-qistaqqa tabi tutulghan Rabiye xanimning, Amerika Qoshma Shtatliri bashta bolup, xalqara teshkilatlar we chetellerdeki Uyghur teshkilatlirining besimi bilen erkinlikke erishkenligini, hazir Washington’da yashawatqan Rabiye xanimning bütün küchi bilen feket Uyghur ayallarininglam emes, belkim bütün Sherqi Türkistan xelkining kishilik hoquq üchün mujadele qiliwatqanlighini alahide tilgha elip otti. http://www.uyghurcongress.org/Uy/news.asp?ItemID=1141914067

2006-yili 3-ayning 14-küni, Amérika Dölet Mejlisining Kanan ish binasida ataqliq Uyghur Kishilik Hoquq paaliyetchisi, Xelqara Uyghur Kishilik Hoquq we Démokratiye Fondi Jemiyitining reisi Rabiye Qadir xanimning teshkillishi astida Uyghur Medeniyet Küni paaliyiti daghdughuluq ötküzüldi. Rengga- reng nepis Uyghur milliy kiyimlirini kiygen Uyghurlar, Uyghurlarning Amérikiliq dostliri shuningdek Amérika Tashqi Ishlar Ministirliqi we Amérika Dölet Mejlisining bir qisim yuqiri derijilik erbabliri hem xizmetchi xadimliri bir yerge jem bolup, 30 nechche xil Uyghur taamliri we Uyghur qiz-yigitlirining shox usulliridin hozurlandi. Bu Uyghurlarning Amérika tarixida jümlidin Uyghurlarning uzun esirlik siyasiy we medeniyet tarixida birinchi qétim Amérika Dölet Mejliside mexsus Uyghur medeniyet küni ötküzüshi bolup hésablinidu. Murasimda Amérika Dölet Mejlisining qarmighidiki Insan Hoquqi Komitétining reisi Tom Lantos ependi , Xelqara Uyghur Kishilik Hoquq we Démokratiye Fondi Jemiyitining reisi Rabiye Qadir xanim, Xelqara Kechürüm Teshkilatining Asiya bölümining mesuli T.Kumar we Amérikining sabiq muawin Tashqi Ishlar Ministiri Lorn Kraynér qatarliqlar söz qildi. Erkin Alptekin ependi, DUQ namidin Rabiye xanimgha mexsus tebrikname yollap, Mediniyet kunliri paaliyetini qizghin tebriklidi. http://www.uyghurcongress.org/Uy/news.asp?ItemID=1142499791 http://www.uyghurcongress.org/Uy/pressrelease.asp?ItemID=1142594509

Dinler Arisi Dialogni kucheytish mexsitide, Germaniyening Muyinxen shehridiki Türk, Islam Teshkilatliri bilen Xristian Teshkilatliri we Jamaetchiligi arisida 2006-yilining kirishi bilen oz-ara ziyaret we dialog programisi bashlitilghan idi. Bu programma asasida 2006-yili 3-ayning 17-kuni merkizi Muyinxediki Musulan Teshkilatlirining rehberliridin teshkil tapqan 20 kishilik bir hey’et bilen birlikte DUQ bash katibi we Yawrupa Sherqi Turkistan Birligi reisi Dolqun Eysa, Dini ölima Abitjan Damola Xristan jamaetini ziyaret qilip, öz-ara muzakirler elip bardi. paaliyet jeryanida Portistan jamaetining mektepliri, yesliliri we insani yardem, meslehet berish orunliri ziyaret qilindi.

DUQ muawin bash katibi Dr. Erkin Emet 3-ayning 19-kuni, Merkizi Enqerede bulunghan Turkiye KOK Sitratigiye Tetqiqat Merkizining teklipige binaen, “Shanghai Hemkarliq Teshkilati we Sherqiy Turkistan mesilisi”digen temeda leksiye berdi. Dr. erkin Emet ependi Shanghai Hemkarliq Teshkilatining qurulush meqsiti, kelechiki we bu teshkilatning Sherqiy Turkistan mesilisige bolghan tesiri ustidiki tetqiqatini yighin ehlige sundi. U sozide yene noqtiliq halda Dunya Uygur Qurultiyining qurulush meqsidi we kelecheki heqqide toxtaldi. http://www.uyghurcongress.org/Uy/news.asp?ItemID=1142930687

3-ayning 19-küni DUQ bash katibi Dolqun Eysa, DUQ ishxanisida Wingeriye TV shirkitining program mudiri Mark ependining ziyaritini qobul qilip, muxpirning Sherqi Turkistan weziyiti, Dunya we Xitay weziyti, shundaqla DUQ we Uyghur teshkilatliri heqide sorighan sualigha jawap berip ötti. Sohbet jeryanida yene Uyghurlar heqide ishlinishi pilanlinwatqan hojetlik film heqide muzakirler elip berildi.

DUQ bash katibi Dolqun Eysa 3-ayning 20-kuni Bayanat ilan qilip, Xitay hokumitining 1933-yildiki Sherqi Turkistan Jumhuryitining Jumhurreisi Ghojaniyaz Haji qebristanlighini yötkimekchi bolghanlighini qattiq eyiplidi. U bayanatta, "Xitay hokumitining bu herkiti, millitimizning milli we tarixi izlarni yoq qilishni mexset qilghan bir echinishliq pajie bulush bilen birge milliy we diniy haqaret” ikenligini otturgha qoyup, weten ichi-sirtidiki barliq wetendashlirimizni, teshkilatlirimizni bu pajie ge diqet qilishqa we buning aldini elish uchun herket qilishqa chaqirdi.

3-ayning 21-küni, DUQ Ijrahiye Komiti muawin reisi, Yawrupa Sherqi Turkistan Birligining muawin reisi Ablimit Tursun we Yawrupa Sherqi Turkistan Birligi bash katibi Erkin Zunun ependiler, Germaniyening Muyinxen shehride otkuzulgen Germaniyediki “Iltijachilar weziyiti” heqide ötkuzilgen muhakime yighinigha qatnashti. Bu yighingha 20 din artuq insan heqliri teshkilatlirining mesulliri qatnashqan bulup, yighinda siyasi iltijasi ret qilinip, Germaniyedin chiqirwetilish xewipi astida turwatqan her millet kishilirining weziyiti muzakire qilindi we bu mesilini hel qilish uchun teshkilatlarning birlikte heriket qilishi qarar qilindi. Deslepki qedemde 5-ayning 3-küni Muyinxenda birlikte keng kolemlik namayish otkuzush qarar qilindi.

3-ayning 18-kuni Uyghur Amerika Jemiyitining orunlashturushi bilen Washingtonda Uyghurlarning milli en’enewi bayrimi “Noruz Bayrimi” paaliyiti otkuzuldi. Bu paaliyetke Amerikidiki Sherqi Turkistanliq wetendashlar we bezi Amerkiliq dostlarmu qatnashi. Uyghurlarning meniwi anisi, Xelqara Uyghur Kishilik Hoquq we Demokiratiye Fondining reisi Rabiye Qadir xanimmu ishtirak qilip, soz qildi.

3-ayning 19-küni Kanadaning Toronto shehride Kanada Uyghur Jemiyitining orunlashturushi bilen “Noruz Bayrimi” paaliyiti otkuzuldi. Bu paaliyetke kanadaning herqaysi sheherliride yashawatqan Uyghurlarlar ishtirak qildi. DUQ bash teptishi Kuresh Kösen ependi Amerkida ötküzilgen “Uyghur mediniyet küni” we “Noruz Bayrimi” paaliyetlirini axirlashturup, 19-Mart küni Kanadagha yitip kelip, Kanadadiki Noruz Paaliyitige qatnashti. Kuresh Kösening inqilawi naxshiliri pütün tamashabillarda kuchluk hayajan qozghidi.

DUQ bash teptishi Kuresh Kösen ependi Amerika Kongeriside ötküzülgen “Uyghur Mediniyet Künliri” paaliyiti we Amerika, Kanadalarda ötküzülgen Noruz Bayrimi paaliyetlirige qatnishish uchun 3-ayning 9-künidin 3-ayning 25-künigiche Amerika we Kanadalarda ziyarette boldi. U ziyariti jeryanida bu doletlerdiki mediniyet paaliyetlirige qatnishish bilen birge bu doletlerdiki Teshkilat rehberliri we jamaet bilenmu uchrushup teshkili, siyasi paaliyetler heqide muzakirler elip bardi. Kuresh Kösen Shimali Amerikidiki ziyaritini ünümlik axirlashturup 3-ayning 25-küni Swetsiyege qaytip keldi.

2006 yili 3-ayning 25-küni Swetsiyening payteht Stockholmda Noruz bayrimi paaliyiti daghdughuluq otkuzildi. Bu paaliyetke Swetsiyede yashawatqan Uyghurlardin 250 din artuq kishi ishtirak qildi. Mol mezmungha ige sen’et numurliri körsitildi. Bu qétimliq yighilishta kishini eng hoshal qilidighan bir yéngiliq shu boldiki: Swetsiyede paaliyet elip berwatqan Swetsiye Uyghur Kometiti (SUK) bilen Swetsiye Uyghur Medeniyet Merkizi (SUMM)7 maddiliq “Ish Birligi” kilishimini imzalap, ikki teshkilatning birlishidighanlighini jakalidi. SUK reisi Koresh Sultan bilen SUMM reisi Feruq Sadiq ependiler sehnige chiqip, bir-birini quchaqlap, barliq uqushmasliqlarni chorup tashlap, birlikni ishqa ashuridighanlighigha wede qilishti. Bu yighilishqa DUQ Ijrahiye Komititi muawin reisi Ablimit Tursun we bash katip Dolqun Eysa ependiler teklip bilen Germaniyedin kilip qatnashti. Ular Swetsiyediki 3 künlük ziyariti jeryanida Teshkilat rehberliri we jamaet bilen ayrim-ayrim uchrushush elip berip, otturdiki qismen uqushmasliqlarni hel qilip, birlikning emelge eshishini qolgha kelturdi.

DUQ reisi Erkin Alptekin, 2006-yili 3-ayning 24-26-künliri Almanya’ning Erfurt shehride ötküzilgen „Pan Yawrupa Hareketi“ning yighinigha teklip bilen qatniship, Sherqi Turkistan weziyiti heqide dokilat teqdim qildi. Bu qetimqi yighining asasliq kun-tertibi Rusya Federatsiyesi we Rusya Federatsiyesi ichideki az sanliq milletlerning weziyeti heqide bulup, yighingha Yawrupa Parlamentining we Yawrupa Birligige eza doletlerning milli parlamentlirining köpligen parlament ezaliri qatnashti. Erkin Alptekin ependi yighin jeryanida kopligen Parlament ezaliri, siyasi erbaplar we ziyalilar bilen sohbetliship, ulargha DUQ Bash Katiplighi terefidin Ingilizche we Nemische tillarida tayyarlanghan „Sherqi Türkistan’da Kishilik Hoquq“ digen mewzudaki kitapchilarni teqdim qildi. Erkin Alptekin yighinda, Yawrupa Parlamentosining hazirghiche Xitayning Sherqi Türkistandiki kishilik hoquq siyasitini eyiplep 2 qetim qarar chiqarghanlighini eskertip ötüp, Yawrupa Parlamenti we Yawrupadiki milli Parlamentlerning Sherqi Turkistandiki insan heqliri weziyitige yenimu ilgirligen halda kongul bolushini we Sherqi Turkistandiki Insan heqliri weziyiti heqide yengi qarar chiqirishi kerekligini iltimas qildi. Erkin Alptekin, Yawrupa Parlamenti we Germaniye parlamentining ezalirigha Germaniyede 100 din artuq Uyghurning siyasi iltija teliwining ret qilinip, intayin qiyin ehwalda qalghanliqini, eger bular Xitaygha qayturulghan teqdirde turmilargha tashlinidighanliqini, qiyin-qistaq, ten jazasigha duch kelidighanlighini we hette bezilirining ölüm jezalirigha mahkum qilinishi mumkinligini ifade qildi we ulargha DUQ Bash Katipliki terefidin teyyarlanghan siyasi bashpanalighi red qilinghan Uyghurlarning tizimligini teqdim qilip, ulardin bu mesilige jiddi yardem qilishni telep qildi. http://www.uyghurcongress.org/Uy/news.asp?ItemID=1143618442


Hormet bilen;



DUQ Bash Katiplighi





2006-yili 4-ayning 2-kuni