PDA

View Full Version : Biz bular Uqun Nime Ix kilip Bireliduk? Nime kiliximiz kirek?



Unregistered
01-08-12, 21:22
5-Iyuldin kéyin ghayib bolghanlar aile-Tawabiatining kechürmishliri (3)

Muxbirimiz shöhret hoshur
2012-08-01
Xitay saqchiliri ghayiblar aile-Tawabiatigha «térrorchilar» bilen sözleshmeslik heqqide tenbih bergen

RFA/Shohret Hoshur
Imammemetning ailisidikilerning 15-Yili burun chüshken xatire süriti. Anisi patigül ghulam arqidiki retning ongdin birinchisi.
Xitay saqchiliri 27-Iyul küni 5-Iyuldin kéyin ghayib bolghanlardin imammemet élining ailisige bérip, imammemetning anisi patigül ghulamgha, radiomiz muxbiri bilen sözleshmeslik heqqide tenbih bergen. Saqchilar sözide radiomiz muxbirini qutratquluq qilghuchi we térrorchi dep tonushturghan. Patigül ghulam saqchilargha «undaqta balamning uchurini ber yaki uchurini bérishke wede ber, men körüshüshni toxtitay» dep shert qoyghan. Saqchilar bu addiy shertkimu maqul déyelmigen. Netijide patigüldin qattiq dekkisini yégen saqchilar, patigülni öz terbiyisige köndürelmey öydin ayrilghan.
Töwende bu jeryanning tepsilatini anglaysiler. Bu programmini muxbirimiz shöhret hoshur teyyarlidi.
Muxbir: yéqindin béri sizni aware qilidighan ish boldimu?
Patigül: 27-Chésla, jüme küni öyümge besh saqchi keldi, hemmisi uyghur ؛ arisida tengritagh rayonluq gobaw (dölet amanliq saqchi etriti)ning we saqchixanining bashliqlirimu bar.
Muxbir: ular néme dédi?
Patigül: héliqi adem bilen körüshüwatamsiz? dédi, men shundaq körüshüwatimen, dawamliq sözlishiwatimiz dédim we körüshsem néme boptu désem, u adem shinjangning hemme yérige téléfon qilip qutratquluq qilidighan adem, u bölgüchi, térrorchi dégendek birmunche geplerni qildi. Men ulargha, emise balamning uchurini ber yaki uchurini bérishke éniq künini békitip wede ber, men sözlishishni toxtitay dédim. Ular biz bundaq qilalmaymiz dédi.
Muxbir: sizning jawabingiz néme boldi?
Patigül: rozi -Ramzanda, mendek balisi yoqap ketken anigha mushu gepni kötürüp kelgen eqlingge, wijdaninggha rehmet dep tene qildim. Bu gépimni anglap ikkisi ornidin qopup chiqip ketti. Men qalghan üchige, uyghur saqchilarning qolidin poq kelmigendikin, qolidin her chong ish kélidighan xenzu bashliqlarni élip kélishseng bolmamdu, men shuningghila gépimni qilmaymenmu, dep kayidim. Ular yene gépini tekrarlap u (siz körüshüwatqan )adem, shinjangning hemme yérige téléfon qilip kishilerge maddiy yardem béridu, döletni aghdurushqa urunidu dégendek geplerni qildi. Men, men maddiy yardem almidim, manga bu gepni qilishma. Döletni ong qiliwétemdu düm qiliwétemdu, uning bilenmu chatiqim yoq, méning chatiqim balamning uchuri, manga balamning jawabi kérek. Balam heqqide ya öldi, ya tirik dep jawab ber, menmu kishining téléfonini almaymen, dédim.
Muxbir: xeqqe maddiy yardem qilidighan qandaq térrorchiken u? dep sorap baqmidingizmu?
Patigül: undaq sorimaptimen. Déginim, hoququng bolghandikin, undaq térrorchini tutup kélip jazalisang bolmamdu? dédim, désem, undaq qilalmaymiz deydu. Undaq bolsa téléfonumni késiwétish, qolungdin kélidighini shu, désem undaqmu qilmaymiz deydu. Men bir réstorangha körpe tikip bériwatqan idim, shu körpini kötürüp kirip ularning aldigha attim, men balamni mushundaq yotqan -Körpe tikip béqip chong qilghan, oqutqan؛ méni baqidighan balamni tutup kétip yepkétishting. Balam uyghur bolghanliqi üchün yoqap ketti؛ herqaysingmu uyghur, méning balamning béshigha kelgen kün, ete sen xeqningmu béshigha kep qalmisun, idarengdin méning qéshimgha ewetkende, 3 yilghiche balisining uchurini bérelmiduq, qaysi yüzimiz bilen barimiz dep ikki éghiz heq gep qilishsang bolmamdu dédim. Ular ornidin turup öydin chiqishqa aldiridi, men aldini tosup méning gépim téxi tügimidi dédim: ular biz deydighinimizni dep bolduq, wezipimizni tügettuq dep öydin ayrildi.
Muxbir: shundaq qilip, bu nöwet körüshseng, jazalinisen dégen gepni qildimu?
Patigül: yaq undaq démidi, axirida balingiz heqqidila gep qiling, bashqa geplerni qilmang dédi.
Muxbir: démisimu körüshkendin hazirgha qeder balingizningla gépini qiliwatimizghu?
Patigül: shu. Xatire qalduruwatqan birige dédim, bashliqinggha de, ya méni térrorchi bilen sözleshti dep atsun, ya balamning uchurini bersun. Balamning uchurini bergen küni u adem manga yene téléfon qilsa, balamning uchurini berdi, emdi manga téléfon qilma deymen, yene téléfon qilsa, men u kishinimu tillaymen, dep jawab berdim.

Unregistered
01-08-12, 21:25
7.5 iyolda iz dereksiz yokalgan bu anining bu sozliri bizni nimixke oylandurmaydu? uyghur sakqilirining ehwaliqu?

"Men bir réstorangha körpe tikip bériwatqan idim, shu körpini kötürüp kirip ularning aldigha attim, men balamni mushundaq yotqan -Körpe tikip béqip chong qilghan, oqutqan؛ méni baqidighan balamni tutup kétip yepkétishting. Balam uyghur bolghanliqi üchün yoqap ketti؛ herqaysingmu uyghur, méning balamning béshigha kelgen kün, ete sen xeqningmu béshigha kep qalmisun, idarengdin méning qéshimgha ewetkende, 3 yilghiche balisining uchurini bérelmiduq, qaysi yüzimiz bilen barimiz dep ikki éghiz heq gep qilishsang bolmamdu dédim. Ular ornidin turup öydin chiqishqa aldiridi, men aldini tosup méning gépim téxi tügimidi dédim: ular biz deydighinimizni dep bolduq, wezipimizni tügettuq dep öydin ayrildi.

Unregistered
02-08-12, 11:57
Shohret Ependi, Semimi, rastchil bolung. http://london-uyghur-ansambil-munbiri.18026.n3.nabble.com/5-Iyul-Qatilliri-Arimizda-td4024695.html diki Pakitlar aldida xuddi u Balisini yoqataqan ayalning aldidin : "bizning qilidighan ishimiz tugidi" dep Oydin chiqip kitishke aldirighanlardinmu better rol oynap keldingiz.

Qirghinchiliq heqqidiki "tesirlik" hikayilarni sozligenning nime paydisi bar? sizdin bashqa qarashtikilerni chekleshke nimingizning heqqi bar? olgiche Qirghinchiliq heqqide xewer yizip Uyghurlarni axmaq qilip otimen demsiz?

bashqilar : " Qatillar Arimizda " dewatidu. DUQ, RFA, UAA larning mesulliri we ular yalliwalghan qelemkesh, xewerchiler dewatidu. Pakitlar tumshuqingizgha taqiliwatsimu oktemlik bilen jawap birishtin, Pakitlarni xewer qilishtin qichip yurdingiz.
sizning Uyghurlargha nime kirikingiz bar?

http://london-uyghur-ansambil-munbiri.18026.n3.nabble.com/5-Iyul-Qatilliri-Arimizda-td4024695.html gha baha birip biqing. Pakitlarni RFA da anglitip biqing. buningha tosalghu nime?

www.uyghurensemble.co.uk dikiler bilen axbarat exlaqingizni selishturghanda xitaydinmu better ikenlikingiz chiqip turimamdu? u yer mustemlike xitay. bu yer Amerika- Erkin -dimokratiye imkani bar Yawropa idighu? Adreisinglarni onnechche yildin biri urumchide, Bijingde dep bikargha kinaye qilmidi -uyghurlar.

Ete-Ogun "Uyghur Baharimu" yitip kiler bizlerge. Erep, Iraq, Libiye Baharliridin kiyinki boranlar supurup ketkenler del erkinlikni boqqan diktator, soz qilishni chekligen zalimlar idi. unutmasliq kirek. birersining aldin agahlandurushi azghanlar uchun ziyanliqma?

SopaTash