PDA

View Full Version : DUQ axbarati: weten ichi we sirtidiki xelqimizning mubarek ramazan eyini qutluqlaymiz



uaa_admin
19-07-12, 11:19
Essalamueleykum Eziz yurtdashlar, musulmanlar üchün 12 ayning sultani hisaplanghan mubarek Ramazan eyi yetip keldi, ushbu mubarek we eziz künlirimizning bashlinishi munasiwiti bilen, Milliy rehbirimiz Rabiye xanim bashchiliqidiki Dunya Uyghur Qurultiyi, weten ichi we sirtidiki barliq Sherqiy türkistanliq ( Uyghuristanliq ) qerindashlirimizning Ramazan eyini qutluqlaydu, shundaqla Xelqimizge janabi allahtin erkinlik, hörlük, amanliq, bexit – saadet tileymiz !

Mushu pursettin paydilinip, Sherqiy türkiy türkistan xelqining hörlüki we azatliqini qolgha keltürüsh yolida qimmetlik hayatlirini teqdim qilghan eziz shehidlirimizge bolghan ali hörmitimizni we cheksiz seghinishimizni qayta – qayta izhar qilimiz, eziz qurbanlirimizning ayile – tawabatlirigha bexit we xatirijemlik tileymiz !

Hemmige qadir yaratqan igimiz Sherqiy türkistan musulmanlirinimu xuddi erkin dunyada yashawatqan musulman qerindashlirimizdek besim we zulumdin xali halda 12 ayning sultani hisaplanghan mubarek Ramazan eyini pütün diniy mejburiyetlirini cheklimisiz halda ada qilip bextiyarliq tuyghusi ichide ötküzüshke nesip qilghay !

Eziz qerindashlar, bügün pütün Dunya musulmanliri mubarek Ramazan eyini bextiyarliq we shatliq tuyghusi ichide ten – tene bilen kütiwelishti.
Epsuski, mana mushundaq mubarek we eziz bir künde biz muhajirette yashawatqan Sherqiy türkistanliqlarning yüriki meyüslük, azap, seghinish we telpünüsh tuyghuliri ichide örtenmekte, biz buxil azap tuyghusini wetinimiz Sherqiy türkistan Xitay kommunistlirining ishghaligha uchrighan 1949 – yilidin buyan izchil türde chekip keliwatimiz.

chünki Xitay hakimiyitining 60 nechche yildin buyan izchil türde dawamlashturup kelgen besim, zulum, cheklesh, tutqun qilish we qirghin qilish siyasiti tüpeylidin, 12 ayning sultani hisaplanghan mubarek ramazan eyi Sherqiy türkistan Xelqi üchün zulum eyigha, musibet eyigha aylandi !

hemmimizge melum bolghinidek,Weten ichidiki xelqimiz bolsa bu mubarek ayda Rozi tutush, tirawil namizi qilish uyaqta tursun, hetta namaz oqushtek eng addi Diniy mejburiyetlirini ada qilish erkinlikidinmu mehrum qeliwatidu.

Sizlerge melum bolghinidek, bundin 3 yil burun Sherqiy türkistan xelqi nahayiti zor tiradigiyelerning birini beshidin ötküzdi, 5 – iyol ürümqi qirghinchiliqidin buyan minglighan bigunah qerindishimiz Xitay jallatliri teripidin yawuzlarche qirip tashlandi, onminglighan bigunah qerindishimiz tutqun qilinip qarangghu zindanlargha mehkum qilindi, pütün Sherqiy türkistan ziminini Xitayning döwlet terori qaplap, tashqi dunya bilen alaqisi üzüp tashlanghan Uyghur xelqining echinishliq peryadi jahanni lerzige saldi, Xitay hakimiyitining buxil chekidin ashqan zulmi hazirmu hem eynen dawam qilip kelmekte !

Bügün qaraydighan bolsaq, Sherqiy türkistandiki pütün jamilerning ishik – derwazilirigha hökümetning bir uxturushi chaplanghan bolup, bu uhturushta, töwendiki 5 hil kishilerning mesjitke kirishige we diniy paaliyet bilen shughullunishigha yol qoyulmaydighanliqi bayan qilinghan:

birinchisi, partiye – ittipaq ezaliri;
ikkinchisi, Dölet ishchi – hizmetchiliri we dem elishqa, pensiyege chiqqanlar;
üchünchisi, 18 yashqa toshmighan yash ösmürler,
Tötünchisi, kenit kadirliri;
beshinchisi, ayallar;

Yuqarqi uhturushni mujessemlisek, < Uyghurlar diniy paaliyet bilen shughullansa bolmaydu > digen hulase chiqidu, chünki Hitayning resmiy statiskisida, uyghurlarning sani 10 din artuq, bularning yerimini ayal disek, 5 milyon, Xitay hökümitining sanliq melumatlirida körsütülishiche, sherqiy türkistanda azsanliq millettin bolghan 400 mingdin artuq ittipaq ezasi, 320 ming kompartiye ezasi bar, 18 yashtin töwenler, yeni bashlanghuch we ottura mekteplerde oquwatqan yerlik oqughuchilarning omomiy sani 2 milyondin köpirek, yerliklerdin bolghan kenit kadirlinining sani 100 ming etrapida, yerliklerdin bolghan ishchi – hizmetchiler we dem elishqa, pensiyege chiqqanlarning sanimu 100 mingdin kam emes.
dimek, eneshu kichikkine bir uhturush, Hitay hakimiyitining uyghur xelqini dinidin waz kechishke qistawatqanliqini munazire telep qilmaydighan halda körsütüp turmaqta. Bula emes, hitay hakimiyiti hetta uyghurlarni ishqa elish, siyasi we ijtimayi hoqoqlardin behriman qilish jehetlerdimu dingha ishenmeslikni aldinqi shert qilip körsütüp, < Dingha ishenseng hechbir chiqish yolung bolmaydu > digen sepsetini terghip qilmaqta. Yeni hitay hakimiyiti teripidin 60 – we 70 – yillarda sherqiy türkistan rayonida elip berilghan Atizim, Dinsizlashturush siyasiti bügünki künge kelgende eynen köchürülüp qayta ijra qilinmaqta. Bolupmu keyinki 10 yilda sherqiy türkistandiki uyghur diniy zatlarning beshigha kelgen külpetlerni teswirlesh tolimu qiyin, bu jeryanda Hitay hakimiyitining peqet kompartiyening teshwiqatchiliqini qilidighan az sandiki qizil quyruq mollilarni hisapqa almighanda, heqiyqi etiqatchi diniy zatlarning hemmisini yoqutush obikti qilghanliqini körüwelish tes emes.

Hemmige melum bolghinidek, "Juonghua Xelq Jumhuryiti Asasi Qanuni" ning 36 – maddisida, "Juonghua Xelq Jumhuriyitining puhraliri dini etiqat erginlikige ige. Her qandaq döwlet orgini, ijtimai tehskilat we shehis puhralarni dingha étqat qilishqa yaki étqat qilmasliqqa zorlimasliqi, dingha etiqat qilidighan puhralarnimu, dingha etiqat qilmaydighan puhralarnimu kemsitmesliki lazim. Döwlet normal dini paaliyetlerni qoghdaydu" dep körsütülgen, "Juonghua Xelq Jumhuriyitining 84 – yili elan qilghan < Milliy Teritoriyilik Aptonomiye Qanuni > ning 11 – maddisidimu yuqarqi söz eynen tekrarlanghan bolup, dimek Hitayning asasi qanuni we milliy teritoriyilik aptonomiye qanunida insanlarning dini etiqat erkinliki qanuni jehettin kapaletke ige qilip körsütülgen idi. mahiyette bolsa Hitayning asasi qanunida körsütülgen bu madda héchbir zaman emilileshkini yoq, u peqetla dunya jamaetchilikining közini buyash meqsidide qeghez yüzidila sheklen mewjutliqini saqlap keldi. Gerche Hitay hökümiti asasi qanunidiki bu maddini hazirgha qeder élip tashlimighan bolsimu, emiliyette bolsa bu maddining rohigha qarimu qarshi bolghan bir talaz qanun, nizam, pirinship we höjjetlerni chiqirip, özining asasi qanunini ochuqtin – ochuq inkar qilip keldi.
hazir Sherqiy türkistanda Hitay hökümitining dinni yoq qilish we insanlarning dini etiqatini cheklesh heqqide tarqatqan yerlik qanun, pirinsip, nizam we höjjet – buyruqliri huddi wabadek pütün diyarni qaplap ketti.

Xitay hakimiyitining Uyghurlargha qaratqan omomi yüzlük dinsizlashturush siyasiti töwendiki birqanche nuxtigha merkezleshken:

Birinchidin, Hitay hökümiti yillardin buyan Sherqiy Türkistanda normal diniy eserlerning neshir qilinishi, tarqitilishi we chet’ellerdin kirishini qattiq cheklesh, buninghga hilapliq qilghichilarni eghir shekilde jazalash arqiliq, Uygur musulmanlirining diniy eserlerdin paydilinishini tosup keldi, mesilen, Hitay hökümiti Uygur musulmanlirining öyini mejburi ahturush we öyde saqlanghan diniy eser we buyumlarni hökümetke tapshürüp bérish üchün möhlet belgilesh ... qatarliq fashistik usollarni qollunup kelmekte;

Ikkinchidin, kommunist Hitay hökümiti Sherqiy Türkistandiki pütün diniy mektep we kuruslarni pichetlersh, uningda oquwatqan oqughuchi – oqughuchilarni, < qanunsiz diniy unsur > we < 3 xil küch > digendek siyasi töhmetler bilen qolgha élip türmilerge tashlash arqiliq, SHerqiy Türkistanda esirlerdin buyan mewjut bolup turiwatqan diniy jehette telim – terbiye elish sestimisini tamamen yoqatti. Mesilen, SHerqiy Türkistanda heryili hökümet teripidin qolgha élinip jazaliniwatqan Uygurlarning 80 pirsentidin artuq qismini diniy mektep we kuruslarda telim – terbiye alghan bigunah yashlardin terkip tapmaqta.

üchünchidin, Uyghurlarning hej qilishini tosush, roza tutushini cheklesh, normal diniy paaliyet bilen shughullanghuchilarni siyasi, iqtisadi, memuri, qanuni we ijtimayi jehetlerde chetke qeqish, idare – jemiyetlerge ishchi – xizmetchi qobul qilishta dingha ishenmeslikni shert qilish … qatarliq wastilarni qollunup, Uyghurlarni diniy etiqatidin waz kechishke qistap kelmekte.

Törtünchidin, kommunist Hitay hökümiti sherqiy Türkistanda mewjut mesjid we diniy paaliyet sorunlirini pütünley manipol qiliwélip, bulargha kommunistik hakimiyetke sadiq, emma diniy jehette héchbir melumati bolmighan hurapiy insanlarni imam – mezin qilip orunlashturup, bu hildiki kishilerni Uygur jamaitige kommunistik idilogiyeni teshwiq qilishqa we islam dininining heqiqiy mahiyitini burmilap chüshendürüshke salmaqta. uning üstige her derijilik < diniy ishlar idariliri > mu tamamen kommunistlarning konturoli astida bolup, ularning asasi wezipisi, Uygurlarni diniy étiqadtin waz kechürüshke teshwiq qilishtin ibarettur.

Beshinchidin, Sherqiy Türkistanda mewjut diniy pa’aliyet sorunliri we diniy asare – etiqiler Hitay hakimiyiti teripidin sestimiliq halda yoq qilinmaqta. Hitay hökümiti hakimiyet béshgha chiqqandin buyan héchbir zaman Sherqiy Türkistanda mesjit qurulishigha meblegh salghini yoq, Sherqiy Türkistanda bar bolghan mesjitlerning hemmisi yerlik xelq teripidin i’ane toplash usoli arqiliq sélinghan. Emma Hitay hökümiti her yili digüdek türlük bahanilar bilen siyasi heriketlerni qozghap, Uygur rayonida mewjut bolup turghan mesjidlerni pichetlesh, örüp tüzliwetish we hökümet organlirigha aylanduruwelish usolliridin paydilinip mesjdlerni peydin – pey azaytmaqta we ahirqi hisapta pütünley yoq qilishqa hazirlanmaqta.

Altinchidin, kommunist Hitay hökümiti Uygurlarning chet’ellerde diniy telim élishini cheklesh, islam ölkiliridiki universitétlerde telim alghan Uygurlarni soal – soraqqa tartish we jazalash, bu mekteplerde telim élip qaytip kelgenlerni ishqa almasliq, chetke qéqesh, siyasi jehettin zerbe berish ... usollirini qollunup, Uygurlarning islam ölkiliride ilim – irfan élishini tosup kelmekte. Yéqinqi birqanche yil ichidila kommunist Hitay hökümiti Pakistan, Misir, Türkiye we bashqa islam döletliride bilim élip qaytqan yüzligen oqughuchini qolgha élip jazalidi. Bu seweptin hazir islam elliride telim alghan Uygur oqughuchilar yurtigha qaytalmay, chetellerde sersan bolup yürmekte.

Sherqiy türkistanning hazirqi weziyitide, Uyghur yash – ösmürlirining dini jehette telim – terbiye elishi esla mumkin emes, buxil weziyet, Uyghurlarning diniy mewjutluqigha ghayet zor xewip selip kelmekte.

Qisqisi, Xitay hakimiyitining Dinsizlashturush we rehimsizlerche basturush siyasiti bügün Sherqiy türkistan musulmanlirining Diniy we Milliy mewjutluqigha zor xewip we tehdit elip kelmekte !

Shunung üchünmu eger biz insaniy heq – hoqoqlirimizni, qedir – qimmetlirimizni, milliy we diniy mewjutluqimizni qoghdap qalimiz we Dunya musulmanlirigha oxshash erkin we azat halda mubarek Ramazan eyimizni we heytimizni qutluqlaymiz deydikenmiz, u halda choqum xelqimizge keliwatqan pütün zulum we balayi – apetlerning tüp menbiyi hisaplanghan Kommunist Xitay hakimiyitining mustemlikisidin we boyunturuqidin qurtulush üchün küresh qilishimiz we bu shereplik yolda pütün pidakarliqimizni körsütishimiz lazim, mana bu, Sherqiy türkistan xelqining birdin – bir chiqish yolidin ibaret !
Axirida, eziz qerindashlirimizning mubarek Ramazan eyini qayta tebrikleymiz we sizlerge salametlik we bexit tileymiz!

DUQ teshwiqat – neshriyat komuteti

Unregistered
19-07-12, 14:01
http://www.uyghurcongress.org/uy/?uls=ul