PDA

View Full Version : Uygur Arkaklirga Hitap.



Unregistered
17-07-12, 00:28
ئىككى شېئىر

ئاپتۇرى: مۇسلىمە

ئەر ئەمەس
ئۆز بەختىگە، ئۆيىگە كۆيمىگەنلەر ئەر ئەمەس،
يارى تۇرۇپ يارىنى سۆيمىگەنلەر ئەر ئەمەس،
ھالال بىلەن ھارامنى ئايرىماستىن ھاپ ئېتىپ،
رەزىللىكنىڭ ئۆيىدە تۈنىگەنلەر ئەر ئەمەس.
ۋاي دەپ قۇيۇپ ئالدىدا، غەيۋەت قىلىپ دالدىدا،
جان دوستىنى ئورىغا سۆرىگەنلەر ئەر ئەمەس.
پىتنە-ئېغۋا تارقىتىپ، قان-قەۋمىنى قاقشىتىپ،
ئۇرىقىنى جىدەلنىڭ تېرىغانلار ئەر ئەمەس.

چۆلنى بوستان ئەيلىمەي، ئىش-ئەمگەكنى كۆيلىمەي،
لالما ئىتتەك نىشانسىز لەيلىگەنلەر ئەر ئەمەس.
نەشە بىلەن دوست تارتىپ، ھاراق ئىچىپ مەس قايتىپ،
ئەيىپىنى بىر ئۆمۈر كۆرمىگەنلەر ئەر ئەمەس.
ياخشىلىقنىڭ گۈلىگە پەرۋىش قىلماي بىر قېتىم،،
يامانلىقنىڭ ئوتىنى پۈۋلىگەنلەر ئەر ئەمەس.
ئەجىر قىلماي بىر ئىشقا، تۇلا قاقشاپ ھاياتتىن،
ئۆز بەختىنى بىراۋدىن تىلىگەنلەر ئەر ئەمەس،
*
مەرىپەتكە يول ئالماي، كەڭ جاھانغا كۆز سالماي،
غەپلەت باسقان روھىنى يۆگىگەنلەر ئەر ئەمەس.
بىر-بىرىنى كولىشىپ، يوق ئىشقىمۇ توۋلىشىپ،
ئىناقلىقنىڭ نۇرىغا چۆممىگەنلەر ئەر ئەمەس.
قۇچسا زەپەر ياخشىلار چاۋاك چالماي كۆڭلىدىن،
ئەل بەخىتىگە ھەسەت قىپ كۈلمىگەنلەر ئەر ئەمەس،
سوقۇشتۇرۇپ خورازنى، پۈكۈپ دىلغا غەرەزنى،
توپىلاڭدىن توقاچنى كۆزلىگەنلەر ئەر ئەمەس.
دۇشمەن كەلسە ئېلىگە، قېلىچ ئېسىپ بىلىگە،
ۋەتەن ئۈچۈن قان كېچىپ ئۆلمىگەنلەر ئەر ئەمەس
ئەر بارمۇ
ئەر بارمۇ ئەجىر قىلىپ، تەر تۆكۈپ ئۇرۇق سالسا دېھقانلار،*
قۇرۇق قۇيۇپ ئەجىرنى ئۇزۇق بەرمەس يەر بارمۇ؟؟؟*
جاپاكەش شۇ دېھقاندەك ئەجىر تۆكۈپ تەر تۆكۈپ،
ئادالەت دەپ قەدەملەر ئالىدىغان ئەر بارمۇ؟؟؟
بۈگۈن كۈندە ھەممىسى قاقشايدىكەن قىزلاردىن،*
ئەمەس قىزلار ئۇلارچە، ئەخلاقلىق ھەم ئۇزلاردىن.*
ئىزدەپ باقماس ئۆزلىرى يۈتۈپ كەتكەن ئىزلاردىن،
چىراي ئەمەس قەلبىنى سۆيىدىغان ئەر بارمۇ؟؟؟
بۇزۇلدى دەپ قىزلارنى تىللايدىكەن كەينىدىن،
ھاراق ئىچىپ چېكىشتە يېنىشمايدۇ پەيلىدىن،
تۈن كېچىدە دالدىدا كېلىشمەيدۇ « سەيلىدىن»
لېكىن مەيدە ئۇرۇپ ھەم توسايدىغان ئەر بارمۇ؟؟؟
شاراپ سۇندى قىزلارغا غەيۋەت قىلغان يىگىتلەر،
مەس قىلىشتى، كۆڭلىگە پۈكۈپ رەزىل نىيەتلەر.
شاراپ ئىچمەس قىزلارغا مۇش كۆتۈردى «ئەزمەتلەر»
قېنى، ئاجىز قىزلارنى قوغدايدىغان ئەر بارمۇ؟؟؟
كەلتۈرگىچە قىزلارنى ئاپپاق دەيدۇ، ئۇز دەيدۇ،
بەزى شەرتكە كۆنمىسە« ئۆمۈرلۈكقۇ بىز » دەيدۇ.
ئېرىشىدۇ كۈتكەنگە« نېرى تۇرغىن بەز» دەيدۇ،
مەسۇليەتنى ئادا قىپ ياشايدىغان ئەر بارمۇ؟؟؟
ياغلىق ئارتقان قىزلارنى «موماي» دېدى بەزىسى،
يوپكا كەيسە ھەم شۇندا «مەتو» بولدى بەلگىىسى ،
ئوچۇق يەرلەر كۆپەيسە خۇشال بولدى بەزىسى ،
«بىر ماڭىلا تەئەللۇق، ياپقىن» دېگەن ئەر بارمۇ؟؟؟
*
يېقىلسا گەر يوللاردا مەنپەت ئۈچۈن يۆلەيدۇ،
«بىخەتەر» دەپ قىزلارنى ياتاقلارغا زورلايدۇ،
تېيشسا گەر بىچچارە« بىكارغا ئىش بامۇ»دەيدۇ،
مېھىر ئۈچۈن قىزلارنى يۆلەيدىغان ئەر بارمۇ؟؟؟
*
بىلىپ- بىلمەي تالاي قىز پېتىپ قالدى پاتقاققا،
دېيەلمىگەچ دەردىنى ئەتراپىدىكى تۇنۇش «ياتقا»،
ئىلاج يوقتۇر ئاقىۋەت « بۇزۇق » نامنى ئالماسقا،
كۆكرەك كېرىپ پاتقاقتىن تارتىدىغان ئەر بارمۇ؟؟؟
2010-يىلى 9-ئاينىڭ 2- كۈنى ئاقسۇ

Unregistered
17-07-12, 04:32
Er emes

Ikki shé’ir

Apturi: muslime

Er emes
Öz bextige, öyige köymigenler er emes,
Yari turup yarini söymigenler er emes,
Halal bilen haramni ayrimastin hap étip,
Rezillikning öyide tünigenler er emes.
Way dep quyup aldida, gheywet qilip daldida,
Jan dostini origha sörigenler er emes.
Pitne-éghwa tarqitip, qan-qewmini qaqshitip,
Uriqini jidelning térighanlar er emes.

Chölni bostan eylimey, ish-emgekni köylimey,
Lalma ittek nishansiz leyligenler er emes.
Neshe bilen dost tartip, haraq ichip mes qaytip,
Eyipini bir ömür körmigenler er emes.
Yaxshiliqning gülige perwish qilmay bir qétim,,
Yamanliqning otini püwligenler er emes.
Ejir qilmay bir ishqa, tula qaqshap hayattin,
Öz bextini birawdin tiligenler er emes,
*
Meripetke yol almay, keng jahan’gha köz salmay,
Gheplet basqan rohini yögigenler er emes.
Bir-birini koliship, yoq ishqimu towliship,
Inaqliqning nurigha chömmigenler er emes.
Quchsa zeper yaxshilar chawak chalmay könglidin,
El bexitige heset qip külmigenler er emes,
Soqushturup xorazni, püküp dilgha gherezni,
Topilangdin toqachni közligenler er emes.
Dushmen kelse élige, qélich ésip bilige,
Weten üchün qan kéchip ölmigenler er emes
Er barmu
Er barmu ejir qilip, ter töküp uruq salsa déhqanlar,*
Quruq quyup ejirni uzuq bermes yer barmu???*
Japakesh shu déhqandek ejir töküp ter töküp,
Adalet dep qedemler alidighan er barmu???
Bügün künde hemmisi qaqshaydiken qizlardin,*
Emes qizlar ularche, exlaqliq hem uzlardin.*
Izdep baqmas özliri yütüp ketken izlardin,
Chiray emes qelbini söyidighan er barmu???
Buzuldi dep qizlarni tillaydiken keynidin,
Haraq ichip chékishte yénishmaydu peylidin,
Tün kéchide daldida kélishmeydu « seylidin»
Lékin meyde urup hem tosaydighan er barmu???
Sharap sundi qizlargha gheywet qilghan yigitler,
Mes qilishti, könglige püküp rezil niyetler.
Sharap ichmes qizlargha mush kötürdi «ezmetler»
Qéni, ajiz qizlarni qoghdaydighan er barmu???
Keltürgiche qizlarni appaq deydu, uz deydu,
Bezi shertke könmise« ömürlükqu biz » deydu.
Érishidu kütken’ge« néri turghin bez» deydu,
Mesulyetni ada qip yashaydighan er barmu???
Yaghliq artqan qizlarni «momay» dédi bezisi,
Yopka keyse hem shunda «meto» boldi belgiisi ,
Ochuq yerler köpeyse xushal boldi bezisi ,
«bir mangila te’elluq, yapqin» dégen er barmu???
*
Yéqilsa ger yollarda menpet üchün yöleydu,
«bixeter» dep qizlarni yataqlargha zorlaydu,
Téyshsa ger bichchare« bikargha ish bamu»deydu,
Méhir üchün qizlarni yöleydighan er barmu???
*
Bilip- bilmey talay qiz pétip qaldi patqaqqa,
Déyelmigech derdini etrapidiki tunush «yatqa»,
Ilaj yoqtur aqiwet « buzuq » namni almasqa,
Kökrek kérip patqaqtin tartidighan er barmu???