PDA

View Full Version : Xelqara ösmürler putbol musabiqiside uyghur ösmür komandisi shwétsiye komandisini yen



Unregistered
16-07-12, 23:32
Xelqara ösmürler putbol musabiqiside uyghur ösmür komandisi shwétsiye komandisini yengdi

Muxbirimiz shöhret hoshur
2012-07-16

Shwétsiyining yotobrg shehiride ötküzülüwatqan xelqara ösmürler putbol musabiqiside ghuljidin kelgen ümid komandisi shwétsiyilik bir komanda bilen musabiqige chüshüp, reqibini üstün netije bilen yeni 0ge qarshi 4 netije bilen yenggen.

Melum bolushiche, bügün yeni 16-Iyul küni musabiqining tunji küni bolup, qisqa dawam qilghan échilish murasimidin kéyin musabiqe resmiy bashlanghan. Murasimda bu musabiqige 80din artuq dölettin 270 komandining ishtirak qilidighanliqi uqturulghan.

Shwétsiyide paaliyet élip bériwatqan uyghur maarip jemiyiti musabiqining bügünki échilish murasimigha 7 kishilik bir guruppa ewetken. Guruppidikiler musabiqe dawamida ay-Yultuzluq kökbayraqni lepilditip, uyghur komandisining mahariti we ghelibisini tentene qilghan. Ümid putbol komandisining musabiqisi dawamida meydanda ay-Yultuzluq kökbayraqning lepildishi musabiqini közitiwatqan xitay elchixana xadimlirini biaram qilghan we ular uyghur tamashibinlarning bayraq chiqirishini tosushqa urunghan. Lékin ay-Yultuzluq kökbayraq ümid komandisi meydangha chüshüp reqibini üstün netije bilen yéngip meydandin ayrilghuche tamashibinlar saheside lepildigen. Bu ehwal bir qisim xelqara axbarat organliriningmu diqqitini tartqan.

http://www.rfa.org/uyghur/xewerler/qisqa_xewerler/osmur-putbol-07162012164050.html/story_main?encoding=latin