PDA

View Full Version : erkin asiya radiyosining ahbiratchiliq qaidisini qayta oqup chiqing



Unregistered
28-06-12, 17:47
Axbaratchiliq qaidisi
Axbaratchiliqning eng yuqiri ölchemliride qattiq ching turush, RFA meqset - Nishanlirining jewhiridur. Bizning anglitishlirimiz we intérnétte élan qilinghan maqalilirimiz we programmilirimiz choqum toghra, adil, we tengpungluqni saqlighan bolushi kérek.


1. Radio programmiliri choqum toghra,adil we biterep bolushi kérek.

2. Xadimlar choqum éghir bésiq we temkin bir teleppuzni saqlishi, her qandaq shexs, guruppa we hökümetke nisbeten hujum qilish, teshwiq qilish we haqaret qilish qilmishliridin xalـi bolushi kérek.

3. Tehrir we muxbirlar herqandaq toqulma weqe we shikayetlerning shundaqla müjimel uchurlarning radioda élan qilinmasliqigha kapaletlik qilishi, maqaliniـi mumkin qeder birdin artuq menbedin paydilinip yézishi kérek.

4. Xadimlar choqum her qandaq bir siyasiy partiye, öktichi guruppa, sürgündiki teshkilat yaki diniy gewdilerdin xali bolup,her qandaq siyasiy köz qarashni ilgiri sürmesliki kérek.

5. Xadimlar choqum, sirttin maqale ewetküchilerni éniq tonushturushi, ular anglatqan maqalilarning axirida, ular otturigha qoyghan oy ـ pikirlerning erkin asiya radiosigha wekillik qilmaydighanliqini éniq izahlishi kérek.

6. Xadimlar bashqa axbarat organliri bergen sogha yaki heqsiz sayahet tekliplirini qobul qilmasliqi kérek.

7. Xadimlar bashqa axbarat menbeliridin muhim xewerlerni alghinida, ularning ejrini hörmetlep, toluq izah bérishi kérek.

8. Xadimlar anglitish jeryanida, közge körinerlik xataliq sadir qilsa,uni radio anglighuchilar aldida itirap qilip, mumkin qeder tiz tüzitishi kérek.

9. Xadimlar sirttin, mesuliyetlirini boghudighan xizmetlerni qobul qilmasliqi, asasliq mesuliyiti bar her qandaq xizmetchi sirtta, erkin asiya radiosigha munasiwetlik bolghan notuq sözlesh yaki ammiwiy sorunlarda otturigha chiqish qatarliq paaliyetler bilen shoghullanghinida choqum, aldi bilen bölüm bashliqining we xizmetchiler mulazimet ishxanisining ruxsitini élishi kérek.

10. Muxbirlar uchur toplash jeryanida, özini zhornalisttin bashqa salahiyet bilen körsetmesliki kérek.

11. Toxtam arqiliq sirttin wezipe alghan yazghuchi, obzorchi, tarixchi qatarliq mutexessisler, bezide erkin munazire yaki ilmiy muhakimilerde programmilirimizgha sahibxan bolidu.Qandaq bolushidin qetiy nezer, ularning eserlirini tehrirlesh, bérish ـ bermeslik hoquqi radioda bolidu. Sirttin toxtam bilen ishleydighan xadimlar,choqum toghra we adil bolushtek yuqiri ölchemge riaye qilishi kérek.

12. Xadimlar, choqum radio anglighuchilarni zorluq heriketlerge küshkürtidighan, isyan kötirishke we keng kölemlik köchüshke ilham béridighan xahishlardin uzaq turushimiz kérek. Gerche asiyadiki bezi döletlerning teshwiqat organliri bizge bohtan chaplisimu, biz hergizmu hökümetlerni aghdurup tashlashtek heriketler bilen shoghullanmaymiz. Eksiche, biz démokratik qimmet qarishini tiklesh, metbuat erkinlikini himaye qilish hemde oxshash bolmighan qarashlarni ipadileshke meydan hazirlap bérish qatarliq xizmetler bilen shoghullinimiz.