PDA

View Full Version : D U Q ning mu’awin re’isi ümid agahi ependim, Bélgiye we Gollandiyediki ziyareti



Unregistered
18-06-12, 20:22
http://www.uyghurcongress.org/uy/

D U Q ning mu’awin re’isi ümid agahi ependim, Bélgiye we Gollandiyediki Uyghur teshkilatliri we xelq’araliq teshkilatlar bilen uchurushush élip bardi

D U Q xewer merkizi
2012-yili 6-ayning 18-küni
hemmige melum bolghinidek, D U Q nıng 4-nöwetlik wekiller qurultiyi 5-ayning 14-künidin 17-künigiche Yaponiyening paytexti tokyoda muweppeqiyetlik ötküzülgen, bu qurultaygha 16 dölettin 117 neper wekil ishtirak qilghan, shundaqla qurultay jeryanida démokratik usul bilen D U Q ning yéngi rehberlik hey’iti saylap chiqildi.

qurultaydin kéyin, D U Q ning yéngi rehberlik hey’iti we unung terkibidiki herqaysi organlar özlirining bundin kéyinki xizmet programmisini qisqa waqit ichide tüzüp chiqip, özlirining pa’aliyetlirini jiddiy halda bashliwetti.

bundin birqanche kün burun, D U Q ning siyasiy we tashqi ishlargha mes’ul mu’awin re’isi esqerjan, D U Q ijra’iye komitétining re’isi Dolqun Eysa Qatarliq rehberlirimiz shiwétsiye, Gollandiye Qatarliq ellerni ziyaret qilip muhim uchurushush we pa’aliyetlerni élip barghan idi.

D U Q ning Yawropa ishlirigha mes’ul mu’awin re’isi ümid agahi ependim, milliy rehbirimiz we re’isimiz rabiye xanimning tapshuruqi bilen, 6 – ayning 15 _ künidin 17 – künigiche Gérmaniyedin alahide Bélgiye we Gollandiyelerge bérip, bu ellerdiki bezi xelq’araliq teshkilatlar we Uyghur teshkilatlirining mes’ulliri bilen körüshüp, ulargha bu qétim Yaponiyede chaqirilghan 4 – nöwetlik qurultiyimiz heqqide tepsiliy melumat bérish bilen birge, ulardin D U Q bilen bolghan hemkarliq munasiwetlirini yenimu kücheytish we zoraytishni telep qildi.

ümid agahi ependim bu qétimqi sepiride aldi bilen Yawropa Parlaménti jaylashqan Bélgiyening paytexti biryussélge bérip, xelq’ara kechürüm teshkilati Bélgiye shöbisining re’isi, shundaqla Uyghur xelqining uzun yilliq semimiy dosti dominika xanim we unung yardemchiliri bilen körüshüp söhbet élip bardi.
ümid ependim dominika xanimgha milliy rehbirimiz rabiye xanimning salimini we hörmitini yetküzüsh bilen birge, ununggha bu qétim Yaponiyede chaqirilghan qurultiyimiz we qurultiyimizning meqsiti, ghayisi we buningdin kéyinki pilan – programmiliri heqqide tepsiliy melumat bérip ötti.

ümid agahi ependim, dominika xanim we unung riyasetchilikidiki xelq’ara kechürüm teshkilati Bélgiye shöbisining Uyghur xelqige, Uyghur milliy herikitige körsitip kelgen izchil hésdashliqi, yardimi we hemkarliqigha D U Q namidin alahide rehmet éytish bilen birge, unungdin Uyghur milliy herikitining Yawropa Parlaméntidiki tesirchanliqini ashurush üchün yenimu tirishchanliq körsitishni telep qildi.

xelq’ara kechürüm teshkilati Bélgiye shöbisining re’isi dominika xanim, 10 nechche yildin buyan Uyghur teshkilatliri bilen izchil türde yéqin hemkarliq munasiwitini ornitip kelgen bolup, eyni chaghda u yene rabiye xanimning türmidin qoyup bérilishi üchün Xitay hakimiyitige qarshi Yawropada élip bérilghan naraziliq heriketlirining asasliq bashlamchilirining biri idi.

ümid agahi ependim yene bu qétimqi Bélgiye ziyariti jeryanida Bélgiyediki Uyghur teshkilatlirining asasliq mes’ulliri we bir qisim Uyghur jama’iti bilen uchurushup söhbet élip bérip, ulargha 4 – nöwetlik qurultiyimiz heqqide melumat bérish bilen birge, Yawropa Parlaménti jaylashqan Bélgiyediki Uyghur teshkilatlirining rolining intayin muhim ikenlikini, shunga Bélgiyediki barliq qérindashlirimizning milliy rehbirimiz rabiye xanim bashchiliqidiki D U Q ning etrapigha téximu zich uyushup, Uyghur dawasining Bélgiyediki tesiri we nopuzini yenimu ashurush kéreklikini tekitlidi.

ümid agahi ependim yene Bélgiyediki pa’aliyetlirini axirlashturup, 6 – ayning 16 – 17 – künliri Gollandiyeni ziyaret qilip, Gollandiyede D U Q terkibidiki Gollandiye Uyghur birlikning re’isi perhat qadir bashchiliqidiki rehberlik hey’iti bilen, Gollandiye yashlar herikitining asasliq wekilliri bilen, yene shundaqla Gollandiyede qurulghan Uyghur, tibet, möng‘ghol we démokratik Xitay meslihet kéngishining mes’ulliri bilen ayrim – ayrim halda uchurushush we söhbetlerni élip bérip, ulargha D U Q ning 4 – nöwetlik qurultiyi heqqide melumat bérish bilen birge, Gollandiyediki Uyghur teshkilatliri we Uyghur jama’iti ichide saqliniwatqan mesililer, Uyghurlar duch kéliwatqan qiyinchiliqlar, siyasiy panahliq tiligüchilerning ehwali … Qatarliq mesililer üstide etrapliq pikir aldi.

bundin bashqa yene Gollandiye Sherqiy Türkistan birliki teshkilatining orunlashturushi bilen Gollandiyediki bir qisim qérindashlirimiz bilen keng da’iride uchurushush élip bérip, ulargha milliy rehbirimiz rabiye xanimning salimini we arzu – isteklirini yetküzüsh bilen birge, Gollandiyediki pütün qérindashlirimizni birlik – ittipaqliq ichide milliy herikitimizning tereqqiyati üchün bir kishilik hesse qoshushqa, shundaqla Ürümchi qirghinchiliqining 3 – yilliqi munasiwiti bilen élip bérilidighan naraziliq heriketlirige aktip ishtirak qilishqa chaqirdi:

D U Q xewer merkizi