PDA

View Full Version : Germaniyediki bagh seyliside Yaponiyediki Qurultiyimizning rohi yetküzüldi



Qurultay uchuri
18-06-12, 09:51
Germaniyediki bagh seyliside Yaponiyediki Qurultiyimizning rohi yetküzüldi

Germaniyede paaliyet elip beriwatqan < Yawropa Sherqiy Türkistan Birliki > teshkilati, bu qetim Yaponiyede chaqirilghan 4 – nöwetlik Dunya uyghur Qurultiyining rohini yetküzüsh, ürümqi qirghinchiliqining 3 – yilliqi munasiwiti bilen Germaniyede elip berilidighan namayish we bashqa naraziliq paaliyetliri heqqide orunlashturush we seperwerlik elip berish, shundaqla Germaniyede yashawatqan qerindashlirimiz otturisidiki özara dostluq, qerindashliq we hemkarliq munasiwetlirini yenimu kücheytish meqsidi bilen, 6 – ayning 17 – küni ( yekshenbe ) germaniyening München shehridiki < Hirschgarten > namliq baghda bagh seylisi ( piknik ) paaliyiti uyushturghan idi.

Bu qetimqi bagh seylisi paaliyitige, Münchin shehride we unung etrapida yashawatqan qerindashlirimizdin bolup birqanche yüz kishi ayilisi we bala – chaqiliri bilen kelip qatnashti.

Yawrop sherqiy türkistan birliki idare heyiti birqanche kün japaliq teyyarliq qilish arqiliq, bu qetimqi bagh seylisige kelgen nechche yüzligen qerindashlirimizgha kawap we bashqa milliyche taamlarni sundi.

B agh seyliside aldi bilen Yawropa Sherqiy türkistan birliki teshkilatining reyisi Abdujelil emet ependim söz qilip, germaniyede yashawatqan pütün uyghurlargha wakaliten bu qetim Yaponiyede chaqirilghan tarixiy ehmiyetke ige 4 – nöwetlik Qurultiyimizni, shundaqla qurultayda wekiller teripidin saylap chiqilghan reyisimiz rabiye xanim bashliq pütün rehberlerni tebrikleydighanliqini we ulargha utuq tileydighanliqini bildürdi.

Abdu jelil Emet ependim sözide yene, bu qetimqi Qurultaygha Germaniyedin 20 ge yeqin wekilning berip qatnashqanliqini we Germaniyediki qerindashlirimizning DUQ ning bu qetimqi yengi rehberlik heyitide mohim salmaqni igelligenlikini eskertip ötti we germaniyedin DUQ ning yengi rehberlik heyitige saylanghan qerindashlirimizdin DUQ ning Yawropa ishlirigha mesul muawin reyisi Ümüti Agahi, DUQ ning siyasi we tashqi ishlargha mesul muawin reyisi Esqerjan, DUQ ijrahiye komutetining reyisi Dolqun Eysa, DUQ ning bash teptishi Nurmemet Rozahun, DUQ fondining mudirliridin Ümit Tursun, DUQ ichki ishlar komutetining reyisi Osmanjan Tursun, DUQ teshwiqat – neshriyat komutetining reyisi Perhat Yorungqash, DUQ mediniyet – maarip komutetining reyisi Ablimit Tursun, DUQ diniy ishlar komutetining reyisi Turghunjan Alawudun, DUQ tetqiqat merkizining reyisi Enwer Ehmet, DUQ yashlar komutetining reyisi Gheyur Qurban qatarliqlarni bir – birlep tonushturup jamaetke teqdim qildi.

Bash seylisige qatnashqan qerindahslirimiz, Germaniyedin DUQ ning yengi rehberlik heyitige saylap chiqilghan yuqarqi rehberlerni qizghin chawak sadaliri ichide alqishlidi we ularni pütün küchliri bilen qollap quwetleydighanliqlirini bildürüshti.

Germaniyedin DUQ ning rehberlik heyitige saylanghan qerindashlirimizgha wakaliten Esqerjan ependim söz qilip, aldi bilen milliy rehbirimiz Rabiye xanimning germaniyediki pütün qerindashlirimizgha bolghan illiq salimini yetküzdi, arqidin, bu qetim Yaponiyede chaqirilghan Qurultayning jeryani, mezmoni, meqsidi, pilan – purogrammiliri heqqide melumat berip ötti.
Qerindashliq we dostluq keypiyati ichide Intayin qizghin we jushqun ötken bu qetimqi bagh seylisi jeryanida yene, Ürümqi qirghinchiliqining 3 – yilliqi munasiwiti bilen germaniye we Yawropa miqyasida elip berilidighan türlük shekildiki naraziliq paaliyetliri heqqide tepsili orunlashturush elip berilip neqmeydanja jamaetke uxturuldi.

DUQ ning qanunluq merkizi orgini Germaniyening München shehride bolup, DUQ mu 2004 – yili Germaniyening Müncheh shehride qurulghan we 2005 – yili germaniye hökümiti teripidin resmi qanuniy jehettin enge elinghan idi.
Hazirgha qeder germaniyediki siyasi paaliyetchilirimiz, milliy rehbirimiz Rabiye xanim bashchiliqidiki DUQ ning rehberlik kadrosida asasliq mohim salmaqni igellep kelmekte.

DUQ xewer merkizi

Unregistered
18-06-12, 12:02
Bagh Seylisining körünüshlirini bu linkidin köreleymiz:

http://www.facebook.com/#!/