PDA

View Full Version : Chidimas Qizil Hakimiyet



IHTIYARI MUHBIR
16-06-12, 01:10
Uyghurlar heqqide maqale yazghan tunggan yazghuchisi enren üstidin tutush buyruqi chiqirildi
Muxbirimiz méhriban
2012-06-15
Jinen shehiridiki enren isimlik tunggan yazghuchisi xitaydiki milliy hem uyghurlar heqqide yazghan maqaliliri seweblik xitay dairiliri teripidin «sezgür sexs» dep qarilip kelgen.


Anran's Blog (ismaelan.com)

Xitaydiki milliy hem uyghurlar heqqide maqaliler yazghan tungan yazghuchi enren


Yéqinda enren özining blogida 2 - May küni kola saqchixanisida öltürülgen uyghur ösmür mirzahid heqqide maqale élan qilghandin kéyin, xitay saqchiliri uni «torda ösek söz tarqatqan» dep eyiblep tutush buyruqi chiqarghan.

Enren 15 - Iyun élan qilghan «qoghlap tutush»namliq maqaliside, ötken hepte özining blogida élan qilinghan «quran ögengen ösmürning ölümi» namliq maqalisi we bashqa yazmiliri seweblik, saqchi dairiliri teripidin tutush buyruqi chiqirilghanliqini bayan qilip, nöwette özining qéchip yürgenlikini bildürgen.

Enren «qoghlap tutush» namliq maqaliside özining xeter ichide turuwatqanliqini bildürüp mundaq bayanlarni bergen: «14 - Iyun shendung jinen shehiri lisha saqchixanisining bashliqi wang kéchang yashinip qalghan dadamgha téléfon qilip, méni ulargha tapshurup bérishni telep qiliptu. Ular méning uyghurlar uchrawatqan heqsizliqlar heqqide sözlishimge yol qoymaydighanliqini bildürüptu. Wang famililik saqchi bashliqi dadamgha méning torda élan qilghan qutratquluq xaraktéridiki yazmilirim seweblik manga alahide tedbir qollinilidighanliqini agahlanduruptu. Bir yildin ashti men blogimda élan qilinghan uyghurlargha hésdashliq qilinghan yazmilirim seweblik, saqchilarning tutqun qilishidin qéchip sirtlarda temtirep yürüptimen. Méning hazirqi halitimni öyidin ayrilghan itqa oxshitish mumkin. Emma men hayatla bolsam heqiqet üchün, ézilgen milletler üchün sözleymen. Men hazir xeter ichide. Eger men blogimda yézishtin toxtap, jimip ketsem méni tutqun qiliniptu, yaki öltürülüptu dep bilsengler bolidu. Alla hemmige qadir!»

Enren 4 - Iyun élan qilghan «quran ögengen ösmürning ölümi» namliq maqaliside, 22 - May korla saqchixanisida öltürülgen uyghur ösmür mirzahid heqqide erkin asiya radiosi qatarliq chetel axbaratliri bergen xewer bilen xitay metbuatliri bergen xewerni sélishturup, xitay dairilirining yalghanchiliqini pash qilghan. Hemde weqe heqqidiki xewerni xitay tor béketliride köchürüp tarqatqini üchün xitay saqchiliri teripidin tutqun qilinghan pamir yasin weqesini bayan qilip, xitayda puqralar pikir erkinlikining depsende qilinip, kishilik hoquq üchün sözligenlerning basturuluwatqanliqini tenqidligen idi.

Yazghuchi enren 4 - Iyun élan qilghan «quran ögengen ösmürning ölümi» namliq maqaliside, «nöwette özini qudretlik sanighan tengri xanidanliqi(xitay hökümitini démekchi) jenubiy déngizda filippin bilen urush qilishtin éhtiyat qilghini üchün «urush qilghudek déngiz armiyisimu yoq» dep mesxire qiliniwatidu. Emma özining qudritini namayan qilishqa amraq tengri xanidanliqi hazir pütün küchini ishqa sélip dölet ichide özige qarshi gep qilghuchilarni basturuwatidu. Elwette pamir yasin ependige oxshash tutqun qilinish qismiti méning béshimghimu kélish aldida turuptu» dégen bayanlarni bérip, uyghurlar heqqide élan qilghan maqaliliri seweblik öziningmu xeter ichide turuwatqanliqidin deslepki bésharetni bergen idi.

Tunggan yazghuchisi enrenning xeter ichide turuwatqanliqi heqqide bügün «uyghurbiz» tor békitimu xewer berdi. «Uyghurbiz» tor békitide élan qilinghan xewerde déyilishiche, enren ilgiri xitayda ötküzülgen 6 - Nöwetlik tunggan qelemkeshliri yighinigha qatnashqan. U yene «uyghurbiz» tor békitining tor bashqurghuchiliridin biri bolup, uzundin buyan uyghur mesilisi heqqide izdinip kelgen. Bolupmu «5 - Iyul ürümchi weqesi» din kéyin enren yene «uyghurbiz» tor békitidiki yazmiliri seweblik hujum nishanining birige aylanghan.

Enrenning blogidiki uchurlardin melum bolishiche, enren 1979 - Yili tughulghan bolup, uning «enren shéirliri», 2004 - Yildin 2010 - Yilghiche yézilghan eserliri kirgüzülgen «issiq qan hem muzdek réalliq» namliq maqaliler toplimi bar. Uning yene bu yil 6 - Ayda özining blogida élan qilghan eng yéngi yazmiliridin «kona dunyagha ot qoyghuchi», «untulghan hem xatirilesh obyékti qilinghan iparxan maziri», namliq maqaliliri we «heqiqiy tunggan milliti üchün naxsha éytimen», «men bir dane pichaqni yastuq qilghinimche uyqugha kétimen» qatarliq shéirliri bar

Unregistered
16-06-12, 03:16
chidap-chidimaydighan gha xitay sening aghinengmu? axmaq! u bir dushmen, isghaliyetchi dushmen.
qizili chidaydighan qarisi chidimaydighan boyum emes-uning her -qandaq rengliki dushmendur. sen tolimu tutruqsiz, sewiyesiz
qara lukchektinmu otun kesligendek gep qilip kelding.

meqsiting tup-nuqti-nezerlerni burmilash bolup keldi. axmaq qiyapetke kiriwilip uyghurlarni chakina qarashlargha ram qilimen demsen?

qizil chin, chidimidi digen nime gepler-bu?