PDA

View Full Version : Wetensiz Ana...



Unregistered
02-06-12, 13:06
Wetensiz Ana...

Köksu

Sen nede kimlerge öttüng telmürüp,
Hijrandin béshinggha chigip aq léchek.
Bir büyük arzuni ketting baghashlap,
Hayatliq yolungni basqanda tütek.

Sen üchün dualar qilip yiraqtin,
ün-tinsiz sükütte yighlaydu tarim.
Ghezeplik aqqanda ili-zerepshan,
Ahidin amalsiz éziler baghrim.

Weten dep munglarda qaldi bostanlar,
Weten dep daghlarda qaldi barxanlar.
Hijranining deshtide özüng yöleksiz,
Weten dep armanda aqti deryalar.

Séghinish ilkide yighlar Altuntagh,
Arzusi-istiki körmek qizini.
Sayramning yüzide küwejer azap,
Tinimsiz azaplar tilghach baghrini.

Közliring neprette qelbingde elem,
Meghriptin meshriqqe salisen chuqan.
Ghezeptin yürüking yérilidi éniq,
Gül-ghuncheng üstini basqanda topan.

Sen söygen qibligah teklimakan,
Sen külgen diyar qeshqer-xoten.
Namingini yadlaydu qumul-turpan,
Hidingni séghinar aqsu-küsen.

Yüriki hesretlik wetensiz ana,
Boghdadin béshigha chigken aq léchek.
Armanlar qoynidin tanglarni kütüp,
Izingni basidu sansiz gül-chéchek.

Menbe: Köksu yazmiliri

2012-yil2-féwral