PDA

View Full Version : Nuri Turkel «Istanbul Dunya Siyaset Munbiri» yighida Uyghur mesilisini anglatti



Unregistered
22-05-12, 08:45
http://www.rfa.org/uyghur/xewerler/tepsili_xewer/siyaset-munbiri-05212012164724.html/story_main?encoding=latin

2-Nöwetlik «istanbul dunya siyaset munbiri» namliq xelqaraliq yighinda uyghur mesilisi anglitildi
Ixtiyariy muxbirimiz arslan
2012-05-21

2012-Yili 5-Ayning 17, 18-Künliri istanbulda échilghan 2-Nöwetlik «istanbul dunya siyaset munbiri» namliq yighinda uyghur mesilisimu anglitildi.

RFA/Arslan

«Istanbul dunya siyaset munbiri» namliq xelqaraliq yighingha adwokat nuri türkel ependi teklip bilen qatnashti we uyghurlar toghrisida söz qildi. 2012-Yili 17-May, istanbul.

Türk fondi, türkiye medeniyet we sayahet ministirliqi, türkiye bash ministirliqi teshwiqat bölümi qatarliq idare we organlarning birlikte uyushturushi bilen istanbul qurultay merkizi yighin zalida, 2-Nöwetlik istanbul dunya siyaset munbiri namliq xelqaraliq yighin ötküzüldi. Bu yighingha dunyadiki 56 dölettin, ministirlar, parlamént ezaliri, siyasiyonlar, yazghuchilar, akadémiklar we axbaratchilar bolup 300 din artuq kishi qatnashti.

Bu yighingha amérikidiki adwokat nuri türkel ependi teklip bilen qatnashti we uyghurlar toghrisida söz qildi.

2 Kün dawam qilghan «istanbul dunya siyaset munbiri» yighinida 4 chong yighin zalida ayrim-Ayrim 28 qétim yighin échildi. Her qétimliq yighinda 5 kishi söz qildi. Bu yighinda asasliqi dunyaning iqtisadiy, siyasiy we ijtimaiy mesiliri toghrisida muzakiriler élip bérildi. Yéngi dunya qurup chiqish toghrisida muhim pikirler otturigha qoyuldi.

Yighinning 24-Qétimliq yighilishta «yüksiliwatqan küch-Xitayning dunya siyasiti» dégen témini asas qilghan halda, adwokat nuri türkel ependi, afghanistan iqtisad ministiri abdulhadi arghandiwal, okraina tashqi ishlar komitétining reisi kozara ependi, italiyidiki yawropa öyi ambrosétning hessidari pawola borzata qatarliq 5 kishi söz qildi.

Nuri türkel ependi sözide sherqiy türkistanning xitaylar teripidin ishghal qilinghan bir zémin ikenlikini, sherqiy türkistanda yashaydighan uyghurlarning xitay kommunist hakimiyitining bésim siyasiti astida yashawatqanliqini ipadilidi we uyghurlarning hazirqi weziyitini anglatti.

Yuqiridiki awaz ulinishtin bu heqte ötküzülgen söhbetni anglaysiler.

Copyright © 1998-2011 Radio Free Asia. All rights reserved.