PDA

View Full Version : örkesh dölet xitayning washingtonda turushluq elchixanisigha kirip özini melum qilid



Unregistered
18-05-12, 19:13
Tyenenmén oqughuchilar herikitining sabiq rehbiri örkesh dölet xitayning washingtonda turushluq elchixanisigha kirip özini melum qilidiken

Muxbirimiz erkin
2012-05-18
1989-Yil «4-Iyun tyenenmén oqughuchilar herikiti» basturulghandin kéyin xitay hökümiti teripidin tutush buyruqi chiqirilghan oqughuchilar herikiti sabiq rehbiri örkesh dölet, xitayning washingtondiki elchixanisigha kirip özini melum qilidiken.
Bu uning cheteldiki xitay diplomatik organlirigha 3-Qétim özini melum qilishi bolup qalidu. Örkesh dölet ilgiri ikki qétim özini melum qilghan bolsimu, biraq xitay elchixanisi qolgha élishni ret qilghan idi. U axirqi qétim 2010‏-Yili xitayning tokyoda turushluq elchixanisigha özini melum qilip ret qilinghan.
Junggo «puqralar küchi» teshkilatining peyshenbe küni élan qilghan bu heqtiki uchurida, uning 23 yildin buyan ata-Anisini körüp baqmighanliqi, uning ata-Aniliriningmu chetelge chiqip uning bilen körüshüshige yol qoyulmighanliqini, örkeshning bu arqiliq xitay hökümitige riqabet élan qilip, ular bilen «tyenenmén qirghinchiliqi» ning toghra-Xataliqi heqqide sözlishishni ümid qilidighanliqi ilgiri sürülgen.
Amérikini baza qilghan mezkur teshkilat örkesh döletning özini melum qilish herikitini qollaydighanliqi, xelqara jemiyetning buninggha diqqet qilishini telep qilghan.
Mezkur teshkilatning rehbiri, doktor yang jenli: junggo hökümitining bir ailini bir-Biridin bunchilik uzun waqit ayriwétishi, chékidin ashqanliq. Bu junggo hökümitining öz puqralirigha qandaq muamile qiliwatqanliqining yene bir misali. Dunya jamaetchiliki öz xelqige toghra muamile qilmaydighan hökümetlerdin hezer eylishi kérek, dégen.
Örkeshning elchixanigha özini melum qilidighanliqi élan qilinghan bu waqit, «4-Iyun qirghinchiliqi» ning 23 yilliqigha 15 kün qalghan mezgilge toghra keldi.