PDA

View Full Version : Wetende aliy mektepke imtihan béridighan oqughuchilar qattiq siyasi tekshürüshtin



Unregistered
08-05-12, 09:43
Wetende aliy mektepke imtihan béridighan oqughuchilar qattiq siyasi tekshürüshtin ötküzülmekte

Ertonga Alip

Xitay hökümiti her yili 6-ayning7-,8-,9-künlirini aliy mektepke imtihan béridighan kün qilip békitken. Bu künlerning yétip kélishige egiship, weten ichidiki aliy mektep imtihani béridighan oqughuchilar qattiq siyasi sinizordin ötküzilishke bashlidi. Igilishimizche, oqughuchilar arxipini teyyarlash üchün bir qatar jedweller tarqitilghan, bularning ichide oqughuchilar arxipi we oqughuchilarning a’ile ehwalini tekshürüsh jedwili dégen jedwellerde mundaq eskertmiler közge tashlinip turidu:
Yéqin uruq-tughqanliri we asasliq ijtima’i munasiwiti ichide chong mesililer sadir qilghanlar barmu? Özi bilen munasiwiti qandaq?; Oqughuchining ata-anisi yaki baqqan ademning ichide éghir mesile sadir qilip, biz tereptin jazagha höküm qilin’ghanlar barmu-yoq, bar bolsa uning waqti,orni, sewebi we jaza mudditi toshup qoyup bérilgendin kéyinki ipadisini izahlap qoyunglar.
«adettiki aliy mektepke oqughuchi qobul qilishta siyasi jehettin tekshürüsh jediwilini toldurush izahati»da bu heqte mundaq déyilgen:
1.imtihan bergüchi turushluq mektep, orun yaki ahale kométiti, kent imtihan bergüchilerning siyasi meydani, siyasi ipadisi, siyasi-idiye, exlaq pezlitige qarita omumiyüzlük bahalash élip baridu, hemde tepsili baha sözi yazidu. Baha sözining mezmuni toluq, toghra bolishi lazim. Imtihan bergüchi turushluq mektep, orun yaki ahale kométiti, kent bu baha sözining heqiqiyliqigha mes’ul bolidu.
2.sinip mes’uli, orun yaki ahale kométiti, kentning mes’uli imtihan bergüchilerning siyasi meydani, siyasi ipadisi, siyasi-idiye, exlaq pezlitini tekshürüsh netijisidiki mezmunlargha asasen imtihan bergüchilerning ipadisige qarita tepsili netije chiqiridu. Tekshürüsh netijisi layaqetlik yaki layaqetsiz dep éniq ayrilidu. Oqush püttürgenlerning siyasi-idiye, exlaq-pezilitini tekshürüsh netijisige sinip mes’uli tekshürüp imza qoyidu. Kespiy téxnikomlarni püttürgenler, jemiyettin imtihan bergenlerning tekshürüsh netijisige orun, ahale kométiti, kentning mes’uli tekshürüp imza qoyidu. Kim tekshürgen bolsa shu mes’ul bolidu.
Sherqiy türkistandiki bu xil kishilik hoquqqa, insaniyet exlaqigha munasiwetlik xelq’ara qanunlargha xilap bolghan qilmishlar wetendiki imtihan bergüchilerge we ularning a’ile tawabatlirigha nurghun awarichiliqlarni élip kelgen. A’ile ezaliri ichide siyasi jehette chare körülgenler bolghan oqughuchilarning tekshürüsh jedwel qeghizige belge sélinip, imtihan bergüchilerning istiqbali qarangghulashturulghan, igilishimizche, bu siyasiy sénizorda ,asasliqi ürümchi 5-iyol qirghinchiliqida namayishqa, qarshiliq körsitishke qatnashqan oqughuchilar we ularning a’ile tawabatliri ahale kométitliri teripidin qattiq tekshürülgen we tekshürüsh jedwilige alahide qilip belge urulghan. Pakitlargha köre dunyaning kopligen yérliride héchqandaq bir insan dini, milliti, érqi, siyasiy qarishi seweblik sherqiy türkistan kishiliridek bundaq éghir künlerge muptila bolmaywatqan bolsa kérek.

Unregistered
08-05-12, 15:34
man ali maktapka imtihan bargan chaghlar (1981-yillar idi). maktap mudiri ali maktap formlarni koturup kilip, formni toluk toshkazmapsiz dap dadamgha kol koyghuzghan idi.biliman dadam siyasi jinayi mudditini toshkuzup chikip amdi bir yil bolghan idi. xuning bilan imtahandin yukuri numur alghan bolsammu , okughuchi kobul kilghini kalgan okutkuchilar mini hich kaysi maktapka kobul kilmighan.ahiri bir maktaptin kobul kilindingiz digan kaghaz tapxurup aldim. kiyin maktapka bardim .mini kobul kilghan okutkuchi kazak ikan.kiyin uksam uning ailisidimu siyasi masila bilan turmiga kamalghanlar bar ikanduk.