PDA

View Full Version : Ferux sadiq akining 70 yashqa kirgenliki qutland



Unregistered
03-05-12, 07:56
Ajayip menilik yaxshi paaliyet boptu . yashanghan pishqedemlerni mana mushundak etiwalsh kirek !!



Shwétsiyidiki péshqedem teshkilatchi ferux sadiq akining 70 yashqa kirgenliki qutlandi
Ixtiyariy muxbirimiz yalqun
2012-04-30
Ferux sadiq aka shwétsiyige eng baldur kelgen uyghurlarning biri bolup, xitay elchixanisining aldida xitay hökümitige qarshi tunji namayish qilghan we tunji uyghur teshkilatini qurghan kishidur.


RFA/Yalqun

Shwétsiyidiki péshqedem teshkilatchi ferux sadiq akining 70 yashqa kirgenliki xatirilinip ötküzülgen murasim. 2012-Yili 28-Aprél, shwétsiye.

Xelqining armini üchün ter tökken, azabliri üchün yash tökken hörmetlik jamaet chonglirining bésip ötken hayat musapilirini qutluqlap, murasim uyushturush we ton kiydürüsh uzaq yillardin buyan uyghur xelqining arisida el söygen oghlanlirigha bildüridighan hörmitining exlaqi simwoli bolup kelmekte.


Ferux sadiq aka shwétsiyige eng baldur kelgen uyghurlarning biri bolup, shwétsiyide xitay elchixanisining aldida xitay hökümitige qarshi tunji namayishni uyushturghan we shwétsiyide «shwétsiye sherqiy türkistan jemiyiti» namida tunji uyghur teshkilatini qurghan kishidur. 4-Ayning 28-Küni ferux akining 70 yashqa tolghanliqigha murasim uyushturulup, uninggha ton kirgüzüldi.

Ferux sadiq aka(soldin aldinqi rettiki üchinchisi) xitay elchixanisi aldida namayishta. Shwétsiye.


Ferux sadiq aka 1942-Yili 4-Ayning 26-Küni ghulja shehiride tughulghan. Ferux akining chong bowisi miyan sadiq hezritim öz waqtida yaqupbegning yettesheher dölitide diniy ishlargha mesul emeldar bolup ishligen. Yette sheher döliti munqerz bolghandin kiyin, hazirqi qazaqistanning almata oblastigha qarshiliq yarkentke köchüp kélip, wélibay yoldashning ey yéqin ademliridin biri bolup qalghan.


Ferux sadiq aka 1950-Yildin 1957-Yilghiche ghuljidiki ümid mektipide oqughan. 1957-Yildin 1958-Yilghiche sabiq shinjang institutining edebiyat fakultétida oqughan. Bu jeryanda uyghur élide élip bérilghan istil tüzitish herikiti, polat tawlash herikiti, qushqach öltürüsh herikiti qatarliq bir yürüsh heriketlerni bashtin kechürgen. 1958-Yili 11-Ayning 1-Küni qazaqistangha köchüp chiqip, yarkentning köktal yézisida olturaqlashqan we shu yerdiki waqtida sowét armiyiside 3 yil wezipe ötigen. 1965-Yildin 1970-Yilghiche tashkent uniwérsitétining sherq fakultétida oqughan. Oqush püttürgendin kiyin özbékistan radio-Téliwiziye komitéti chetellerge anglitish bérish bölümide faris tili boyiche terjiman bolup ishligen. 1972-Yildin 1975-Yilghiche iranning isfahan shehiride terjimanliq xizmitide bolghan.


Ferux sadiq aka 1990-Yili ailisi bilen shwétsiyige köchüp kélip olturaqlashqan.


Ferux aka yalghuz shwétsiyidila paaliyet élip barghan paaliyetchi bolupla qalmay yene, sherqi türkistan milliy kéngishi, dunya uyghur qurultiyi qatarliq xelqaraliq uyghur teshkilatliri terkibidimu muhim wezipilerde bolup, uyghur élining kélechiki üchün küch chiqarghan jamaet erbablirining biridur. Ferux aka shwétsiyidiki uyghurlar arisida yurt chongi bolupla qalmay yene, hörmetke sazawer yigit béshidur.

Unregistered
04-05-12, 15:04
hörmetlik pishiqedem jamaet erbabi Faruq sadiq akigha uzun ömür, salametlik tileymen. u kishi 1999-yili Miyonxinda chaqirilghan " Xelqara sherqi türkistan( Uyghuristan) milli qurulteyi" da weten musteqilliqi yolida teshwiqatning roli toghrisida qayil qilarliq pikir bergen idi. shuningdin itibaren u akimizgha hörmet qilip keliwatimen. pikirla emes, qilghan pikrini özi emeli xizmitide körsitidighan heqiqi heriketchi rehberlirimizning biridur.

Unregistered
05-05-12, 04:57
Muhterem Faruq akimiznig 70 yilligini ching yürektin tebrikleymen ve teniga salametchilik, uzun ömür tileymen.
Faruq akimiz, 1999. yil teshkil etilgen Sherqiy Türkistan "Uyghuristan" Milliy Qurultayi Icraiye Komitesining ezasi edi.
Peshqedem ustazimiz, 2001. yili Engilis tilida chiqirilgan "Uighur Affairs Survey" jurnalining teyyarlinishiga muhim hisse qoshqan edi.

Bu munasebet bilen mezkur jurnalning mes'ul muherriri Rakhim Aitbaevni minnetdarliq bilen esleymen.

Enver Can

Unregistered
05-05-12, 21:23
Amerikidimu mushundak pishqedemlerdin bar idi , ularning hayat wahtida ularningmu tughulghan kunlirini mubareklesh kirek idi.