PDA

View Full Version : Weten Mening Qelbimde!



Unregistered
15-04-12, 03:12
Ey tilim-uyghur tili, sen ana til elning tili,
Sen buyuk til, sen yituk til, barce tillar serhili.
Sen guzel til, sen suzuk til, sen huzurum, tatlighim,
Sen yuwax til hem asan til sende nusret, xatlighim.

Ewweli "ingnge"de singding jangha, dilni lal qilip,
Keynidin bulbulgha ohxatting zuwanni bal qilip.
Sende ciqti puxti uyghurning tili uyghurcilap,
Sen bilen tarqaldi uyghur lewzidin huxbuy gulap.

Sende hazirlandi, "millet" xertining bir maddisi,
Sen bilen bih surdi "millet" xahlirining qaldisi.
Milliyet mewjut "yaran" milliting yoq bolmisa,
nede u milli xerep, izzet tiling "toq" bolmisa.

Til digen ejdad bilen ewladni baghlar, rixte bil,
Rixte cingliqta toqulghay ne esil uz (cirayliq)kexte bil.
Ana til-milli tiling bolghacqa uyghurluq sening,
Ana til birle jahan icre yuzung nurluq sening.

Ana til-til gheziniside qiptu bay bilsem meni,
Erebi, parsi hem ugendim, urduce, henzucini.
Ey yaran! men "haji" liqta qaysi yurtni kezmidim,
Ana til- uyghur tilidek temde balni sezmidim.

Jan yaxardi oz zuwanim birle bir soz anglisam,
Qaldi heyran heq xu tilda oz elimni danglisam.
Cunki bu til qangha singgen etiwa til-yurt tili,
Uxbu tilda putti dastan xairlirim-yurt bulbuli.

Uxbu tilda yazdi ellame-edibler kop zaman,
Uxbu tilda qaldi mewjut xu yusup, mahmut haman...
Uxbu tilni sepke tizsaq necce persenglar qatar,
birsi uyghur, birsi ozbek hem qazaq, qirghiz, tatar.

Tilgha el eghda, uning wayi qelemkex tilcidin,
Ocmisun bu til eli, turpanu, qexeqer, ilcidin.
Dewrimiz berdi hoquqni, til sapliqni saqla dep,
Til-yeziq erki sening ilkingde burcni aqla dep

Ey zamanim yaxliri ejringde perwix tapsa til,
Xir nawayidek cuxup beygige yengse, capsa til.
Kim huxal bolmaydu ruhlar xad bugun hem ete xad,
Ana til-bayliq! Uni qoghda, bu yolda tohpe qat.