PDA

View Full Version : Diqqet: Uyghurlarda eydiz yamirimaqta !!!



Unregistered
19-03-06, 13:55
Uyghurlarda eydiz yamirimaqta ! (1)

Amrika pirizdiniti bush bu qétim jonggogha kelgendimu reis xujintaw bilen jonggodiki eydis meslisi toghurluq noqtiliq söhbetleshti . Eydis her küni sizning etrapingizda aylinip yüridu , élan qilin'ghan sanliq melumatlar peqet bayqalghan eydis wirosi bilen yuqumlan'ghuchilarning sanini bildürdu xalas , emma eydis wirosi bilen yuqumlan'ghanlarning uzunlirida 3-4yildin kiyin kélnikiliq alametler körülidu . Hökümet peqet bayqighanlirini sitastika qilidu , bayqalmighan , bayqalsimu melum qilinmighanlar nurghun . Üzingizde qizzish ( yérim - aydin bir ayghiche témpiraturisi 38 etrapida bolghanlar ), daim éghiz boshluqi yallughlinish , beden'ge ( bulupmu qursaq qismigha ) danxorekke oxshash danchilar peyda bolghanlar , qoltuq qatarliq urundiki limfa bezler chungiyip ketkenler , géli toxtimay aghriydighanlar derhal doxturxanigha bérip qan tekshürtüng . Héchqandaq alamet peyda bolmighanlarmu xeterlik jinsi munasiwet tarixigha ige yaki zeherlik chikimlik chikish tarixigha bolsingiz derhal qan tekshürtüng .
Hazir eydis cholpanlar , dölet kadirliri ,ali mektep uqughuchilliri , tijaretchiler , dihqanlar hersahe - her kesiptin bar , eqil - idraklik bolsingiz , hayatni söysingiz , güzel ghayilirim köpüktek weyran bolmisun disingiz zeherlik chikimlik we pahishwazliqtin qet'i qol üzüng , hazirmu kichikmeysiz . Uyghur millitingizni , etrapingizdiki xelqingizni söysingiz derhal etrapingizdikilerge teshwiq qiling , öz xelqingiz üchün mushunchilik bolsimu yaxshi ish qilip quyung .
Shinjang rayunidiki eydis yuqumlan'ghuchilarning ölümi yuqiri basquchqa yétip keldi , deslep yuqumlan'ghanlar (5-10yilghiche waqit bolghanlar )ning ölüsh yuqiri basquchi mushu bir - ikki yil ichide bashlinidu . Pak téningiz we saghlam qelbingiz bilen ehmiyetlik yashang . Emma men pak dep eydis yuqumlan'ghuchillirini kemsitmeng , ularning hemmisining zeherlik chikimlik we buzuqchiliqtin yuqumlan'ghan bulushi natayin .Shundaq bolghan teqdirmu dunyadin kitish aldida turghanlargha azar bermeng , chünki haman bir küni bizmu ularning arqisidin barimiz .

Eydis kisili digen nime ?
Eydis kisili eydis wirosining adem tinining immonit séstimisigha hujum qilishi bilen ademning kiselge qarshi turush küchini tüwenlitip axirida kishini hayatidin ayriydighan yuqumluq kisel . Eydis wirosining insan tinide yushurun turush waqti 12- 13yilghiche bulup eydis wirosi bilen yuqumlan'ghuchi nurghun yillarghiche nurmal kishidek yürüydu ,xizmet qilidu héchqandaq kisellik ehwali bayqalmaydu .

Eydis kisilining yuqumlinish yoli qandaq bolidu ?
Eydis kisili adette hawa , adem bedinining biwaste uchrushishi qatarliq ehwallarda yuqumlanmaydu , uning asaslq yuqumlinish shekli jinsi munasiwet we qan qatarliq üch xil shekildin ibaret :
1.Jinsi munasiwet bu asasliqi herxil jinisliqlar we oxshash jinisliqlarning jinsi munasiwitini körsitidu .
2.Qan yeni zeherlik chikimlik chekküchilerning oxshash bir shiprisni tekrar ishlitishi digendek .
3. Anidin bowaqqa yuqush . Eydis wirosi bilen yuqumlan'ghuchi ayal hamildar bolghandin kiyin hamile eydis wirosi bilen yuqumlinidu

Undaqta eydiz kisilining rayunmizda tarqilish ehwali qandaq ?
2002-Yili b d t ning reisi annan dölitimizde ziyarette buliwatqanda mundaq digen idi :"jonggo hükümiti chuqum keskin tedbir qollinip eydiz kisilining yamrap kitishining aldini élish kirek , jonggo eydiz kisilige nisbeten hazir bir hel qilghuch peyitte turiwatidu , shunga eydizge qarshi teshwiqatni kücheytish , pütün jem'iyet atlinishi kirek ..................." Dep körsetken idi .
1995-Yili rayunimizning qumul shehiride tunji eydi kisili yuqumlan'ghuchisi bayqalghandin kiyin , shu yili ürümchi we gholja shehiride arqa - arqidin eydiz yuqumlan'ghuchilliri bayqaldi (shu yili jem'i 9 neper ). Aridin bir yil ötkende yeni 1996-yili shinjangning asasliq rayunliridin (ürümchi , sanji , gholja , qeshqer .......) Jem'i 370 neper yéngi yuqumlan'ghuchi bayqaldi . Shundin kiyin eydis yuqumlan'ghuchisi yildin -yilgha hessilep köpüyüp ( yiligha ottura hisap bilen 1200neper ) mangdi . B d t ning eydizge munasiwetlik sehiye emeldari Dr.FOX Shinjanggha üch qétim kilip sehiye nazariti we yuqumluq kisellerning aldini élish merkizining yardemlishishi bilen tekshürüsh élip bardi . U :" ürümchi we gholjidiki eydiz yuqumlan'ghuchillirining köpüyüsh tizligi pütün jonggo boyiche birinchi bulup qalmastin hetta dunya boyiche birinchi urun'gha ötti , bu tolimu qorqunuchluq .........." Dep körsetti . Hazir yurtimiz eydis yuuqumlan'ghuchillirining sani jehette yünnendin qalsa ikkinchi bolghan bilen köpüyüsh sür'itide dunya boyiche birinchi urun'gha kirdi .
Hazir yuqumluq eydizning tarqilish tizligini hisablash formilisi ( dunya buyiche ortaq qollinidighan hisablash usuli ) hisablighanda 2003-yilining yil béshidila shinjangda eydiz wirosini élip yürgichilerning sani 100mingdin éship kitidu , 2006 - yilidiki ehwalni tordashlar özi tesewwur qilwalsa bolidu .

Nime üchün hazir melum bolghan eydis yuqumlan'ghuchillirining sani ishenchilik emes dep qaraymen ?
Rayunimizda xeliqning medenyet sapasi tüwen , özini qoghdash éngimu tüwen , iqtisady tereqqiyat memlikettiki bashqa rayunlardin töwen , zeherlik chikimlik chikidighanlarning sani yoqiri .Nahiye - yéza bazarliridimu yer asti pahishxanilar bar , bir qisim kichik emeldarlar yaki bashqurghuchilar meblegh sélishqa qizziqturush bahanisi bilen öz nepsige chogh tartip ippet - numusini satidighanlargha yéshil chiraq yéqip biriwatidu .Mundaqche digende eydizning tarqilish sharaiti bir qeder yaxshi . Doxturxanilar iqtisadiy ünümni qoghliship eydiz bimarlirini bayqisimu melum qilmaydu , yaki emili sanni kémeytidu , bezi doxturxanilar melum qilish emes eydiz bimarini bayqighan haman doxturxanida yatquzushni ret qilidu yaki aldap yolgha salidu . Satrachixana , hösin tüzesh urunlirni bashqurush qalaymiqan , taziliqi ölchemge toshmaydu , qanunsiz qan sodisi qilidighanlar köp . Eydiz kisilining yushurun dewri uzun , kélnikiliq ipadisi iniq emes , dawalash heqqi yuqiri bolghachqa nurghun kishiler daim qan tekshürtüshke amalsiz . Shunga iniqlan'ghan eydis bimarlirining sani heqiqi emes , yaki u iniqlan'ghan eydiz wirosi élip yürgichilerge qaritilghan .
Alaqidar xadimlarning aghzaki bayanigha qarighanda hazir ürümchidiki chong doxturxanilarda eydiz bimarliri heptisige texminen 2-3 yitidu . Buningdin mölcherleshke bolidiki mushu on yil ichide eydiz rayunimizda asasliq ijtimahi meslige aylinidu .

Men nime üchün shinjang rayunida uyghurlarni asas qilghan az sanliq milletlerde eydizning tarqilish sür'iti bir qeder tiz dep qaraymen ?
Memlikitimizde HIV wirosi ( eydiz wirosi ) bilen yuqumlinish sür'iti yuquri we yuqumlan'ghuchilar sani köp bolghan rayunlar asasliqi yünnen , shinjang , sichüen qatarliq ölke rayunlar bulup bu rayunlarda az sanliq milletler köp olturaqlashqan . Bu rayunlarda HIV yuqumlan'ghuchilarning sanining yérimidin köpreki az sanliq milletler . Yuqarqilardin shuni kürüwélishqa bolidiki rayunimizda bayqalmighan HIV yuqumlan'ghuchilarning köp qismi yenila uyghurlarni asas qilghan az sanliq milletlerde bir qeder köp .
Dunyada janni alidighan kisel köp , biraq eydiz bek qurqunuchluq , adem shamdek asta - asta irip tögeydu , kisellik axirqi basquchqa kirgende adem ademdin biraqla alwastigha aylinip qalidu ,peqet ölümni kütüp yétishtin bashqa amal yoq , eng usta doxtur hetta xudamu qutulduralishi natayin . U élip kelgen rohi bésimni ülümge hüküm qilin'ghan jinayetchila his qilalaydu , bek qorqunuchluq , tulimu qorqunuchluq ............

Rayunimizdiki , ichkiri ölkilerdiki barliq ippet - numusini satidighan uyghur qizliri , pahishwaz uyghur erliri , zeherlik chikimlik chekküchiler , apingizning aq sütini haram qilmay disingiz , milletning yüzini yuruq qilay disingiz , qan - qérindashliringizning qelbide menggülük rohi bésim we öchmes azap azap tamghisi qaldurmay disingiz hezerlik chikimlik we pahishwazliqtin qol üzüng .
Ali mekteplerde neshe chikiwatqan , xiroin chikiwatqan , erzimes yalghan muhebbet üchün ippitini qurban qiliwatqan uyghur situdinitlar , béshinglarni sélkiwétip hayatqa bashqa nezer tashlanglar , ashu kichik ishlar eydizge giriptar bulushning birinchi qedimi .
Muhebbet sewdaliri , turmush peqet muhebbet üchün emes , turmushta muhebbettin bashqa qusaq béqish we saghlamliq meslisimu bar . Mekteptiki tétiqsiz muhebbet bir ezimet üchün peqet achchiq eslime xalas ."Bizning jem'iyitimizde muhebbet buzuqchiliqning desmayisige aylandi " digen söz menggü isinglarda bolsun .( Bundaq disem bolmayitti ,biraq hazir mushundaq nesihet qilidighan yerge keldi



Matiryal A
Ismi XX,uyghur , qiz ,22yash , tuluqsiz ottura mektep medenyet sewiyisige ige .
Sual : siz üzingizning HIVbilen yuqumlan'ghiningizni qandaq bayqidingiz ?
Jawap : men 2001-yili tuluqsiz ottura mektepni püttürgendin kiyin dawamliq uqushni xalimidim ,uquwatqan waqtimda tansixanida xemit isimlik birsi bilen tonushup qalghan , u manga ürümchide pul tapmaq asan , oynaydighan yerler köp , ürümchige bérip jahanning peyzini sürimiz didi . Shuning bilen men uning arqisidin ürümchige keldim . Kiyin bilsem xemit aq tamaka chikidiken . Ürümchide bir mezgil turghandin kiyin öydin élip kelgen pul tügidi , xemit bir aghinem ichkirde soda qilidu , bille pul tépip kilimz dep mini ichkirdiki melum sheherge élip kirdi . Uning aghinisi soda qilmaydiken , oghurluq qildiken .Men ular bilen bille ichkirde bir yil etrapta turghandin kiyin ürümchige qaytip chiqtuq . Ular uxturmastin mining somkamgha aq tamaka sélip qoyuptiken , ürümchige kelgende paylap turghan saqchilar bizni tutiwaldi , kisim höküm qilghandin kiyin beden tekshürtüshte mini mushu kiselkense didi.

Sual : gipingizche bolghanda sizmu aq tamaka chikiptikensiz , shundaqmu ?
Jawap: ..........................( Qiz peqet ün - tinsiz süküt bilen chekkenlikini étrap qildi )

Sual : ata - aningiz bu ishtin xewer tapqandu ?
Jawap : yigha , süküt .........

Sual : kiselni oylisingiz biaram bulamsiz ?
Jawap : yigha ................ Shundaq bek biaram bulimen . Az kündin kiyin ülüp kitishni oylisam téximu qorqimen , mining rohim ülüp boldi , men üyümge kitimen . Men hazir ülüm hökümini quligha alghan jinayetchige oxshap qaldim , kichilliri uyqu dorisi yimisem qorqup uxliyalmaymen , ünlük yütülüp salsammu jénim emdi chiqip kitidighan boldi dep oylaymen , mini ketkili quyunglar , men öyge kitimen .

Sual : undaq dimeng , xudayim shipaliq birer . Hazir yaxshi uqimighan'gha pushayman qilamsiz ?
Jawap : bek pushayman qilimen , burun men bek chirayliq idim , hemme adem shundaq deyitti . Sinipta men eng chirayliq kiyimlerni kiyettim ( chirayida yinik külke) , shukünlerni bek séghinimen , emdi qaytip kitelmeydighanliqimni , ülümni uylisam bek qorqimen , mining yürikim lexte - lexte qan bulup ketti , ashu xemitning arqisigha kirip , shirin - shiker sözige ishenmey yaxshi uqighan bolsam bu künlerde ala mektepke ötüpmu qalar idim .Men bek pushayman qilimen ......( Échinishliq yigha )

Ilawe : adem saq waqtida salametlikning qedirini , hayatning qimmitini taza chüshünüp yitelmeydu , shu nersiler qoldin ketkende pushayman qilsimu ornigha kelmeydu , 22yash bir qizning altun dewri , u hayatning lezzitidin huzurlinishi , quyash nuridin behrimen bulushi kirek idighu ?! Kichikkine xataliq , xata bésilghan bir qedem insanni ghayet zor bedel töletküzidu , hayat nimanche qimmet , nimanche qedirlik ?

Doxtur : qiz yene köp bolsa bir yaki yérim yil hayat kechürishi mumkin , eydizdin burun qurqunuch we pushayman uni hayatidin ayrishi mumkin , bizmu tirishtuq lékin siler bilisiler bu durisi yoq kisel , bizmu uning bir kichide saqiyip kitishni , möjize yüz birishini ümit qilimiz , biraq ne amal ? Biz ilhamlandurduq , biraq u rohiy jehettin tügiship boldi .


Matiryal B
Ismi yy,uyghur ,er ,32yash , ottura téxnikom medenyet sewiyisige ige .
Sual : siz üzingizning HIVbilen yuqumlan'ghiningizni qandaq bayqidingiz ?
Jawap : idaridin beden tekshürüshke urunlashturghanda bayqalghan .

Sual : sizning zeherlik chikimlik chikish tarixingiz barmu ?
Jawap : rasit gepni disem ottura téxnikomda uquwatqanda sawaqdashlar neshe ekeptiken , nir nechche qétim chikip baqqan . Kiyin chekmidim .

Sual : qandaq bulup HIVyuqumlinip qalghansiz ?
Jawap : esli bu ishlar men bilen bille görge kirip ketsun digen , emdi oylisam men axirqi basquchqa kirip qaldim , yushurup nime qilay , bedinim mushundaq bop ketti ( qursaq qismi ,yüzi ushshaq danchilar , tili üstidimu aq danchilar , qorqunuchluq ...) Men beribir ülimen , bashqilargha sawaq bop qalsun . Yéngi uqush püttürgende bir nechche qulaq kesti aghiniler bilen künde kechte siritqa chiqattuq , shu waqitlarda yuqturwalghan oxshaymen .

Sual : siritqa chiqip nime ish qilattinglar ?
Jawap : shu yerdiki satrachxanilarda pahishwazliq qilattuq .( Chüchüsh .....)

Sual : ayalingiz we balingiz barmu ?
Jawap : bar , ularmu mushu yerde dawaliniwatidu , men ulargha yüz kilelmeymen , toy qilip bopmu quchqachlardin ( shekli özgergen pahishiler )qol üzelmidim , men ketsem meylidi , balam bilen ayalimnimu sörep kitidighan boldum , men ülümge layiq ( échinishliq yigha .......)

Sual : balingiz nechche yash ?
Jawap : 6 yash , emdi mendin gep sorimanglar , men bek biaram bulup kettim .

Sual : bu qilmishlarning exlaqsiz qilmish ikenligini bilemsiz ? Pushayman qilamsiz ?
Jawap : bilimen , üzemni tartalmidim , qamlashturalmisam erlik kücheytidu dep dorilarni pulgha élip hetta xutendiki aghinilerge télfun qilip milli tibabet durillirini keltürüp yidim . Men bek pushayman qilimen , lenet mendek ademge , toy qilip bulupmu kechte simina ishleymen dep umaq balam bilen mihriwan ayalimni aldap quchqach izdep yürdüm , sheher atlap izdidim , tapqinim mushu nijis kisel boldi , ayalimgha yuqturdum , balammu shu .Emdi mendin gep sorimanglar , mining yashighum yoq ...........( Yigha ......)

Ilawe : jinsi turmush turmushning bir qismi , biraq turmushning mexsitini jinsi turmush dep qarap uningdila huzur - lezzet izlesh qandaq logika ? Pahishwazliq hayatning düshmini , kishini rohiy we jismaniy jehettin tügeshtürdu , yuqarqidek éghir aqiwet kilip chiqishi mumkin . Tuxum shakilining renggi qandaq bulushtin qet'inezer ichi oxshash , oxshimaydighini téxi bayqalghini yoq . Ayallar yer bolsa erler öküz, sapan sörep ülüp ketken öküz bar biraq aghdurlup tügep ketken yer yoq .

Doxtur : bu bimar pahishwazliqtin yuqturwalghan iken , uning diyishiche deslepte özining qandaqtur bir kiselge giriptar bolghini özi his qiliptiken , sel qaraptu , elwette eydiz yuqup bolghanda burun kelsimu bizde amal yoq , eng muhimi aldini élish , istilda pak bolsa , zeherlik chikimlikke yéqin yolimisa bu kisel yuqmaydu , balisi bilen ayaligha uwal boldi bicharining ......[


Matiryal s:
Ismi ZZ,uyghur ,qiz ,28 yash , tuluq ottura medenyet sewiyisige ige .
Sual : siz qandaq bulup HIV ni yuqturwaldingiz ?
Jawap : ichkirde ömek bilen kirip uyun qoyghanda yuqqan oxshaydu , menmu bilmidim , gélim aghrip , qoltuqumgha bir nersiler chiqqan idi , tekshürütsem mushundaq chiqti .

Sual : siz qaysi ömektin ? Silerning teshkilinglar silerge mesul bulushi kirekqu ?
Jawap : bizning loben teshkilligen " gherbi diyar setengliri " ömiki , daim guangju qatarliq yerlerdin chong qawaqxanilarning yilliqni kötüre élip uyun quyattuq . Kisel bolghinimni bilip u oghri qachti , xudayim jazisini birer (yigha........ )

Sual : kulichilar teshkilligen ömek deng , siz naxsha éytamtingiz yaki usul oynamtingiz ?
Jawap : ikkilisini qilattim .

Sual : bizge bir naxsha éytip usul oynap biremsiz ? Könglingiz échilip qalar .
Jawap : bu yerde oynighili bolmaydu , men u yerde yalingach usul oynayittim (chüchüp kettim ......) .Shu usul oynap tapqan xapiliq ghujam , kochilawermisle ichmni siqip ........( Yigha .......). Hemmini qilghan ashu siyit digen oghri loben , aldap usul oynaysen , xenzular bilen chetellikler milliche usulgha amraq , pulni ghazangdek süpürwalisen dise shundaqmiki deptimen ( échinishliq yigha .....). Deslepte özi basqunchiliq qildi , unimisam urdi , tillidi , qiynidi, ach qoydi , qandaq qilimen jan tatliqken . Hemmige köndüm , kiyin yalingach usulgha zorlidi , yil axirida on ming yüen birimen dep aldidi , uningghimu köndüm . Kiyin uni az dep chéchimni sériq buyitip orus qizi dep xenzu loben'ge kichilikmni satti , kündizimu aram bermey xeqke sulap berdi . Bezide bir künde 8-10 erni yolgha saldim .........( Yigha ......Yürekni izidighan , közdin yash emes qan aqquzidighan yigha ......).

Sual : sizge oxshash shu künni küriwatqanlar barmu ? Yaki bu qismen ehwalmu ?
Jawap : kulining ( ichkirning) hemmiside bar , qumdek tula . Nechchsining ülügini achiqti tuqqanliri , nechchisning ülügi yat yerde qaldi . Qandaq qilidu ? Ayallarni xudayim shundaq ajiz yaritiptiken , ( yigha .......Nirwini kardin chiqiridighan échinishliq yigha ......). Bir qismi künüp kitiken , saqchilar shinjanggha echiqip qoysimu yene qéchip bériwldikin , bezisi pulni dep qilidu , bezisi aq tamaka üchün qilidu .....

Ilawe : ayal milletning anisi , nuzugumlar qandaq ayal bolghiyitti ? Hazir ichkirde nurghun "siyit" lar döletning qanun - tüzimini közge ilmay aq sétish , uyun quyush nami bilen ayallarni aldap sulamchiliq qilishtek peskesh qilmishlar arqiliq haram pul tépiwatidu . J x urunliri qattiq zerbe bergen bolsimu tügimeywatidu , bular qandaq insan ? Insanning hayati ottura hisap bilen 60 yil bolidu , shu 60 yilni menilik ötküzüp weten - millet üchün azraq töhpe qoshmaqta yoq öz qérindashlirini , milletning ar - numusini sétip aq chikip keypi - sapa qilish her bir uyghur üchün haramdur . Pul tépish sherep , biraq pulni toghra muwapiq usul bilen tépish kirek . Milletni sétip tapqan pul qandaq singidu ? Bir nan yise tuyarken adem .

Doxtur : bundaq jinayetchiler qanunning toridin chüshüp qalalighan bilen xudaning toridin qandaq qachar ? Xudaning arghamchisi bek uzun , el qisasi minnelheq !!!!


Matiryal D
Ismi MM,uyghur ,qiz ,23 yash , ali mektep tuluq kurus medenyet sewiyisige ige .
Sual : siz qandaq bulup HIV ni yuqturwaldingiz ?
Jawap : ( yigha ............Héch nimini hel qilalmaydighan yigha ) uqush püttürüp qan teqdim qilidighan chaghda bayqidim . Ali mektepning 2- yilliqida bir sawaqdéshim bilen muhebbetleshken idim , bilmeptimen u aq tamaka chikidiken ,shuningdin yuquptu .

Sual : sizmu uning bilen xiroin chekkenmu ? Ejiba ali mektep terbiyiisi buluwatqan ademmu aq chikemdu ?
Jawap : men chekmigen , kiyin uning chikidighanliqini sezdim , aq chekken adem haywan'gha ayliinidiken , ayrilip kitey disem yaxshi kürettim . Ali mektepte hazir bezi uqughuchilar neshe yötkep satidu , mektepte chikidu , aq chikidighanlirimu bar , ürümchi , qarimay we gholjidin kelgen uqughuchilarda köprek .

Sual : mektep tosmamdu ? Bir kim bashqurmamdu ? Aq chikidighanliqini his qilghanda muhebbitingizdin nimishqa qol üzmidingiz ?
Jawap : mektep bilmeydu , bilse elwette mekteptin heydeydu . Men yigitimning burunla nurmal emeslikini bayqighan , arilishidighan ademlirimu jem'iyettiki bika telet aqchi chikermenler , biraq uni yaxshi kürettim .Shunga könglüm unimidi . Yighlap tostum , yalwurdum anglimidi . Üch yil ichide biz er - xutundek bop kettuq , yataqta yatmay öy ijarige élip turduq . Exlaq chigrsidin halqighan ishlarmu yüz berdi , shuning bilen manga bu kisel yuquptu ( yigha .............)

Sual : exlaq chigrisidin halqighan munasiwet jinsi munasiwetni körsitemdu ?Bundaq ish qanche qétim yüz berdi ?
Jawap : üch yil ichide nechche on qétim , deslepte men unimighan , u biz beribir toy qilimiz , héchnime bolmaydu dep ........( Yigha ). Kiyin menmu bek ching turwalmidim .

Ilawe : rayunimiz chet namrat rayun , bir ademni ali mektepte uqutush üchün ata - ana bolghuchi xéli éghir iqtisadiy bésimni üstige alidu , bu " ali mektep " uqughuchillirichu ? Yéqinqi yillardin biri ali mektepning uqughuchilliri arisida öy ijarige élip " turmush qurush " moda boldi . Otturdiki tam nikahtin burun örülüp ketse qizning qanchilik qedir qimmiti bolidu ? Otturda qanchilik qizziqish qalidu ? Ali mektepte muhebbetlishishni xata diyelmeymiz , biraq muhebbetlishish üchün azraq iqtisadiy kirim bulush kirekkqu ? Bu xirajet nedin kilidu ?Tügimes suallar , kim jawap biridu ? Hazirqi köp qisim ali mektep uqughuchillirining muhebbetlishishi esli xaraktirini yuqutup ippet sodisi we uyun'gha aylinip qalidu , süyümlük qizchaq , siz men üchün hemmini muhebbet dep romantiklarche teqdim qilghan bilen nikahtin burun teslim bolghan qizni men uqush püttürüshni bahane qilip tashlap kitimenki toy qilishim mumkin emes , köp sanliq ughullar mendek oylaydu xalas . Pakliq qizning qedizr - qimmiti , qolingizdiki bayliqni bedelsiz bashqilargha tapshurmang , u intayin qimmetlik .
Zeherlik chikimlik , neshe xiroin chikiwatqan situdénit , isingizde bolsun burunraq eqli - hushingizni tapmisingiz qolingizdiki tamakidek yénip - yénip yalqun chiqralmay tügeysiz , chikimlik eng meynet erlerning hemrasi .......Nurghun yashlirimiz kelgüsi we milliti üchün tiriship - tirmiship üginiwatqanda siz töhpe yaritalmisingizmu jéningizgha agah bulung . Hayat bek qimmetlik , aldingizda turmushning yuli bek uzun , bek uzun ........
Bu qizning yaxshi körgenlikim üchün zeher chikidighanliqini bilsemmu ayrilip ketmidim digini nimisi ? U uqushqa kelgenmu yaki er tapqili ali mektepke kelgenmu ? Bu yaxshi kürüsh emes , erkek choshqa bilen chishi choshqa otturisidiki hisyat bilen oxshash bir hisiyat .Zeher chekse , tashlimighiche uni adem dep qarashqa bolmaydu , shinjangdiki ali mekteplerde neshe - xiroin chikiwatqanlar adem emes eslini unutqan choshqa xalas , ulargha köngül bergen qizlarning adimiylikimu kishini guman'gha salidu .
Doxtur : mining qizimmu ali mektepte , xudayim insawini bergey ..


Alahide eskertish :
Mezkur sehipidiki barliq serler bashqa tor biketliri yaki gézit jornallardin élin'ghan .
Eser hoquqi yenila esli aptorigha mensup ﮲ eser hoquqigha dexli terüz yetküzdi dep qarighuchilar bolsa tor bashqurghuchi bilen alaqilishing.
Emeli ewalgha qarap derhal muwapiq bir terep qilimiz. Alaqilashquchi : iminjan qurban( karwan ) alaqilishish téléfoni 09906928647 ﮲13899579787

http://www.aykol.net.cn/