PDA

View Full Version : Herqaysi Ahbarat Wastilirining Semige:



uygur.org tin elindi
19-03-06, 10:04
Herqaysi Ahbarat Wastilirining Semige:

< Sherqiy Türkistan Informatsiyon merkizi >, 1996 – yili 6 – ayning 1 – küni Germaniyening München shehride qurulup qanuniy salahiyetke érishken axbarat we xewer – uchur merkizidin ibaret.

Köpchilikke melum bolup kelginidek, merkizimizning meqsidi, Sherqiy Türkistan xelqining idilogiyesige, Birleshken döletler teshkilati kishilik hoqoq omomiy bayannamisida körsütülgen heqiyqi demokratiye, kishilik hoqoq, qanun döwliti we öz teqdirini özi belgilep yashash idiyesini singdürüsh, shundaqla Sherqiy Türkistan xelqi azru qilip kelgen milliy musteqilliq ghaysining emelge éshishi üchün xizmet qilish, Xitay hakimiyitining Sherqiy Türkistan xelqighe qarita yürgüziwatqan türlük kishilik hoqoq depsendichilik qilmishlirini delil – ispatlar bilen dunya jamaetcxilikige anglitishtin ibaret.

Merkizimiz qurulghandin buyan, yuqarqi ghaye we meqsetlirige yetish üchün, maddi we meniwiy jehettin héchqandaq pidakarliqtin qachmay, xelqaraliq qanun – pirinsiplargha we özi turiwatqan Germaniye dölitining qanun – nizamlirigha toluq emel qilip, pütün küchi we ixlasi bilen Sherqiy Türkistan xelqining tüp menpeetliri üchün xizmet qilip keldi we qisqighine birqanche yil ichide xelqarada we xelqimiz ichide belgilik nopoz we salahiyetke érishti. Merkizimizning ichki – tashqi jehette kündin – künge éship bériwatqan tesiridin qattiq chöchügen kommunist Xitay hakimiyiti, merkizimizni < közge qadalghan tiken > dep qarap, türlük siyasi töhmet we deplomatik hujumlar arqiliq merkizimizning xelqaradiki hem xelqimiz ichidiki parlaq obrazini hünükleshtürüshke urunup keldi, mesilen, Kommunist Xitay hakimiyitining merkizimizni, < Teroristik teshkilat >, merkizimizning qurghuchisi Abdul Jeliq Qaraqash ependini < Terorist > dep élan qilghanliqi, mana bunung janliq délilidin ibaret !

Meqsetke kelsek, merkizimizning chetellerdiki tesirining küchüyishige egiship, merkizimiz teripidin élan qilinghan xewer – uchurlarning axbarat qimmitimu üzlüksiz éship barmaqta. < xelqara kechürüm teshkilati > ni öz ichige alghan Nopozluq Heliqaraliq Kishilik hoqoq teshkilatliri, Bezi demokratik döletlerning parlamentliri, REUTER, AFP, BBC, DPA, RFA we Taiwan merkizi axbarat agentliqi … qatarliq nopozluq agentliqlar, shundaqla köpligen döletlerdiki axbarat wastiliri merkizimiz teripidin teminlengen we merkizimizning tor bétide élan qilinghan xewer – uchur, höjjet – matiriyal we doklatlardin ishenchilik mohim menbe süpitide paydilinip kelmekte we bu menbelerdin paydilanghanda merkizimizning naminimu birge tilgha élip izahlap kelmekte, mesilen < xelqara kechürüm teshkilati > teripidin élan qilinghan we mexsus Uyghurlarning kishilik hoqoq mesilisi mezmon qilghan chong hejimlik birqanche qétimliq doklatida merkizimizning namining köp qétim tekitlengenlikidin buni körüwelish mumkin !
Gerche merkizimizning xewer – uchurliridin paydilinip kelgen xelqaraliq teshkilatlar, chetel axbarat wastiliri we bizge qérindash axbarat wastilirining mutleq köp qismi axbarat istiligha we axbaratchiliq pirinsiplirigha emel qilip, élinghan xewer – uchurlarning menbesi süpitide merkizimizni tilgha élip kelgen bolsimu, emma bezi axbarat wastiliri bu mesilige sel qarap, élinghan xewer – uchurlarning menbesini tekitleshtin özini qachurup keldi, hetta bezi axbarat wastiliri ( uyghurche axbarat wastilirining bir qismi ) axbaratchiliq istilidin chetnep, merkizimiz teripidin élan qilinghan xewer – uchur, foto – süret we höjjet – matiriyallarni eynen köchürüp özining qiliwelishtek gheyri exlaqi yollargha bash urushqa bashlidi, teyyargha heyyar bolush, ishning asinigha yügüreshtek buxil xahishlar bizni qattiq epsuslandurmaqta, jenini alqinigha élip qoyup, bala – chaqisining yétim we tul qelishidin qorqmay bizni qimmetlik xewer – uchurlar bilen teminlewatqan oghlanlirimizning eqiydisige we ejrige hörmet qilishimiz lazim !

Elbettiki, Sherqiy Türkistanda yüz bergen hadisilerdin we uyerde dawam qiliwatqan Xitay zulmidin téximu köp insanlarning xewerdar bolushini qolgha keltürüsh – bizning asasliq ghayimiz, emma bir – birimizning ejrige, bir – birimizning xizmetlirige hörmet qilmay we bir – birimizni qedirlimey turup bu ghayimizni elemge ashurushimizmu mumkin emes, shunga biz herqaysi axbarat wastiliridin bu nazuk nuxtigha alahide ehmiyet berishini ümit qilimiz.

Omomen merkizimizning bashqurushidiki www.uygur.org axbarat torida, < Uchqun > gezitide, < Uyghur Awazi Radiosi > da we aldimizdiki künlerde xewer tarqitish aldida turghan < uygur – tv > side élan qilinghan xewer – uchur, höjjet – matiriyal, doklat, foto – süret, vidio körünüshliridin paydilanghanda, unung menbesi heqqide izahat bérishni nezerdin saqit qiliwetmeslikinglarni arzu qilimiz !

Xizmitinglargha muwapiqiyet tilep:

< Sherqiy Türkistan Informatsiyon Merkizi > namidin:

reyis Abdul Jelil Qaraqash

2006 yili 3 – ayning 17 – küni
Germaniye - München.