PDA

View Full Version : Azatliq tor bétining taqilip qélishining sewebi



Unregistered
28-03-12, 06:33
ئەسسالامۇ ئەلەيكۇم ئۇيغۇرىستانلىق قېرىنداشلار!
ئازاتلىق تور بېتىمىز قۇرۇلغاننىڭىزى خىتتاينىڭ خىلمۇ-خىل ھۇجۇملىرىغا تەكرار ئۇچىراپ كەلمەكتە، يېڭىدىن قۇرۇلغان مەزگىللەردە خىتتاي تور بېتىمىزگە ھەرخىل سېرىق مەزمۇندىكى ئىنكاس ۋە تېمىلارنى يوللاپ تور بېتىمىزنىڭ ساغلام تەرەققىي قىلىشىغا توسقۇنلۇق قىلغان ئىدى، شۇنىڭدىن كېيىن تور بېتىمىزنىڭ ئەزا بولۇپ كىرىش، يوللانغان تېمىلار ۋە ئىنكاسلار دەرھال تەستىقلىنىش ئىقتىدارلىرىنى تاقاش ئارقىلىق خىتتاينىڭ بۇ خىلدىكى ھۇجۇملىرىدىن ساقلانغان ئىدۇق، شۇنداق بولسىمۇ خىتتاي ھۇجۇمنى يەنىلا توختاتمىدى. 2011 - يىلى ئازاتلىق تور بېتى قۇرۇلغاننىڭىزىكى تارىختا ئەڭ كۆپ قېتىم ھۇجۇمغا ئۇچىرىغان بىر يىل بولۇپ، بىر يىل ئىچىدىلا خىتتاينىڭ جەمئىي 81 قېتىم ھۇجۇم قىلىشىغا ئۇچىراپ تاقىلىپ قالدى، بۇنىڭ ئىچىدە ئەڭ ئۇزۇن بولغىنى 24 كۇن تاقىلىپ قېلىشى بولۇپ، شۇ قېتىمقى تاقىلىشتا پەقەت ئازاتلىق تور بېتىلا ئەمەس، بەلىكى ئازاتلىق تور بېتىنى بوشلۇق بىلەن تەمىنلىگەن مۇلازىمەتەرنىڭ ئۆزىمۇ ئېغىر بۇزغۇنچىلىققا ئۇچىرىغان ئىكەن ۋە شۇ سەۋەپتىن ئاشۇ مۇلازىمېتىردىن بوشلۇق سېتىۋالغان باشقا بارلىق تور بەتلەرمۇ تاقىلىپ قاپتىكەنتۇق. شۇڭا تور بەتنىڭ ئەسلىگە كىلىشى ئۇچۇن 24 كۈن ۋاقىت كەتكەن ئىدى. كېيىن ئەسلىگە كەلگەن ھالىتىدە جىق ئۆزگۈرۈشلەر بولدى، يەنى تور بېتىمىزنىڭ كۆرۈنىش يۈزىدە نۇرغۇن سۇئال بەلگىلىرى پەيدا بولۇپ زىيارەتچىلەر ۋە باشقۇرغۇچىلارنىڭ پائالىيەت ئېلىپ بېرىشىدا كۆپ توسالغۇلار پەيدا بولغان ئىدى.
2012 - يىلى كىرىشى بىلەنلا تور بېتىمىز توختىماستىن ھەر كۈنى دىگۈدەك ھۇجۇمغا ئۇچىراپ تۇردى، ئۇنىڭسىزمۇ تور بېتىمىزنىڭ كۆرۈنمە يۈزىدىكى سۇئال بەلگىلىرىنىڭ تېخىمۇ كۆپىيىپ كېتىۋاتقانلىقىنى كۆزدە تۇتۇپ 2 - ئاينىڭ 9 - كۈنى تور بېتىمىزنى ۋاقتىنچە تاقاپ تۇرۇپ تۈزەشكە توغرا كەلدى.
دەرۋەقە تور بېتىمىزنىڭ كۆرۈنمە يۈزىدىكى سۇئال بەلگىلىرى ۋە باشقۇرغۇچىلارنىڭ تېمىنى تەھرىرلىيەلمەسلىك قىيىنچىلىقى تۇللۇق ھەل قىلىندى، ئەمما تور بېتىمىزگە بۇرۇنقى بوشلۇقنى تەمىنلىگەن مۇلازىمېتېرنىڭ بىخەتەرلىكى سەل ئىشەنچسىز دەپ قارىلىپ، مۇلازىمېتېر كۆچكەن ئىدۇق، ئەمما خىتتاينىڭ نىيىتى ئازاتلىق تور بېتىنى كۆزدىن يۇقىتىش بولغانلىقى ئۈچۈن، خىتتاي ئۈچ كۈنگە يەتمىگەن ۋاقىت ئىچىدىلا تور بېتىمىزنى يەنە پالەچ ھالغا چۈشۈرۈپ قويدى.
ئەمەلىيەتتە بىز ھازىرغىچە سېتىۋېلغان بوشلۇقلارنىڭ ھەممىسى دىگۈدەك ئەڭ قىممەت بوشلۇقلار ئىدى، بىز ھازىر باشقا بىر تېخىمۇ ئىشەنچلىك بولغان بوشلۇق سېتىۋېلىش ئۈچۈن بوشلۇق ئىزدەۋاتىمىز....
شۇڭا قېرىنداشلارنىڭ ئازاتلىق تور بېتىنىڭ بۇ قىيىنچىلىقلىرىنى توغرا چۈشىنىشىنى ئارزۇ قىلىمىز. ئازاتلىق تور بېتى ئەڭ قىسقا ۋاقىت ئىچىدە قېرىنداشلار بىلەن يەنە بىر قېتىم يۈز كۆرۈشكىسى.
ئۇلۇغ ئاللاھدىن ھۆرمەتلىك رابىيە قادىر خانىم ۋە ئائىلىسىنىڭ ۋە بارلىق ئۇيغۇرىستانلىق قېرىنداشلارنىڭ ئۆمرىنىڭ ئۇزۇن، ئىشلىرىنىڭ ئوڭۇشلۇق بولىشىنى تېلەپ:
ئازات باشقۇرغۇچى
2012.03.28

Essalamu eleykum uyghuristanliq qérindashlar!
Azatliq tor bétimiz qurulghanningizi xittayning xilmu-xil hujumlirigha tekrar uchirap kelmekte, yéngidin qurulghan mezgillerde xittay tor bétimizge herxil sériq mezmundiki inkas we témilarni yollap tor bétimizning saghlam tereqqiy qilishigha tosqunluq qilghan idi, shuningdin kéyin tor bétimizning eza bolup kirish, yollanghan témilar we inkaslar derhal testiqlinish iqtidarlirini taqash arqiliq xittayning bu xildiki hujumliridin saqlanghan iduq, shundaq bolsimu xittay hujumni yenila toxtatmidi. 2011 - Yili azatliq tor béti qurulghanningiziki tarixta eng köp qétim hujumgha uchirighan bir yil bolup, bir yil ichidila xittayning jemiy 81 qétim hujum qilishigha uchirap taqilip qaldi, buning ichide eng uzun bolghini 24 kun taqilip qélishi bolup, shu qétimqi taqilishta peqet azatliq tor bétila emes, beliki azatliq tor bétini boshluq bilen teminligen mulazimeterning özimu éghir buzghunchiliqqa uchirighan iken we shu seweptin ashu mulazimétirdin boshluq sétiwalghan bashqa barliq tor betlermu taqilip qaptikentuq. Shunga tor betning eslige kilishi uchun 24 kün waqit ketken idi. Kéyin eslige kelgen halitide jiq özgürüshler boldi, yeni tor bétimizning körünish yüzide nurghun su'al belgiliri peyda bolup ziyaretchiler we bashqurghuchilarning pa'aliyet élip bérishida köp tosalghular peyda bolghan idi.
2012 - Yili kirishi bilenla tor bétimiz toxtimastin her küni digüdek hujumgha uchirap turdi, uningsizmu tor bétimizning körünme yüzidiki su'al belgilirining téximu köpiyip kétiwatqanliqini közde tutup 2 - ayning 9 - küni tor bétimizni waqtinche taqap turup tüzeshke toghra keldi.
Derweqe tor bétimizning körünme yüzidiki su'al belgiliri we bashqurghuchilarning témini tehrirliyelmeslik qiyinchiliqi tulluq hel qilindi, emma tor bétimizge burunqi boshluqni teminligen mulazimétérning bixeterliki sel ishenchsiz dep qarilip, mulazimétér köchken iduq, emma xittayning niyiti azatliq tor bétini közdin yuqitish bolghanliqi üchün, xittay üch künge yetmigen waqit ichidila tor bétimizni yene palech halgha chüshürüp qoydi.
Emeliyette biz hazirghiche sétiwélghan boshluqlarning hemmisi digüdek eng qimmet boshluqlar idi, biz hazir bashqa bir téximu ishenchlik bolghan boshluq sétiwélish üchün boshluq izdewatimiz....
Shunga qérindashlarning azatliq tor bétining bu qiyinchiliqlirini toghra chüshinishini arzu qilimiz. Azatliq tor béti eng qisqa waqit ichide qérindashlar bilen yene bir qétim yüz körüshkisi.
Ulugh allahdin hörmetlik rabiye qadir xanim we a'ilisining we barliq uyghuristanliq qérindashlarning ömrining uzun, ishlirining ongushluq bolishini télep:
Azat bashqurghuchi
2012.03.28

Unregistered
30-03-12, 11:10
salamet bolunglar yigitler ! ghelbe aldimizda ! dombaq yirilidighan waqit keldi !
azatliq.tor bikiti weten sirtidiki birdin -bir heqiqiy xizmet qiliwatqan torbiti idi !
silerge ghelbe we utuq tileymiz !

Unregistered
30-03-12, 11:50
Ishliringlargha ongushluq we utuq tileymiz, betning echilishini teqqezzaliq bilen kutiwatimiz.