PDA

View Full Version : Osloda 5-féwral Ghulja Weqesining 15 Yilliqini Xatirilesh Namayishi Ötküzülidu



Unregistered
15-01-12, 13:37
Eziz wetendashlar, bundin 15 yil burun yeni 1997- yil 2- ayning 5 – küni wetinimiz sherqiy türkistanning ghulja shehiride xitayning türlük zulumlirigha qarshi keng-kölemlik we tarixiy xaraktérlik tinchliq namayishi bolghan idi. Bu küni ghulja shehiridiki nechche yüzligen ot yürek yash qiz-yigitlirimiz kochigha chiqip, tinch shekilde namayish qilip, xitay qanxor hökümitidin öz heq-hoquqlirini telep qildi, emma tinch shekilde élip bérilghan bu namayish qanliq basturulup, namayishqa qatnashqan nurghun yashlar neq meydandila oqqa tutuldi, namayish meydanida tutulghan yene nurghun qiz-yigitlirimiz xitay jallatliri teripidin insanning ishen’güsi kelmigüdek usullar bilen wehshiylerche qiynap öltürüldi. Namayishtin kéyinki bir qanche kün ichide, xitay tajawuzchilirining jallat saqchi we herbiyliri öymu-öy axturup, nechche minglighan bigunah yash qiz-yigitlirimizni, bigunah qérindashlirimizni keng-kölemlik tutqun qildi, tutqun qilin’ghan bu qérindashlirimiz yene chaqmaq tézlikide wehshiylerche öltürüldi. Xitay tajawuzchilirining jallat saqchiliri tutup kelgen yash qiz-yigitlirimizni nöldin töwen 20 gradusluq qehritan soghuqta barliq kiyim-kécheklirini saldurup yalingachlap, ularning üstige su chéchip, qaturghandin kéyin, mexsus teyyarlan’ghan tömür kaltekliri bilen ularni urup, xuddi muz heykelni urup kukum talqan qiliwetkendek, ularning eziz tenlirini parche-parche qiliwetti! dunyada belkim buningdinmu artuq insan qélipidin chiqqan wehshiylik bolmisa kérek. 1997-yil 2-ayning 5-künidin 2007 -yilighiche bolghan 10 yil ichide xitay tajawuzchiliri 60 mingdin artuq qérindashlirimizni bu weqege chétip tutqun qilip, türmilerge solidi, buning ichidiki nurghun qérindashlirimizni türme ichide wehshiylerche qiynap öltürdi, nurghunlirini jismaniy we rohiy jehettin menggülük méyip qilip, kochilargha tashliwetti. Insaniyet tarixida körülüp baqmighan bu xildiki esheddiy wehshiy siyasiy qirghinchiliq millitimizning béshigha keldi. Hazir hem minglighan onminglighan, yaq, nahayiti az sandiki xitay ghalchilirini hésabqa almighanda 20 milyondin artuq qérindashlirimizning hemmisi dégüdek qanxor xitay tajawuzchi hakimiyitining biwasite hem wasitilik ziyankeshliklirige uchrimaqta, hazir xitay tajawuzchi hakimiyiti yolgha qoyuwatqan millitimizge qaritilghan her xil namlardiki qirghinchiliq wasitilirini sanap tügetkili hem bilip yetkili bolmaydu, téxi yéqindila wetinimizning xoten wilayiti guma nahiyisining mokoyla yézisida, xitay hakimiyitining jallat saqchiliri diniy zulumdin chetelge chiqip ketmekchi bolghan, ikki a’ile kishilirige tewe bolghan jem’iy 17 neper bigunah qérindashlirimizni oqqa tutup, ularning yette nepirini neq meydanda öltürgen, alte yashtin 17 yashqiche bolghan 10 gha yéqin sebiy perzentlirimiznimu térrorchi dep oqqa tutup, oxshimighan derijide yarilandurdi! hem bu perzentlirimizni dawalashning ornigha türmige qamap, ularni rohiy we jismaniy jehettin éghir qiyin-qistaqqa alghan, hazir ularning hayat-mamatliqi namelum. Xitay hakimiyitining millitimizge qaratqan bu xildiki qirghinchiliq wasitisi, xitay jallatliri qolliniwatqan sansizlighan qirghinchiliq wasitilirining peqet ashkarilan’ghan bir wasitisidin ibaret xalas.Alte yashliq bir nareside balini térrorist déyish, insaniyet tarixida körülüp baqmighan mislisiz keshpiyattur! eyhannas, eziz qérindashlar, xitay tajawuzchi hakimiyitining bu xil zulumlirigha qandaqmu süküt qilip turghili bolsun, süküt qilalmighan xelqimiz zulum destidin partlash aldida turmaqta, xelqning partlishigha pilik bolushqa teyyar turuwatqan sansizlighan batur oghlanlirimiz kökrek kérip aldigha chiqishqa teyyar turmaqta.Bizchu? Erkin dunyada yashawatqan biz uyghurlar néme qilduq? Néme qiliwatimiz? Néme qilishimiz kérek? Millitimizning erkinliki we hörlüki üchün qolimizdin kélishiche birer emeliy ish qilmastin, qorqunchaqliq qilip, öyge möküniwélishimiz kérekmu? Chet elde yeni bizge oxshash erkin dunyada yashawatqan uyghurlarning qilalaydighinimiz we qolimizdin kélidighini peqet we peqet namayish qilip we bezi siyasiy, medeniyet pa’aliyetlirini élip bérip, xelqimizning derdini dunya jama’etchilikige yetküzüp, dunya xelqining hésdashliqini qolgha keltürüsh. Mana mushu yol arqiliq tashqi küchlerning yardimini qolgha keltürüp, kélechekte buni özimizning ichki küchimiz bilen birleshtürüp, wetinimizning azadliqini qolgha keltürüshtin ibaret. Eziz qérindashlar, eger siler qolunglardin kélidighan namayish qilishtin ibaret mana bu eng addiy, eng asan küreshni qilalmisingiz yaki qilishtin özingizni tartsingiz, wijdaningiz qandaqmu chidaydu? Wetende ölümge pisent qilmay kökrek kérip otturigha chiqiwatqan ashu batur oghlanlirimizgha qandaqmu yüz kéleleysiz? Yaq! undaq emes, az sandiki qorqunchaqlarni we wijdansizlarni hésabqa almighanda, köp sandiki qérindashlirimiz özlirini weten üchün élip bérilidighan küreshke atashqa teyyar! eziz qérindashlar, undaq bolsa hemmimiz birlikte bu küreshke atlinayli, pat arida élip bérilidighan ghulja weqesining 15 yilliqini xatirilesh namayishigha aktip qatnishayli, bu namayish arqiliq hazirche bezi zor ghelibilerge érishelmisekmu, emma ene shu ghulja weqeside shéhit bolghan qérindashlirimizning rohini bolsimu xush qilayli!

Ghulja weqesining 15 yilliqi munasiwiti bilen élip bérilidighan namayishning tepsilati:

Namayish waqti: 2012- yil 2- ayning 4- küni (shenbe) sa’et 13:00

Namayishning bashlinish orni : Oslo sentralstasjon(merkizi poyuz istansisi)diki shir heykilining aldi.

Namayishning axirlishish orni: Oslo aker brygge yeni nobél tinchliq merkizining aldi.

Namayish sa’et 13:00 te bashlinip, sa’et 15:00 te axirlishidu. Namayishning shekli kocha aylinish bolidu.

Qéni qérindashlar, namayishqa hemmimiz aktipliq bilen waqtida qatnishayli, bu arqiliq bolsimu wetinimizdiki xelqimizning küresh rohigha ilham béreyli, shéhitlirimizning rohini xush qilayli, hemmimiz birlikte algha!!!

Hörmet bilen

Norwégiye uyghur komitéti

2012- yil 1- ayning 15- küni

http://www.uyghurnorwegian.org/

Unregistered
16-01-12, 10:15
baldurla tutux kilipsiler! baxka ellerdiqu?

Unregistered
20-01-12, 10:54
http://www.youtube.com/watch?v=8aArRtErh5c&oref=http%3A%2F%2Fwww.youtube.com%2Fresults%3Fsear ch_query%3Duyghur%2Bteror%26page%3D2

Unregistered
21-01-12, 15:12
beshinchi iyul qirginchiliqi mingligan gulja oglanlirimizni u alemge seper qigan qanliq kunidur xitay teruzemchilirning uygur xeliqimiz tarixediki pajelik qirginchiliq qighan kunidur! bu kunlerni mengu untmasliqmiz kerek!

Unregistered
21-01-12, 15:28
http://www.youtube.com/watch?v=ojAVrdoRg9k

Unregistered
21-01-12, 15:40
http://www.youtube.com/watch?v=4AyLkO47U4A