PDA

View Full Version : Ishletmiseng eqlingni kününg öter «xep» bilen



Unregistered
14-01-12, 11:52
ئىشلەتمىسەڭ ئەقلىڭنى كۈنۈڭ ئۆتەر «خەپ» بىلەن

پەرىدەم توختاخۇن

ھېزى بولغىن ئەقلىڭگە بۇلغانمىسۇن نەپ بىلەن،

ياخشىلارنى بابلاشنى پىلان قىلما ئەپ بىلەن.

شەھەر ئالماق تەس ئىرۇر ئېغىزدىكى گەپ بىلەن

ئۆتكۈزمىگىن كۈنۈڭنى ئويناپ كۈلۈپ «يەپ» بىلەن.

ئىشلەتمىسەڭ ئەقلىڭنى كۈنۈڭ ئۆتەر « خەپ »بىلەن.



ماڭغىن دېسە بىرلىرى مېڭىپ كەتمە كېرىلىپ،

ئاقىۋەتنى ئويلىماي ماختاشلارغا بېرىلىپ،

ئىگىز تاغدىن بىر كۈنى چۈشۈشىڭ بار سېرىلىپ،

ئاشۇ تاغدىن چۈشكىچە كەتمىسۇن پۇت يېرىلىپ،

ئىشلەتمىسەڭ ئەقلىڭنى كۈنۈڭ ئۆتەر « خەپ » بىلەن.



ئەۋلادىغا ياخشى نام قالدۇرغاننىڭ يولى نۇر،

بۇ ھاياتنىڭ يوللىرى ئەگرى- توقاي، باغرى تور،

ئادىمىلىك غورۇرنى كۆرمىگەننىڭ دىلى كور،

ھاياتلىقنى سۆيمىگەن ناكەسلەردىن نېرى تۇر،

ئىشلەتمىسەڭ ئەقلىڭنى كۈنۈڭ ئۆتەر «خەپ» بىلەن.



بولسۇن سەندە ھېمىشەم ئىنسانغا خاس ساداقەت،

ئىزلىرىڭدىن گۈل ئۈنسۇن، ئەل كۆرمىسۈن نىجاسەت،

ئەۋلادىڭغا ئەجرىڭدىن يەتكۈزمىسەڭ راپاۋەت،

ئەسقاتمايدۇ تۆت كۈنلۈك تېپىپ قويغان تاپاۋەت،

ئىشلەتمىسەڭ ئەقلىڭنى كۈنۈڭ ئۆتەر « خەپ » بىلەن



Ishletmiseng eqlingni kününg öter «xep» bilen

Peridem toxtaxun

Hézi bolghin eqlingge bulghanmisun nep bilen,

Yaxshilarni bablashni pilan qilma ep bilen.

Sheher almaq tes irur éghizdiki gep bilen

Ötküzmigin kününgni oynap külüp «yep» bilen.

Ishletmiseng eqlingni kününg öter « xep »bilen.



Mangghin dése birliri méngip ketme kérilip,

Aqiwetni oylimay maxtashlargha bérilip,

Igiz taghdin bir küni chüshüshing bar sérilip,

Ashu taghdin chüshkiche ketmisun put yérilip,

Ishletmiseng eqlingni kününg öter « xep » bilen.



Ewladigha yaxshi nam qaldurghanning yoli nur,

Bu hayatning yolliri egri- toqay, baghri tor,

Adimilik ghorurni körmigenning dili kor,

Hayatliqni söymigen nakeslerdin néri tur,

Ishletmiseng eqlingni kününg öter «xep» bilen.



Bolsun sende hémishem insan’gha xas sadaqet,

Izliringdin gül ünsun, el körmisün nijaset,

Ewladinggha ejringdin yetküzmiseng rapawet,

Esqatmaydu töt künlük tépip qoyghan tapawet,

Ishletmiseng eqlingni kününg öter « xep » bilen





menbe:

http://www.uyghur.co.uk/forum Edebiyat(literature) › Sheir(poem)

Unregistered
14-01-12, 12:16
salam parede hanim ,xeiringiz kop manilik yahxi yezilgan xeirkan.rahmat sizge!!!