PDA

View Full Version : Arimizdiki Pitniqiler Yene Neqqe Kun Uhlimaydighan Boldi Bu Hewerni Korup



Unregistered
11-01-12, 20:34
Muhebbetning 10 sherti» bu yil awstraliye téléwiziye qanallirida resmiy qoyulidu

Muxbirimiz erkin
2012-01-11
«Muhebbetning 10 sherti» ning awstraliye téléwiziye qanallirida qoyulushining awstraliye-Xitay munasiwetlirige qandaq tesir körsitidighanliqi közetküchilerning diqqitini qozghimaqta.

http://www.10conditionsoflove.com/
"Muhabbetning 10 sherti" ning teshwiq waraqchisi
Awstraliye axbarat shirkiti ABC bayanat élan qilip, awstraliyilik rézhissor jéf daniyal ishligen we awstraliye-Xitay arisida diplomatik soghuqchiliq peyda qilghan «muhebbetning 10 sherti» namliq filimning ABC gha qarashliq tor we téléwiziye qanili teripidin bu yil ichide resmiy qoyulidighanliqini jakarlidi. Mezkur filim buningdin 2 yil awwal awstraliyide qoyulghan bolsimu, biraq bu qétim uning awstraliye hökümiti bashquridighan resmiy téléwiziye qanili we tor sistémisida qoyush qarar qilinish tunji qétimliqidur.
Awstraliye axbarat wasitilirining xewer qilishiche, awstraliye axbarat shirkiti awstraliye parlamént ezalirining bésimida yuqiriqi qararni chiqarghan. Buningdin awwal awstraliye axbarat shirkiti ijraiye diréktori mark skotning yolyoruq bérip, mezkur filimni awstraliye axbarat shirkitige qarashliq téléwiziye qanili we torida qoyushni tosqanliqi, chünki xitay hökümitini naraziliqini qozghap qoyushtin endishe qilghanliqi ilgiri sürülgen idi.
Awstraliye mélburn xelqara filim féstiwali 2009 yili 8‏-Ayda «muhebbetning 10 sherti» namliq höjjetlik filimni féstiwalgha qatnashturushni qarar qilip, xitay hökümitining filimni cheklesh telipini ret qilghan idi. Mélburn féstiwali «5‏-Iyul weqesi» yüz bérip, xitay hökümiti weqening jawabkarliqini rabiye qadir xanimgha artqan, dunya jamaetchilikining diqqet neziri uyghurlargha buralghan bir peytke toghra kelgechke bu filim küchlük ghulghula qozghighan.
Rabiye xanim bolsa filim féstiwaligha teklip qilinip, awstraliye hökümiti uninggha wiza bergen. Kanbérra hökümiti xitayning uninggha wiza bérishni ret qilish toghrisidiki telipige qulaq salmighan. Bu xitay hökümiti bilen awstraliye arisidiki diplomatik soghuqchiliqni ilgirilep kücheytiwetken idi. Xitay hökümiti awstraliyige diplomatik qanallar we ashkara yollar arqiliq naraziliq bildürüp, kanbérrani agahlandurghan. Xitayning mélburndiki konsulxanisi tyenjin shehirining mélburn bilen bolghan «dostluq» munasiwiti bikar qilinidighanliqini ilgiri sürgen idi.
Közetküchiler awstraliye axbarat shirkitining «muhebbetning 10 sherti» ni qoyush toghrisidiki qararigha bu qétim xitay hökümitining qandaq inkas qayturidighanliqi, buning awstraliye-Xitay diplomatik munasiwitige yene qandaq tesir körsitidighanliqi yéqindin diqqet qiliwatqan bir mesile bolup qaldi.
Amérikida yashaydighan uyghur weziyet analizchiliridin shixenze uniwérsitétining sabiq léktori élshat hesen ependi mezkur mesile heqqide toxtilip, xitay hökümiti mezkur filimning qoyulushigha özining naxoshluqini bildürsimu, biraq buni diplomatik qanallar arqiliq mexpiy ipadileydighanliqi, uning 2009‏-Yildikidek ashkara naraziliq bildürüp, bu ishning téximu ghulghula qozghishini xalimaydighanliqini bildürdi.
Awstraliye axbarat shirkiti mesuli mark skotning yolyoruq bérip, «muhebbetning 10 sherti» ni qoymasliqqa buyrughanliqi heqqidiki xewer bir qisim awstraliye parlamént ezalirining diqqitini qozghighan. Ular mark skotning yolyoruq bergenliki rast bolsa buning pikir erkinliki we awstraliye qimmet ölchimige xilap ikenlikini bildürgen. Bu munasiwet bilen awstraliye fédératsiye parlamént ezasi maykél danbi ötken yili 12‏-Ayda 10 türlük soalni otturigha qoyup, mark skotning jawab bérishini telep qilghan. Danbi, mark skotning awstraliye tori ijraiye diréktori brus dowérgha yolyoruq bérip, «muhebbetning 10 sherti» ni qoyushni tosqan, tosmighanliqini sorighan idi.
Awstraliye tori, 40 din artuq döletke téléwiziye qanili we tor arqiliq xewer tarqitidighan ABC ge qarashliq xelqara axbarat orginidur. Mezkur axbarat orginining sabiq programma yétekchisi rod web ötken yili 10‏-Dékabir awstraliyidiki memliket xaraktérlik gézitlerdin biri bolghan «awstraliye» gézitige ashkarilap, awstraliye tori ijraiye diréktori brus dowérning özige yolyoruq bérip, «muhebbetning 10 sherti» namliq filimni qoymasliqni buyrughanliqi we buyruqni awstraliye axbarat shirkiti ijraiye diréktori mark skotning chüshürgenlikini bildürgen.
Awstraliye axbarat shirkiti mezkur filimni tarqitishni qarar qilghan bu waqit del xitay hökümitining uyghur élide medeniyet baziridiki «bölgünchilik» we «qanunsiz diniy mezmun» téma qilinghan plastinka qatarliq ün-Sin neshr buyumlirini tazilash herikiti élip bériwatqan peytke toghra kelgen. Medeniyet baziridiki bu xil tazilash herikitining nuqtiliq zerbe bérish nishanlirining biri, jéf daniyalning rabiye qadir xanim heqqidiki «uhebbetning 10 sherti» namliq höjjetlik filimi idi.
Yéqinda uyghur élidin ayrilip amérikigha kelgen uyghur musapirliridin alim ependi, xitay dairilirining bu xil uyghur medeniyet bazirini qattiq kontrol qilip, siyasiy we diniy témidiki plastinkilarni tazilishi, mexsus nazuk mesililerni téma qilghan kino, höjjetlik filimlerni satidighan uyghur yer asti plastinka bazarlirining barliqqa kélishi we küchiyishige türtke boluwatqanliqini bildürdi. Uning ilgiri sürüshiche, «muhebbetning 10 sherti» yer asti medeniyet baziridiki baziri eng ittik plastinkilarning biridur.
Xitay hökümiti bashlighan uyghur élining medeniyet bazirini «tertipke sélish» herikitide ürümchi, aqsu qatarliq jaylardin «muhebbetning 10 sherti» namliq plastinkini körgen we saqlighan bezi uyghur yashlirining tutqun qilinghanliqi melum. Alim ependi, kishilerning özi xalighan tiyatir, kino yaki höjjetlik filimni körüsh heqqi, uning eng asasi tebiiy hoquqlirining biri ikenlikini eskertip, xitay dairilirining bu xil heq-Hoquqni ret qiliwatqanliqi, biraq buning uyghurlardiki naraziliqni kücheytiwatqanliqini bildürdi.
Awstraliye axbarat shirkiti bashliqi mark skot we uning qarashliq awstraliye torining mesuli brus dowérning her ikkilisi buyruq chüshürüp, «muhebbetning 10 sherti» ni qoyushni chekligenlikini ret qilghan. Awstraliye axbarat shirkiti bayanatchisi seyshenbe küni «awstraliye géziti» ge söhbet élan qilip, «mark skotning héchqachan awstraliye torigha yolyoruq bérip, mezkur filimni qoymasliqni telep qilip baqmighanliqi» ni ilgiri sürgen. Bayanatchisi, awstraliye torining mesuli brus dowérning seyshenbe küni özlirige kapalet bérip, «mezkur filim bu yil ichide awstraliye tori arqiliq tarqitilishi mumkin» dégenlikini bildürgen.
Élshat hesen ependi awstraliye axbarat torining mezkur filimni tarqitish qarari kéchikken bolsimu, biraq bu yenila axbarat erkinliki döletler arisidiki diplomatiyining qurbanigha aylinip ketmesliki kéreklikining muhim ülgisi dep körsetti.
Awstraliye tori mezkur filimni tarqitish ruxsetnamisini seyshenbe küni yéngilighan. Mezkur filimning filim ishligüchisi jon léwis «awstraliye» gézitige söhbet élan qilip, ABC ning mezkur filimni tarqitishni ret qilip, uninggha bolghan téximu keng qiziqish qozghighanliqini bildürgen. Jon léwis «awstraliye» gézitidiki sözide eskertip, «eger siz xitaygha körsetmekchi bolghan nersini tallash we süzgüchtin ötküzüsh arqiliq körsetsingiz, awstraliye axbarat tori qandaqmu mushu rayondiki noruzluq axbarat orgini bolalaydu» dégen.

Unregistered
12-01-12, 23:58
Bu hewerni okughan pitniqiler yene herketke otti. bir yiridin ot ketti