PDA

View Full Version : Amerika diki Uyghurche OY ve XUY



Timur
18-12-11, 06:46
Amerika diki Uyghurche OY ve XUY
(abduveli ayup)

Amérikida yashawatqan uyghularning amérikiliqlardin perqi we oxshashliqi qaysi? Amérikigha makanlashqan uyghurlar amérikiche oylaydighan, amérikiche yashaydighan bolalidimu? Amérikiliqning xuy-peyli, söz herkitining qanchilikini doridi, qandiqini ret qildi ? İnsan insan'gha boysunidighan jem'iyettin hemme qanun'gha boysunidighan jem'iyetke kélip némilerni ögendi? Özidiki némilerni yéngilidi? Bu suallagha jawap tépish üchün amérikida turuwatqan chaghlirimda nurghun oylargha gherq boldum, kishilerning xuy-peylini, söz herkitini küzettim. İzchil xiyalimdin ketmigini wetende chong bolghan, maarip körgen uyghur yawrupada yawrupache, amérikida amérikiche yashiyalamdu? Dégen sual boldi.

Töwende yazmaqchi bolghanlirim yuqarqi suallirimning özem érishken jawabliri. Gepni amérikidiki uyghurlar bilen amérikiliqlarning perqidin bashlayli.

“bu dégen amérika!”: itirap qilinmaydighan barawerlik

amérikidiki künlirimde toqsininji yillarda uyghurlarni qan'ghiche küldürgen bir qiziqchining yawrupada oynighan “bu dégen yawrupa” dégen itotini bek hozurlinip kördüm. İtotta qiziqchining “ayali” balisining uyghur exlaqigha uyghun bolmighan her qandaq qiliqini “bu dégen yawrupa!” dep aqlaytti we toghrigha jorup chüshendüretti. Bu söz anglimaqqa addidek turghan bilen anglighuchigha bir agahlandurushning taghdek weznini his qilduratti. Démekchi- sen turwatqan yer séning kona qarishing, iddiyeng, en'eneng bilen munasiwetsiz, bu dégen yip yéngi bir yer-yawurpa. Shunga bu yerde xeq qandaq yashisa shundaq yashaysen, séning koniche yashash hoququng yoq! Éniqki, bu yerde anglighuchining en'enisni, pikir qilish usulini mesxirige élish mewjud. Menmu amérikigha yashash jeryanida “bu dégen amérika!” dégen xitablarni anglidim, qiziq yéri bu gepni dewatqanlarning özi amérikida bolghan bilen dégenliri we qilghan etkini ürümchi résturanliridiki yaki qeshqer bazarliridiki kishilerdin hich bir perqsiz kishiler édi. Ularche men amérikigha yéngi kelgechke amérikining qandaqliqini ulardin öginishim kérek édi. Oylap baqsam bu gep hich yéngiliq emesken. Men “bu dégen amérika!” dégen gepning “bu dégen ürümchi!” dégen yene bir sheklini burunmu anglighan.

Men bundaq gepni 1998-yili ürümchige magistirliqta oqushqa yéngi kelginimde bir dostumdin anglighanidim. U manga nesihet qilip, ” abduweli, bu dégen ürümchi, undaq ish yoq!” dégen édi. Men hélila qeshqerdin chiqqan jahan körmigen bir adem bolsam kashki! U chaghda men béyjingdiki bir ali mektepni pütküzüp, qeshqerde xizmetni tashlap égilik tiklep, hemmini yéngidin bashlimaqchi bolup ürümchige oqushqa chiqqan bir adem édim. Arimizda bolghan gep, bir dostumning bir top baligha én'gilizche aile oqutquchisi boluwatqanliqi , méni bu ishqa yaridemchi qilsa, emgikimge yarisha heq berse bolidighan bolmaydighanliqi heqqide édi. Buning u yerning ürümchi yaki emesliki bilen munasiwiti yoq édi. Emeliyette amérikida közümge mensitmigendek qarap qoyup, “bu dégen amérika!” dégen kishidiki mijez manga ürümchide “bu dégen ürümchi!” dégen kishidiki mijezning dawami édi. Démek, wetende özining qimmitini qeyerde yashighanliqi, qeyerde ishligenliki, némige érishkenliki bilen ölcheydighan kishilerning qiliqi chigra atlap musapir bolghandin kéyimu özgermigen édi. Ular junggudikidek özini bashqilardin üstün körsitishte özide bar türlük desmiylerdin paydilinatti. Yéza bilen sheherning perqi, sheherlik we yéziliqning perqi, kadirliq bilen déhqanliqning perqi, puqraliq bilen emeldarliqning perqi kiyim kéchektin tartip rohiy keypiyatqiche singip ketken yerde chong bolghan uyghur bu perqler alliqachan yoqalghan dölette yashawétiptmu insanlar arisidiki barawerlikni itirap qilishqa könelmeywatatti. İnsanning qanun aldidiki barawerliki mensep, nesep, millet, bayliq qatarliq amillarning depsendichilikidin qutulalmaywatqan, insanlar qiliwatqan xizmitige, yashawatqan yérige asasen tebiqileshken jonggu jem'iyitide kishiler insanning mutleq barawerlikini eqlige sighduralmaydu. Shu seweptin amérikigha burun barghan uyghurgha yéngi barghan uyghur sehraliqtek tuyulup qalidu. Burun jongguda doxtur bolghan uyghur özining amérikida pitsa toshuwatqanliqini bashqilargha déyishtin nomus qilidu. Chünki ular burun yashighan jem'iyette salahiyetlik insan bolush üchün sheherlik bolush kérek, neplik birxizmetning égisi bolushi kérek. Shuningdin qarighanda qanun insan'gha barawerlik bexish ételmigen, insan barawer ijtimaiy ornini qanun arqiliq qoghudiyalmaydighan jem'iyette kishilerning qildighini bashqilargha héli yashawatqan makanini, héli qiliwatqan xizmitini, héli tapqan pulini köz-köz qilish arqiliq meniwiy qanaet his qilish bolsa kérek.

İllet tüzelmise millet tüzelmes: uyghurning “illet”liri yawrupa sehniside

bu “dégen yawrupa!” dégen bu itot merhum shair tiyipjan éliyupning

méghizi , shakili bar her nersining ,
ey eqil , shundaq chüshen milletnimu .
Béyiyiydu milletningmu peziliti ,
chüshense özidiki illetnimu .

Dégen shiéri bilen bashlan'ghan édi. Hejiwi yéri, itotning mezmuni atalimish milletning illiti bilen hich qandaq munasiwiti yoq édi. Undaqken némishqa yuqarqi shiér oqulup qaldi? İtotta bir ailidiki ikki oghulning gérmaniyidiki künliri sözlen'gen. Oghulning kichiki boynigha zenjirlerni ésip, quliqigha , burnigha halqilarni taqap gérmaniye kochiliridiki yalqaw balilarning obrazini yaratqan. Chongi derste yaxshi, ishning béshini bismillahtin bashlaydighan, abduxaliq uyghurning shiérlirni söyüp oquydighan obdan balining obrazini yaratqan. Bu yerde milletning illitige taqishidighan hich bir tepsilat yoq tursa, némishqa bu itot yuqarqi shiér bilen xulasilinidu? Démek, uyghurlar wetende bir pishkellik, chirkinlik we chakiniliq tenqidlense buni milletning illiti dep xulasileshke adetlen'gen bolghachqa yawurpa sehniliride orunlan'ghan itottimu mushu adetni dawam qilghan. Bu adet illetchilik edebiyatining uyghurlargha singdürgen tepekkur aditi. Bu adet boyiche bolghanda uyghurlar duch kéliwatqan külpetlerning sewebi uyghurlarning illetliri, uyghurlarning riyal pishkelliklirige jughrapiyilik amil sewebchi, uyghurlarning mesililiri tarixitin qélip qalghan…. Qatarliqlardin ibaret. Bundaq hichkimni aghritmaydighan, hich bir riyal sewebke baghlanmaydighan , peqet tilsiz tarixni, jansiz jughrapiyilik mohitni, qanche tillisa xatalashturalmaydighan illetni barliq mehrumluqning yiltizi dep mulahize qilish jahandarchiliqning bixeter yolidur xalas. Bundaq barliq külpetlerning sewebini millettiki illetke artip qoyush biri kishilerni riyal mesililerning emeliy seweblirini tehlil qilish pursitidin mehrum qoyidu. Yene biri kishilerni ümidsizlendüridu. Mundaqche oylap baqsaq, qatnash, alaqe kücheygen bügünki dewrde yene jughrapiyilik amilni köptürüsh, bügünde yashawatqan kishilerning mesilisini tarixitin qélip qalghan dep xupsenlik qilish saxtikarliqtin bölek nerse emes. Bu tepekkur boyiche bolghanda hazirgha shükür qilip yashashtin bashqa ishqa zörüriyet tughulmaydu. Tiyipjan iliyupning bu shiéri illetchilik edebiyatining tunji top oqi bolushi mumkin. ” illet tüzelmise, millet tüzelmes” dégen sapasiz, zamaniwiy oydurma maqal belkim mushu shiérdin kelgen bolushi mumkin. Chünki uyghur shairlirining nezmiliri xelq maqallirigha aylinip kétidighan ish burundin bar édi. Mesilen, molla bilalning “sugha salsam su kötürmes misqal tömürni, altun bilen élip bolmas qalghan köngülni” dégen shiéri xelq maqaligha aylinip ketken.

Bu itotqa yene yawrupadiki bir dölette yashawatqan uyghur xanimlirining shu dölettiki xensu ashxanisidin tamaq yiyish mesilisimu qisturma qilinip mesxire qilin'ghanidi. Ayal rolchi buni “wiyey, yések tamiqini yimiduq, xam séyini yiduq!” dep özini aqlaytti. Manga bu aqlash ürümchidiki bir ayalning “xensu ashxanisigha, makidonald( meydanglaw) qa kirgen bilen toxu göshi yiduq” déyishlirini, qeshqerdiki uyghur shujining “xensu ashxanisigha kirip béliq yiduq nayiti” dégenlirini eslitetti. Démek musapir uyghur dunyaning nerige barmisun wetende kön'genni déyishtin, wetende yigenni yiyishtin, wetende qorqqandin qorqushtin, wetende kön'gendin xuduksireshtin qutulalmaydu. Buni milletning illiti dégini bolmaydu. Bu jem'iyetning kishiler qelbige basqan tamghisi. Buning hich qandaq milletning illiti bilen munasiwiti yoq. Uyghurning ornida uyghur körüwatqan künini körüwatqan herqandaq milletning xuyida we qiliqida yuqarqi tamghining jarahiti bolidu. Amérikida men körgen uyghurdin bashqa millet kishiliri bundaq ishlarni milletning illiti dep ah urup ketmeydu.

Orunsiz perez we yiltizlighan qorqunch

men amérikida turush jeryanida amérikidiki uyghurlar we amérikiliqlarni sélishturup yene bayqighinim, uyghurlar muamile jeryanida daim bashqilar heqqidiki herxil perezler dunyasida yashaydiken. Bir uyghur qizdin bashqilar jasus dep guman qiliptu. Sewebi u qiz bilen bir mektepte oquydighan bir uyghur bala uning xelq'araliq télipun kartisini niyuyorktiki bir xensuning shirkitidin alghanliqini bashqa uyghurlargha dep qoyuptu. Shuning bilen bu qizning “jasus” liqigha dair gep tarqap kétiptu. Shu sewebtin u qizning yétekchi oqutquchisimu u qizgha soghuq muamile qiliptu. Eslide u qiz u télipun kartisini bir qétimla ishlitip qayta ishletmigeniken. Manga bireylen yene bir qizning jasus bolush mumkinchilikini chüshendürüp kélip uning yiligha besh ming dollar oqush mukapati alidighanliqini “pakit” qildi. Chünki melum organning “qulaq”largha bérilidighan yilliq tapan heqqi besh ming dollar iken. Men u qiz bilen uchrashqanda buni sorap baqtim, u qizning mukapatining menbesi éniq bolup amérikidiki bir mukapat orgini iken. Yene bir qiz manga özige bek yéqinchiliq qilidighan bir dostining gépini qilip berdi. U qiz bu yéqinchiliqning sewebini ” qéri boytaq akisigha méni xanimliqqa layiq körgenlik” dep chüshinidiken. U qizning akisi bilen mungdashtim, uning öylinish xiyalidimu yoq iken. Amérikining sherqi qirghiqidiki bir sheherge bérip bir mezgil sayahette boldum. U yerde bir dostumning akisi bolidighan. U méni kélidu, dep ishpiyunlarning méni bilip qélishidin ensirep shu heptisi öyige méhman orounlashturmaptu. Yéqin etraptiki uyghurlar bilen alaqe qilishni xalimaydiken. Men u yerge yötkilip kelsem men bilenla arilashqidek. Anglap biraz ghelitilik his qilghan bolsammu ündémdim. Kéyin uqishimche uning mehelliside esli ikki uyghur ailisi yashaydiken. Yene bir ailidiki er saqal qoyup yürüydighan bolghachqa men öyige barghan buraderning ayali saqalliqning “taliban” bilen munasiwiti bolushi mumkin dep arilashmaptu.

Men yuqarqi guman we perezlerdin heyran qalimen. Chünki bashqilarni toxtimay ishpiyun dep guman qiliwatqanlar oqush we jan béqish helekchilikide yashawatqan adettiki kishiler. Ularning keynige ishpiyun chüshkidek bir zörüriyet yoq. Misalen, sizning gumaningizni toghra bilip qarshi terepni jasusmu deyli, undaq bolsa néme boluptu. Sizning uningdin qoruqqidek néme qashqingiz bar édi? Eger siz perez qilghan adem jasus bolsa, jausluq bilen shughullan'ghinigha ait paktingiz bolsa néme dep saqchigha xewer qilmay xeqning keynide gep qilip aware bolisiz? Amérikidek qanun mukemmel jem'iyette yashawatqan turup yene bir uyghurdin “taliban” dep qorqupmu ishmu?

Amérikidiki uyghurlarning qelbige orunlashqan qorqunchning qachan tügeydighanliqi heqqide bireylendin sorudum, “amérikida chong bolghan ikkinchi ewlad qutularmikin!” dédi u kishi télipunda. Menche xushallinarliq yéri ikkinchi ewladta orunsiz qorqunch tügeydu, xewplik yéri uyghurluqmu ajizlishidu. Amérikidiki üchinji ewlad uyghurluq bilen widalishidu. Buninggha 1949-yili amérika elchixanisi ürümchidin chékin'gende bille ketken dawut isimlik uyghur elchixana xadimining hazir özini uyghur ataydighan birmu ewladining qalmighanliqi pakit.

Emeliyette amérikidiki uyghurlar bundaq orunsiz qorqush we perez qilish aditini wetendin kötürüp barghan. Oylap baqsaq yuqarqi uqushmasliqlarning yéshimi tolimu addi. Hemme ademning qilghan etkenliri we gep sözliri heqqide perez qilip malal bolghiche bir éghiz sorapla baqsa hemme ish ayding bolidu. Qanun'gha xilap ish bolsa saqchigha xewer qilsa bolidu, bolmisa razwitchiktek hemme ademge shübhilik béqip yürüsh bihajet. Bu uyghurlar yeng sodisi, yoshurun süyiqest we xupiyane pilanlar bilen tolghan ashkariliq, démokratiye, erkinlik emelge ashmighan jongguda maarip we kishilik hayat terbiyisi körgechke amérikidimu perezlerge tayan'ghan hökümler dunyasida yashaydu. Jongguda öz qelbige tikliwalghan ghayet zor qurqunchtin nechche on ming kilométir nérida yashap turupmu xewpsireydu.

Musapir uyghur wetende qandaq yétishken bolsa barghan dölitidimu shu qiliqi, shu xuyi boyiche yashaydu. Mesilen, bir dostum wetendiki chéghida daim xizmetdashliridin qaqshaytti. Wetende tériqtek ishini tögidek körsitishke xushtar édi, sharait seweblik nurghun armanlirining emelge ashmaywatqanliqidin aghrinatti, bir ishni daghdugha bilen bashlashqa xushtar édi…amérikida besh yildin artuq turuptu yenila shundaq iken. Musapirchiliq musapir uyghurning pisxikisidiki yarimas qiliqlarni saqaytalmaydu, peqet bezi tereplerni basturup qoyidu, tüptin tüzitelmeydu. Mesilen, wetende bir adem tiriship ishlise bashqilar uni bashliq bolghusi bar dep guman qilidu, bu guman chet'eldimu oxshash mewjud. Wetende bashliq bolush bilen pinsiyige chiqish memurlarning eng chong arzusi. Amérikidiki musapirlar pinsiyeni oylashmighan bilen, bashliq bolmisa bir'ishqa mes'ul bolghusi kelmeydu. Wetende shexske choqunush éghir gherptiki uyghurlardimu buning saqindisi bar. Yawrupadiki bir yazghuchining “…ni saylash heqqide bash qaturush bihajet, biz peqet bey'etla qilishimiz kérek…” dep yazghini buning ispati. Yuqarqi xuy-mijezlerni tüzülme we tüzülme yaratqan ijtimaiy keypiyat kishilirimizning qelbige tamghilighan. Bu tamghining jarahiti chigra atlighan bilenla ghayip bolmaydu. Men weten sirtidiki uyghurche munberlerni ziaret qilip olturup özemni wetendiki bir kocha éghizida qart oynap olturghan bir top uyghurning qéshida turghandek hés qilimen.

menbe: apturning shexsi blogi.

Unregistered
18-12-11, 07:27
.manmu qatalde yaxawatiman.rast gap kilsam bilmidim qataldiki uygurlarni bargenseri quxanmaydigan uygur millitim bolup toyuliwatidu.manmu watande putunlay hitayning sakqisi,armiyisi,hiqkilip watinimizdiki jumlidin uygurlarni nazaret kikildigan barlik hitay dolat amanlik saklax aparatlerning nazaritide boliwatkan muhitka bundak bimane keqix,korkux,gumanlinix ...katarlik ahwallarni his kilmaptikanman.amdi qatalde turup bu ixlarge haayran kiliwatiman.

Unregistered
18-12-11, 12:28
Uyghurlar, amerkiqe yaki yaorupaqe oy pikirda yashayalamdu digen sualni Uyghurlar mustekil piker kilish sharaitinini hazirliyalidumu yaki hazirliyalamdu digen sualgha ozgertip oylap baksak muapikrak. Uyghurlarda hazir ya zimin musteklliki ya ihtisadi mustekklik ya bir pen tihnikidiki musteklik digenlerning hiq kaysisi hazir tihi weten iqi we sirtida peyda bolmidi. Undak bolghandin kiyin shu etraptiki shamalgha karap oylap piker kilip yashaydighan gep. Siz digen pitna ighwalar asasen qong kiqik siyasi gherezlerge tewe ishlar bolup. Bundak adetler heme ellerde azdur koptur bar, likin ularning biz bilen perki; ularda mustekil piker yurguzup esli gherezni mahiyetlik perklendurush kabilyeti yitiship, bu ularning kopliride etraplik yitiship kuqlukler kataridin orun alghanmikin. Uyghurargha hazir eng kirek nerse, terbiyedin koprek ularning kileqikini yorutup biridghan rohiyet we maddi rigbetlerni kizish bolushi kirek.

Unregistered
18-12-11, 12:38
"bir éghiz sorapla baqsa hemme ish ayding bolidu" mawu bek katta gep iken. ras shundak emesmu!

Unregistered
18-12-11, 13:15
Suni Uyghurlar 7 yumilisa pakizlinidu deydu. Epsus ademler sudek ishtek ozgirelmise kirek. Diginingiz rast, Uyghurlar bir yumulapla Amerikilik, bir dogilepma Yawrupaliq, yene bir Yumulapla Turkiyelik bolalmaydu. Buni chushinish kiyinmu emes emliyette. Siz ichkirde okudum depsiz. U yerlerde 10-20 yillap yashap soda-tijaret kilip Yurgen Uyghurlarning kanchisi Beijingliktek, Shanghai yaki Guangzhouliktek tepekkurlirini ugineleydu? (hittaylarning hemme tepekkurlirimu yaman emes, ularningmu bashka ilghar milletlerdin ugengen heli kop ilghar tepekkur usulliri bar). Yene bir misal Kashkardin chikip Urumchide tijaret kilip yurgen Uyghur 10 yildin kiyinmu yene Urumchidiki uzining tebikisige mensup bolmighan Uyghurlarning teppekkur usulini uginelishi natayin. Chet'eldiki Uyghurlarning mutlek kop kismi tehi ozliri yashawatkan jemiyetning normal katlamlirigha kirip yashaydighan shara'itka irishkini yok. Ashhana, pizahanilarda ishlep Amerikining yaki Yawrupaning mediyetlirini uginish mumkin emes. Ugensingiz belki bu jemiyetning eng tuwen katlimidiki terbiyesi tuwen ademlerning pis'hika adetlirini uginelishingiz mumkin. Ishiningki ularningkidin uziningizning ming yahshi.

Unregistered
18-12-11, 13:34
Yaxshi bir temida gep bashlapsiz, bu bir chetellerdiki Uyghurlar uzundin buyan tilgha elishqa petinalmaywatqan bir tema, chunki bu mesililer asasen chetellerde musapir yashawatqan her bir Uyghurgha azdur-koptur munasiwetlik.

Menmu uzundin buyan chetellerdiki Uyghurlarning ozara shexsiy munasiwet, oy-pikir, ish-heriketlirini ozemche tehlil qilip, bir jawap izdewatqan birsi bolup mening hazirghiche yekunlep chiqqanlirim towendikiche:

1. Gumanxorluq we qorqunchaqliq--hemmimiz bilgendek, chetellerge chiqalighan (meyli u oqush uchun bolsun we yaki bashqa sewebler uchun bolsun) Uyghurlarning mutleq kop qismi wetende xitayning qolidiki melum imtiyazliq kishilerning perzentliri we uruq-tuqqanliri, uning ustige bularning mutleq kop qismi siyasiy panaliq bilen chetellerde olturushluq, lekin bu mutleq kop sandiki insanlar ozining siyasiy panaliq tiligenlikini asasen yoshurushqa orunidu, heliqi "oghrining yuriki pok-pok" degendek, mushuning ozila gumanxorluq we qorqunchaqliqqa tebiiy yol achqan.
Bu yerde ehtimal yenila insanning xislitidiki eng ajiz nuqta bolghan menpeet amili rol oynawatqanliqi muqerrer. Eger hemme adem ozining qilghinigha ige bolup, merdanilarche rast gep qilip semimy bolsa ehtimal bu jehette yaxshiraq bolushi mumkin.

2. Shohretpereslik--Bu belkim qenimizda bolsa kerek, tarixta seltenetlik yashiginimiz muqerrer shuning pisximizdiki qalduqliri hazirghiche bar, bashqilarning aldida ozimizni ustun tutmisaq bolmaydu, gerche ozimiz hechnime bolmisaqmu. Hemme Uyghur zadi ozimizni bek chong bilimiz.

3. Oz-ara bashqilardin kutidighininiz real bolmasliq--Topliship oltorup hemme ishta oz-ara yardem izdeydighan Bostanliq medeniyitining tesiri bolsa kerek, bizde herxil qaide yosunlar bek kop, chetellerdimu shu boyiche yashashqa telmurush, bashqilardin chong umut kutush, xeqtin aghrinipla yurush. Aziraq bashqilargha yardem qilghanlar uni zadi untup qalmay ezweylep turush, yardemge erishkenler yardem berguchini toyghiziwetish.

4. Munasiwetlerni toghra chushenmeslik--Chetellerdiki Uyghurlar yashawatqan dowlitining kochmenliri bolghachqa, hechkimning hechkimning teghdirini belgileydighan yaki chong menpeet yetkuzush qabiliyi yoq, bu ehwal wetendiki bilen perqliq, wetendiki oz-ara chirmiship ketken munasiwetler Uyghurlarning oz-ara zich bardi-keldi qilishigha asas bolghan, chetellerdiki Uyghurlar biz "Uyghur" dep oz-ara arilashmisa, asasen bir-biri bilen hechqandaq munasiwiti yoq, shunga talishidighan hechnemimu yoq, lekin bezide ademni ejeplenduridighini Uyghurlarning bir-biridin birnemini talashqandek ish-heriketlerde bolushi.

5. Musapirliq (Yalghuzluq) we bicharilik--Bu amillarning ademning pisxikisigha bolghan selbiy tesiri eng chong bolup, mushuning ozila emeliyette rohiy normalsizliq kelturup chiqiridu.

Meningche yuqiridiker chetellerdiki Uyghurlarning hazirqi ehwalini belgiligen.

Unregistered
19-12-11, 22:46
Bu aptor amerikidiki Uyghular heqqide yeziptu, u amerikidiki uyghurlar heqqide yezip xalighanche wetende elan qilishqa erisheleydiken. amerikidiki uyghurlarni sokushtin ilgiri sen amerikida uyghurlar uchun neme qilding, xitay pasporti bilen xalighanche wetenbe berip kelip, amerikidiki uyghurlar heqqide pikir qilip, yene berip, yene kelip yurush bu qandaq gep
. bu mesilini oylap beqish kerek. bu ator wetendin amerikigha kelgen oqughuchimu qandaq? eger u amerikida turup, bashqa uyghurlardek birer qetim xitay konsulxanisining aldigha chiqip baqalighan bolsa, birer qetim qorqmay xitayni tilliyalighan bolsa, uning amerikidiki uyghurlar heqqide analiz yurguzush salaiyiti bar, lekin undaq emes bolup, bir dem urumchi, bir dem beyjing, bir dem amarikida turush kuchige ige bolsa, bu ayrim mesile,

Unregistered
20-12-11, 05:01
towendikini yazghan ademning siyasi kallisining bekla addiyliqini hem chetellerdiki ehwalni, dunya weziyitini hem eng muhimi Uyghurlarning musteqilliq dawasini bek yiraqtin korep bek addiy oylaydighanliqini his qildim. meningchimu towendikini yazghan adem wetenge bimalal berip kelip turiwatqan, xitaygha qilchimu yaman bolap baqmighan, shexsiyetchiliki ustin, menpetchi, abroychi bir adem. bu ademni xitay tizla indekke kelturwalalaydu. towendiki gepini korung;

-----------------------------------------------------------------------------
"Chünki bashqilarni toxtimay ishpiyun dep guman qiliwatqanlar oqush we jan béqish helekchilikide yashawatqan adettiki kishiler. Ularning keynige ishpiyun chüshkidek bir zörüriyet yoq. Misalen, sizning gumaningizni toghra bilip qarshi terepni jasusmu deyli, undaq bolsa néme boluptu. Sizning uningdin qoruqqidek néme qashqingiz bar édi? Eger siz perez qilghan adem jasus bolsa, jausluq bilen shughullan'ghinigha ait paktingiz bolsa néme dep saqchigha xewer qilmay xeqning keynide gep qilip aware bolisiz?"

Unregistered
20-12-11, 05:17
amdi uyghurlar,scherlook holmes boldimu nima.....?

Unregistered
20-12-11, 09:55
Sizdin xuni umit kilayki, sizning bu timida suz kilixingz uzila sizning kiqikkine nersini biliwilp huddi dungyaning hemme ihlimini bilip ketkendek hiz kilidigan bir ahmaktek kilisiz..

Men sizge iytsam, bundak turmixitki ixlar americaliklardimui ve her kandak milletlede bulidigan ixlar, her kandak bir topnig communiti bolidiken bundak gep suz bulip turidu... Hemme millette bu ixlar bar... Buning milletke positive tesirimu...

Bu ix kaqan insandin kurkidigan yaki kanun boyiqe ix kurux emes...

Just a comment: this is quite long and boring... You should learn to write first, before you come up with a such analyse based stuff...

Just take this out... I don't think you deserve to post anything here... It is just waste of time, my friend!!!

Unregistered
21-12-11, 04:11
Burader Abduweli Ayup cheteldiki uyghurlar arisida mewjut boliwatqan nahayti mohim bir mesilini oturgha qoyupsiz. Dawamliq yezing.

Unregistered
22-12-11, 01:41
Burader Abduweli Ayup cheteldiki uyghurlar arisida mewjut boliwatqan nahayti mohim bir mesilini oturgha qoyupsiz. Dawamliq yezing.

man tehi birar uyghur amirekigha uyghur che oy selip bashkilarga ajayep bir xuyini korsetip koydemikin dep oylap kaptiman..hahahahahahaha bolde oy... xuy....guy...deyiship utup kitinglar..bicharelar! alem nede...adam nede?

Unregistered
22-12-11, 04:26
Kunimiz pohka paydisiz yazmilar, yighilixlar, liksiyalar, yiyixlar wa tarbiyalaxlar bilan otidu. Amili ix yok!