PDA

View Full Version : Tarixta ötken milliy rehberlirimizni inkar qilishtin saqlinishimiz lazim ( 9 )



M.Sayrami
12-12-11, 06:37
Uyghur milliy herikiti musteqilliqqe teyyar turushi lazim ( 9 )

Tarixta ötken Milliy rehberlirimizni inkar qilishtin saqlinishimiz lazim ( 9 )

Tarixta ötken milliy inqilapchilirimiz we Milliy rehberlirimizge baha berishte dunyada bizdek ziddiyet we ixtilapqa tolghan murekkep chüshenchige ige bashqa bir millet bolmisa kerek.

Milliy rehberlirimizge baha bergende, Xelqimizning xahishi boyiche emes, belki özimizning shexsi chüshenchisi boyiche baha berishke aldirap ketimiz.

Ötmüshtiki milliy rehberlirimiz we hazir mewjut bolup turiwatqan milliy rehbirimiz heqqide hazirmu hem izchil türde dawam qilip keliwatqan orunsiz talash – tartishlar, dunya qarash we milliy qimmet qarishi jehette ichki qismimizda eghir derijide chechilang'ghuluq we ixtilaplarning mewjut ikenlikini ochuq körsütüp turmaqta. Chüshench we idiye jehettiki buxil toqunush, tebiy halda milliy herikitimizning saghlam tereqqi qilishigha we xelqimizning birlik – ittipaqliqigha belgilik derijide selbi tesir körsütüp kelmekte.

Buyerde men asasliqi, 33 - 44 – yilliri qurulghan ikki jumhuriyet inqilawimizgha bashlamchiliq we yetekchilik qilghan milliy rehberlirimiz we milliy inqilapchilirimizgha bolghan baha we pozitsiye mesilisini közde tutiwatimen.

Ilgiriki bezi rehberlirimizning sewenliki we mesuliyetsizliki tüpeylidin bu jehette 1949 – yilidin buyan muhajirettiki qerindashlirimiz arisida müjimellik we turaqsizliq höküm sürüp keldi, bunung ziyinini haziri ewlat milliy küreshchilirimiz tartiwatidu.

Hetta beziler shu derijide esebiliship kettiki, ilgiri qurulghan ikki jumhuriyitimizning birini etirap qilip mueyyenleshtürse, yene birige guman we inkar qilish neziri bilen qaraydu.

Mesilen, men 90 – yillarning bashlirida wetendin melum bir döwletke yengi chiqqan waqtimda nahayiti ghelite we echinishliq bir menzirige duch kelgen idim, bezi rehberlirimizning, siyasi paaliyetchilirimizning we teshkilatlirimizning öyliri we ishxanilirigha ikki jumhuriyetni barliqqa keltürgen milliy rehberlirimiz qatarida peqetla Sabit damollam bilen Elihan Töremning resimliri esilghan bolsa, yene beziliriningkige Hojaniyaz haji bilen Ehmetjan Qasimining resimliri esilghan;

yene beziliriningkige peqetla Sabit Damollam bilen Muhemmet Imin Bughra ependimning süretliri esilghan bolsa, yene beziliriningkige peqetla Ehmetjan Qasimi, Abdukerim Abbasof, Isaqbeg we Delilqanlarning resimi esilghan …

dimek, hemmining öz aldigha tallap bekitiwalghan bir milliy rehbiri we milliy inqilapchisi bar, bir – biriningkini etirap qilmaydu, hemmisining öz aldigha taghada bir bahane – sewepliri we qatmal izahatliri bar, beziler Hoja Niyaz hajini, < Sabit damollamni Xitaygha tutup bergen milliy satqun > dep tillisa, yene beziler Ehmetjan Qasimini, < Elihan Töremni Ruslargha setiwetken qizil quyruq kommunist > dep tillishidu.

Adettiki normal qerindashlirimiz uyaqta tursun, hetta xeli köp siyasi pa'aliyetchilirimizmu yuqarqidek tarixiy qehrimanlirimizgha baha bergende, eyni chaghdiki riyal weziyetni közde tutqan tarixiy nuqtinezer boyiche emes, belki hazirqi dunya qarishi boyiche baha berishke aldirap ketidu, beziler biraz yurtwazliqni, yene beziler özining shexsi idilogiyenisi arilashturiwalidu, buxil xata eqim nöwette milliy herikitimizning kelgüsi istiqbali hisaplanghan yashlirimizni qaymuqturush we hetta zeherlesh rolini oynap kelmekte.

Adette siyasi pa'aliyetchilirimizning hemmisila digüdek, nöwette elip beriliwatqan milliy herikitimizning bolsa eyni chaghda qurulghan ikki jumhuriyet inqilabining dawami ikenlikini, özlirining bolsa bu ikki jumhuriyetni qurghan milliy inqilapchilirimizning izbasarliri we warischiliri ikenlikini eghizliridin chüshermeydu, epsuski, bu ikki jumhuriyitimizni ming bir japa – musheqqetler bilen qurup chiqqan we bizge milliy musteqilliqimizning simowuli hisaplanghan ay – yultuzluq kök bayriqimizni miras qaldurup ketken milliy inqilapchilirimiz we rehberlirimizning salahiyitige we ularning qolgha keltürgen netijilirige guman tuyghusi bilen qarishidu, siyasi pa'aliyetchilirimiz arisidiki buxil kesellik peydin – pey awam xelqimiz ichigimu yeyilip, ularning tarixiy qehrimanlirimizgha toghra we adil baha berishige selbi tesir körsütiwatidu.

Xetimu eghir bolghini, arimizda uzun yillardin buyan dawam qilip kelgen rehber yaratmasliq, rehber tallashta ikkilinish we teshwishlinish xahishi, hazirqi ewlat siyasi pa'aliyetchilirimizning we yashlirimizning rohi dunyasighimu biwaste tesir qilip, milliy rehberlirimizge bolghan pozitsiye mesiliside suning eqishigha qarap ish tutidighan nachar halet shekillendi.

Mesilen, men turghan sheherdiki bir aghinimizning öyining temida ilgiriki rehbirimiz Eysa ependim bilen hazirqi rehbirimiz rabiye xanimning taza chongaytilip eyneklik ramkigha elinghan ikki resimi bar, nawada shehrimizge Rabiye xanim kelip qalsa, bu aghinimiz derhal Eysa ependimning resimini kötining astigha yoshuruwelip, peqetla Rabiye xanimning resimini esip qoyidu, nawada Rabiye xanim ketip, Erkin Alptekin akimiz kelip qalsa, yene derhal rabiye xanimning resimini bir bulung'gha yoshurup qoyup, unung ornigha Eysa ependimning resimini esip qoyidu, tola söküp, tola chaplap hazir bu aghinimizning öyining temining saq yerimu qalmidi …

dimek, bolghuluq hazirqi ewlat yashlirimizgha boluwatidu !

Emdi öz gepimizge kelsek, tarixta ötken milliy inqilapchilirimiz we rehberlirimizge bolghan pozitsiye mesiliside dawam qilip kelgen yuqarqidek qalaymiqanchiliqning otturigha chiqishida, ilgiri chetellerge hijret qilip chiqqan bezi rehber we erbaplirimizning eghir derijide mesuliyiti bar, bu janaplar, wetinimizde 40 – yillarning axirlirida Ehmetjan Qasimi bashchiliqidiki ikkinchi jumhuriyetchiler bilen bezi yerlik küchler we Guo min dangchilar otturisida yüzbergen jeng'gi – jidel we toqunushlarning tesirini chetelgimu sörep chiqqan, tarixta ötken milliy rehberlirimizni bekitishte özining shexsi xahishi boyiche tallash elip barghan we özi talliwalghanlirini muhajirettiki qerindashlirimizgha zorlap tang'ghan idi.

Eger, 50 – 60 – yillarda Abdurop Mehsum, Ziya Semedi … bashchiliqidiki ikkinchi jumhuriyitimizning tayanch küchliri chetelge hijret qilip chiqmighan bolsa idi, bezi erbaplirimizning qutrutishi we xata yolgha bashlishi bilen muhajirettiki qerindashlirimiz, bolupmu yashlirimiz Ehmetjan Qasimi bashchiliqidiki bir türküm milliy rehberlirimizdin xata halda bir ömür nepret qilip ötüp ketken bolatti.

Yene bir jehettin alghanda, shu dewirlerde birge ötken tarixiy shexislirimiz teripidin yezip qaldurulghan eslimilerde, bir – birige bergen bahalirida nahayiti zor periq bolghini üchün, bumu xelqimiz ichide tarixta ötken milliy qehriman we rehberlirini toghra chüshünüshi we ulargha toghra baha berishide qaymuqturush rolini oynidi.

Mesilen, weten ichdikilerni elip eytsaq, tarixta ötken ikkila jumhuriyet inqilabigha qatnashqan we keyin Xitay kommunistliri bilen hemkarlashqan Seypidin Ezizi özining eslimiside, tunji jumhuriyitimizning qurghuchiliridin Hoja Niyaz haji, Mehmut Muhidi we Osman Eli ( Osman Qirghiz ) largha yuquri baha bergen we ularni < Xelq inqilabining rehberliri > dep körsetken, emma ularni milliy musteqilliq kürishining emes, belki Jing shu ren, Shing shi sai qatarliq Xitay militarislirining zulmigha qarshi Xelq qozghilingining rehberliri dep izahlashqa tirishqan, ulargha selbi baha bergen Xitay tarixchilirini ashkare tenqitligen. Chünki Seypidinning ularni aqlishi, emiliyette özini aqlighanliq idi, chünki 30 – yillarde Seypidin awal Osman Elige esker bolghan, Osman Eli shehid bolghandin keyin, Hoji Niyaz hajining herbi qomandani Mahmut Muhidining qol astigha ötken, keyin Mahmut Muhidi ( Mehmut sijang ) teripidin Soweyt ittipaqigha oqushqa iwetilgen idi. Dimek, Seypidinni < Sey pidin > qilghanlar del yuqarqi milliy inqilap rehberlirimiz idi.

Seypidin özining eslimiside, Sabit Damollam, Muhemmet imin Bughralargha, < milliy bölgünchilerning we Jung guogha qarshi eksiyetchil küchlerning tipik wekilliri > dep baha bergen.

Yene Seypidinning 44 – yilidiki ikkinchi jumhuriyitimizning asasliq rehberlirige bergen bahasimu ikki xil bolup, Elixan Törem we unung asasliq yardemchilirini < bölgünchilik > we < eksiyetchilik > bilen eyipligen, Ehmetjan Qasimi bashchiliqidiki bir türküm rehberlerge nahayiti yuquri baha berip, ularni, < Guo mindang eksiyetchilirige qarshi Xelq inqilabining tipik rehberliri > dep körsetken idi.

Shu dewirlerde yashighan Burhan Shehidi bolsa özining eslimiside, 30 – yillardiki milliy inqilapni tüptin inkar qilghan bolup, bu inqilapning rehberlirining hemmisini < wetinimizge qarshi bolgünchi we eksiyetchi küchler > dep eyipligen, 44 – yilidiki ikkinchi jumhuriyitimizning rehberlirige bergen bahasi Seypidin Eziziningki bilen oxshash bolghan.

Hazirgha qeder weten ichide 33 – 44 – yillarda qurulghan ikki jumhuriyitimiz we bu jumhuriyetlirimizning qurghuchiliri heqqidiki bahalar yuqarqi ikki neper qorchaq mensepdarning ölchep qoyghan siziqidin halqip ketelmidi, chünki wetende bundaq nazuk mezmonda < keng echilip – sayrash > imkaniyitimu yoq idi.

Shunga, weten ichidiki yash ewlatlirimizning bu jehettiki melumat we chüshenchisimu peqetla Seypidin we Burghanlarning, shundaqla bu ikkisige dost tartiship bergen Xitay tarixchilirining sizip qoyghan tar chembiriki ichidila cheklinip qaldi. Keyinche bu tar chüshenche, chetelge chiqip yerlishiwatqan yashlirimiz arqiliq tashqi dunyadiki ichigimu yeyilishqa bashlandi.

Chetellerde bolsa, ikki jumhuriyitimizge we unung qurghuchilirigha bolghan bahada, merhum Eysa Yüsüp Alptekin ependimning 49 – yilidin buyan tekitlep kelgen chüshenchiliri we keyin özining eslimiside yezip qaldurghan baha we qarashliri höküm sürdi.
Eysa ependimning ikki jumhuriyet rehberliridin peqetla Muhemmet imin Bughra ependimge bergen bahasi nahayiti yuquri we ijabi bolup, qalghan milliy inqilapchilirimiz we milliy rehberlirimiz heqqidiki baha we chüshenchisi asasi jehettin selbi idi. Bolupmu ikkinchi jumhuriyitimizning rehberliridin Ehmetjan Qasimi qatarliqlargha tutqan pozitsiyesi we bergen bahati biraz düshmenlik derijisige berip yetkini üchün, taki Soweyt ittipaqi parchilinip, ottura asiya türki jumhuriyetliridiki Abdurop Mehsum, Ziya Semedi bashchiliqidiki milliy küreshchilirimiz bilen, Türkiyeni merkez qilghan ottura sheriq rayonidiki milliy küreshchilirimiz özara pütünleshken 90 – yillarning bashlirigha qeder, ottura asiyadin bashqa ellerdiki Uyghur siyasi pa'aliyetchilirimiz Ehmetjan Qasimining resimini ishxane we öylirige esishtinmu wahim qilatti.

Elwettiki, Eysa ependimning wetenperwerlikige zerre qeder shübhem yoq, bezi tarixiy sewepler tüpeylidin eyni chaghda Eysa ependimmu özi toghra dep qarighan yolni tallighan we shu yolda wetinimiz we xelqimizning menpe#etliri üchün küresh qilghan idi.

Allah razi bolsun, bundin birqanche yil ilgiri Türkiyediki wetenperwer qerindashlirimiz, milliy rehbirimiz Muhemmet imin Bughraning < Sherqiy türkistan tarixi > namliq bahadir esirining hazirqi zaman yengi imla qa'idisi bilen qayta neshir qilinghan nusxisigha birleshtürüp, < milliy inqilap tarixi > namliq eslimisini birge neshir qilip tarqatti. Bu eslime, 30 – yillardiki milliy inqilap we bu dewewirdiki inqilap rehberliri heqqide yezip qaldurulghan eng mukemmel tarixiy memnebe bolup, Muhemmet imin Bughra ependim eslimiside Hoja Niyaz haji we Sabit damollam barliq milliy inqilap rehberlirining weten – milletning azatliqi yolida körsetken pidakarliqi we tirishchanliqigha yuquri baha bergen, ularning tarixiy töhpilirini toluq mueyyenleshtürgen idi.
Keyin yene Abdurop mehsum, Ziya Semedi, Sabit Abdurahman, Yüsüpbeg Muhlisi, Hashir wahidi … qatarliq köpligen milliy ustazlirimiz teripidin yezip elan qilinghan eslime we tatixiy eserlerde, Elihan Törem we Ehmetjan Qasimi qatarliq milliy inqilapchilirimizning tarixiy töhpilirige yuquri baha berilip, bu jehette uzun yillardin buyan kam qalghan boshluq tolluruldi.
Elwettiki, tariximizda ötken milliy inqilapchilirimiz we milliy rehberlirimizning ötküzgen kamchiliq we xataliqliridin sawaq elishimiz, ularning küresh iradisige tenqidi asasta warisliq qilishimiz kerek, emma, ularning millitimizge qoshqan tarixiy töhpilirini we netijilirini inkar qilish, ularni özmizning shexsi xahishi boyiche türlerge we derijilerge ayrip mu'amile qilishqa esla heqqimiz yoq !
Meyli Hoja Niyaz Haji, Sabit damollam bashchiliqidiki tunji jumhuriyitimizni qurup chiqqan milliy rehber we inqilapchilirimiz bolsun, yaki Elihan Törem, Ehmetjan Qasimi bashchiliqidiki ikkinchi jumhuriyitimizni barliqqa keltürgen rehberlirimiz bolsun, ular hemmisi Sherqiy türkistan xelqining milliy qehrimanliri we inqilawiy rehberliridin ibaret, ularning hemmisi digüdek weten – millet yolida eziz janlirini qurban qildi, Sherqiy türkistan xelqining milliy irasidini we ghaye – isteklirini yuqarqi ikki jumhuriyitimizni qurup chiqish arqiliq pütün dunyagha namayende qildi, keyinki ewlatlirigha xuddi hazir biz jewlan qildurup keliwatqan ay – yultuzluq kök bayriqimizgha oxshash nahayiti qimmetlik milliy eng'güshterlerni qaldurup ketti.

Shunga, biz hazir peqetla ularning tarixiy töhpilirini toluq mu'eyyenleshtürüshimiz, ulargha omomi yüzlük baha berishni we derijilerge ayrishni kelgüsi musteqil döwlitimizning tarixchilirigha qaldurayli. Awal bizmu ene shulardek üchünchi bir jumhuriyitimizni barliqqa keltürüp baqayli, musteqil jumhuriyet qurup chiqishning xeter we jama – musheqqetliri beshimizdin bir ötüp baqsun, andin erkin we azat mohitta olturup burunqi inqilapchilirimizgha bir – birlep tepsili baha berilalarmiz !
Hezirche ularning bir qismini yaritip, yene bir qismini yaratmaydighan'gha, yaki etirap qilmaydighan'gha heqqimiz yoq.
Ilgiriki milliy inqilapchilirimiz we rehberlirimiz otturisida jeryan qilghan bezi ixtilap we toqunushlar shular bilen ketti, hemmisining özige chushluq qarash we chüshenchiliri bar idi, hemmisile weten – milletning tüp menpe'etlirini birinchi orungha qoyghan idi, epsuski, dunya adaletsiz, mohit shepqetsiz bolghini üchün, ularning arzu – istekliri toluq emelge eship ketelmidi.
Shunga, bizning eyni dewirlerde meydangha kelgen ixtilap we toqunushlarni bügünki dewrimizge, milliy herikitimizning, jümlidin, Xelqimizning ichki qismigha sörep kirmeslikimiz, ikki jumhuriyitimizning barliq qurghuchilirini millet süpütide ortaq halda qedirlishimiz, ularning milliy küresh iradisige toluq we tel – töküs warisliq qilishimiz lazim !

( dawami bar )

Unregistered
12-12-11, 09:16
katta tetkikat we teklipler iken. men engliz tili pushurush kurs zamanimda, bir kitim tapshuruk alduk; amerkining kaysi presidenti eng ulugh, buni kiler hepte ahirdiki ders wahtigiqe tepip kilinglar dep. kiyin, okughuqilar ozlirining tallighanlirin kursetti, bezisi washingotonni we bezisi taghda heykili bar beshini digendek....men kaysi ulug ikenligini bilmigenligimni didim. derweki jawabi mundak iken; amerkidiki hemme presidentler ulugh iken, ulughlukta perki yok iken. emilyette bumu ekilge kop uyghun yekun idi, qunki bir adem dewletning eng eghir yukini tot yaki sekkiz yil meydisige elip 24 saettin hizmet kilghan tursa ularning ulughlukta kandak perki bolsun. perk bolsa shu tarihi zamanda toghra kelgen sherep we kiyinqiliklardur. Sayrami ependim mana mushundak sewyede bir makaleni tehtim kiliptu, gerqe men buni his kilghanlarning biri bolghan bolsammu, yizishka mueyesser bolmighanlarningmu biri.Sizge kop rehmet!

Unregistered
12-12-11, 09:25
katta tetkikat we teklipler iken. men engliz tili pushurush kurs zamanimda, bir kitim tapshuruk alduk; amerkining kaysi presidenti eng ulugh, buni kiler hepte ahirdiki ders wahtigiqe tepip kilinglar dep. kiyin, okughuqilar ozlirining tallighanlirin kursetti, bezisi washingotonni we bezisi taghda heykili bar beshini digendek....men kaysi ulug ikenligini bilmigenligimni didim. derweki jawabi mundak iken; amerkidiki hemme presidentler ulugh iken, ulughlukta perki yok iken. emilyette bumu ekilge kop uyghun yekun idi, qunki bir adem dewletning eng eghir yukini tot yaki sekkiz yil meydisige elip 24 saettin hizmet kilghan tursa ularning ulughlukta kandak perki bolsun. perk bolsa shu tarihi zamanda toghra kelgen sherep we kiyinqiliklardur. Sayrami ependim mana mushundak sewyede bir makaleni tehtim kiliptu, gerqe men buni his kilghanlarning biri bolghan bolsammu, yizishka mueyesser bolmighanlarningmu biri.Sizge kop rehmet!

nahayiti janliq we toghra bir misalni korsutupsiz, bizmu tariximizdiki putun rehberlirimizni ulughlishimiz lazim !

Unregistered
12-12-11, 12:12
Maqalining aptori Perhat ependige: "milly" digen sozning menisi nime?

Xinjiang hokumet teshwiqat ishxanisidiki qizil paqachaq kadirlar bu sozni Uyghur millitining mubarek isimi ornigha ishlitidu. Chushinimen, siz shu yerde ishligingiz uchun qizil bolup yuyulup ketken mengingizni texi tazlap bolalmidingiz emma emdi waqti keldi.

Egerde siz bu maqalingining temisini "Tarixta ötken milliy rehberlirimizni inkar qilishtin saqlinishimiz lazim" digendin kore "Tarixta ötken Uyghur rehberlirimizni inkar qilishtin saqlinishimiz lazim" dep yazsingiz nime digen guzel anglinidu kishige he...

Qisqisi Xitay kommunist idlogiyesi yuqturghan mundaq parazit jumulilerni emdi ishlitishtin saqlinayli atalmish Uyghur "ziyalilliri"!

M.Sayrami ependim maqalisini kallisi saq ademlerge yeziwatidu, sili oqumisilimu bolidu Sidiqhaji Musa hajim, maqalidin peqet putaq tapalmay yuqarqi gepni qilghandek qilila, awal logika ügensile, towa deymen, adette rohi kesellikke giripdar bolghan saranglarning ortaq bir alahidiliki bar, oxshash gepni we oxshash heriketni ömür boyi tekrarlaweridu, minge sestimisi pütünley kardin chiqqachqa, normal insanlardek tepekkür qilalmaydu, helimu yaxshi bizning Sidiqhaji Musa digen bendimiz < Qirliq istikan > digen filimdiki Abdul terichidek qoshaq toquydighan saranglardin emes, bolmisa pütün sha'irlirimizning shenige chichatti ...

Unregistered
12-12-11, 14:50
Maqalining aptori Perhat ependige: "milly" digen sozning menisi nime?

Xinjiang hokumet teshwiqat ishxanisidiki qizil paqachaq kadirlar bu sozni Uyghur millitining mubarek isimi ornigha ishlitidu. Chushinimen, siz shu yerde ishligingiz uchun qizil bolup yuyulup ketken mengingizni texi tazlap bolalmidingiz emma emdi waqti keldi.

Egerde siz bu maqalingining temisini "Tarixta ötken milliy rehberlirimizni inkar qilishtin saqlinishimiz lazim" digendin kore "Tarixta ötken Uyghur rehberlirimizni inkar qilishtin saqlinishimiz lazim" dep yazsingiz nime digen guzel anglinidu kishige he...

Qisqisi Xitay kommunist idlogiyesi yuqturghan mundaq parazit jumulilerni emdi ishlitishtin saqlinayli atalmish Uyghur "ziyalilliri"!

IHTIYARI MUHBIR
12-12-11, 15:36
katta tetkikat we teklipler iken. men engliz tili pushurush kurs zamanimda, bir kitim tapshuruk alduk; amerkining kaysi presidenti eng ulugh, buni kiler hepte ahirdiki ders wahtigiqe tepip kilinglar dep. kiyin, okughuqilar ozlirining tallighanlirin kursetti, bezisi washingotonni we bezisi taghda heykili bar beshini digendek....men kaysi ulug ikenligini bilmigenligimni didim. derweki jawabi mundak iken; amerkidiki hemme presidentler ulugh iken, ulughlukta perki yok iken. emilyette bumu ekilge kop uyghun yekun idi, qunki bir adem dewletning eng eghir yukini tot yaki sekkiz yil meydisige elip 24 saettin hizmet kilghan tursa ularning ulughlukta kandak perki bolsun. perk bolsa shu tarihi zamanda toghra kelgen sherep we kiyinqiliklardur. Sayrami ependim mana mushundak sewyede bir makaleni tehtim kiliptu, gerqe men buni his kilghanlarning biri bolghan bolsammu, yizishka mueyesser bolmighanlarningmu biri.Sizge kop rehmet!


Ependimler ,unchilik baldurla ehmeqliship ketkeylik. M.Sayrami ependi bek yahshi yeziwatidu. ammma biz Uyghur milliti tehi milli qulluqtin qutulup derdsiz haletke kelmiduq Qizil Hitaylardek.

Undaq iken tehi yeqinqi tarihimizde bilip yaki bilmey milli musteqilliq hereketimizning izyinigha yashighan we bilip turup Hayatini bu milletning behti-saadeti uchun atighan her liderimizni helitinla ohshash bilsek.

Toghra Hitaylar hazir shundaq qilighliq. besh ming yildin beri bu millettin chiqqan her tereptiki meshhur insanlar ulugh diyiglik. chunki u tarih bolup ketti. u tarihtiki Hitaylarning Hitay milli menpe,etige salghan ziyanliridin hazirqi Hitaylar ziyan kormeydu. Qizil Hitaylarning ularni tallimay tarihini ulughlishi mana mushu sebebtin.bolmisa Qizil Zalim Hitay Hakimiyeti undaq mehriban epuchan Hakimiyet emes.

Undaq iken tehi olgili on nechche yil bolghan Milletni mana bugunki bu har we zarliq haletige ittirip tiqqan bashta Seypidin Ezizi we bashqilarni nimishke bundaq qilmishlirini epu qilip ulughlashqa aldiraysiler. aldirimanglar. bir ellik yil. yuz yil otup baqsun. bu ishlarni ewladlirimizgha qoyup qoyaylik.hazir waqti emes. del teturisiche ularni tenqit we kerekliklirini haqaret qilidighan we lazimliq bolghanda qilmishlirini echip tashlap milletke ibret qilidighan waqittur.

Unchilik derdsizlik,merdlik we epuchanliq bizge hich we hetta hich yarashmaydu. biz Uyghur milli hazirche her kim oz sepimizdikilerni ulughlishimiz oz sepimizdikiler bilen dostluq qurushimiz. sepimizni saplishimiz we bu yolda kerek bolsa Dushmenimizning sepidiki bir qisim insanlaarni rezil-reswa we haru-zar qilishimiz. chetke qeqishimiz yatlishimiz kerek. Uyghur millitining milli musteqilliq dawasining ihtiyaji mana bu ishlargha muhtaj.




IHTIYARI MUHBIR : MEKKE