PDA

View Full Version : Milletning aldida uluq,Allahning aldida uluq.



IHTIYARI MUHBIR
01-12-11, 02:06
Mana bu Ana Uyghur bshchilighidiki Duq rehberliri bu qilghan we qiliwatqan ish-hereketliri tupeylidin Milletning we Allahning aldida uluq Insanlardur.biz Uyghur millitini we bu milletning derdi-ehwalini Qizil we Zalim Hitaygha qarshi heliq-ara Sehnige elip chiqti we chiqalidi.

Allah ulardin razi bolsun, biz milletche bu Uluq Insanlarning arqisidin mangimiz.mangmighanlar bizdin emes.


IHTIYARI MUHBIR : MEKKE






B d t yighinida uyghur mesilisi yene bir qétim keskin talash-Tartish témisi boldi
Ixtiyariy muxbirimiz erkin tarim
2011-11-30
B d t kishilik hoquq yighinida uyghur ayallirining iz-Déreksiz yoqap kétish ehwali, uyghur qizlirining ölümge we muddetsiz qamaq jazasigha uchrash ehwalliri...Heqqide melumat bérildi.


RFA/Erkin Tarim

B d t kishilik hoquq kéngishining 4-Nöwetlik az sanliq milletler munbiri yighinida alim séyitof ependi söz qildi. 2011-Yili 30-Noyabir, shwétsariye.

B d t kishilik hoquq kéngishining 4-Nöwetlik az sanliq milletler munbiri yighinining 2-Küni, yeni 11-Ayning 30-Künidiki omumi yighinda d u q wekili alim séyitof ependi d u q namidin 3 minut söz qilip, uyghur ayallirining mesililiri bilen birlikte 2009-Yili 7-Ayning 7-Küni tinch namayish qilghan uyghur ayallirining iz-Déreksiz yoqap kétish ehwali, uyghur qizlirining ölümge we muddetsiz qamaq jazasigha uchrash ehwalliri...Heqqide melumat berdi.

B d t kishilik hoquq kéngishining 4-Nöwetlik az sanliq milletler munbiri yighinida rabiye qadir xanim söz qildi. 2011-Yili 30-Noyabir, shwétsariye.


Yighin bashqurghuchi d u q wekilini sözge teklip qilishi bilen, alim séyitof ependi sehnige chiqip sözini «sherqiy türkistandiki ayallarning ehwalini anglitish üchün b d t da söz qilish pursitige érishkenliki üchün yighin riyasetchisige rehmet éytish...» Bilen bashlidi. Alim séyitofning sözi bashlinish bilen, xitay hökümitining b d t diki wekili söz qilish hoquqidin paydilinip, yighin reisidin söz telep qildi we d u q wekilining söz qilish hoquqini élip tashlashni, chünki uning sözide b d t prinsiplirigha xilap sözler ishlitilgenlikini... Otturigha qoydi. Xitay wekilining sözidin kéyin kuba wekili söz qilip, xitay wekilining sözini qollaydighanliqini, shunga d u q wekilining sözlesh hoquqini élip tashlashni telep qildi. Kuba wekilining sözidin kéyin amérikining b d t diki wekili söz qilish hoquqini ishlitip söz qildi we d u q wekilining sözide b d t nizamnamisige xilap söz-Ibarilerning yoqluqini, kishilik hoquq teshkilatlirining pikir erkinlikige hörmet qilish kéreklikini, shunga d u q wekilining dawamliq söz qilishigha ruxset qilishi kéreklikini otturigha qoydi. Amérika wekilining sözi tügishi bilen teng bir qisim döletlerning we nurghun xelqara teshkilatlarning wekilliri qizghin chawak chélip, zalda intayin qizghin keypiyat peyda boldi. Amérika wekilining sözidin kiyin pakistanning b d t diki wekili söz qilish heqqini ishlitip, xitay hökümitining pozitsiyisini qollaydighanliqini, shunga d u q wekilining söz qilishini toxtitishni telep qildi. Shundaq qilip yighin zalida uyghur wekilining söz qilish-Qilmasliqi mesilisi heqqide keskin munazire boldi. Axirida yighin reisi d u q wekilige sözini dawam qilish hoquqini béridighanliqini élan qilip, qayta sözge teklip qildi. Xitay wekili intayin osal bir ehwalgha chüshüp qaldi.

B d t kishilik hoquq kéngishining 4-Nöwetlik az sanliq milletler munbiri yighinining wekilliri. 2011-Yili 30-Noyabir, shwétsariye.


Bu yighingha b d t gha eza 190 din artuq döletning b d t diki resmiy wekilliri we bir qanche yüzligen kishilik hoquq teshkilatlirining wekilliri qatnishiwatqan bolup, uyghur mesilisining yene bir qétim b d t yighinida otturigha qoyulushi, bolupmu keskin munazire témisi bolushi pütün yighin ehlining uyghur mesilisige bolghan qiziqishini qozghidi.


Bundin burunqi bir qanche qétimliq b d t kishilik hoquq kéngishining yighinliridimu xitay hökümiti, bügünkige oxshashla d u q wekilining söz qilish hoquqigha ariliship, söz qilish hoquqini élip tashlashni telep qilghan bolsimu, oxshashla meghlup bolghan idi.


30-Noyabir chüshtin kiyin saet 13:00 din 15:00 giche yene b d t zalida az sanliq milletlerning hoquqini qoghdash teshkilati we wakaletsiz milletler teshkilati teripidin parallél yighin ötküzüldi. Bu yighinda dunyadiki bir qisim meshhur ayal paaliyetchiler söz qildi. Rabiye xanim uyghurlargha wakaliten söz qilip, uyghur ayalliri duchar boluwatqan échinishliq weziyet heqqide tepsiliy melumat bérip ötti. Rabiye xanimning sözi yighingha qatnashqan diplomatlar we xelqara kishilik hoquq teshkilatlar wekillirining qizghin qarshi élishigha érishti. Yighin jeryanida uyghurlar, jümlidin uyghur ayalliri heqqide soal-Jawablar boldi.


Biz bu heqte yighin meydanigha téléfon qilip neq meydandin melumat igiliduq.