PDA

View Full Version : Uyghurzade: chakinilar qorshawi we yaxshilarning süküti



Unregistered
21-11-11, 22:59
Uyghurzade: chakinilar qorshawi we yaxshilarning süküti

(melum bir munberdiki munazirede yézilghan héspütük)

Hazir chakinilar, püchekler haman uyghurning yaxshiliridin ghalip kéliwatidu hem chaqqan kéliwatidu. Uyghur medeniyitining jewherlirini qet'iy saqlashqa tégishlik yerlerde bolsa aliyjanaplar ajiz qéliwatidu. Chakinlar ittipaqlishp chakina sorun türlirini berpa qiliwatidu, omumning menpeetini oylaydighan ademler bolsa ijabiy, aktip medeniyet shekillirini wujudqa chiqiralmaywatidu. Néme üchün bizde en'eniwi chayxaniladek sorunlar barliqqa kelmeydu-yu, buzuqchiliq sorunliri bek bazar tapidu? Néme üchün qiz- oghul "gorki" dep söyüshse qobul qilinidu-yu, emma toylarda kitab sowgha qilinsa yaki shéir oqulsa xeq zangliq qilidu?

Yaxshi ademler meghlup boldi. Tayini yoq sükütliri axiri ularni chakinalarning aldida passip orun'gha chüshürüp qoydi.

Undaqta, uyghurning yaxshiliri qachanlarda chakinilargha bu derijide utturup qoydi? Némshiqa bizde ijabiy, saghlam medeniyet sorunliri barliqqa kelmidi? Bu- oylinishiqa tégishlik mesile.

Elwette, hazir bezi yaxshi yüzlinshilermu boluwatidu. Mesilen, nechche yil burun, shaire chimen'gül awut oghlining sünnet toyini ötküzgende kitabni sowgha ornida tarqitiptu. Toyda shéirlar oqulup shundaq yaxshi bolghan bir medeniyet muhiti barliqqa kéliptu. Yene yéqinda qeshqer wilayetlik kitab shirkiti tahir talip, yasinjan sadiq choghlan qatarliq ediblerini teklip qilip, eserlirini imiza qoyup sétish paaliyiti ötküzüptu. Bu yaxshi yüzlinish. Izdensek, biz mana mushundaq saghlam sorun türliri we medeniyet shekillirini yaritalaymiz. Medeniyet siyasiydin bir qeder mustesna bolghachqa, bizning bu sahede bezi ishlarni qilishimizgha imkaniyet bar. Hazir biz duch kéliwatqan muhim bir wezipe ــ uyghurning chakina medeniyetlirini islah qilishning koyigha kirish we heriketke ötüsh.

Kitab almashturush, her 15 künde yaxshi kitablarni muhakime qilish chéyi qilip turush, kesp igilirini teklip qilip ekélip munbelerde mexsus témilarda léksiye ötküzüsh (söhbetla emes, yene ders; xenzuche meshhurlar munbiri dégen prgrammilardek), munberde yekmuyek (erkin munaziredin bashqa) munazire ötküzüsh qatarliq ijabiy sorun türlirini berpa qilishqa töhpe qoshush we chakina sorunlardin özini tartish….bmana bularning hemmisi xelqni aqillarche we konkrét yosunda söygenlikning ipadisi.

Bashqilarning medeniyitimizni ijabiy terepke siljitish, chakina medeniyetlerni slah qilish heqqidiki tesewwruliri we heriket pilani bolsa dep baqsa bolidu.