PDA

View Full Version : Tepekkur qelenderliri köp bizde!



Unregistered
12-11-11, 06:09
Chet’eldiki ziyaliylirimizgha we uyghur yazghuchillirigha

Yollighuchi:nikap
yollighan waqit :2011-11-12 05:05
körülüsh qétim sani:1090



Bashqurush eskertmisi: téma bashqurghuchi yalghuz terpidin [elküyi qelemdashlar saloni] digen sehipdiin bu yerge yötkep kélindi.(2011-11-12)
Nahayiti shepqetlik we méhriban allah ning isimi bilen bashlaymen.

Barliq hemdu sana alemlerning yaratquchisi, güzel hediylerni bergüchi we azghina zikir, tesbihlirimizdin memnun bolup bizge xoshalliq we bexit ata qilghuchi kerem égisi bolghan zat allah qa bolsun. Dorut we salamlar uning insaniyetke exlaq we meripetni élip kelgüchi, barliq insanlarni güzel exlaqqa dewet qilghuchi axirqi peyghembirige bolsun. Salamlar barliq peyghemberlirige ortaq bolsun.

Bu téma shexsen özumning köz qarshi, artuqche köptürlüp omumiyliqqa kötürulmise.

Uzun zamandin béri chet’elde turwatqan ziyaliylirimiz we ularning yazghan eserlirini oqup, ularning uyghurlar üchün chékiwatqan japasini körup köp xursen boldum. Elwette do’ayimizda eslep turduq, allah ishlirini asan qilsa dep télikimiz bar.
Emma nimishqidur barghanche ziyaliylirimizning, yazghuchillirimizning eserliri uyghurlarning, yeni da’im öz eserliride télgha élip kéliwatqan öz millitining turmushidin yiraqlap kétiwatqandek, ularning neziridiki uyghurning turmushi ri’alliqtiki hazirqi uyghurning turmushidin yiraqlap kétiwatqandek birxil sizimgha kélip qaldighan. Shu heqtiki eserler uchrisila témisini körupla ichide nime dep sözlen’genlikini bilwalghili boldighan bir xil halet shekillinip qéliwatqanliqini hés qilip qaldighan bolup qaldim.
Men özum bir addi a’ilidin kélip chiqqan. Sehraning qoynida chong bolghan ademmen. Belkim yuqiri sewyide yézilghan matériyallarni chüshenmeslikim, chüshensemmu toghra hezim qilalmighan bolishim mumkindu. Udulsighila disem köpchilik chet’elde oqiwatqan ziyaliylirimizning eserliride qalpaq chong, témisi heywet, mezmuni püchek. Eserliride dartimlap turup -"tordiki püchek timilar,püchek inkaslar,uyghurlarning ebjesh medeniyiti . . . " digendek sözlerni ishlitidu -yu, men esirim arqiliq zadi uyghurning, aghzimgha toldurup élip sözlewatqan shu uyghurning étiqad, özlük, medeniyet heqqidiki chüshenchillirige qanchilik ortaqlishalidim. Ular bilen qanchilik hem nepes téniq alalidim. Esirim zadi men sözlimekchi bolghan, yorutmaqchi bolghan témining asasiy mezmuni bilen uyghur turmushigha mas keldimu yoq? Digendek so’allarni özige qoyup béqishini oylimaydighandek tuyghu béridu.Toghra, buni toghra chüshinishke bolidu. Chünki ular chet’elde, uyghur medeniyiti, uyghur kimliki, eng addisi uyghur ta’amlirimu bolmighan bir yat yurutta musapir bolup yashaydu. Buning azabini, derdini hich bolmighanda shing - shing shiya din bir qétim ötüp, ichkirde bir qanche hepte turup kelgen ballarmu éniq his qilalaydu.Öz ana tupriqidin ayrilishning neqeder azapliq turmush ikenlikini bileleydu. Bashqa birawlar bundaq azapni hés qilmasliqi mumkin, emma, uyghur bu xil azapni heqiqiy tétip baqti. Shunga chet’eldiki ziyaliylirimizning shundaq haldimu chekken japasigha hörmet we memnuniyet bilen rehmet bildurmen.
Abdurehim ötkür aka mundaq bir sözni qiliptiken - uyghurgha alim bolmaq tes- dep, heqiqetenmu uyghurgha alim bolmaq tes,chünki bu millet özining alimlirini shundaq tawlap, shundaq tallap alim qilidu. On kere yaxshi ish qilip nam qazandingiz ,bir kere özingiz bilip turup yaman ish qildingiz siz bu milletke alim bolush, mutepekkür bolush, hetta uning ziyaliyisi bolushnimu oylimayla qoyghiningiz tüzzük. Sizni hich bir rehim qilmastin qamchilash uyghurning qolidin kélidu. Shunga uyghurgha alim bolmaq heqiqetenmu tes. Emdi bu sözimning chet’eldiki alimlirimiz, ziyaliylirimiz bilen nime munasiwiti? Shundaq emesmu, ular bilen buning nime munasiwiti bolsun?
Mesile del mushu yerde, yeni chet’eldiki alimlirimiz we diyarimizdiki ziyaliylar yéziwatqan matériyallar diyarimizdiki uyghurlargha bir xil rohi ozuq we xoshalliq élip kélidu. Chünki biz oylaymizki ular köpni körgen. Bilgen, anglighanliri köp,tejirbisi mol. Shunga ularning zimmisige hessilep yük artip qoyimiz. Bezide qaxshap baqidu, bezide dadlap baqidu. Amal yoq. Chünki ular mushundaq bir yükni kötürüshni özige heq etken, rawa körgenler bolghanliqi üchün kichilep olturup uyghur heqqide qelem tewritip eser yazidu. -undaqta sen nimishqa bu témini yazmaqchi bolup qalding ? -digen so’al chiqishi mumkin. Bek uzun’gha waqitni sürüpmu ketmey 2000 - yilining mabeynide bizning yazghuchillirimiz. Ziyaliylirimiz nimilerni yéziwatidu, bu milletke qandaq tesir bériwatidu digen meslilerni oylishayli. 1998- yildin bashlap bizde edebiyat we terjime eserler mexsus yehudiylarning eserlirini, pul tépiish, bay bolush toghrisidiki eserlerni asas qilip terjime qélish we xeliq bilen yüz körüshtürüshni asas qildi. Shundin béri diyarimizda 2005- yilghiche bolghan bir zamanda pul, bayliqni tengrisi bildighan bir qisim karxanlar barliqqa keldi. Elwette, uyghurmu tereqqiy qilishi kirek, uyghur ayruplanlarda oltursa, sheherlerni sayahet qilsa, uyghur ma’aripi üchün meblex ajratsa bumu xoshallinarliq bir ish. Emma hazirqi shinjang diyaridiki isenkiresh we medeniyet chikinish basquchida bu xil matériyallar bizge yazghuchillirimiz kütken ijabi tesirni emes, selbi tesirni köpraq élip keldi. Chünki matériyal zamanida chiqirilmighan idi. Yazghuchi, ziyaliy, élim igilliri hemmisi biliduki insandiki ang nahayiti süyüq nerse, meslen:tünügün haraq ichip yürgen kishi bügün birer ish tesir qilip yaxshi ademge özgürshi, aldinqi küni xeyri-saxawet bilen boliwatqan kishi bügün barliq buzuqchiliqlarning menbesi bolup qélishimu mumkin. Nimishqa? Bir türük yazghuchisining bir jumle sözi boldighan - sözde séhir bar- dep. Biz körgen birer ish, biz körgen birer kino, biz körgen birer kitap bizni shundaq chong özgürüshlerge, höjeyrillirimizni shundaq chong tüzülme özgertishke élip bérishi mumkin. Shu seweplik bizge bu xil matériyallar xéli chong shexsiyetchilik, pul tapqili bolsila her nersidin kéchish iddiysinimu sogha qilip ülgürdi. 2003- tin bashlap hazirghiche xéli ésil tarixi roman we matériyallar tüzüldi. 2005- tin bashlap bizde til üginishke munasiwetlik matériyallar köplep tüzülishke bashlidi. Heqiqetenmu bu dewirde xoshallinarliq netijler barliqqa keldi. Epsuslinarliqi 2008-2009 tin bashlap mushu bir qanche yilda chet’eldiki ziyaliylarning, chet’el ziyaret xatirliri, yene bir basquch metbu’atlar yüzide köründi. Aldinqi on yil ichidiki mushu xildiki eserlerni hazir bular inkar qilishqa bashlidi. Eng addisi chet’eldiki hazirqi ziyaliylar burun chet’el xatirliri yazghan extem ömer aka we bashqilarning eserlirini her bir esiride aghzigha liq toldurup élip turup tenqidleydighan. Eslide chet’el mundaq, uyghurluq mundaq, bu eserde undaq diyilgen . . . Dep bolishigha qamchilaydighan eserlerdin bolup qaldi. Bezide shundaq hés qilip qalimen. Bu kishilerning qolida uyghur bir qonchaqmidu?Xiyaliche özi uyghurning tereqqiy qildurwatqan asasiy küch hisablinamdighandu?Nimishqa turmushimizdin barghanche yiraqliship ketken eserlerni köptürüp, palani chet’ellik yazghuchi, püstani matériyal, pokuni bet . . Digendek kespi, mujmel gepler bilen izahlap eser yazdighandu? Bular uyghurning tarixi, örpe-aditi, medeniyiti we özlik, kimlik, itiqad mesliliride zadi qanchilik chongqur chüshenchige ige ademlerdur?Ügen’gen bilimliri bizdin yiraqlap kétishke sewep boliwatqanmidu? . . . Digendek so’allar bilen özumni qiynap ülgürimen.
Nurghunlighan herbiy alimlar mundaq bir tejiribe élip barghan iken, yeni muzika, naxsha, kéno digendekler kishilerge qandaq tesir qilidu we uning anggha körsitidighan tesiri qandaq bolidu? Digen témida. Meslen; Xamush olturghan bir kishige jaz mozikisini qoyup berse rohni jushqunluqqa élip barsa, jushqun turghan kishiler arisigha mungluq, ezme bir mozikini qoyup berse ularning asta - asta uyqugha gheriq bolup kétidighanliqi, buning chong méngidiki tesiri, höjeyrilerning, adem bedinidiki hormunlarning özgürüsh meslilliri heqqide chongqurlap tetqiqat élip barghandin kéyin shundaq bir yekün chiqiriliptiken.-"chong ménge sirittiki herqandaq bir uchurni qobul qildu, bir xet, bir chikit, siz körgen, körmigen, anglighan yaki anglimighan etrapingizdiki herqandaq bir nersini qobul qilidu we beden shuninggha mas özgürüsh, keypiyat hasilati peyda qilidu" - bu tetqiqat témisi hazir jonggudek bir chong dölettimu asasliq salmaq bilen tetqiq qiliniwatqan timilarning béri. Bu misalni élishmdiki sewep shuki,chet’eldiki shu ziyaliylirimizning,diyarimizdiki yazghuchillirimizning uyghur we uyghurluq turmushni özimu chüshenmey turup yazghan bezi eserliri mining nirwilliriminmu shundaq chingqildurup qoyghan we mushu témini yézishimgha sewep bolghan bolsa kirek!- dimekchimen.
Yéqinqi bir dewride chiqqan bezi yazghuchillirimiz, ziyaliylirimiz chet’el diyarida turupla özi xalar yaki xalimas halda özining körgen da’irsi bilen uyghurluq turmushni silishturdighan. Uyghurning étiqad , kimlik, özlik, medeniyet, turmush adetlirige chet’el medeniyet, örpe adetlirini singdurushke urnidighan mesliler köpüyüp kétiwatidu. Bu mahiyette shu kishlirimizni uyghurluq turmushtin yiraqlashturup qoywatidu. Ular belkim yézilardiki japakesh uyghurlarni,bashlan’ghuchni pütturüp bolupmu uyghurchini hejilepmu oqalmaydighan ballarni terbiylewatqan uyghur ma’aripini, chirayliqning menidash sözi nime dep soralghan so’algha piyawliyang dep jawap bérdighan perzentlirimizni,-perzentim bolsa hergizmu mektepke bermeymen, ma’aripimiz tügeshti - deydighan ata-anlarni, qizim bolsa mektepte oqutmaymen, özum terbiyleymen deydighan musulmanlarni, shinjangda burun aliy mektep oqughuchilliri köp tilliq , bilimlik sanalsa , hazir toluqsizdin kéyin örlep oqimghan muslime qiz-ayallarning az digende besh, alte xil tilda rawan sözlep, matériyal köreleydighanliqini,muslime we musulmanlar bilimlik bolup kétip bériptu dep etisi chiqipla héjap sétiwilip shularning halitige özgüreleydighan az sandiki xamiliyun uyghur qiz - ayallirini we shundaq murekkepleshken hazirqi uyghur jem’iyitini,besh yil kompyutér kespide oqup oqush püttürgen uyghur ballirining kompyutérning aldigha kelse onglap bir bet matériyal urush emes. Matériyal urdighan yéngi betni échishnimu teste qilidighanliqini,oqutquchillirimizningmu -amal yoq, biz nime qilalayttuq- déyiship amalsizliq iskenjiside oh sinishlirini, ximiye kespide aspiranit bolghan bir aspiranittin eng yénik gaz qaysi? Dep soralsa -gazningmu yéniki,éghiri bolamdu, hemme gaz yinik, bolmisa uni qandaq gaz deymiz- dep bézirip turushlirini bilmise kirek. Elbette bu heqte ulargha chüshenche bérishke imkaniyet yoq. Biraq mushu timam bilen azraq bolsimu könglimdiki gepni diwalsam, özini heddidin ziyade medeniyetlik chaghlap, edebiy gepler bilen bolishigha ezweylep eser yéziwatqan yazghuchillirimizning qelimi shu tereplerge qarap héjiyip salsa ejep emes, chet’eldiki ziyaliylirimizmu oylinip qalsa ejep emes dep oylidim.

Axrida chet’eldiki ziyaliylar yaki chet’elni bek körup ketken uyghur yazughuchi, alimlirimiz. Belikim yuqarda bir munche sözlep asasiy mexsidimini bildurelmigen bolsam kirek, udulla disem siler millettin bek yiraqlap kettinglar. Shunga silerning emdi uyghurluq, uyghur kimliki heqqide sözleydighan salahiyitinglarmu qalmidi. Yene bir qanche yil mushundaq sözlisenglar belikim eserliringlarni oquydighanlarni we oqup chüshineleydighanlarni adem izdesh élani bérip andin tapalaysiler, shunga emeliy ishqa qaytinglar. Emeliy nersilerni yézinglar, bizgimu , perzenitlirimizgimu nep bersun. Bek heddidin ashurwetting demsiler? Gepning rastini disem siler abdukirem ablizning poqinimu doriyalmaysiler, u hich bolmisa xeliq turmushigha chöküp , nimining hazirqi mesle ikenlikini bilidu. Silerchu? Bikinme ishxananglar yaki kitapxananglardiki döwe - döwe kitaplardin u yerdin, bu yerdin üzünde élipla bir eser yazsiler , shuning bilen meydenglarni kérip, yazghuchi atilip oltiriwirsiler. Silerdek yarmaslarning bizge nime kériki? Siler öz namini sétip nam chiqirwatqan milletning turmushini qanchilik chüshendinglar?
Esli oyghutushqa tégishliki millet emes, silerdek nakes,ash bergenning tuzini chaqidighan yarmas yazghuchilar. Ziyaliylar,chet’el peres nan qépilar.Allah halal bergen risqinimu nepsige qoshup haram qilip yeydighan riyakar mollilar. Eslide silerni oyghitish kirek. Silerche eserlirimni körup bashqilar mini alqishlap chawak chéliwatidu demsiler? Bilsenglar millet silerge lenet oqiwatidu.
Mining yurtum jenubi shinjangda! bir yézida.Bu yézida qimar oynimaydighan balidin sanap kelsem on barmiqim toshmaydu.Eng kichik qimarwazning yéshi 9 yash, uning jezixorgha boghulghan qerzi 130000 yüen, reqemni xata körup qaldim dep qalsanglar xetche yézip birey. Bir yüz ottuz ming yüen. Neshe chekmeydighandin sanap kelsem barmiqimni chiqirshtin uyilimen. Chünki yoq.Bu shinjangdiki mining yézamdila bar ish emes. Hazir bu omumiy ish bolup qaldi. Erliri mushu halgha chüshüp qalghan millet yene ayallirimizni tenqidlep , ayallirimiz andaq, erlirimiz mandaq dep eser yézishtin numus qilmamsiler. Siler chet’elge chiqalaysiler biraq bundaq sehralargha baralmaysiler, ayruplan’gha olturalaysiler biraq éshek harwisini mazaq qilip eser yazsiler. Nan qépi yarmaslar siler eslide, ayiqinglar topa körishtin qorqisanglar aliy mekteplerge kirip hazirqi uyghur yashlirining halini nimishqa körup baqmidinglar?Nimishqa yürkinglar bilen birer eser yézip eslide mundaq ish bar iken diyelmeysiler? Aldinqi qétim ishxanamda ishligen bir qizchaqning yatiqida on adem bar iken. Uyghur, qazaq , qirghiz bolup jemiy 10 bala bar iken. Biraq haraq ichip , tamaka chekmeydighandin peqet we peqet shu bir qiz bar iken. (qalighinini allah bilidu.) silerchu? Ishxananglarda olturup, chet’elde turup sherefsizlerche uyghur kimliki heqqide hikaye toqup, eser yézip, qélip qalghan azghina ballarning rohini bolghaysiler. Isenkiresh we ganggirash ichide yashawatqan shu azghina ballarmu özini nege qoyushni bilmeywatqanda silerdek yarmaslarning eserlirini oqup ziddiyet üstige ziddiyet we bésim tapidu. Chünki siler ularning turmushidin yiraq, tolimu yiraqta. Qumluqtiki alwun’gha oxshaysiler. Birsinglar sen musulman men uyghur digen. Birsinglar, men uyghur sen musulman digen. Birsinglar uyghur mundaq yashishi kirek digen. Birsinglar uyghur undaq yashishi kirek digen. Uyghur qaysinglarning anisining romilini otqa tashliwetken bilgili bolmaydu. Emme gépinglar chong. Adettiki yerdin chüshmeysiler, eng töwen chüshidighininglar uyghurning étiqadi, uyghurning kimliki, milletning tereqiqiyati, milletning özliki,milletning tarixi. Bashqilar nime dep qarsa buning bilen mining karim yoq. Men deydighinimni didim. Siler eslidinla étiqad , kimlik, tarix, medeniyet, élim - pen digenni xata istimal qiliwaldinglar. Menche silerdek nakeslerge étiqad, pen, tarix , medeniyet, élim - pen toghrisida ders sözlesh kirek.

Gépimning axirini özumni basalmay qattiq dep salghan bolsam kirek. Biraq siler kallanglarni silkiwitinglar. Men bu geplerni hergizmu qattiq ketti dep qarmaymen. Eger shundaq qarghan bolsam alla burunla tehrirliwetken bolattim.

Eserni tillighunglar kelse bolishigha sözlenglar. Biraq silerdek nakeslerning sözlesh hoquqimu yoq, salahiyet digen esla yoq. Shunga eng yaxshisi bir qanche kün bu témigha kirmey turghininglar yaxshi. Qéni tordiki, shinjang rayunida yashawatqan uyghur qérindashliringlar silerge nime deydikin bir körup baqayli. Elwette men özümni chetke élip qoyghinimmu yoq. Méni qamchilaydighan ish bolsimu elwette qubul qilimen. Siler we bizge qamcha kam bolghachqa özimizni bilmey qéliwatimiz.

-------------------------------


<Uyghurdin alim chiqmaydu>, bu heq gep, chünki sizdek özini <niqap> liwalghan sizdek <tepekkur qelender> liri bizde köp .

Girammatikiliq xataliq we mentiqiiliq xataliq bilen toshup ketken maqalingizni axirghiche tepsili oqushqa taqet qilalmidim, qarisam barliq uyghur ziyalilirini, yazghuchilirini , alimlirini qasap chiqipsiz, yurtingizdiki qimarwazliqning yamrishini we bashqa nachar xahishlarni ulardin körüpsiz, bu nening mentiqisi ?

Uyghurda neshir qilin'ghan siyasi, iqtisadi, pelsepe, pisxologiye, tarix, insanshunasliqqa ait terjime kitaplarni <yehudilar> ning dep mueyyenleshtürwétipsiz, bu nening mentiqisi ?

Bizde sizdek asan hayajanlinidighan , pikri cholta, dunya qarishi tar, körelmes <pachaqchi> ademler köp tursa uyghurdin alim chiqalamti ?!

Torda <uyghurzade>, <gulen> qatarliq birnechche ziyalilirimiz chet'elde körgen we his qilghanliri toghriliq yazmilarni yazghili tursa siz < ap'aq xoja> muritining nerige putlashti u yazmilar, oghal bala bolsingiz özingizni <niqap> liwalmay ashkare chiqmamsiz.

Yazmingiz qasash, zarlash bilen toshup kitiptu, qarighanda siz < bala > oxshaysiz, sizge deydighinim , siz chong bolup kiling, millette yitersizlikning bolishi unche qorqunishliq emes, qorqunishliqi shu xil yitersizlikni itirap qilmasliq, siz uyghurdiki bezibir yitersizliklerning barliqini itirap qilishtin qorqquchilardin ikensiz, nawada bizde heqiqeten yitersizlik bolmighan bolsa bügün künlikte biz , bundaq uyghurgha aylinip qalmighan bolattuq, qalghan gepni ochuq dimisemmu eqlingiz bolghandikin his qilalaysiz.



Bu betke kochurulgen menbesi:

http://pen-uyghur-center-forum.946963.n3.nabble.com/Tepekkur-qelenderliri-bizde-kop-tc3502153.html
http://www.uyghurpen.org


Esli menbesi:

http://bbs.alkuyi.com/read.php?tid=12661

Unregistered
12-11-11, 07:30
Siz maqalini toluq oqumay turup inkas yezishqa jur'et qilip yene texi ' Girammatikiliq xataliq we mentiqiiliq xataliq ' tin soz echipsiz. meningche siz maqaleni toluq oqup bolup andin ' Girammatikiliq xataliq we mentiqiiliq xataliq ' tin soz achsingiz sizning inkasingiz biraz ' Girammatikiliq xataliq we mentiqiiliq xataliq'tin xaliy bolar edi dep qayaymen.

Bir nersini bilmey turupla bilimen dep korunighanlar sinaqta hoduqup qalidu
_____________________Mexmut Qeshqeriy


Chet’eldiki ziyaliylirimizgha we uyghur yazghuchillirigha
-------------------------------


<Uyghurdin alim chiqmaydu>, bu heq gep, chünki sizdek özini <niqap> liwalghan sizdek <tepekkur qelender> liri bizde köp .

Girammatikiliq xataliq we mentiqiiliq xataliq bilen toshup ketken maqalingizni axirghiche tepsili oqushqa taqet qilalmidim, qarisam barliq uyghur ziyalilirini, yazghuchilirini , alimlirini qasap chiqipsiz, yurtingizdiki qimarwazliqning yamrishini we bashqa nachar xahishlarni ulardin körüpsiz, bu nening mentiqisi ?

Uyghurda neshir qilin'ghan siyasi, iqtisadi, pelsepe, pisxologiye, tarix, insanshunasliqqa ait terjime kitaplarni <yehudilar> ning dep mueyyenleshtürwétipsiz, bu nening mentiqisi ?

Bizde sizdek asan hayajanlinidighan , pikri cholta, dunya qarishi tar, körelmes <pachaqchi> ademler köp tursa uyghurdin alim chiqalamti ?!

Torda <uyghurzade>, <gulen> qatarliq birnechche ziyalilirimiz chet'elde körgen we his qilghanliri toghriliq yazmilarni yazghili tursa siz < ap'aq xoja> muritining nerige putlashti u yazmilar, oghal bala bolsingiz özingizni <niqap> liwalmay ashkare chiqmamsiz.

Yazmingiz qasash, zarlash bilen toshup kitiptu, qarighanda siz < bala > oxshaysiz, sizge deydighinim , siz chong bolup kiling, millette yitersizlikning bolishi unche qorqunishliq emes, qorqunishliqi shu xil yitersizlikni itirap qilmasliq, siz uyghurdiki bezibir yitersizliklerning barliqini itirap qilishtin qorqquchilardin ikensiz, nawada bizde heqiqeten yitersizlik bolmighan bolsa bügün künlikte biz , bundaq uyghurgha aylinip qalmighan bolattuq, qalghan gepni ochuq dimisemmu eqlingiz bolghandikin his qilalaysiz.



Bu betke kochurulgen menbesi:

http://pen-uyghur-center-forum.946963.n3.nabble.com/Tepekkur-qelenderliri-bizde-kop-tc3502153.html
http://www.uyghurpen.org


Esli menbesi:

http://bbs.alkuyi.com/read.php?tid=12661

Unregistered
12-11-11, 07:38
Hemme adem oylighanlirini yazsa bulidu. Bashqilarning pikrige qoshulmisaq bulidu, likin barliq küchimiz bilen bashqilarning sözlesh hoqoqini qoghdishimiz kérek. Kimning toghra, kimning xata buninggha iniq ölchem yoq. Likin bilishimiz kérek <heqiqet igilidu, sunmaydu> . Bulun'ghan barliq sözlerni herwaqit herzaman igip körsek bulidu. Sunsa u xata, exlet. Tashlaymiz. Sunmisa qubul qilsaq bulidu. Likin kelgüside yene igip béqish kérek.

Bashqilarning yazghinigha, sözige, herikitige pikringiz bolsa, shu yazghinigha, sözige, herikitige pikir bayan qiling. Özingizning pikrini ispatlar bilen bayan qilip bashqilarni qayil qilishqa tirishing. Yuqarqidek ademge hujum qilmang. Chet'eldikilerning nerse yazidighanliri téxi nechche yilning aldida yurttin ayrilghanlar. Millet toghrisida yizishqa tamamen heqliq. Ikkinchi ewlatlar téxi bir nerse yazghudek bolmidi. Apturning chet'eldikilerni tuluq chüshenmey turup ular üstidin pikir bayan qilishi xuddi erkin sidiq ependi éytqandek <aldirangghuluq>, <hésyatchanliq>. Éghir bésiq bulushni ügüneyli.

Bek nachar yazma!

Uyghur xelq temsili: "Yerim chelek su asan chaltangshiydu"; "Quruq gep eshekke yuk" !

Unregistered
12-11-11, 10:24
"chaltangshiydu" emes- shalaqshiydu.
"eshekke yuk" - emes, belki- qichirgha yuk -bolishi kirek.

Unregistered
12-11-11, 10:31
"chaltangshiydu" emes- shalaqshiydu.
"eshekke yuk" - emes, belki- qichirgha yuk -bolishi kirek.

bu ependimning tuzitip qoyghini kop toghra herekettur. Hergizmu kemsitish bilinmesligi kerek.meningchimu bu soz shundaq bolishi kerek idi,; yerim chilek su asan shalaqshiydu, we quruq gep qichirghimu yuq. Chunki,;" eshekning zaten tughidighan bolghaanlighi uchun yuki bar ,amma qichir tughmighandin keyin yukning nimiligini bilmeydu. We gepmu yuk bilinidu," diginidur. Kop toghra misal.

Ihtiyari muhbir : Mekke

Unregistered
12-11-11, 11:16
Tuzitish we Mekka qarimge:

Uyghur tilida suning herkiti zadi qandaq ipadilinidu?

Yerim chelek su- "chaltangshimdu" yaki "shalaqshimdu"?

Bu ikki sozning perqi qanchilik?

Unregistered
12-11-11, 11:33
sizning bu yazmingizni bak tasta ,qidap, ahiri okup buldum, wa xundak bir etot esimga kilip kaldi, tokur rambal ayalning, <pat pat torga qikip turiman.....>diginidak, koyni kasap soysun, altunni zaga soksun,balangza talipqak siz asta oz hatma kuraningizni okup , jahan darqilik kiling.

Unregistered
12-11-11, 22:28
Tuzitish we Mekka qarimge:

Uyghur tilida suning herkiti zadi qandaq ipadilinidu?

Yerim chelek su- "chaltangshimdu" yaki "shalaqshimdu"?

Bu ikki sozning perqi qanchilik?

Ependimlerge:

Su---- poltonglaydu.

Wat-wat hotunning sozi hangga ixekke yuk.

Unregistered
12-11-11, 22:40
Tuzitish we Mekka qarimge:

Uyghur tilida suning herkiti zadi qandaq ipadilinidu?

Yerim chelek su- "chaltangshimdu" yaki "shalaqshimdu"?

Bu ikki sozning perqi qanchilik?

Tomurluk nersilerning awazini ------ qaltirang-qulturung bilen ipadileymiz.

Derehning yupurmighini --------- xarak- xuruk bilen ipadileymiz.

Unregistered
14-11-11, 02:31
shu yuqiridiki inkasni yazghanlar siler bir uyghurche Lughetke qarap baqtingizmu ?

shalaq we Shalaqlimaqla munasiwetlik sozler

http://www.uyghur.co.uk/wiki/index.php?title=Shalaq

Unregistered
14-11-11, 05:48
shu yuqiridiki inkasni yazghanlar siler bir uyghurche Lughetke qarap baqtingizmu ?

shalaq we Shalaqlimaqla munasiwetlik sozler

http://www.uyghur.co.uk/wiki/index.php?title=Shalaq

Loghetni toghrilang.

Memetjan bir qilek suni poltonglitip kotirip oyge kirip keldi.

Nurnisahan bir telengge suni hoyligha xalakxitip qeqik topiqangni basti.

Dengiz suyining dolkunlighan awazi insanlarni jallanduridu.

Eriktiki suning xildirlighan awazi insanlargha behit ekilidu.

Derya suyining guruldigen awazi insanlarni endixige salidu.