PDA

View Full Version : Bu hewerning RFA da anglatkidek ahbarat kimmiti barmu? Hey Guljekre..................



Unregistered
09-11-11, 06:49
Bu Hewerning RFA da bergidek hiqkandak ahbarat kimmiti yok. RFA tehrirlirining nime ix kiliwatkanlighini ukmaymen, likin xuni deymenki, uyghur ahbaratqilighini astun-ustun kiliwatkan RFA muhbirlirining hewer ixligende "hissiyatlik" hewer ixlex, ahbarat tilini edebiyat tili kiliwilix, yeni hewerni edebiy eserler xeklide ixlextek ahbarat hewerqiligige hilap halda hewer ixlextek hizmet istilini tuzitip, RFA ning kandak texwikat orun ikenligini aydinglaxturuxi, we bu orunda kandak hewerlerni birixning zorurligini tonup yitiwilixi kirek. Guljekre hanim ixligen hewerlerning 80 % ya edebiy eser emes, ya hewer emes bir xekilde ixlenmekte. Epsus hewerlerni kozdin kequruwatkan atalmix Tehrirler RFA da nime ix kilidighandu? Silerni peketla eyipligum yok idi. likin hataliklar aldida sukut kilalmidim.

Altun bahasining örlishi uyghurlarning altun sétiwélish aditini özgertelmidi

Muxbirimiz gülchéhre
2011-11-08
Altun nöwette dunyada iqtisad shundaqla istémal bahasi altun makanida yashawatqan, altunni mal-Bisat ornida ishlitidighan, uyghurlarning iqtisadi we ijtimaiy hayatigha qandaq tesirlerni élip kelmekte.

RFA
Xotendiki kichik qash téshi baziri. 2010-Yili awghust.
Pul altun emes, altun tebiiy pul dégendek, altundin ibaret bu alahide qimmetke ige boyum, xelqara jamaetchilik ortaq étirap qilghan xelqarada zapas saqlinidighan mülk, eng inawetlik pul, her qaysi döletlerning inawitining kapaliti, bayliq zapisi, bankilarning öz funksiyisini saqlashtiki xéyim‏-Xeterdin saqlash meblegh sélish qorali bolghandek, uyghurlarmu qedimdin altunni ailining mal-Bisati süpitide saqlap kelgen, pul ornida ishletken, hazirmu altun uyghurlar hayatida zapas mülk, toyluq, qimmetlik soghat, zibo-Zinnet, dorigerlik qatarliq köp xil sahe, köp tereplerdin zich baghlinishqa ige alahide istémal buyumi hésablinidu.
Dunya iqtisadi krizisining tesiride mal bahasi téz örlewatqan bir peytte, yéqinqi bir qanche ay ichidila altun bahasidimu misli körülmigen téz örlesh körüldi, ürümchi iqtisad torigha qarighanda, altun bahasi eng yuqiri bolghan mezgil, bu yil awghusttin öktebirgiche bolghan bir mezgil bolup, sap altunning her grami 460 yüengiche kötürülgen, bayliq munbiri torining yéqinda élan qilghan uchurigha qarighanda 2012-Yili altun bahasi yene bir hesse örleydighan bolup, her anis altunning bahasi xelqara bazarda 2075 dollargha chiqidiken.
Undaqta ürümchide hazir zibo-Zinnet dukanlirida altunning bahasi nechche boluwatidu, bahaning örlishi uyghurlarning altun sétiwélish, yighish aditige tesir körsettimu? buni biz uyghur altun sodigerliridin sorap köreyli.
Bu uyghur zerger, altunning bahasi yuqiri örligen bolsimu, uyghurlar üchün altun élish toyluq sherti bolghachqa, qanche üstün bolsimu uni sétiwélishqa mejbur ikenlikini bayan qildi.
Bezi uyghurlardin igilishimizge qarighanda, hazir sheherlerde toyluq altun séliqi 50 gramdin 100 giramghiche hetta uningdinmu yuqiri boluwatqan bolsa, yéza, kentlerde eng kem bolghandimu toy qilidighan qizgha bir jüp üzük, halqa we bilezük hemde médaliyon bolup bir yürüsh altun toyluq soghat qilinidiken. Shunga altun uyghurlarning toylishish aditide muhim orunni igileydiken, shundaqla öy sétiwélishtin bashqa eng köp pul xejleydighan shertlik boyum déyishke bolidu.
Qeshqerlik bir altun sodigiri, gerche altun örligen bolsimu, uyghurlarning hal-Ehwaligha qarap yenila mas halda oxshash istémal qiliwatqanliqini bildürdi.
Uyghurlar altunni özlirining türlük éhtiyaji sewebidin sétiwalidighan bolghachqa, adette altun zibo-Zinnetlerni sétiwalidu, nöwette gerche altun bahasining örlewatqanliqi uyghurlarni köprek altun élip zapas saqlashqa qizziqturuwatqan bolsimu, emma ular yenila sap nökche altun emes, belki esli altun bahasigha hüner heqqi qoshulghan altun zibo-Zinnetlerni sétiwalidighan bolghachqa, altunni öz qimmitidin yuqiri bahagha sétiwalidu.
Dunya pul muamile iqtisadi krizisining tesiride, altun dunyada birdin-Bir tölem wasitisi qilishqa bolidighan« pul» bolush süpiti bilen qed kötürüp,néfit bahasigha egiship qimmetleshti. Altun elwette kömülüp qalsimu yenila altun, u ezizligüchilerni ziyanda qoymaydu, biraq iqtisadshunaslar shuni eskertiduki,hazir altunning bahasi tarixtiki eng yuqiri bahagha chiqqan bolup, her qaysi ellerning iqtisadni janlandurush tedbirliri tesiride dunya iqtisadimu asta-Asta eslige kélishi mumkin, shunga aldirap altungha köplep meblegh sélishning xetiri yenila yuqiri.
Altunni pul ornida saqlash niyitide sétiwalghuchilar, altunni zegerxanilardin emes, belki altun bazirigha eza banka yaki ishenchlik altun sétish orunliridin zixche altun sétiwalghanda, eqilge muwapiq bolidu, chünki zixche altunni her qandaq dölette her qandaq usta zergerge yasatqandimu yenila teyyar altun zinnet buyumining bahasidin erzan bolidiken.