PDA

View Full Version : Bügün sherqiy türkistan tarixigha dagh chüshken qara kün



Baytash
01-10-11, 06:34
Bügün sherqiy türkistan tarixigha dagh chüshken qara kün

bügün 10‏- ayning 1 ‏- küni sherqiy türksitan xelqi qayghu elem ichide qolidin ketken musteqil dölitini esleydighan, xatirleydighan elemlik bir kün. Bügün buningdin del 62 yil muqeddem yeni
1949 ‏- yili 10 ‏- ayning 1 ‏- küni xitay kommunist hakimiyiti sherqiy türkistan tupraqlirini hile mikir bilen ishghal qiliwalghan bir kün.
Mawzédung we uning chumaqchiliri musteqilliq küni dep élan qilghan bu kün eslide sherqiy türkistanni ishghal qiliwalghan, sherqiy türkistanda chong bir qetliam yüz bergen, pachielik bir kündur. Bu kün sherqiy türkistanliqlar üchün bayram emes matem künidur. Xitay kommunst hakimiyiti sherqiy türksitanni ishghal qiliwalghan 1949 ‏- yildin buyan sherqiy türksitan xelqige éghir zulumlarni sélip, uyghur xelqini türmige qamash, öltürüsh, asimlatsiye qilish, milli, dini, medeniyetlirige buzghunchiliq qilish, tupraqlirini ishghal qilip, xitaylargha teqsim qilip bérish, mejburiy pilanliq toghuqni yolgha qoyup dunyagha köz achimighan bigunah mesum buwaqlarni öltürüshtin ibaret qatilliq jinayetlirini bir künmu toxtatmidi. Emma igilmes, pükmes sherqiy türksitan xelqi xitayning bu zulum we zorawanliqlirigha tiz pükmey 62 yildin buyan azadliq, musteqilliq, hörlük üchün küresh qilip kelmekte. Xitayning qanliq basturushliri, küch körsitip irqiy qirghin qilishi uyghur xelqining azadliqqa bolghan intilishni, musteqilliqqa érishish iradisini yuqitalmidi hemde yoqitalmaydu.
Sherqiy türksitan xelqi erkinlikke muhtaj, xitay zulumidin azad bolushni, musteqil hör dölet qurushni xalaydu, hergizmu xitaygha bash igip qulluq tüzüm astida yashashni xalimaydu. Shuning üchün sherqiy türksitanning her qaysi sheher rayonlirida ya musteqilliq ya ölüm dégen'ge oxshash shuarlar yangrawatidu. Hergizmu xitayning dölet künlirini tebriklimeydu. Emma bügün xitay özining dölet bayramini tebriklesh üchün uyghurlarni mejburi kochilargha chiqirip paaliyet qilishqa zorlawatidu. Bayram digen xushalliqni ipadilesh üchün her kim öz ixtiyarliqi bilen élip bérilidighan bir paaliyet emma, xitay kommunist hakimiyiti bügünki künde sherqiy türkistanni ishghal qiliwalghanliqining 62 yilliqini tebriklesh üchün weten ichidiki uyghurlarni bu bayramgha qatnishishiqa mejburlap kishilerni kochilargha chiqarmaqta. Qeshqer, ürümchi, xoten, aqsu, ghulja, qumul, qaramay qatarliq sheherlerde uyghurlar hazir xitayning bayrimini tebrikleshke mejburlanmaqta. Uyghurlar üchün qayghu küni bolghan, sherqiy türksitan tarixigha qara dagh chüshken bu tarixi künde weten chidiki uyghurlar xitayning zorlishi bilen bayram qilghandek qiyapetke kirip turup, ichide yighlimaqta. Weten sirtidiki uyghurlarmu bu échinishliq tarixni eslep yighin, murasim, namayish qiilish dégen'ge oxshash paaliyetler uyushturush arqiliq, bir tereptin xitay ishghaliyitige qarshi ghezep nepretlirini ipadilise, yene bir tereptin wetensizlik derdini yetküche tartip, yarilan'ghan yüreklirige melhem sürtüshke tirishmaqta.

Xitay kommunist hakimiyiti sherqiy türksitanda 62 yildin buyan éghir derijide kishilik hoquqni depsende qilip éghir jinayet ishlewatidu. Xitay kommusit hakimiyiti 62 yildin buyan uyghurlargha qarshi irqi qirghinchiliq, xalighanche tutqun qilish, qiynash, sot achmastin öltürüsh, ölüm jazasi bérish, mejburiy pilanliq tughut, uyghurlarni mejburiy köchürüsh, xitaylarning sherqiy türkistan'gha qanunsiz köchüp kélishi, diniy telim-terbiyige cheklime qoyushi, ibadetni cheklesh, memuriy xizmetlerdin mehrum qilish, eydizge oxshash yuqumluq késelliklerni tarqitish, uyghur qizlarni éshincha emgek bahanisi bilen öz wetidin sürgün qilip, ejnebi sheherlerge mejburiy köchürüsh, sayahet qilish erkinlikige cheklime qoyush, uchur almashturush we axbaratlarning cheklinishige oxshash depsendichilikler uyghurlarning kündilik hayatining bir parchisi halgha keltürüldi.

Zulum hergizmu dawam qilmaydu, xitayning bu zulumlirigha xatime bérilidighan künlerning yétip kélishige az qaldi. Allahning iradisi, sherqiy türksitan xelqining himmiti bilen sherqiy türkistan choqum azad bolidu. Bizmu shu chaghda musteqil dölet qurulghan künlerni xatirlep tebriklep paaliyet qilimiz. Xitay kommunsit diktatur hakimiyiti qurulghanliqini hergizmu tebriklimeydu. Bu hakimiyetni bir ishghalchi hakimiyet dep qaraymiz, xitaylarning qanunluq hakimiyiti dep qobul qilmaymiz. Dunyada kommunizim axirlishiwatidu, xitay kommusit hakimiyitimu choqum yimirilidu, yimirlishi kérek. İch ichidin parchilinip özini özini parchilap tügishi kérek. Sherqiy türkistan bir küni choqum musteqilliqqigha érishidu. Buninggha ishenchimiz kamil.
Musajan baytash
2011‏- yili 10 ‏- ayning 1‏- küni istanbul
menbesi:
www.maarip.org/uy
ve

www.istiqlaltv.com/radio

Unregistered
03-10-11, 03:36
Sherqiy Turkistan azad bolmighuche Uyghurlargha hurluk yok, dovlet yok, weten yok, millet yok, aramchiqli yok, shuning uchun her bir uyghur eqil pikirini, hizmet paaliyetlirini weten azadliqi uchun kureshke atash kirek.