PDA

View Full Version : Amérikida islam dinining tesiri barghanche kücheymekte



Unregistered
13-09-11, 18:37
Amerikida islam dinini kobul kilidighanlar yilda 100 ming ademge kopuyup, islam dinining amirkida kingiyixi bezi amirkiliklarni oylandurmakta. bu kopuyux dawamlaxsa yikinki bir kanqe yil iqide amirkida musulmanlarning sani neqqe 10 hesse kopiyidiken.

Amérikida islam dinining tesiri barghanche kücheymekte

Muxbirimiz gülchéhre
2011-09-12
Statistikilargha qarighanda 11-Séntebir weqesidin kéyin amérikini öz ichige alghan dunya miqyasida islam dinigha étiqad qilghanlar sani ilgirikidin hessilep ashqan.

RFA Photo / Omerjan Toxti
Süret, 2010 - Yili31 - Iyul küni seudi erebistanining mekke mukerrem shehiride ötküzülgen "islam dunya ittipaqi"teshkilatining qurulghanliqining 50 yilliq xatire yighinidin bir körünüsh.
10 Yil awwalqi térrorluq hujumi 3000 ge yéqin bigunah jangha zamin boldi. Bu pajie amérikiliqlarni özgertti, amérikining dunya siyasitini özgertti, amérika 10 yildin artuq urush oti ichige kirdi, kishilerning islam dinigha bolghan köz qarishini özgertti, bu untulmas pajie yene kishilerning étiqadinimu özgertishke seweb bolmaqta.
Amérikiliqlar oxshimighan din, irq, medeniyet, we ang perqliri bolghan murekkep bir gewde bolush süpiti bilen, on yil mabeynide, erkinlik we démokratiyini küch qilip, ilgiriki térrorluq hujumining wehimisidin, qaldurghan chongqur yarisidin asta -Asta qutulup eslige kelmekte.
Amérikida 11-Séntebir térrorluq hujumi bolghandin kéyin, bezi amérikiliqlarni öz ichige alghan islam dinini chüshenmeydighan kishilerde, islam bilen osama binladin, elqaide teshkilati, térror uqumi birikip ketken bir müjmel xata chüshenche hasil bolghan, ular üchün musulmanlar, islam dini aditi boyiche kiyinip yüridighanlar yaman kishiler, bashqa dindikilerning düshmini yaki térrorchilar idi. Bu minutlarda démokratiye, erkinlik menisini yoqatqandek haletmu peyda bolghan idi.
Bu xil xata köz qarash bir qisim kishilerni islamgha qarshi radikalliqqa bashlighan bolsa, yene bir qisim kishilerde «islam zadi qandaq bir din», «musulmanlar térrorchimu?», «quran kishilerge nimini ögitidu?», «jihat qilish bigunah insanlarni öltürüshmu?», «usama néme üchün amérikililqlargha hujum qilidu?» dégen soallargha jawab izdesh üchün islam dinigha, qurangha murajiet qilghan. Buning bilen islam dinini, islamning heqiqitini, musulmanlarni chüshinishke bashlighan, islamning héchqachan térrorluqni terghib qilmaydighan, tinchliqni, güzellik, rehimdilliqni asas qilghan güzel din ikenlikini bilgen. 11-Séntebir weqesining islamni ramka qiliwalghan térrorchi guruhlarning jinayiti ikenlikini, hergizmu islamning özi emeslikini, térrorluqning islamgha qarshi bir heriket ikenlikini chüshengen, hetta béziler islam pelsepisige qayil bolup özining dinini islamgha özgertken.
2001-Yili amérikidiki uchur wasitiliride élan qilinghan statistikiliq melumatlarda, eyni chaghda amérika qoshma shtatlirida yashawatqan musulmanlar 2.8Milyon etrapida dep élan qilinghan. Nöwette amérikidiki musulmanlar nopusi 6 milyondin ashqan. Yeni amérika qoshma shtatlirida musulmanlar sanidiki bu xil éshish amérikigha yerlishiwatqan musulmanlar sanining éshishiningla emes, belki amérikidiki yerlik amma we bashqa dingha étiqad qilghuchilarningmu köp sanda islam dinini qobul qiliwatqanliqining ipadisi iken.
Shundaq bolghan teqdirdimu musulmanlar amérika nopusining emdila ikki pirsentidin artuqraqini igileydu. Amérikida meschit ‏-Jamiyler 2000din ashidu.
Birleshme agéntliqining bu heqte tarqatqan melumatigha qarighanda, 11-Séntebir weqesidin kéyinki yérim yil ichide amérikida ashkara halda islam dinini qobul qilghanlar sani ilgiriki 8 yilda islam dinini qobul qilghanlar omumi sanidinmu éship ketken. Türlük tekbir we dewet paaliyetliri köpiyip, amérikida islam dinining rawajlinishi 20 yil mabeynide körülmigen janlinishqa kirgen.
11-Séntebir weqesidin kéyin amérkiliqlarda «düshmen» dep qaralghan islam dinining eksiche barghanche rawajlinishi, bir mehel «amérikida démokratiye chékindi» dep qarighuchilargha qaytidin démokratiyining némilikini ipadilep bergen bolsa, yene bir tereptin her qandaq idiye, her xil din, her xil medeniyetlerge ortaq rawajlinish pursiti bérish, bu del amérikida heqiqiy erkinlikning menisini tapqanliqi dep xulasilenmekte.
11-Séntebir weqesi bolup 10 yildin kéyin mezkur tarixiy weqeni xatirilesh tar menidiki gül qoyup, nutuq sözlep hujum qurbanlirini eslesh we xatirileshtin, insanlargha ortaq bolghan heqiqiy erkinlikni, tinchliq, démokratiyini xatirileshtek keng hem chongqur menalargha ige qilinmaqta.
Mutexessisler, islam dini nöwette dunyada eng téz we kengri tarqiliwatqan din bolush süpiti bilen birge, kélerki yigirme yilda musulmanlar nopusi bir hesse köpiyidu dep qiyas qilmaqta.