PDA

View Full Version : Ürümchide türkiye sanaet bazisi qurulidu



Mudapie Uyghur
03-09-11, 03:48
peyshenbe küni ürümchide bashlan'ghan "yawruasiya yermenkisi"de xitay bilen türkiye otturisida ürümchide türkiye sanaet bazisi qurush heqqidiki kélishimige imza qoydi.
Türkiye bilen xitay otturisida peyshenbe küni imza qoyghan kélishim bilen ürümchide türkiye sanaet bazisi qurulidu.
Ürümchidiki iqtisad we pen - téxnika tereqqiyat rayonida qurulmaqchi bolghan türkiye sanaet bazisida, qol sanaiti, toqulma buyumliri, kiyim - kéchek, yimek - ichmek pishshiqlap ishlep chiqirish, yuqiri pen téxnika sahelerde paaliyet qilidighan türk shirketler urunliship ish bashlaydiken.
Türkiye bilen xitay 2009‏-yili 5 ‏- iyul yüz bergen ürümchi weqesidin kéyin ikki dölet munasiwetliride sürkülüsh peyda bolghan idi. Ürümchi weqesi yüz bergende türkiye bash ministiri rejep tayyip erdughan weqeni bir irqi qirghinchiliq dégen idi. Türkiyining uyghurlargha hisdashliq qiliwatqanliqidin his qilghan xitay kommunist hakimiyiti derhal heriketke ötüp türkiyiige özini aqlap arqa - arqidin ömek we wekil ewetip türkiye bilen yiriklishishke bashlin'ghan munasiwetlirini tüzeltishke tirishti we türkiye bilen munasiwitini kücheytti. Ürümchi weqesidin kéyin xitay türkiyini aldash üchün bir xil xushametchilik siyasiti yürgüzüp türkiyining idirne shehiri bilen qars shehiri otturisida qurulmaqchi bolghan tiz sür'etlik poyiz yoli yasash üchün hemkarlishidighanliqini bildürdi we 5000 kilomtérdin uzun musapiliq bu tiz sür'etlik poyiz yolini yasash üchün 50 milyard dollar meblegh kétidighan bolup xitay buning 28 milyard dollarni ösümsiz qerz bérip turushqa wede qildi. Uningdin bashqa yene xitay türkiyige iqtisadi menpeet yetküzidighan nurghun kélishimlerni qildi we bu arqiliq türkiyining aghzini tuwaqlap sherqiy türkistan mesilisi we uyghurlar toghrisida buningdin kéyin éghiz achturmasliq we uyghurlarni basturush heriketlirige küz yümdürüsh üchün imkaniyetning bériche heriket qilip kelmekte. Xitayning bu hiliyger siyasitini chüshinip yetken türkiye hökümiti, ürümchide türkiye sanaet rayoni qurush arqiliq uyghurlar bilen türklerning üzülüp qalghan tarixi munasiwetlirini küchlendürüsh medeniyet almashturush we uyghurlar bilen yéqinlishish meqsitide ürümchide türkiye sanaet merkizi qurushni bu arqiliq hem iqtisadi hem uyghurlar bilen medeniy munasiwetlerni janlandurushni meqset qilghan. Chünki türkiye xitay bilen uzaqliship turup uyghurlargha bir ish qilip bérelmeydighanliqigha küzi yetkechke üsti uchuq türmige aylan'ghan sherqiy türkistan'gha bir amal qilip ichkirlep kirip u diyarda yüz bériwatqanlardin xewerdar bolush we dunyaning diqqitini u rayon'gha tartishni meqset qilghan.
Türkiye xitaydin ürümchi sanaet rayonidin türkiye sanaet merkizi qurush üchün 1100 dünem yer sétiwalghan. Türkiye yer ölchimide bir dünem yer 1000 kuwadrat métirgha teng.
Mudapie Uyghur yazdi

Unregistered
05-09-11, 09:34
Xitay hazir türkiyening akisi emesmu balangza !!!!!!