PDA

View Full Version : Qizil Hitaylar arimizgha nifaq soqmaqta,



IHTIYARI MUHBIR
26-08-11, 17:26
Kochurup qoyghuchi,; IHTIYARI MUHBIR : MEKKE



Uyghur élidiki, xitay puqraliqidin qutulalmaywatqan bir özbék muhajirning shikayetliri
Muxbirimiz shöhret hoshur
2011-08-25
Xitay hökümiti yéqinqi yillardin béri atalmish aptonomiye qanuni we muhajirlar siyasiti arqiliq uyghur élidiki uyghurlardin bashqa yerlik xelqlerge alahide étibar bérishi bir körünüshtin bashqa nerse emes.


RFA Photo

Radiomizgha iane qilinghan bu sürette, xitay qoralliq saqchilirigha qilinghan hujum yüzbergen qeshqer shehirining kochilirining biride olturushqan uyghurlar.

Uyghur paaliyetchilirining bayanliridin melum bolushiche, xitay hökümiti uyghur élide aptonom oblast, aptonom nahiye we aptonom yézilarni qurush arqiliq hem yene türlük muhajirlar siyasitini yolgha qoyush arqiliq uyghurlar bilen bashqa milletler arisida naraziliq we ghum peyda qilishqa, netijide rayondiki xitaydin bashqa milletlerning öz-Ara ittipaqliqini buzushqa urunmaqta. Melum bolushiche, xitayning bu yerlik xelqlerni bölüsh we parchilash siyasitidin behrimen boluwatqanlar, yenila az sandiki kishiler bolup, köp sandikiliri uyghurlargha oxshashla zulum we xorluq ichide yashimaqta.


Emetjan muhajir ailisining perzenti bolghanliqi üchün bala chéghidin bashlapla ensizchilik ichide yashighan. U 16 yashqa kirgende ailisining qora jayi tartiwélinip, ösmür chéghidin bashlapla dawa ishlirini bashlighan. U dawada utalmighandin kéyin, turmushi ronaq tapmighan. U ana jemeti bilen uchriship, hayatini yéngidin bashlash üchün, ana wetini özbékistangha ketmekchi bolghan. Emma xitay hökümiti buningghimu yol qoymighan. U 10 nechche yildin béri 4 qétimdin artuq wiza keltürüp pasportqa iltimas qilghan bolsimu, iltimasi ret qilinghan.


Özbék muhajir emetjan,xitay puqraliqidin qutulush üchün, xitay dairilirining aldigha bérip, özining junggo puqrasi bolushni xalimaydighanliqini, hetta buningdin nomus qilidighanliqini ashkara bildürgen. Xitay dairiliri uning ana wetinige chiqip kétishige yenila yol qoymighan we shuningdin kéyin yéza rehberliri uni xizmetke orunlashturmaqchi bolghan, lékin tépilghan xizmet emetjanning téximu ghezipini örletken.


Axiri emetjan, özining nöwettiki hayatidin türme hayatini ewzel bilgen we yéziliq saqchi ponkitigha bérip, özining xitayning milliy siyasiti we dölet pütünlükige qarshi ikenlikinimu bildürgen. U yenila öz arzusigha yeni qamaqxanida yétish meqsitige yételmigen. U peqet nöwette öz qorusida nazaret astida yashimaqta.


Yuqirida, uyghur élidiki bir özbék muhajirning xitay wetendashliqidin qutulush arzusi heqqide tepsiliy xewer berduq.