PDA

View Full Version : Eydiz kisilige muptila bolghan ayal we yitim qiz



Unregistered
03-03-06, 06:04
Eydiz kisilige muptila bolghan ayal we yitim qiz

Aptori: Shu shin; Terjime Qilghuchi: Gheyur

Ili deryasi boyidiki bir mehellide Gulshen isimlik kilishken, emma bextsiz bir Uyghur ayal olturidu. Buningdin birnechche yil ilgiri iri zeherge xumar bolup qalghan we olup ketkendin kiyin, Gulshenning ailiside tot tamdin bashqa hichnime qalmaydu. U ikki balisini ilip, eski tuski nersilerni yighish arqiliq kun otkuzidu. Emma, u kunini aran kun itip kitiwatqan chaghda, eydiz kisilige muptila bolghan ayal tashliwetken bir qiz bowaqni tipiwalidu. Gulshen uch balisi bilen japaliq turmush kechuruwatqanda, ozining eydiz wirusi bilen yuqumlan'ghanliqidin xewer tapidu...

Irining olumi

Gulshen 1995-yili sadda Qadirgha yatliq bolghan chaghda, toyi bolidighan qizlar adette ilip mangidighan qiz milining sirtida, uning ilkide bir qoru jaymu bar idi. Toydin kiyin, Gulshenning iri Qadir ata kespige warisliq qilip, yiza igilik mehsulatliri bazirida kawapchiliq qildi, deslep bu ailining turmushi inaq we kongulluk otti. Biraq, ularning chong oghli dunyagha kilip, aridin uzaq waqit otmey, Gulshen irining zeherge xumar bolup qalghanliqini bayqap qaldi. Irining zeherge xumar bolup qilishi tupeylidin, aridin uzaq waqit otmeyla ularning nechche waqittin biri yighip kiliwatqan puli pak pakiz tugidi. Gulshen 2-oghligha hamilidar bolghan mezgilde, Qadir ailidiki pulgha yaraydighan hemme nersini we ikki qoru jayni zeherge tigiship bolghan idi...
Qadir 2000-yili kech kuz kunlirining biride gulshenbaghdiki qebristanliqta olup qaldi, bashqilar uning jesitini bayqighan chaghda, zeher okul qilidighan shipiris uning bilikide isiqliq turatti. Shu chaghda Gulshen 2-oghlini yingila tughqan bolup, qirqi tixi toshmighan idi, chong oghli bolsa, aran tot yashta idi.

Gulshenning aghriqchan we yashinip qalghan ata-anisi qizining bishigha kelgen kulpettin xewer tapqandin kiyin, qayghu-elem destidin keyni keynidin u dunyagha seper qildi. Gulshen hich ilaj qilalmay, axir yiraq bir newre hedisige derdini iytishqa mejbur boldi, hedisi ozi olturuwatqan hoylidiki bir kichik ambarni Gulshen we uning balilirining olturushigha boshitip berdi.

Gulshenning ishleydighan ishi bolmighachqa, kirim menbesi yoq idi, emma, balilirini baqmisa bolmaytti. Uruq tughqan, dost buraderliri uninggha bir mehel yardem berdi. Biraq, qeyser ayal Gulshen xeqning yardimi bilen uzaq waqit kun otkuzgili bolmaydighanliqini his qilip, eski tuski nersilerni yighish arqiliq balilirini biqishqa kirishti, u mushundaq japa musheqqetlik emgiki arqiliq bir nechche yilni otkuzdi.

Tashliwitilgen qiz

2002 -Yili etiyaz kunlirining bir etigenliki Gulshen aditi boyiche qaq seherde oydin chiqti, u ozining bashqilardin tiximu kop, tiximu pulgha yaraydighan eski tuski nersilerni yighiwilishini arzu qilatti. U yolda kitiwatqinida, yan kochining bishidiki tam tuwidin chiqqan bowaqning nazuk yigha awazini anglap qaldi. Gulshen awaz chiqqan yerge oqtek itilip birip qarisa, tam tuwide bir boghcha turghan, u zungziyip olturup boghchini awaylap yeshti, derweqe, boghchida anisining imitishige teshna bolghan bir qiz bowaq yatatti.

Bowaqning hal reng yumran yuzidin uning tughulghinigha anche uzaq waqit bolmighanliqi bilinip turatti, bowaq toxtimay yighlap, Gulshen'ge telmurup qaraytti. Balining qorsiqi ichip kitiptu! Gulshen ichi aghrip bowaqni koturuwaldi de, shu yerde bir haza saqlap turdi, likin, munche etigende bir kimning oyidin chiqishi natayin idi.
Bowaqning toxtimay yighlishi bu anining yurikini mujushqa bashlidi, Gulshen chishini chishlep turup bowaqni oyige ilip ketti. Uning kallisigha, awwal balining qorsiqini toyghuzay, andin kiyin biqiwalidighanlarning bar yoqluqini sorap korey, digen xiyal keldi.

Oyde sut parashoki yoq idi, u chinige su quyup, shiker silip arilashturup, qoshuq bilen bowaqqa az azdin ichurdi, bichare bowaq mushu azraq tatliq suni ichipla yighlashtin toxtidi. Kiyin Gulshen surushturush arqiliq bu bowaqning tar kochining bishidiki Salam'ayning qizi ikenlikini uqti.

Salam'ayning iri zeher chikip eydiz kisilini yuqturuwalghachqa, buningdin birnechche ay burun olup ketken iken, Salam'ay hamilidar mezgilide, yuqum mudapiye ponkitidikiler tekshurup korup, uning eydiz kisilige muptila bolghanliqini iniqlighan iken. U shu chaghda "boshanmisam bolmaydu" dep ching turuwalghan iken, kiyin uning salametlik ehwali we iqtisadiy ehwali nacharliship, balini biqish imkaniyiti yar bermey qalghan, shuning bilen bowaq tughulghandin kiyin, u bowaqni kochining bishigha tashlap qoyup, iz direksiz ghayip bolghan.

Gulshen bowaqni oyide birnechche kun baqti, u tixichila bu bowaqni iqtisadiy ehwali yaxshi birer ailining biqiwilishini arzu qilatti. U birnechche ailidin sorap kordi, emma ular bu bowaqning eydiz kisilige muptila bolghan ayalning balisi ikenlikini anglishi haman biqiwilishqa jur'et qilalmidi. "Bowaqni oyungge ilip kelgendin kiyin, ozung biqiwal!" dep tapa tene qilghuchilarmu boldi.

Oyde bir jan kopeygendin kiyin

Gulshen uchun iytqanda, bu bowaqni biqiwalghanliq olgenning ustige tepkendek ish boldi. Gulshen ozining ikki balisini eski tuski nersilerni yighish arqiliq biqip kiliwatatti, uning ustige, chong oghli mektepte oqush yishigha kilip qalghan idi. Biraq, hiliqi yitim qizni biqiwalidighan adem chiqmaywatatti, uning bu bowaqning oluk tiriki bilen kari bolmisa bolmaydu de.

Bu bowaq tughulupla anisidin ayrilip qalghan, anisining sutini imish pursitidin mehrum bolghan idi, shunga bu bichare qizgha sut parashoki birishke toghra kiletti. Gulshenningghu mushundaq qilghusi bar idi, biraq bu ailining iqtisadiy ehwali nachar bolghachqa, ozlirining qorsiqini tuyghuzushmu teske toxtawatatti. Kop yillardin biri, meyli hiyt bayramda yaki tughulghan kunde bolsun, Gulshenning baliliri toyghudek goshluk ghizagha yitishelmey, yingi kiyim kiyelmey kiliwatatti, ularning uchisidiki kiyimler uruq tughqanlarning balilirigha kichik kilip qalghan kiyimler idi.

Gulshen undaq hisablapmu, mundaq hisablapmu chiqimni qaplighudek kirimning ornini qilalmidi. Emma, u yenila chishini chishlep turup, shu ayliq yimek ichmekke kitidighan xirajetning kop qismini sut parashoki, shiker we imizge botulka sitiwilishqa serp qildi. Shu ayda Gulshen we baliliri soyuq'ash ichip, nan yep kun otkuzdi. U her qitim bowaqqa sut parashokini biridighan chaghda, uningdin chiqqan xush puraq Gulshenning ikki balisini ozige jelp qilatti. Gulshen balilirining telmurup qarap turghanliqini korgen chaghda, ichi ichiship kitetti, biraq u yenila taqet qilip, balilirigha bir qoshuqtin birish bilenla kupayilinetti. Uning 2-oghli shu chaghda ikki yashtin sel ashqan idi. Gulshen balisining her qitim bir otlam sut parashokini ichkendin kiyinki turqigha qarighinida, yuriki lexte lexte qan bolatti.

Kunlerning biride Gulshen biqiwalghan bowaqning qizitmisi tuyuqsiz orlep ketti, bowaqqa su ichursimu, soghuq otkuzsimu kar qilmidi. Qarighanda, bowaq sekratqa chushup qalghandek qilatti. Gulshen ichi titildap paypitek bolup ketti: u bowaqni dawalitidighan'gha pulning ilajini qilalmaywatatti. U amalsiz qilip, newre hedisige ighiz ichishqa mejbur boldi. Bu, uning tunji qitim teshebbuskarliq bilen bashqilardin pul sorishi idi.

U newre hedisige: - Pulni choqum qayturup birimen, � didi.
Newre hedisi Gulshenning bu yoqilang ishqa arilashqanliqigha bashtin tartipla qarshi idi, ozi mushkul ehwalda turuwatqan adem tiximu ighir, tiximu kop yukni zimmisige qandaqmu alalaydu? Newre hedisi eyni waqitta Gulshen'ge tiximu kop pishkellikning kiyin korulidighanliqini aldin'ala iytqan idi. Emma, emeliyette newre hedisi uninggha koyunetti, uning japa musheqqet chikishige qarap turalmaytti. Newre hedisi bu doram Gulshenni bir dem eyibligen bolsimu, yenila uninggha pul birip turdi.

Gulshen pulni ilipla bowaqni koturup doxturxanigha bardi, doxturning gipiche, sella kichikip kelgen bolsa, bowaqning hayatini saqlap qalghili bolmayttiken. Bowaq kiselxanida uch kun yatti, uch kun asma okul silin'ghandin kiyin, olum girdabidin axir qaytip keldi. Bowaq saqayghandin kiyin, Gulshen her kuni oydin tiximu baldur chiqip, kech qaytidighan, bir aile kishiliri pulni tiximu tijep ishlitidighan boldi, u newre hedisidin qerz alghan pulni chishini chishlep turup ikki ay ichide toluq qayturdi.

Uzulmes rishte
Emma, iqtisadiy krizis undaq yaki mundaq ishlar tupeylidin yenila qayta qayta yuz berdi, Gulshen bowaqni birnechche qitim tipiwalghan ornigha apirip qoymaqchi boldi.
Bash qish kunlirining bir etigenliki Gulshen bowaqning qorsiqini obdan toyghuzup, pakiz kiyimlirini kiydurup, astigha pakiz suyduk latisini qoyup, korpisige ching oridi, u bowaqni tipiwalghan ornigha apirip qoyush qararigha kelgen idi, u heqiqeten ighir ehwalda qalghachqa, bir axsham idiyiwi kuresh qilish arqiliq mushundaq qarargha kelgen idi.
U oydin chiqish aldida bowaqni koturup, yuzini bowaqning yuzige tegkuzup, uni soyup turup: � Belkim sizge halliqraq bir aile uchrap qalar, u chaghda kuningiz bu yerdikidin yaxshi otidu, � didi. Bowaq pak kozliri bilen uninggha telmurup qaridi, bowaqqa ozining namelum dunyagha yene qaytip baridighanliqi ayan emes idi, u Gulshenning tonush chirayini korup, aghzini ichip kuluwatatti. Gulshen'ge bu hal yurikige pichaq sanchilghandek tuyuldi, u kozige yash alghan piti bowaqni yan kocha aghzigha apirip qoydi.

Gulshen oyige qaytip kelgendin kiyin, temtirep yurdi, u birnechche qitim u yerge birip korup baqmaqchi boldi. Biraq, uning tunugun axshamqi iradisi put qolini chushep turuwaldi. Shundaqtimu uning bowaqqa bolghan ensirishi bir deqiqimu toxtap qalmidi, u kimdur birining bowaqni koturup ilip kitishini arzu qilatti, shundaqla kimdur birining bowaqni koturup ilip kitishidinmu qorqatti, uning qelbi qattiq ziddiyet ichide qalghan idi. Aridin bir saet, ikki saet waqit otup ketti. Otup kitiwatqan her bir minut Gulshen'ge tolimu uzaq bilinmekte idi, aridin uch saet otkende, Gulshen ozini gunah otkuzuwatqandek his qildi de, oydin oqtek itilip chiqti. U shu tapta bowaqning u yerde yoq bolup qilishidin qattiq ensireytti.

U yan kocha aghzigha barmay turupla, quliqigha bowaqning yighlighan awazi anglandi. U bowaqning yighlighan awazini anglap xoshal boldi we ichi siyrilip ketti de, uchqandek birip bowaqni baghrigha basti. Bowaqning tola yighlap hich hali qalmighan idi. Gulshen bowaqning yinida bir xalta sur parashoki, bir botulka tazilan'ghan su turghanliqini korup qaldi, yogekni ichiwidi, uning ichidin yene 10 yuen pul chiqti.

Bashqilarning bu bowaqqa rehimi kelgenliki, emma hichkimning uni biqiwilishni xalimaydighanliqi Gulshen'ge ayan boldi. U xijilliq ilkide bowaqni koturup oyige qaytti.
Kiyin, Gulshen yene hich ilaj qilalmay bowaqni yan kocha aghzigha ikki qitim apirip qoydi, emma, aridin birer saet oter otmeyla uni yene qayturup ekiliwaldi. U kiyinki ikki qitimda bowaq aldida yuz kilelmeydighanliqini his qilghanliqidin emes, belki ozi hissiyat jehettin uningdin ayrilalmaydighan bolup qalghanliqidin bowaqni oyige qayturup kelgen idi. Uning kallisigha "bu digen qazan'gha bir chomuch suni artuq quyush, ozum ghizani birnechche otlam az yiyish bilen putidighan ishqu" digen xiyal keldi. U ozining kishilik turmush serguzeshtilirini koz aldigha kelturginide, bu bigunah qizgha barghansiri ozining balilirining teqdiri bilen oxshash idi.

Qiz bir yirim yashqa kirgende, Gulshen Salam'ayning olup ketkenlik xewirini anglidi. U shuningdin itibaren bu bichare qizdin ikkinchi ayrilmasliqqa bel baghlidi. Gulshen bu qizgha Nurnisa digen yiqimliq isim qoydi.

Ana mihri

Buningdin ikki yil ilgiri Ghulja Sheherlik yuqum mudapiye ponkiti sheherdiki zeher chekkuchilerning ayalliri we balilirini omumyuzluk tekshurdi, bu qitimqi tekshurush Gulshen'ge hem xushalliq, hem kongulsizlik ilip keldi. Uni xoshal qilghan ish uning ikki oghli we Nurnisaning eydiz wirusi bilen yuqumlanmighanliqi boldi, uninggha kongulsizlik ilip kelgen ish ozining eydiz kisilige muptila bolup qalghanliqi boldi.

Gulshen'ge bu xewer xuddi bishigha chaqmaq chushkendek bilindi, u iri zeherning kasapitidin u dunyagha seper qilghan chaghda, ozige hemishe egiship yuridighan ezrayilni qaldurup kitidighanliqini xiyaligha zadila kelturmigen idi. Emdila 32 yashqa kirgen Gulshen bu kemtuk ailining barliqi idi, uning qoligha qarashliq uch balidin chong oghli yette yashqa, kichik oghli besh yashqa, Nurnisa bolsa, aran uch yashqa kirgen idi.

Gulshen yuqum mudapie ponkitidin chiqip, adem yoq yerge yugurup birip honggirek itip yighlap ketti. Gulshen puxadin chiqquche yighliwalghandin kiyin, ozige teselli birishke, anche kop waqit qalmighan kelgusining ghimini yiyishke bashlidi. Uning chirayidin ghem qayghusini bildurup qoyushigha bolmaytti, balilar tixi kichik bolghachqa, buninggha berdashliq birelmeytti. Chong oghlining mektepte oquydighan waqti bolghan idi, Gulshen uning bilimlik adem bolup, ozining teqdirini ozgertishini arzu qilatti. Teliyige yarisha, Gulshen yene sekkiz toqquz yil omur koreleydiken, u chaghqa barghanda, chong oghli 15, 16 yashqa kirip, inisi bilen singlisining halidin xewer alalaydighan bolatti. Gulshenning qarishiche, uning qilidighan ishi kisili qozghilishtin ilgiri baliliri uchun koprek pul ghemlesh, ulargha qeyser bolushni, qiyinchiliq ichide qandaq turmush kechurushni ogitishtin ibaret idi.

Gulshen eslide qeyser, xushxuy ayal idi. U iri wapat bolghanda, hichnimisi yoq aile aldida qeyser bolush yolini talliwalghan idi, u hazir ozining saqaymas kiselge muptila bolghanliqini, uning ustige, omrining az qalghanliqini bilgen chaghda, quramigha yetmigen uch balisi aldida yenila qeyser bolush yolini talliwaldi.

Yuqum mudapiye ponkitidikiler we mehelle ish bashqarmisidikiler uninggha ilham we teselli bergili uning oyige kelgende, u kulup turup mundaq didi: - Miningdin ensirimenglar, men bir kun hayatla bolidikenmen, bir kun berdashliq birimen, balilirim aldida ulge bolup, ulargha hayatni qedirleshni chushendurimen, ulargha aniliq mihrimni bexish itimen.

Uning gipining uranidin xuddi bashqilargha teselli biriwatqandek mene chiqatti.
Gulshenning qeyser we umidwar turmush pozitsiyisi yuqum mudapiye ponkitidikilerni qattiq tesirlendurdi, bu aile yuqum mudapiye ponkitining nuqtiliq kongul bolush obyikti bolup qaldi. Bu ponkit teshebbuskarliq bilen Gulshenni qutquzush we uninggha yardem birish pilanini yolgha qoydi hemde mehelle ish bashqarmisining yardimi bilen Gulshen'ge iyigha 200 yuen eng towen turmush kapaliti puli hel qilip berdi.

Ghulja sheherlik yuqum mudapiye ponkiti eydiz kisili bolumining muawin mudiri Wang Juping mundaq deydu: -Bu yerde eydiz kisilige muptila bolghanlar az emes, emma, Gulshen'ge oxshash kiselge we rialliqqa qeyserlik bilen muamile qilidighanlar kem tipilidu.

2005- Yil 5- Ayda shu jaydiki tiliwiziye istansisining muxbiri zeher cheklesh teshwiqatigha maslishish yuzisidin eydiz kisilige muptila bolghan qeyser we musteqil ish korguchi Gulshenni ziyaret qildi. Gulshenning bishigha kelgen qismetning menbesi zeher bolghachqa, u zeherge chish tirniqi bilen och idi, shunga u baturluq bilen ornidin des turup, oz kechurmishliri arqiliq teshwiqatqa maslashti.

Hazir Gulshen pat pat biaramliq his qilidighan bolup qaldi, eydiz kisilige egeshme kisellik alamiti uning organizmida asta asta korulmekte idi. Yuqum mudapiye ponkiti uning omrini tiximu uzaq waqit dawamlashturush umidide uni paal qutquzmaqta. Gulshen xuddi bipayan chol jeziride osidighan chighqa oxshash, intayin nachar muhitta qeyserlik bilen yashimaqta. U hayatigha kelgen bu balayi apet dawamida ozila tiriship tirmishiwatqini yoq, u bu tirishish tirmishish dawamida bashqilargha tiximu kop mihrini ata qilishni, bolupmu yitim qiz Nurnisagha mihrini ata qilishni untup qalmidi.

Unregistered
03-03-06, 10:29
gulxandek biguna, mihriban ,keyser we behitsiz anining hayati mini nurhun oy-pikirlerge saldi ... ah !uygurumning bexiha kelgen bu bala-kaza kaqanhiqe dawamlixar , zamanimizdiki 1000 lihan gulxenning tehdirini kimmu ozgerteler ,dedimizge kimmu yiter!