PDA

View Full Version : Qehrimanlirimiz Nawagh Saqchixana Ogzisige Sherqi Turkistan Bayrighini Qadighan



Unregistered
23-07-11, 11:13
Hujumchilar nawagh saqchixanisining ögzisige ay yultuzluq kokbayraqni qadighan

Muxbirimiz shöhret hoshur

2011-07-22

Hujumchilar hujum dawamida saqchixanining chiqip xitayning beshyultuzluq qizilbayriqini élip tashlap, ornigha sherqi türkistan bayriqini yeni ay yultuz kükbayraqni qadighan.


mil.huanqiu.com

Xoten choqu baziri nawagh saqchixanisi. 2011-Yili 18-Iyul.


Tünügün bir türküm xitay we chetel muxbirliri xotenge yétip bérip, xitayning nawagh saqchixanisining hujumgha uchrash ehwali heqqide melumat igiligen. Muxbirlar bu nöwet xitay dairiliri teminligen uchurlardin bashqa, yerlik saqchixana xadimliri we etraptiki ahalilerdinmu ehwal igiligen.


Xelqara axbarat wasitiliridin iqtisadiy waqit gézitining etraptiki ahalilerdin igilishiche, pidaiylar, saqchixanigha basturup kirgendin kéyin, saqchixanining ögzisige chiqip xitayning beshyultuzluq qizilbayriqini élip tashlighan. Buning ornigha sherqi türkistan bayriqini yeni ayyultuzluq kökbayraqni qadighan. Xitay hujumchilarning qolidiki bayraq mesiliside herxil uchur bérip kelgen.


Xitayning bezi xewerliride bölgünchilik bayriqi déyilse, beziliride jahad bayriqi déyilgen. Xitayning yer shari gézitining bügünki süretlik xewiride pidaiylarning saqchixana ögzisige bayraq qadighan chaghda ögzige chiqish üchün qollanghan shota we tunglükning resimi körsitilgen. Resimning chüshendürüshide, qadalghan bayraqni bölgünchilik bayriqi dep atighan. Xitayning besh yultuzluq qizl bayriqining élip tashlanghanliqi, ornigha ay yultuzluq kökbayraqning qadalghanliqi tilgha élinmighan. Bügünki xewerlerdin melum bolushiche, hujumchilar saqchixanining sirtidiki xitay puqralirigha hujum qilmighan. Hujumchilar saqchixanigha basturup kirgende uyghur saqchi reyhangülge udul kelgen bolsimu uni öltürmigen. Hujumchilar saqchixanigha basturup kirgende bezi xadimlar üstelning astilirigha möküwalghan. Reyhangül dérizidin qéchip chiqip kétish pursitige érishken.




Nawagh saqchixanisining oq izliri bilen tolghan ögzige chiqish éghizi. 2011-Yili 18-Iyul.



Xitayche xoten uchur torida bayan qilinishiche, charshenbe küni kechte, yene ikki neper xitay sheher ichidiki bir köwrükning üstide öltürüwétilgen. Buning bilen bir qisim xitay puqraliri saqchixanilargha bérip öz bixeterliklirining qoghdalmaywatqanliqi heqqide shikayet qilghan. Xitay dairiliri tünügün we bügün axbaratqa bergen bayanatlirida, hujumchilarni yene térrorluq bilen eyibligen.


Weqe heqqide xewer bergen gherb metbuatliri we dunya uyghur qurultiyini térrorchilargha hésdashliq qildi dep eyibligen. Dunya uyghur qurultiyining reisi rabiye qadir xanim, bügün yene bir bayanat élan qilip xitayning weqe heqqidiki inkaslirigha jawab qayturdi. U bügünki bayanatida, «saqchixanigha hujum qilish térrorluq weqesi emes» dep ipade bildürdi.


Rabiye xanimning bildürüshiche, xitay saqchi organliri hakimiyet üchün xizmet qiliwatqan we zorawanliq yürgüzüwatqan dölet apparatliridin biridur. Rabiye xanim bayanatida uyghur rayonluq hökümet bayanatchisi xu xenminning sözlirini ret qilip mundaq dégen «xitayning bu tür hujumlarni térrorluq bilen eyiblesh salahiyiti yoq. Xitay bundaq bir salahiyetke érishish üchün, aldi bilen puqralirining söz we teshkillinish erkinlikige yol qoyushi kérek.» Rabiye xanim yene xitayning uyghur rayonida xalighanche tutqun qilishni, adaletsiz ölüm jazasini we türmilerdiki qiyin-Qistaqni toxtatmay turup, özi uchrighan qoralliq qarshiliqlarni térrorluq déyishke téximu heqqi yoqluqini bildürdi.


Rabiye xanim bayanatida, xitay hökümitini weqening seweblirini cheteldin yaki bashqa yer asti teshkilatlardin izdimey, özining tüzüm we siyasitidin izdeshke chaqirdi. Bayanatta bildürülüshiche, uyghur élining yer asti bayliqlirining bulap-Talinishi, xitay köchmenlirining uyghur rayonigha toxtimastin éqip kirishi, uyghurlarning milliy we diniy kimlikining üzlüksiz zerbige uchrishi shundaqla, 5 ‏-Iyuldin kéyin toxtimay dawamlishiwatqan basturush heriketliri bu qétimqi saqchixanigha hujum qilish weqesining asasliq sewebliridur.


Rabiye xanim bayanatida özining yillardin béri xitay hökümitini, uyghurlarni zorwanliq yoligha mejburlimasliqqa chaqirghanliqini, emma buninggha xitayning qulaq salmighanliqini tekitlidi. Rabiye xanim yene dunya jamaitini hujumchilarning qolliridiki qoral bilen xitay terepning qolidiki qoralni sélishturup béqishqa chaqirdi we mundaq dédi: «ular özlirining tirik qalmaydighanliqini bilidu, shundaq turuqluq, yene néme üchün bu hujumni qilalidi? chünki ularda bügün hoquq yoq, ularda mal dunya-Yoq, ularda xizmet we yashash imkani yoq.»


Rabiye xanim bayanatining axirida, xitay dairilirini uyghurlarning erkinlik iradisini basturush arqiliq yoq qiliwétish pilanining xata ikenlikini tonushqa we bu niyitidin waz kéchishke chaqirdi




http://www.rfa.org/uyghur/xewerler/tepsili_xewer/xoten-weqesi-07222011223157.html