PDA

View Full Version : xitay küreshchilirimizni öltüreligen bilen, küreshlirimizni öltürelmeydu dédi



Unregistered
09-07-11, 04:18
Mejit el shafi: xitay küreshchilirimizni öltüreligen bilen, küreshlirimizni öltürelmeydu dédi
Ixtiyariy muxbirimiz gülshen abduqadir
2011-07-08
Mejit el shafining uyghur dawasigha we uyghurlargha ilham we ümid béghishlaydighan nutqi torontoda yashawatqan uyghurlarning qizghin alqishigha érishti.


RFA/Gulshen

«Bir erkin dunya» teshkilatining reisi mejid el shafi.

5-Iyul küni torontodiki bir chérkawda ötküzülgen «bir erkin dunya» teshkilatining uyghur dawasini qollash yighilishida söz qilghan «bir erkin dunya» teshkilatining reisi mejit el shafi uyghur dawasigha we torontodiki uyghurlargha zor ilham we medet berdi. U: «xitay hökümiti qiyin-Qistaqliri arqiliq jismimizni aghritalighan bilen rohimizni xoritalmaydu. Xitay hökümiti küreshchilirimizni öltüreligen bilen, küreshlirimizni tosup qalalmaydu» dédi. Uning uyghur dawasigha we uyghurlargha ilham ümid béghishlaydighan bu nutqi torontoda yashawatqan uyghurlarning qizghin alqishigha érishti.U yene uyghurlargha: «eger xitaylar silerge uyghurlarning erkinlikke érishishi mumkin emes dése, siler ulargha axirqi pellide körüsheyli dep jawab béringlar, dunyada mumkin bolmaydighan ish yoq» dédi.


«Bir erkin dunya» teshkilatining reisi mejid el shafining shu künki nutqidin mundaq dédi:
«Bizning zulum qilghuchilarni yéngishta peqet ikkila yolimiz bar, 1-Si bir-Birimizge ishinish. Bu yerde men uyghurlarning bir-Birige ishinishini közde tutqinim yoq, men musulmanlar, yehudiylar we xristiyanlar shundaqla tibet, falunggong we uyghurlarning öz-Ara bir-Birige ishinishini nezerde tutuwatimen. Biz yashawatqan bügünki bu dunya barawer bolmighan heqsiz bir dunya. Bu barawersizlik we heqsizliqkler zalimlarning zulumdin emes belki yaxshilarning süküt qilishidin kélip chiqqan. Eger qarangghuluq uzun dawamlashqan bolsa, bu yoruqluqqa intilgüchilerning bolmighanliqidin we yaki bir yorutquchining bolmighanliqidin bolghan.»


Mejit el shafi sözining dawamida özini emeliy turmushta duch kelgen mundaq bir misalni sözlep ötidu:«bir küni men melum bir murasimda bir xitay diplumat we bir xitay zhurnalst bilen uchriship qaldim. Men ulardin, kélechek bir küni tibet we uyghurlargha kishilik hoquq we démokratiye bérersilermu? dep sorighinimda, ular, bu mumkin emes, dep jawab berdi. Men ulargha, undaqta axirqi pellide körüsheyli, dep jawab berdim. Chünki dunyada mumkin bolmaydighan ish yoq.


Men kanada uyghur jemiyitining reisi ruqiye bilen bu uchrishshni ötküzüsh üchün axirqi qétim uchrashqan waqtimda, u manga 5-Féwralning uyghurlar üchün musibet küni ikenlikini, eger bügünkidek bir künde ussulchi teklip qilsa, uyghurlarning uningdin qattiq renjiydighanliqini éytti. Men silerni shuni tekitlimekchimenki, eger biz usullirimizni toxtatsaq, eger biz tebrikleshlirimizni toxtatsaq, eger biz söyünüshlirimizni toxtatsaq, bu xitayning ghelibisi démektur. Biz öz-Ara tebessum bilen 5-Iyul qurbanlirini tebriklesh üchün bu yerge jem bolduq. Néme üchün? chünki xitay hökümiti qiyin-Qistaqliri arqiliq jismimizni aghritalighan bilen, rohimizni xoritalmaydu. Qorqmasliq jasaret emes, belki qorqunchluq weziyetni yéngip dawamliq algha basmaq mana bu jasarettur.»


Mejit el shafi yene özining uyghur dawasining yénida bolghanliqidin ghurur hés qilidighanliqini bildürdi.


Mejit el shafining shu künki nutqining ichide u otturigha qoyghan 2-Dawa yolimu uyghurlar üchün intayin muhim ehmiyetke ige bolup u yene mundaq deydu:
«Biz bendiler allaning qulliribiz. Allahtin ayrilghan bir dawani tesewwur qilish mumkin emes, eger allahtin ayrilghan halda dewa qilimen dégüchiler bolsa ulargha deydighinimiz, sanga amet tileymen. Yéngilip qélish bizning tallishimiz emes, waz kéchish bizning lughitimizde yoq. Men silerge bu yerde chongqur ishench bilen shuni éytalaymenki, küchlük diniy étiqadi we eqidisi bolghan ademla xeter we tosaqlardin külüp turup ishench bilen mangalaydu. Undaq ademler her qandaq waqitta sewir-Taqet bilen külüp turalaydu. Biz herqandaq qarangghuluqtimu ümid shamlirini kötürüp mangghuchilar, düshminimizning qudretlik yadro qoralliri, ghayet zor herbiy küchi bolsa, bizning ulugh, hemmige qadir allahimiz bar, xitaygha oxshash zomiger küchler, küreshchilirimizni öltürelishi mumkin, emma küreshlirimizni hergiz tosup qalalmaydu.»


Kanadadiki «bir erkin dunya» teshkilatining reisi mejit el shafining shu künki nutqi torontoda yashawatqan uyghur arisida zor ghulghula peyda qildi. Buning bilen birge yene, kanadadiki keng ammiwiyliqqa belgilik nopusqa we siyasiwiylikke ige ammiwi teshkilatlar uyghur dawasinimu xuddi tibet we falunggong dawasigha oxshash öz qoynigha aldi.


Uyghur közetküchiler: kanadadiki uyghur dawasini kanada ammiwi teshkilatlirining qollishigha érishishi kérek dep qarap kelmekte idi. «Bir erkin dunya» teshkilatining uyghur dawasini qollaydighanliqini élan qilishi kanadadiki uyghur dawasining kélechikige yéngi ümid élip kelmekte.


Copyright © 1998-2011 Radio Free Asia. All rights reserved.