PDA

View Full Version : Bengbash bėlijan



Unregistered
26-06-11, 02:30
yazning tomuz issiqida sheherning gherbidiki kölning süyi pargha aylinip, Tügeyla deptu. shu wejidin bu kölde yashawatqan ana bėliq bilen uning bėlijėni jan helekchilikide qaptu. bichare ana bėliq bėlijėnining nalisige chidimay, Uning laygha milen'gen dümbisini silap turup:

— köz göhirim, Bėlijėnim, Hergiz qorqma, Ümidwar bol, Mushu nechche kün ichide yamghur yėghishi mumkin. yamghur yaghsa kölmu sugha tolidu–de, biz yene qayta erkin üzüp yashawėrimiz — dep teselliy bėriptu. hayatidin ümid üzgen bėlijan teste quyruqini aran midirlitip turup:

— yamghur yėghip, Kölimiz sugha tolup, Qayta hayatliqqa ėrishelisem gėpingizni anglap, Shoxluq qilmay, Edeplik bala bolghan bolattim, — dep özigimu, Anisighimu wede bėriptu.

ularning haligha tebietning rehmi kelgenmu, Eytawur, Shu kėchisi yamghur yėghip, Köl sugha toluptu. ana bėliq bilen bėlijan qayta hayatliqqa ėriship, Suda behuzur üzüp oynaptu. bolupmu bėlijan xushalliqidin qin–qinigha patmay qaptu. birdem su yüzige sekrep mollaq atsa, Birdem su astigha shungghup ghayip boptu. buni körgen ana bėliq bėlijanning shoxluqidin ensirep:

— boshraq sekrigin qozam, Shoxluqni chektin ashuruwetmigin. alimadis birer pėshkellikke yoluqup, Yürikimni puchulimighin. qurghaqchiliqtiki ėchinishliq halimizni ėsingdin chiqarma, — dep eskertiptu.

biraq, Shox, Bengbash bėlijan anisining gėpige ėrenshimeyla sugha shungghuptu. süzük suda xudini yoqatqan bėlijan bara–bara anisigha we özige bergen wedisini untup, Özi bilgenche qalaymiqan sekrep oynaptu.

bir küni u tėximu heddidin ėship bar küchi bilen su yüzidin bir sekreptiken, Qangqip chiqip köl boyidiki qiziq qumgha paqqide chüshüptu. bėlijan qumda piltinglap jan talishiwatqanda, Ozuq izdep yürgen bir ala müshük derex arisidin ėtilip chiqip, uni basmaqdap chishliginiche apirip aslanlirigha ozuq qilip bėriptu. bichare ana bėliq shoxluqi bėshigha chiqqan bėlijanning ėchinishliq halini körüp:

Bėlijėnim–bėlijan,

Anglidingmu zarimni.

Puchiliding axiri,

Mėning yürek–baghrimni.



Kirgen bolsang sözümge,

Bengbashliqmu qilmasting.

Chėghidiraq oynisang,

Müshükke yem bolmasting.

— dep zar–zar yighlaptu. epsus, U qanche yighlighan bilen ornigha kelmeydu–de.