PDA

View Full Version : Berlinda Qazaqistan we Xitay elchixanisi aldikiki namayish heqqide uxturush



YShTB uxturushi
03-06-11, 07:03
Berlinda Qazaqistan we Xitay elchixanisi aldikiki namayish heqqide uxturush

Eziz qerindashlar,

sizlerge melum bolghinidek, Qazaqistan hökümiti uzun yillardin buyan, Xitaydin alidighan iqtisadi menpeetler bedilige, özi imza qoyghan BDT musapirlarni qoghdash ehdinamisining we Xelqaraliq kishilik hoqoq pirinsiplirining rohigha Xilapliq qilip, Xitayning ziyankeshlikidin qurtulush üchün Qazaqishqangha qechip chiqqan Uyghur musapirlirini Xitaygha qayturup berish qilmishini izchil dawamlashturup kelmekte, tunji bolup 1998 – yili Hemit memet qatarliq 3 neper Uyghur siyasi qachqun Xitaygha qayturup berilgen, netijide bular Xitay hakimiyiti teripidin wehshilerche öltürülgen, undin keyinmu yene köpligen qerindashlirimiz Qazaqistan hökümiti teripidin Xitaygha qayturup berilgen idi.

Qazaqistan hökümi, chetellerdiki Uyghurlarning qattiq naraziliqigha we Xelqaralik kishilik hoqoq teshkilatlirining küchlük eyiplishige qarimastin yene 5 – ayning 31 – küni Sherqiy türkistandin 2009 – yili 24 – sintebir küni ming bir japa – musheqqetler bilen Qazaqistangha qechip chiqip, BDT ning Qazaqistandiki orginidin siyasi panahliq tiligen we panahliqi qobul qilinip Shiwitsiyege yolgha selinish aldida turghan Ershidin Israyil isimlik qerindishimizni qanunsiz halda tutqun qilip Xitaygha qayturup berdi, shundin buyan Dunyaning herqaysi elliride yashawatqan qerindashlirimiz we Uyghur teshkilatlirimiz DUQ ning yetekchilikide Qazaqistanning bu gheyri insani qilmishigha we Uyghur musapirlirigha izchil halda qaritip kelgen düshmenlik pozitsiyesige, shundaqla BDT musapirlar ali komusserlikining mesuliyetsizlikige bolghan naraziliqlirini bildürüp kelmekte.

Bu munasiwet bilen, DUQ ning chaqirigha awaz qoshup, DUQ merkizi orgini bilen Yawropa Sherqiy Türkistan Birliki teshkilatining uyushturushi bilen, 6 – ayning 7 – küni Qazaqistanning we Xitayning Berlindiki bash elchixaniliri aldida ayrim – ayrim halda naraziliq namayishi ötküzülmekchi, Germaniyede yashawatqan pütün qerindashlirimizni Xitayning yawuz changgiligha chüshüp qalghan we hayati xeter ichide qalghan Ershidin Israyil qerindishimizgha bolghan hesdashliqini bildürüsh üchün bu qetimqi namayishimizgha toluq qatniship berishke chaqirimiz, chünki, Qazaqistan hakimiyitining yuqarqidek gheyri insani qilmishigha we Xitay hakimiyitining Xelqimizge qaritip keliwatqan zulum siyasitige naraziliqimizni bildürüsh bolsa biz muhajirette yashawatqan barliq Sherqiy türkistanliqlarning wijdani we milliy burchidin ibaret !

Eger xizmet we bashqa alahide seweplerdin namayishqa qatnishish imkaniyiti bolmighan qerindashlirimizning her birining 50 euro yardem qilishini ümit qilimiz, chünki Münchendiki qerindashlirimizni berlingha elip berish üchün mexsus aptuwuz kiralinidu, undin bashqa yene namayishqa zörür kereklik bolghan nersiler üchünmu melum derijide iqtisat ketidu, qerindashlirimizning bu azghine pidakarliqni körsüteleydighanliqigha ishinimiz !

Namayishning waqti : 2011 – yili 6 – ayning 7 – küni etigen 9:00 – 13:30

Namayishning orni : Qazaqistan elchixanisi aldidiki namayish 9:00 – 11:30 giche

Xitay elchixanisi aldidiki namayish 11:30 – 13:30

Namayishchilarni Berlingha elip baridighan aptuwuz 6 – ayning 6 – küni kech saet 11:30 da DUQ ning Münchendiki merkizi ishxanisi aldidin yolgha chiqidu, shunga qerindashlirimizning waqitqa riaye qilishini ümit qilimiz.

DUQ merkizi orgini
Yawropa Sherqiy Türkistan Birliki

2011-yili 6-ayning 3-kuni