PDA

View Full Version : Barsa keler yolmu,barsa kelmes yolmu?



Chaplighuchi
21-02-06, 17:23
Sherqiy Turkistan Surgun Hokumitining sabiq bash ministeri Enwer Yusup ependining atalmish Shinjiang Uyghur Aptonum Rayonigha qilghan gheyriresmiy ziyariti weten ichi we sirtida yashawatqan Uyghurlar arisida jiddiy ghulghula peyda qildi. Bu siyasiy hadisige ulapla, yene, Shewitsiye Uyghur Jemiyiti bayanat elan qilip, ushbu teshkilattiki ikki neper ezani atalmish XUAR gha berip kelgenlik sewebi bilen teshkilattin chekindurgenlikini bildurdi. Qarighanda, "mesile" bu yerde Uyghur jamaet pikri dairisidin halqip, teshkiliy mesilige aylan'ghandek qilidu. Demisimu, diqqet qilsaq shu xulasige kelimizki, bu tegi-tektidin elip eytqanda bir teshkiliy mesilidin ibaret. Hazirghiche, weten sirtidiki herqandaq bir Uyghur siyasiy teshkilatining nizamnamisida "weten'ge berip kelish" mesilisi bir madda supitide tilgha elin'gheni yoq. Undaq iken, melum siyasiy teshkilatning weten'ge berip kelgen melum bir ezasigha qaysi nizamnamining qaysi maddisigha asasen muamile qilish kerek?! Hazir boluwatqan ghulghulining kelip chiqishi del mushu yerde. Demek, mesile - teshkiliy nuqsanliqtin ibaret.

Buninggha asasen, Shewitsiye Uyghur Jemiyitining mezkur qararini qanunsiz qarar dep supetleshke bolidu. Chunki, qarar hechqandaq bir maddigha asaslan'ghan emes. Hettaki, bu zalim qararda "pokuni nizamnamining manchinchi maddisigha asasen" deydighan gepmu yoq, xuddi bu "Bildurge" melum bir teshkilatning hojjiti emestek! Oz mentiqisidiki bu ziddiyetni hel qilish uchun, Shewitsiye Uyghur Jemiyiti ye neyzide ye qalqanda turishi kerek, demekchimenki, yaki ozining teshkilat emesligini yaki bolmisa "Bildurge"sining hojjet emesligini etirap qilishi kerek. Ikkining biri! Bolmisa, neyze bilen qalqan arisida Uyghur jamaetchilikining kulkisige qalidu.

Emdi, sabiq bash minister Enwer Yusup ependi we Shewitsiye Uyghur Jemiyitining mezkur ikki "qoghlandi" ezasigha keleyli. Eger ularning weten'ge bolghan "ziyaret"i melum teshkilatqa wakaliten resmi ziyaret bolmay, gheyriresmiy (shexsiy) ziyaret bolsa, Sherqiy Turkistan'gha emes, atalmish Shinjiang Uyghur Aptonum Rayonigha qilin'ghan ziyaret bolsa, bu ularning kishilik hoquqidur. Elwette, Xitay Xelq Jumhuriyiti hokumiti ularning resmiy ziyaritini qobul qilalmaydu, chunki, Beijing hokumiti Sherqiy Turkistanni etirap qilmaydu, shundaqla, bu ependiler barghan zeminmu Sherqiy Turkistan emes, chunki, Sherqiy Turkistan'gha chet'ellik salahiyitide berish uchun ozliri turiwatqan doletlerdiki Sherqiy Turkistan konsulxanisidin wiza elishi shert.

Eniqki, bu ependilerning ziyariti gheyriresmiy ziyaret bolup, barghan yeri Xitay Xelq Jumhuriyitining egilik hoquqidiki Shinjiang Uyghur Aptonum Rayonidur. Biraq, atalmish XUAR - eslide egilik hoquqluq dolettur, nami Sherqiy Turkistandur, dep qarash Uyghurlarning milliy hoquqidur. Xuddi, Shewitsiye Uyghur Jemiyiti neyze bilen qalqanning arisida kulkige qalghandek, bu ependilermu ozlirining kishilik hoquqi bilen milliy hoquqi arisida ghulghula peyda qiliwatidu. Herqandaq bir Uyghur, ozining milliy hoquqi uchun kuresh qilimen deydiken, aldi bilen, ozining bezi kishilik hoquqidin mehrum bolishini oylinip qoyishi, bundaq qurbanliqni semimiy qobul qilishi kerek!

Xitay Xelq Jumhuriyitining atalmish XUAR ga nisbeten egilik hoquqini qobul qilmasliq - nowette weten sirtida paaliyet elip beriwatqan Uyghur siyasiy teshkilatlirining milliy pirinsipi. Milliy pirinsip - qurbanliq qilishlargha muhtaj. Bundaq milliy pirinsip uchun ozining bezi kishilik hoquqini qurban qilishqa teyyar bolmighan Uyghur aldirap "barsa kelmes yol"ni tallimasliqi kerek. Milliy kuresh, yene bir menidin elip eytqanda, pirinsip uchun jandin kechistur. Teshkiliy hayat, bolupmu Uyghurlarning teshkiliy hayati mana mushundaq baghri tash hayat! Ademge nisbeten hayatliqtinmu artuq kishilik hoquq bolamdu? Shehitlirimiz milliy pirinsip uchun, nowiti kelgende, ene shu muqeddes hayatidinmu waz kechtighu!

Kishilik hoquq - barsa keler yol. Milliy hoquq bolsa - barsa kelmes yoldur. Bu ikki yolning qaysisini tallash herbir Uyghurning tughma heqqi. Chunki, meningche, bir Uyghurning melum milliy pirinsipni qobul qilmasliqi uning siyasiy erkinligidur.

Exmetjan Osman

Bu maqalining menbesi:

http://www.uyghur1.com/uyghur/index.php