PDA

View Full Version : 2-nöwetlik dunya uyghur yashliri dostluq we hemkarliq uchrishishi shwétsiyide ghelibi



Unregistered
12-04-11, 11:21
http://www.uyghurcongress.org/uy/

2011-yili 4-ayning 11-küni
D u q yashlar komitéti

Dunya uyghur qurultiyi (d u q) re’isi, milliy rehbirimiz rabiye qadir xanimning righbetlendürüshi, d u q herqaysi rehberlirining yéqindin köngül bölishi, shwétsiye uyghur komitéti we shwétsiyidiki uyghur yashlar jama’itining sahibxaniliqi bilen, d u q yashlar komitéti teripidin uyushturulghan 2-nöwetlik dunya uyghur yashliri dostluq we hemkarliq uchrishishi shwétsiyining paytexti stokholim shehiride 2011-yili 4-ayning 8-10 künlirigiche daghdughiliq ilip bérildi.

D u q yashlar komitéti teripidin 2010-yili 10-ayning 22-24 künlirigiche gérmaniyining myunxén shehiride tunji nöwetlik dunya uyghur yashlar dostluq we hemkarliq uchrishishi muweppeqiyetlik ilip bérilghandin kiyin, dunya ning herqaysi jayliridin kelgen jenggiwar, ot yürek, wetenperwer uyghur oghul qiz wekiller mushuningdek uchrishishni bundin kéyinmu dawamlashturushqa we shu arqiliq pütün dunyadiki, jümlidin muhajirettiki yashawatqan uyghur yashliri arisida dostluq we qérindashliqni kücheytish, büyük millitimizning medeniyet en’enilirige warisliq qilish, yashlarni wetenperwerlik we millet söyerlik bilen terbiyilep büyük sherqi türkistan milliy dewasigha warisliq qilishqa yétekleshtin ibaret ulugh ghayilirini emelge ashurushqa birlikte heriket qilishqa qarar bergen idi. Ene shu ghaye meqsetlerni könglige pükken herqaysi döletlerdiki uyghur yashlar wekilliri yene bir qétim sitokholimgha jem bolup, shwétsiye uyghur komitéti we uyghur yashlar jamesining sahibxaniliqida özining ikkinchi qétimliq uchrishishini muweppeqiyetlik ilip bardi.

Öz imkanlirining yitishiche bu qétimliq yighin’gha gérmaniye, bélgiye, gollandiye, norwégiye we shwétsiyelerdin yitip kelgen 50 ke yéqin yashlar wekilliri, herxil seweblerdin bu uchrishishqa qatnishalmighan bashqa dölet we rayonlardiki uyghur yashlar jama’itining otluq tilekliri we pikir tekliplirini ilip 4-ayning 8 küni kechte we 9-künliri chüshtin kéyin’ge qeder dunya miqyasidiki uyghur yashlar jama’iti jush urup rawajliniwatqan wetenperwerlik heriketliri qandaq qilip téximu kücheytimiz we sistémiliq tertiplik ilip barimiz dégen chong témini chöridigen halda qizghin munazire ilip bérip konkrét pikir birliki we pilan layihisini shekillendürdi. Buningdin sirt yene ötken yilqi uchrishishta qarar qilin’ghan d u q ning teshkillishidiki dunya uyghur yashliri putbol musabiqisining herxil teyyarliqi xizmetliri heqqidimu jiddiy muzakiriler bolup ötti we konkrét ish pilani békitildi. Bu musabiqe d u q ning teshkillishide, gollandiye we bélgiyidiki uyghur jama’itining sahibxaniliqida 7-ayning 27-31-künlirigiche ilip bérilmaqchi.

Intayin utuqluq netijiler bilen ayaghlashqan bu xizmet yighinidin kiyin, 4-ayning 9-küni kechqurun 200 ge yéqin shwétsiyide yashawatqan uyghur oghul qizlirining qatnishishida shwétsiye uyghur komitéti we shwétsiye yashlar jama’iti teripidin teyyarlan’ghan renggareng medeniyet sen’et kéchilikige qatnashti. Pa’aliyet d u q yashlar ishlirigha mes’ul mu’awin re’isi semet abla ependimning d u q re’isi, milliy rehbirimiz rabiye qadir xanimning tebrik télégrammisi oqushi bilen bashlandi. Pa’aliyet jeryanida d u q yashlar ishlirigha mes’ul mu’awin re’isi semet abla ependi, d u q bayanatchisi dilshat rishit ependi, d u q yashlar komitéting re’isi gheyyur qurban ependi we shundaqla shwétsiye uyghur komitéti re’isi mahinur hesenowa xanim, shwétsiye uyghur yashliri jama’itining mes’uli we bu qétimliq pa’aliyetning bash sahibxani nadire ezizowa xanim qatarliq rehberler bir birlep söz qilip bu xasiyetlik uchrishishni qutluqlidi we pütün dunyadiki uyghur yashlirini mushundaq inaq ittipaqliq we birlikni dawamliq ilgiri sürüshke chaqiriq qildi. Shwétsiyidiki uyghur yashlar jama’iti teyyarlighan nepis medeniyet sen’et nomurliri sorun keypiyatini janlandurdi we herqaysi ellerdin kelgen uyghur yashlirining birlikte oynighan uyghur usuli uyghur yashlirining milliy en’enisige sadiqliqini, uyushqaqliqini we büyük birlikini namayan qilip keypiyatni yuqiri pellige kötürdi.

Bu nöwetlik dunya uyghur yashliri dostluq we hemkarliq uchrishishi özining yighin küntertipidiki barliq tertiplerni muweppeqiyetlik tamamlap, intayin utuqluq netijilerni qolgha keltürüp 4-ayning 9-küni kechte ayaghlashti. Bu qétimliq pa’aliyet uyghur yashlirining inaq, ittipaq we birdeklikini yene bir qétim namayan qilish bilen birge, u larning büyük millitimizning shanliq tarixi we medeniyet en’enisige warisliq qilidighanliqini, ulugh ejdadlirimizning baturluq bilen basqan izliridin méngip, büyük sherqi türkistan dewasining mesh’ilini mesh’ilini öchürmey, öz xelqining hörlüki we sherqi türkistanning azadliqi üchün küreshke teyyar ikenlikni yene bir qétim namayan qildi.

Unregistered
13-04-11, 12:33
yaxsun uyghur yaxliri! kutluk ixliringlar utukluk bolghay!!!