PDA

View Full Version : Barin Inqiwalining netijirili



Unregistered
03-04-11, 16:44
Barin Inqiwalining netijirili
bu maqale Barin inqilawining 21 - yilliqini xatirlesh munasiwiti bilen teyyarlandi.

Musa baytash
1990-yili 5- aprél küni qeshqer-aqtu nahiyisining barin yézisida sherqiy türkistan islam partisi rehbiri zeydun yusup qomandanlighida 200 nechche adem qollirigha chiraq élip tekshi qedem tashlap "allahu ekber" dep yuqiri awazda towlap "ghazat" qilish iradisini bilidürüsh üchün yéziliq hökümetke qarap yolgha chiqqan. Yéziliq hökümet derwazisi aldida bamdat namizi oqughan.
Zeydin yüsüp yéziliq hökümetke xitab qilip mundaq dégen:
".... Her qandaq hökümet adem öltürgenlerni atidu. Yézimizda 250 ayalning balisi chüshürwétildi. (1989 - yili bir yilliq sanaq) bundaq qilish qatilliq hésablinamdu? Hésablanmamdu? Néme üchün étilmaydu?.... İchkiridin ürümchige her 15 minutta bir poyiz kélip turidiken, kelgenlerning hemmisi xitay, biz uyghurlargha pilanliq tughutni yolgha qoyunglar dégendin köre xitaylarni keltürmise bolmamdu...? Biz küresh qilip xitaylarni sherqiy türkistandin qoghlap chiqirishimiz kérek.... Pilanliq tughut emeldin qaldurulsun. Sherqiy türkistan'gha xitay köchürüsh toxtitilsun. Xelqimiz üstidiki séliq mejburiyet yenggillitilsun. Xitay milletchiliki tügitilsun, izishke, yutuwélishqa, xorluqqa qarshi turimiz. Dégendek telepler sun'ghan" kéyin yéziliq hökümetke bésip kirip resmi heriketni bashlighan.
Kéyin ular yéziliq hökümet binasi we qorasini igilep basturushqa kelgen xitay eskerliri bilen resmi jeng qildi. Xitaylarning sani 500 qoralliq herbi - saqchisining qattiq qarshiliqqa uchrap ilajisiz qalghachqa 6 - aprél seher saet 4 yérimda 400 din artuq zamaniwi qorallan'ghan xitay herbi qoshuni hujumgha ötti. Arqidin yene 10 nechche ming muntizim xitay armiyesi keltürüldi. Hawa armiyesi, bngtwen topchi qisimliri, tank qatarliq éghir qurallar bilen qorallan'ghan herbi qisimlar bolup jemi 18 ming herbi we saqchi qismliri qozghilangni basturushqa qatnashti. Birmunche xitay we milli munapiqlar mujahidlirimiz teripidin öltürüldi. Lékin düshmenning küchi nahayiti zor bolup yardemsiz qalghan mujahidlar jengning ikkinji küni yeni 6 - april künila 48 kishi shehid qilinip 193 kishi yarilandi. 30 mujahid tutqun qilin'ghan. 10- april ettigen saet 3 yérimghiche bolghan qarshiliq jengliride yene 59 uyghur shéhid bolghan. 7 kishi éghir yarilinip esirge chüshken. Chékiniwatqanlardin 200 nechchisi tutulghan. Jemi 5 künlük jeng heriketliri jeryanida 107 mujahid shéhidlik sherbitini ichti. Ularning arisida qomandan zeydun yusup, is'haq hoshur, muhemmet turdi,muhemmet tursun qatarliq barin jihadining yétekchilirimu bar.

Urushning ikkinji küni barin mujahidlirigha teng kélelmigen xitay eskerler yardem telep qilghan netijide yene 4000 xitay eskiri yardemge kélip urushqa qatnashqan. Kéyin yene qashigher we qizilsu oblastidin 15 ming quralliq esker ewetken.xitay buni az dep yene hawa armiye qisimliri, topchi qisimliridin 3000 kishilik qoshun bilen barin'gha bésip kirgen we omumiyüzlük hujum qozghap qéri ‏- yash démestin qara - quyaq oqqa tutup nurghun awam-puqralarni, mesum buwaqlarni kolliktip qirghin qiliwetken. Barin yézisi xitay qanxur jallatlirining qurshaw astida qalghan.

Xitayning shu waqitta élan qilghan melumatigha asaslan'ghanda, qanxor xitaylar mujahidlarimizdin 48 ni shehid qilghan we 200 kishini yarilandurghan, birinji qétim élan qilishta 30 kishi kéyin 59 axirida 200 din artuq kishini tutqun qilghanliqini élan qilghan.

Zalim xitay tajawuzchiliri barin jihadigha yardem bergen we hisdashliq qilghan dégen töhmet bilen qeshqer wilaytitidiki 10 nahiye-sheherdin 2000 uyghurni naheq qamaqqa aldi. Barin yézisini xarabiliqqa aylanduruwetti. Xitay jallatliri hetta büshüktiki bowaqqa oq yaghdurghan. Bu weqedin kéyin xitay basqunchiliri herbi qisim, saqchi - jandarma we bingtwen 1-2-3-4-5-6-déwiziyeliri eskerlirini seperwer qilip qeshqer,'atush,xoten we aqsu wilayetliri tewelirini uzaqqiche muhasire qildi.

Qanxor jallat sung xenliyangning bildürüshiche, barin mujahidlirining sani 500 iken, buningdin 107 mujahidni étip tashlighan toplam 289 kishini tutqun qilghan.
500 kishilik mujahidlargha qarshi xitay bu urushqa toplam 22454 quralliq esker qatnashturup 4 ‏- ayning 5 ‏- künidin 4- ayning 10 ‏- küni saet 3 kiche 5 kün dawam qilghan. Bu urushqa xitay qoralliq saqchi qisim zungbosining muawin silngyüeni wang winli bilen jamaet xewpisizlik ménistirliki 1 - idraisining bashliqi ten sungchuni dégen xitay merkezning xizmet guruppsi qeshqerge kélip barin mujahidlirini öltürüsh herikitige yétekchilik qilghan.
Démek barinda 500 mujahid 22454 esker bilen 5 kéche ‏- kündüz urush qilghan. 19 ming nopusi bolghan barin xelqini 22454 esker muhasirge alghan, yeni barinda bir kishige birdin artuq esker toghra kelgen.
Shundaq qilip 1990 - yil 4 - ayning 4 - küni chüshtin kéyin saet 2 din bashlap 4 - ayning 10 - küni ettigen saet 3 giche 7 sotka yeni (168 saet) qattiq jeng bolghan. Allah ta`ala qur'an kérimde , silerdin 20 neper chidamliq sebirchan kishiler bolsa ular 200 neper düshmen üstidin ghelbe qilalaydu. Dégen. Barin mujahidlirining her birige 20 neper emes belki her bir mujahidqa 44 din xitay eskiri toghra kelgen.
1990 - yili 8 - ayning axirliridin étiwaren xitay sot mehkimiliri "barin weqesige alaqidar töt orunda 4 qétim ochuq sot yighini échip 103 kishige jaza höküm qildi. 90 - yili 8 - ayning 30 - küni qizilsu oblastliq sot mehkimisi chüshtin burun höküm élan qilish yéghini ötküzüp sulayman supi, qorban muhemmed, ghupur ewellerge ölüm jazasi berdi.
1990- yili 30- awghustta zalim xitay mujahidlardin sulayman sopi, qurban muhemmet, ghopur ewellerge ölüm jazasi berdi. Emet muhemmet, turghun xoja, exet hesenlerge ölüm jazasini 2 yil kéchiktürüshke, jamal muhemmet qatarliq 5 kishige muddetsiz qamaq jazasi berdi. Jemi 103 kishige jaza höküm qildi. Bulardin bezlirini 6 yildin muddetsiz qamaq jazasigha höküm qildi. Bezilirini ölümge höküm qildi. 36 kishini nazaret qilip özgertishke tapshurdi.

Barin inqilabining ehmiyiti we alahidiliki :
barin inqilawi teshkillik we muntizim üzül-késil bolghan. U sherqiy türkistan xelqining azatliqqa bolghan ümidwarliqini kücheytti. Barin mujahidliri sherqiy türkistan xelqining, ishghalchi xitayning ishghaliyitini qobul qilmaydighanliqini we zulumgha bash egmeydighanliqini kösetti. Bu inqilap xelq'aradimu zor tesir qozghidi. Weten sirtidiki 1934- yildin taki 1980- yilighiche bolghan ariliqta chet'ellerge kétishke mejbur bolghan muhajirlar 1992-yili dékabirda türkiyening istanbul shehridige jem bolup, "sherqiy türkistan milli qurultiyi" ni échishqa türtke boldi we uningdin bashqa yene sherqiy türkistan islam partiyisining qaytidin qurulup weten ichi we sirtida küchiyishi, musulman sherqiy türkistan xelqining xitay tajawuzchigha qarshi jihad sépining kéngiyishige, heqning jezmen ghelbe qilishigha bolghan ishenchning küchiyishige wesile boldi. Sherqiy türkistan xelqining tajawuzchi xitaylarni jezmen qoghlap chiqirip azadliqni qolgha keltürüp musulman xelqimizning dunya we axirettiki bext-saaditini qolgha keltürüsh üchün adaqqiche küresh qilidighanliqini namayen qildi. Barin inqilawi xitay tajawuzchilirigha qattiq bir zerbe urdi!
Barin inqilawidin ilham alghan jenggiwar uyghur pidayi yashlar xitaygha qarshi emeliy heriketke ötti. 1993-yili qarghiliq chong mesjit imami abliz, 1996- yili toqsu mesjidining imami hakim sidiq, 1997- yili bay nahiye mesjidining imami yunus sidiqlar, shu yili qarqashtiki xitay yalaqchisi kadir memet rozimemet, 1999- yili poskam saqchi kadiri xudaberdi toxti, 1997-yili aqsu bingtwén mes'ul kadiri emerjan, awat besh ériqtiki xitayning ghalchisi turdi niyaz, 2001 - yili qeshqer kona sheher sot kadiri-xain memetjan yaquplar uyghur musteqilchi jengchiler teripidin jazalinip öltürüldi.
1996- yili kuchar ala qagha yézisida pütkül xitay siyasi kingesh ezaliri, atalmish uyghur aptonom rayoni xelq qurultiyi wekili qawul tuqa, xitay islam jemyiti daimi ezasi, hemde uyghur aptonom rayoni siyasi kingesh muawin reisi, qeshqer islam jem'iyitning reisi harunxan jazalinip éghir yarilanduruldi.
1996- yili qarghiliq janggileski yéziliq hökümet binasi 1 muawin yéza bashlighi we bir saqchi, yene bir yézida 3 saqchi we bir xain öltürülgen. 1998-yili poskam seyli yézisidki saqchixanigha hujum qilip bir saqchini öltürüp yene birini yaridar qilghan.
1991- yilidin tartip kuchar, ürümchi, qeshqer,yeken, qarghiliq, poskam, xoten qatarliq jaylarda düshmen eslihelirini partlitish weqeliri yüz berdi. Xitaylar chet'ellerde élip bériwatqan tetür teshwiqatlirida bu qarshiliq heriketlirining sherqiy türkistanliqlar élip bériwatqan térrorluq herikiti ikenlikini jénining bériche tekitlep kelmekte. Emeliyet ishghalchi xitay kommunist hakimiyiti seddichin sépilidin halqip chiqip sherqiy türkistanda dölet térorluq herikiti élip bigunah sherqiy türkistan xelqini qirghin qiliwatidu.
Barin inqilabi qanliq basturulghan bolsimu sherqiy türkistan xelqi qarshiliq körsitish herikitini toxtatmay dawam qildi. 1990- yillarning 1- yérimida sherqiy türkistanda körünerlik we gewdilik bolghan milli musteqilliq üchün bolghan heriketlerdin:sherqiy türkistan islam islahatchilar partiyisi, qurulghandin kéyin ablimit talip, idrisxan qatarliq rehberleri bashchilighida bezi emili küresh heriketliri arqiliq meblegh toplash, xitay zalimlirigha zerbe bérishke oxshash emeliy heriketlerni ishqa ashurdi. 1992- yili awghustta ulardin ablimit talip, idrisxan, xélil altun, memitimin yunus, memitimin séyit, memitmin abduwéli qatarliq 7 kishi qarghiliqtin yolgha chiqip mexpi halda afghanistan we keshmir chégrasigha 15-25 kilométir qalghan ariliqta qoghlap kelgen xitay chériklirining qorshawigha chüshüp qalghan. Oksigin yétishmeydighan igiz taghliq muhitta ular qattiq qarshiliq qilghan bolsimu, axirida yarilinip düshmen'ge esirge chüshüp qalghan. Düshmen tik uchar ayrupilan we zamaniwi qorallar bilen qorallan'ghan eskerlerni ewetip mujahidlarni yarilandurup esirge élip tik uchar bilen qarghiliqqa andin ürümchige élip kétilgen. Mushu chong délo sewebidin sherqiy türkistanning jenubidiki bezi nahiyelerdin 2000 din köprek uyghurni qolgha élip 700 ailini réjimgha élip jazalighan.500 aile jerimane töligenliki heqqide xewer tarqalghan.
Allah pütkül shehidlirimizning gunahini meghpiret qilghay we yatqan yérini jennette qilghay, a`ilirige sebir we salametlik xatirjemlik ata qilghay, türmide yétiwatqan qérindashlirimizni qutqazghay. Bizlernimu shu mujahidlarning izidin méngishqa nisip qilghay. Allah bizgimu barin mujadiliridek jihadi roh ata qilghay.
Musajan baytash

Shihitler Olmes
03-04-11, 21:03
http://www.youtube.com/watch?v=J9gF7iMcHVo


Turkistanning azatliqi Sherqi Turkistan Helqining insandek yashishi uchun Kuresh qilip Qurban bolghan barliq Shihirlirmiz Qelbimizde menggu hayat