PDA

View Full Version : Noruz bayriminglargha mubarek bolsun!



Unregistered
18-03-11, 22:32
Nahayiti yaxshi yezilghan qisqa we menilik chushendurushke .Qapalap qoyghuchi!

Noruz - millitimizning esirlerdin buyan dawam qilip kéliwatqan birdin bir en’eniwy yéngi yilni tebriklesh milliy bayrimidur. Noruz - u yilning béshi, zimistan qishining qoghlunup yéngi bir pesilning almishishi, illiq baharning kélishidur, tebi’etke, weten’ge, ana tupraqqa bolghan muhebbettur; Noruz - u yéngi bir hayatliqning bashlinish muqeddes kunidur.

“Noruz” digen soz Paris tilida “yéngi kun” dégen manani ipadileydighan bolup Iranliqlar we Türkiy xelqlerning ortaq yéngi yilini tebriklesh bayrimidur. Bu bayram qedimdin bashlap Shemsiye kaléndari boyiche yil axirliship yéngi yil kirish küni (miladiye kaléndari boyiche 3-ayning 21-küni) yeni kün bilen tün tengleshken baharning 1-künide ötküzülüp kelgen.

Uyghur millti noruz bayrimini mezmuni mol bolghan her turluk shekiller bilen tebrikleydighan bolup asasliqi tenterbiye we sen’et paaliyetlirini élip bérish, a’ilillerde noruzning xasiyiti suptide noruz maysisi osturush, dala tuzlerde noruz naghrisi chélish, mehellilerde qapaq koydurup aylinip soghuq qoghlash pa’aliyiti élip bérish, oz-ara yoqlash, noruz éshi itish, noruz seylisi qilish we noruzluq arzu- tileklerni bayan qilish qatarliq shekillerde alahide gewdilinidu.

Noruz bayrimi yene oz ara méhri muhebbet, soygu, illiqliq, inaqliq yetkuzush, oz ara epu qilish, kechurush, kélijekke ittipaqliq, omluk we jasaret bilen nezer sélish bayrimidur.

Gerche bu yilliq Noruz bayrimi istibdad Xitay hakimiyiti bugunki kunde Uyghur milliti ustidin tarixita misli korulmigen milliy, siyasiy, diny, medeniy we iqtisady jehetlerdin éghir talan – taraj qilish élip bériwatqan we “5- Iyul” qanliq weqi’esi yuz bérip millitimiz eng éghir musibetlik kunlerni béshidin otkuziwatqan bir mezgilge toghura kelsimu emma En’gliyide yashawatqan Uyghurlar qayghuni kuchke aylandurup, hayatliqning nishani bolghan etige, bu muhajiretlik hayatta weten erkinligining kelgusige mutleq umut baghlash, oz ara ittipaq bolush we omlukimizni mustehkemlesh jumulidin milly enenimizni dawam qildurush we zulumette yashawatqan wetinimiz Sherqiy Turkistan (Uyghuristan) diki millitimizni yad itish, ulargha medet tilesh we bu ulugh milly bayrimimizda wetendin ayrilish hijiranida koygen oz musibetlik yureklirimizge bir deqiqe bolsimu sebir taqet, jasaret, teselli we umut ata qilishtur.

Unregistered
19-03-11, 08:32
Menbesi bu yerdiken:

http://www.uyghurensemble.co.uk/en-html/u-uk-uyghurs-events.html

Unregistered
21-03-11, 08:11
yghurlarning noruz bayrimi toghrisida

Eli ghupur

Noruz bayrimi uyghurlarning uzaq tarixiy tereqqiyatlar jeryanida medeniyet yaritish we medeniyet qobul qilish asasida shekillendürgen, shundaqla ejdadtin ewladqa dawamlashturup kéliwatqan ammiwi asasi küchlük, qedimilikke we omumiyliqqa ige en’eniwi bayramlirining biri. Mezkur maqalide, noruz bayrimining kélip chiqishi we tereqqiyat jeryani, uning tertip-yusunliri we resmiyetliri, shuningdek bu bayramning hazirqi tereqqiyat ehwali bir qeder etrapliq bayan qilin’ghan.

Uyghurlaning uzaq tarixiy tereqqiyat jeryanida özi yashap kelgen jaylarning jughrapiylik alahidiliklirige mas halda tebi’etni tonush, tebi’etni özgertish we shu asasta melum shey’i-hadisilerge choqunush, shundaqla uni eqliy bilish derijisige kötürüp din süpitide étiqad qilish qatarliq bir qatar jeryanlarni bésip ötken.
Uyghurlarning pütkül tarixigha nezer salidighan bolsaq, uyghurlar étiqad qilghan dinliri we ishletken yéziqlirining köplüki bilen alahide közge chéliqidu. Bu xil hadise uyghurlarning medeniyitining renggareng we jezbidar bolushigha belgilik tesir körsetken. Shundaq dep éytishqa boliduki, uyghurlar qubul qilishchanliqi bilen nahayiti küchlük bir millet.

Uyghurlar diniy étiqad jehette xéli murekkep bolghan jeryanlarni bashtin kechürgen bolup, din we medeniyet jehette özige xas bolghan alahidiliklerni shekillendürgen. Tarixiy wesiqiler we arxé’ologiylik matériyallargha asaslan’ghanda, uyghurlar deslepte tebi’et, ejdad we totém étiqadchiliqini bashtin kechürgendin kéyin, shaman dini, mani dini, zoro’astér dini, budda dini we axirida islam dinigha étiqad qilghan. Meyli ejdad étiqadchiliqi yaki shaman, mani dinliri we yaki uyghurlar turmushidin yiraqlashqan bashqa dinlar bolsun, ularning bezibir iznaliri yene birxil medeniyet hadisisi süpitide uyghurlar turmushining herqaysi qatlamliridin chongqur orun alghan. Bu asasliqi en’eniwi turmush adetliri we bayram, murasimlarda gewdilik ipadilinidu...


dawami:

http://pen-uyghur-center-forum.946963.n3.nabble.com/Art-Cultrue-amp-History-Medeniyet-Sen-et-amp-Tarix-f947004.html